大瀛喜日本料理 (已結業)

中意呢間放題熟食選擇多同高質，章魚燒好食勁足料，飲品bar勁多款任你揀，刺身新鮮，最中意食佢個榮螺同赤貝，榮螺甜甜既，辣汁煮螺非常之入味超大粒螺肉，煙煙韌韌有咬口，辣得黎仲有螺肉鮮甜味，海膽手卷一啖一件，海膽味道濃郁，好中意佢入口creamy，慢慢溶化既質感，壽司要讚下火炙左口魚邊同三文魚，火燒令到魚類油膩感更加突出，完全係幸福既味道，花鵰醉鮑魚大家黎到必定要嗌，真材實料既鮑魚，十分彈牙美味，我都忍唔住食多幾隻，芝麻束炸雞翼香脆可口，最正係呢到花膠都有得食呀，滑嫩嫩比客人滋補下先