大瀛喜日本料理 (已結業)

旺角大瀛喜午市放題定價係228再加一，可以食三個小時，係比任何一噠地方更加適合同朋友相聚，二至六個人咁上下都好適合，好大間，座位寬敞，可以食得好爽。今次不以刺身打頭陣，而係由一個中式湯開場，同埋中華沙律，螺頭作前菜，跟住再慢慢用QR code 點食物。海膽，鮑魚手卷出場先，細細卷唔使擔心食得太飽而食唔到其他嘢。輪到刺身出場，有三文魚，油甘魚，吞拿魚同埋希靈魚，除咗吞拿魚其他三隻都有encore ，咁當然唔止咁少啦，北寄貝，赤貝，帶子，甜蝦，虎蝦和赤蝦亦係必點，而今日啲赤蝦勁大隻鮮甜彈牙所以encore咗幾次。來呢間次次都食嘅花膠料理及烤有機菠蘿依然好值得嗌，今次發現咗一個“櫻花朱古力碎士多啤梨甜筒”超好味呀，我同朋友都好欣賞。係得咁少嘢，當然唔係啦，仲有好多好多吖......

今日去左大瀛喜食午市放題，平日只係$228加一，食足2個鐘！旺角分店裝修新淨光猛，枱與枱之間既空間足夠。平日都有好多客👍🏻外面有沙律吧、飲品區、雪糕、甜品區，少量熱食、炸物。喺出面拎左少少野食就可以安坐用QR code點食物啦！😆今日所食既燒物，例如西京味噌燒比目魚、黃金醬燒開邊蝦、醉鮑魚、黃金炒海邊蝦都幾好味！另外，卷物、火炙壽司、一品料理，味道都好到位，真心不錯，有d我仲encore左添！刺身質素則屬正常，太冰凍反而影響口感，所以試左幾款就無encore了。最後用雪糕同爆谷劃上一個圓滿既句號☺️總結：抵食！亦好滋味！😋😋😋滿足！

又係食都諗唔到食咩嘅時候，就揀咗食放題❤️。大瀛喜系列嘅放題都有好幾間，對於呢個brand 幾有信心🫶。座位空間都算寬躺嘅，夠放自己belongings，枱面夠放自己點嘅各樣美食。而且座位同座位之間嘅距離都okay 闊，廁所都幾乾淨企理，infection control measures 都okay。食物有非常多嘅款式，揀落都有選擇困難症。試左北海道帆立貝sushi 🍣都唔錯，帆立貝都幾厚肉，啖啖都滿足！朋友就揀左花之戀壽司，佢話好食😋岀面有好多小菜，夾左粒章魚小丸子🧆試下，細細粒好得意，惹味不易飽🤣自家冷泡茶有好多選擇都幾特別，又可以消滯，我就揀咗2種試 ，好清香解到油膩。雪條雪糕🍦都有唔少種類可供自取，見到好多小朋友圍住揀，不過個人唔太鍾意食冇試到。

疫情問題朋友好耐冇返香港一可以出街食飯佢話要去食放題食餐飽，講真大瀛喜我第一次食感覺都唔錯座位唔太迫我地兩個人坐卡位幾舒適👍，自取食物refill得好快apps落單又冇漏單出品都快，這裡出品都幾特別第一次食放題竟然有酸菜魚同鵝肝壽司味道都可以😋，平畤食盆酸菜魚最平都二百元啦放題任你食真係正可惜我地唔飲酒見佢啤酒種類都唔少重有Asahi，三文魚刺身係厚切有哎口唔係一陣風果種比個，基本上食物質素都幾好不過我地太耐冇見今日真係吹水就多過食🤣我地話下次要再去食過

