大瀛喜日本料理 (已結業)

大瀛喜日式放題🐠🍣.放題去😊呢間嘅位置比較窄少少，兩個人坐完高櫈，得返唔太多空間擺野食😯但係都好明白既，嗰日係假期前夕，再加上旺角站一出就係喎‼️一定係多人😌出去自助區拎前菜同飲品先🧋🥤🧃有一杯杯好大嘅茶，岩晒解膩啦🍵仲有熱清酒、梅酒🍶、Apple Cider等等添.第一輪食刺身🐡🐠🐟🦐挪威三文魚、日本油甘魚、空運吞拿魚、北海道帶子、赤貝、俄羅斯甜蝦、大赤蝦估唔到第二輪比第一輪嘅刺身，更加厚切🤤.🍣壽司超級多款式，試左京蔥煙三文魚、山葵漬劍魚腩、鹽燒三文魚腩、黑松露赤蝦、鵝肝壽司😛海膽手卷重點要食啦🤤.熟食點左燒牛舌、牛油炒粟米🌽、酒醉鮑魚、花膠😋炸物一定係食芝麻雞翼、紫心香芋丸、榴槤炸彈🤪呢三樣永遠走唔甩！.嗌左個牛肉煱🐮🍲勁正呀好多塊牛😍最鐘意係有粉絲同娃娃菜，吸晒壽喜燒嘅湯底味😜.最尾想暖下個胃，飲左碗蟲草烏雞燉湯🥣老實講係好飲喎，成煲比人清晒就知係受歡迎😗.試左甜品櫃入面嘅酸奶糯米糍同蜜桃糯米糍🍑吱吱雪糕🍦有芒果同雲呢拿味，冰感重啲🧊個vanilla都幾香呀😌

今日喺旺角行街，試咗呢間性價比高嘅日式放題👍地方超大，坐得舒服😌而且款式多，上菜又快👍👍門口放滿各式冷熱飲品、甜品、沙律、鮮果、凍海鮮、前菜😋😋QR code 自己落單方便快捷👍刺身種類豐富～吞拿魚、三文魚、帶子、希靈魚、油甘魚、赤貝、北寄貝、八爪魚等等，相當肥美而且鮮味十足😍熟食款式都有好多：酸菜魚～新鮮魚片勁滑，鐵板蒜蓉蜜汁牛柳粒、鮮魚濃湯浸菜苗、吉品鮑汁扣花膠～花膠入未夠林，滿滿的骨膠原，殿堂宴客醉鮑魚～入味充滿酒香，蒜蓉醬烤扇貝、紐西蘭香草羊鞍～好厚肉，瘦中帶肥😋要特別推薦西京燒比目魚，滑到冇朋友😍呢度連燒乳鴿都有👍

好耐冇食過放題啦~今日係旺角行完街就去咗大瀛喜日本料理食放題！餐廳座位以卡位為主，坐得好舒服~餐廳以QR落單，而出面有個自助吧~可以拎一啲冷盤、湯、甜品等！最特別係有章魚燒😝講到放題，當然先叫一盤刺身、壽司，三文魚超厚、甜蝦鮮甜，壽司必需食鰻魚、燒三文魚等，鰻魚肉质Q弹紧致，食落仲有甜甜燒汁，配壽司飯絕不油膩，燒三文魚壽司唔係全熟透，而是半生，所以保留肉汁，很肥美而帶油膩，真係好正！呢到嘅花之戀Q彈三文魚包著沙律醬，口感同味道都好豐富，size比出面知啲細件啲，反而更好，可以留肚食更多呢到最多人食應該係醉鮑魚，酒味香濃，入口柔嫩细滑、爽口彈牙，真係一流，我見檯檯都有叫呢個😋炸物就叫咗炸牛奶、炸榴槤等，一咬開炸牛奶，外脆內滑，而炸榴槤入面夠白濃，榴槤迷唔可以錯過最估唔到係呢到有酸菜魚，不過今次就冇試到，叫咗壽喜燒，入面牛肉大大片，而且名牛味，壽喜燒湯底好入味，就差個烏冬😋飲品同甜品都係出面自助，唔想飲凍飲，都有熱飲，推薦美祿咖啡，既有美祿香又有啡味！甜品有好多選擇，細細杯咁，可以試曬唔到味！大瀛喜日本料理🌟旺角九龍旺角彌敦道655號5樓

又同老公去「大瀛喜日本料理」刷餐勁🤭‼️我地今次食💲268自選時段☺️~到咗餐廳講返預訂資料就可以入去~一入門口就見到自助區🍢🍡可以自取嘅食物都唔少，前菜有中華沙律、凍蝦、青口，仲有水果🍍🍉。飲品都應有盡有，自家製花茶都有供應。放題每碟食物嘅份量都係小小的，咁就可以試多啲不同款式。嘟咗QR CODE入網頁下單，刺身有十幾款，第一ROUND叫曬全部款式試下先🥢最中意食就係北海道帶子同榮螺片，帶子夠厚切而且肉質彈牙。榮螺片好香甜，有嚼勁👍🏻👍🏻迷你海膽手卷都要試下，一口size，味道唔會太腥。熟食中我最中意就係芝麻雞翼，好香脆，肉質好滑嫩。牛舌都好有口感。榴槤炸球同炸鮮奶都非常出色，外脆內軟，餡料好香滑。食到差唔多就去返自取區吱雪糕食🍦，雲呢拿mix芒果味好好味。雪櫃仲有款香港製造嘅意大利雪糕da dolce，抺茶味好甘香🍵😍📍大瀛喜日本料理 旺角九龍旺角彌敦道655號5樓

