大瀛喜日本料理 (已結業)

旺角區咁多放題選擇，梗係要揀返間最新裝修坐得舒服嘅。之前都食過大瀛喜，覺得嘢食質素都OK，依家仲要新裝修埋，環境闊落咗好多。出面自助區有凍盤，有蝦、蜆、青口。熟食亦都唔少，有羊腩煲、瑞士雞翼、咖喱，仲見到有燉燕窩。甜品區同飲品區都好多選擇，如果帶小朋友嚟都啱食，因為有得夾埋糖👍🏻👍🏻👍🏻放題方面佢哋採用Q R自動落單，環保之餘仲好方便，好清晰俾大家睇吓自己食咗幾多嘢😂😂刺身方面分別嗌咗三文魚、八爪魚、北寄貝、吞拿魚等等，全部都好新鮮冇雪藏味，而且order幾多真係嚟幾多件！特別一提，大瀛喜嘅壽司非常出色，一啖一件，尤其係海苔鵝肝壽司、醬燒青口壽司，味道相當好👍🏻熟食方面，最欣賞係燒三文魚同豉汁蒸鱔，一上枱熱辣辣。串燒就叫咗幾轉燒牛舌，牛舌夠厚有口感。炸物最鍾意係炸紫芋丸，特別一提呢度仲有炸鮮奶！食到差唔多夠鐘，店員會走來提示，兼且問需唔需要嗌埋雪糕。總括來講，食物質素好之餘性價比都好高，兩個人埋單都只不過五百幾蚊，可以食足兩個鐘！