🌃 食肆為日式放題餐廳，位於旺角，供應午市定食及全日日式放題 ， 餐廳佔了全層位置 ，空間寬敞， 以4人枱為主， 餐廳大堂有一個好大嘅自助吧， 包括 前菜沙律區、 熟食區、 甜品區、 雪糕雪條區、飲品區。.🤠 通粉foodie 於五點優惠時段入座， $238 另加一，任食120分鐘， 放題包括前菜、刺身、日式壽司、串燒燒物、 日式炸物 、一品料理、鍋物等。.🤠 首先小編當然叫了刺身拼盤， 刺身拼盤包括三文魚、吞拿魚、鮑片、希靈魚、 油甘魚、 帶子 、八爪魚、甜蝦 、虎蝦、酒煮榮螺片、冰鎮花海蜇。💟 推介吞拿魚刺身，今次刺身特別靚， 唔知係唔係比咗拖羅級數，小編當然要食多幾片， 另外三文魚都特別厚切， 仲要比咗三文魚腩， 幾肥美都唔錯。 .🤠 食完刺身拼盤之後就食壽司， 食咗芒果龍蝦沙律塔、 京蔥拖羅蓉塔、 海鮮沙律多士、 龍蝦沙律多士、 深海池魚王、 鹽燒左口魚、 鵝肝壽司、 海膽手卷等， 最吸引到小編係鵝肝壽司 ， 鵝肝有煎過外脆內軟， 仲有濃濃嘅油脂香， 加上壽司飯一齊食， 估唔到係咁正， 另外仲有海膽手卷都推介， 海膽都鮮甜，冇腥味。.🤠 另外小編重點推介有醉鮑魚、吉品鮑汁扣花膠

野食味道好，上菜快又唔會漏單，同朋友一致好評好滿意!!❤刺身 好新鮮，熱門想食既刺身款式都有，而且賣相又吸引，挪威三文魚超厚切又大大片，北海道帶子鮮甜高質，仲有虎蝦刺身 八爪魚片等等都好唔錯🧡壽司 醬燒左口魚邊～炙燒迫出魚油香，濃郁甘香 鹽燒三文魚腩～輕輕燒過既三文魚腩質感好軟滑，入口即化 芒果龍蝦沙律塔～芒果鮮甜加龍蝦沙律，好清新既口感💛炸物 北海道牛乳鮮奶卷～外面脆脆，中間既軟心好甜好soft 芝麻雞翼～又香又脆真係食幾多隻都唔會厭💙熱食 蒜蓉醬烤扇貝～扇貝大大粒再加好香濃既蒜蓉味 吉品鮑汁扣花膠～花膠好軟淋，鮑汁甜甜地好惹花味自助區仲有好多小食 甜品 雪糕，食物款式好多，食到超足滿呀!!

今次同朋友去左旺角既大瀛喜食放題。首先, 係門口附近有自助既熟食區同埋冷盤, 雖然款式唔多, 但食放題我全要都係食刺身, 所以都過得去。食野前可以飲個蟲草花烏雞湯暖下個胃👍🏻另外佢都有熱奶櫃有痘奶, 麥精等等雪櫃都係常見成汽水, 不過都有自家既茶飲。刺身🍣喺食物方面, 刺身唔錯, 夠凍夠新鮮, 而且有我鍾意既帶子刺身, 而壽司既尺寸都係同其他放題一樣係一口的。天婦羅🍤天婦羅岩岩炸起好熱, 要放一陣, 不過天婦羅汁就要去出面自己斟。一品料理蒜蓉帶子👍🏻冬菇花膠👍🏻芝麻雞翼👍🏻星期四 5點-7點 每位$261.6

我都好耐冇岀街食放題啦，尤其是係同屋企人1️⃣齊嚟。揀咗食5️⃣點至7️⃣點，特登提早少少收工食優惠時段就啱啱好。坐低非常之肚餓，當然要食啲冷盤黎開1️⃣開胃先。揀咗北寄貝，甜蝦，同埋北海道帶子，呢3️⃣樣嘢係我每次食放題心中嘅首選冷盤黎，每次多幾碟幾碟咁叫。甜蝦比我想像中大條，1️⃣條1️⃣啖啱啱好，啲冷盤用1️⃣大舊冰坐住，食落非常之凍，但係冇雪味值得1️⃣讚👍👍👍。仲有點到每次都會食嘅黃金大蝦🍤，喺屋企好難整㗎，又要落好多鹹蛋黃，非常之花功夫，出到嚟食就可以慳返功夫。吉品鮑汁扣花膠嘅花膠都幾大舊下，本身叫咗2️⃣份，花膠都幾飽肚下嘅，點知幾乎食唔晒。烤牛舌都幾惹味，叫左2串試下。天婦羅🍤上枱非常之熱辣辣👍

間唔中就會想食放題，因為可以俾我呢個眼闊肚窄又貪心嘅人一次過食好多唔同款嘅嘢🤭基本上每次想食都會諗起大瀛喜，因為性價比實在太高！😍最令我印象深刻既款式如下😋❤️北海道帆立貝壽司帆立貝勁大粒勁鮮甜，回本之選😍❤️蒲燒鰻魚鰻魚愛好者必點！細細件唔會咁膩👍❤️西京味噌燒比目魚燒得好香，魚肉嫩滑😋❤️金銀蒜蓉醬蒸川貝金銀蒜勁惹味！扇貝唔會過熟好彈牙💯❤️黃金醬燒開邊蝦蝦肉爽口，同樣勁惹味🤤❤️龍蝦沙律拌櫻花蝦多士多士超脆櫻花蝦香口，我好少會係放題同一樣嘢encore幾次😂❤️榴槤炸彈裡面真係真材實料既榴槤蓉，勁綿滑，外層香脆唔油膩，中間仲有層煙韌年糕，口感超豐富🤤🤤❤️吉品鮑汁扣花膠夠味有咬口，養顏回本之選🤭講真而家食餐飯閒閒地都百零蚊，但呢度二百零就食到咁多款兼咁高質！真心讚！💯👏🏻👏🏻👏🏻👏🏻

食放題真係乜都有得揀，好似7–11咁樣行過就有幾間，今次嚟到旺角呢一間大瀛喜，呢間都算新開左一年左右，所以啲裝修都幾新淨，所以地方都好乾淨！呢度啲嘢食好多嘢揀，已經冇再用紙張嚟落單，變晒轉用環保嘅形式，以QR code落單，咁樣真係好值得欣賞，又唔使浪費好多紙！呢度有好多食物類型選擇，啱晒一家大細，唔使怕唔啱其中一個人嘅口味！所以放題喺香港一直都好受歡迎！首先我哋叫咗一盤刺身，擺盤都幾靚，魚質睇落都幾新鮮！食落口都算幾鮮甜！之後我哋仲叫咗啲炸物類，有雞翼啦同埋榴槤波波！好好食！我地仲encore左幾次！雞翼好香口！肉質又滑！加分！啲飲品類又勁多！非酒精類真係好多選擇！有成4大個雪櫃揀！飲到飽都得呀！而我最鍾意佢地自家樽裝茶！好飲！

今次同大家介紹一下呢間係旺角朗豪坊附近嘅日式放題，一入到去，環境夠晒大，同埋見到佢有一個小食吧同埋4個嘢飲雪櫃，就知道佢應該都唔差，坐低睇吓佢有咩食先，見到佢嘅嘢食種類都好多，除咗有壽司同刺身之外，重有一品料理、炸物同埋串燒等等，而出邊小食吧嘅嘢，都唔少，佢分咗冷盤同埋前菜仲有一啲炸嘢等，等你可以去等緊嘢食黎嘅時候，有啲小食頂下肚餓，首先講吓佢嘅刺身方面，雖然係放題，但刺身好新鮮，好似去過赤貝同埋甜蝦，兩款都非常鮮甜，另外佢個海蜇刺身，好特別好爽口，壽司方面，佢又唔同款嘅壽司，而我最鍾意就係佢個深海池魚壽司同埋海膽手卷，仲有一個比較特別嘅就係鮑魚手卷，非常之有創意，加上壽司細細舊又唔會搞到你好飽食唔到其他嘢，佢嘅炸物我最鍾意就係芝麻雞翼同埋榴槤波波，淨係芝麻雞翼都食咗十幾隻，至於一品料理佢嗰個辣酒煮螺我覺得好唔錯，辣酒煮螺，佢個螺肉大大隻，非常好食，另外佢嘢飲嘅種類都非常繁多，除咗有唔同嘅酒類選擇，好似有凍熱清酒，另外亦有其他嘢飲，當中我最鍾意佢個桂花烏龍冷泡茶，飲落有好香既桂花味而且佢冇加糖，啱晒我飲，食完晒所有嘢梗係要食下甜品啦，佢甜品方面有雪糕同埋一啲自製嘅甜品，有雪糕機俾你自己

真係冇諗過咁平可以食到咁多野每人兩百幾蚊就可以食到咁多野而且啲味道都好好，好高質唔怪之得平日中午都咁多人幫襯啦，大家都食得好開心咁有好多唔同食物，熟嘅、生嘅、甜品….仲可以坐3個鐘慢慢食慢慢傾，好正呀！

中意呢間放題熟食選擇多同高質，章魚燒好食勁足料，飲品bar勁多款任你揀，刺身新鮮，最中意食佢個榮螺同赤貝，榮螺甜甜既，辣汁煮螺非常之入味超大粒螺肉，煙煙韌韌有咬口，辣得黎仲有螺肉鮮甜味，海膽手卷一啖一件，海膽味道濃郁，好中意佢入口creamy，慢慢溶化既質感，壽司要讚下火炙左口魚邊同三文魚，火燒令到魚類油膩感更加突出，完全係幸福既味道，花鵰醉鮑魚大家黎到必定要嗌，真材實料既鮑魚，十分彈牙美味，我都忍唔住食多幾隻，芝麻束炸雞翼香脆可口，最正係呢到花膠都有得食呀，滑嫩嫩比客人滋補下先

我同我老公都好想去一間食日本放題嘅餐廳食飯，尤其是啱啱開放社交距離嘅時候可以外出晚飯嗰段時間，於是就預約大瀛喜日本料理 ，佢嘅位置相當方便，就係喺旺角嘅中心點，入到去相當多人，幾乎爆滿咁滯，幸好一早已經預約咗，如果唔係就要等好耐先有位。第一時間點嘅當然係日式嘅食物啦好似串燒啊壽喜鍋啊壽司呀魚生呀同埋日式炸物天婦羅，呢啲都係唔可以錯過嘅食物，而且真係即叫即整，唔會有一種整咗好耐放咗好耐而你到你面前嗰個感覺，所有食物都係新鮮，而且每一道菜都相當美味，味道相當高質素，唔單止有日式食物，仲有泰式越式同埋中菜，同樣都相當出色，我諗我哋嗌嘅食物淨係佔一半但係因為有太多食物想試啦，唯有寄望下一次因為今次真係食得太太過滿足同埋豐富，要好好咁樣品嚐每一味菜嘅食物同埋唔想浪費食物所以我哋一定會再幫襯。

同屋企人去食放題，放題係乜都有得食，滿足晒各人嘅飲食喜好，鍾意食刺身嘅，壽司嘅，熱食嘅，甚至炸物類嘅，都可以全部有得選擇！旺角呢間大瀛喜，地理位置真係超級方便，一出旺角站E出口行1分鐘都唔使就已經到，真係10分抵讚！呢間舖位佢面積都好大，坐得都好舒服！一入到去，超大個飲品櫃，超級多野飲選擇，而另一邊，都有好多小食，仲有甜品雪條等等。而我哋一入嚟，梗係先叫咗刺身，之後仲叫咗好多雜物類，例如雞翼，鱈魚，炸蠔等等，食物質素都唔錯，熱辣辣，都幾新鮮！我哋平日午市時段黎，都意想唔到咁多人嚟食，證明呢間放題食物質素好先吸引到人哋食！價錢又合理，唔錯唔錯！值得一提嘅係，呢度嘅鍋物類竟然有酸菜魚選擇！仲要質素都唔差，都幾好食！