早幾日去咗「大瀛喜日本料理」食翻餐日式放題🇯🇵.刺身🐟北海道帶子鮮甜，花海蜇刺身幾特別😮.海膽手卷🍙海膽新鮮鮮甜💛鮑魚仔手卷每次都無輸😝.壽司🍣蒜香牛肉壽司同蒜香牛油熟帶子壽司🧄🧈蒜香味香濃😋特別牛肉燒到好嫩😗.燒物🔥燒有機新鮮菠蘿又甜又多汁🍍蒜蓉醬烤扇貝🐚扇貝鮮味十足，用蒜蓉烤好惹味🧄.天婦羅🍤虎蝦天婦羅炸衣薄，大隻彈牙🦐.炸物🔥榴槤炸彈外脆內流，仲要超濃榴槤味🤤北海道牛乳鮮奶卷🍼奶香滿滿🇯🇵.甜品🍮有泡芙、雪糕🍨🍦布甸、乳酪、蛋糕🍰.飲品🥤有汽水、咖啡☕️荳奶🥛涼茶、自家製冷泡茶🍵啤酒🍺清酒🍶

諗唔到食乜好嘅時候放題永遠係最好嘅選擇😆今次朋友生日就揀咗喺朗豪坊附近，地鐵站出口行幾步路就到嘅大瀛喜同佢慶祝🎂 刺身：刺身種類有好多款，每樣都好新鮮！北海道帶子鮮甜厚肉、赤蝦大大隻爽口又彈牙🦐火灸壽司：醬燒蟹棒、鹽燒左口魚邊，壽司飯細細件食多幾件都唔怕😚天婦羅：虎蝦、皇帝蟹棒，由薄薄嘅脆漿緊緊包附住，熱辣辣非常香口☺️炸物：榴槤炸彈一咬開濃郁嘅榴槤味即刻散發出嚟，鍾意食榴槤嘅唔可以錯過！芝麻雞翼皮脆肉嫰，香口惹味！串燒：蒲燒鰻魚肉質肥美無腥味！燒物：蒜蓉醬烤扇貝入口蒜香味十足但又食得到扇貝嘅鮮味🤤黃金醬燒開邊蝦醬汁比例平均，唔會好似平時出面嘅放題咁醬多過蝦👍🏻西京味噌燒比目魚燒到剛剛好，魚油豐富，魚皮香脆肉質嫩滑😍一品料理：鮮魚濃湯浸菜苗清爽健康！殿堂宴客醉鮑魚淡淡酒香好滋味！吉品鮑汁扣花膠滿滿骨膠原！煮物：金湯酸菜魚第一次喺放題見到，湯底酸爽微辣魚肉嫩滑🐟食物上菜速度快而且無漏單值得一讚👍🏻

雙劍合璧..天下無敵又係我哋兩個大食怪同大胃王見面時刻，大瀛喜就可以滿足到我吔，因為又可以食足三個鐘同傾足三個鐘嘅時間，真係可以坐足三小時任飲任食，又可以無障礙咁係咁傾餐飽食餐飽😂😂😂😂😂所以我哋通常見面想係咁傾計就老地方見😂😂😂😂————————1⃣️先來滋補一吓，整反碗蟲草花膠燉雞湯先，又甜又足料，正😋👍2⃣️任食鮑魚😍😍😍😍😍3⃣️羊架燒得夠香夠熱又軟熟😋4⃣️最鐘意食海哲頭刺身，夠爽又有咬口，榮螺刺身又好味，希靈魚又是我至愛😋5⃣️酸菜魚⋯⋯正😋6⃣️蟲草花木耳花膠，炆得入味又夠腍😇7⃣️炸榴連波波，榴連控必吃👍8⃣️一口牛粒，愛牛人士一定吃9⃣️牛脷串燒，熱辣辣的串燒😀🔟蒜蓉粉絲元貝，爽口滑溜😋1⃣️1⃣️開邊🦐蝦，食得開心笑哈哈🤣1⃣️2⃣️甜品🍮款式多、食物多到數唔哂😉1⃣️3⃣️係時候又要嘆反杯咖啡☕️—————————-食物多到食唔哂..任飲任食好暢快😋😋其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

難得今日出旺角做gym就一於早啲操完去食優惠時段先😜本身諗住早少少到就冇死啦，點知上到去大堂已經企左好多人係到等緊入座，好彩一到入座時間職員就好快手咁安排我哋入座一入去就俾兩邊嘅飲品櫃同自助Bar吸引住啦，飲品款式琳瑯滿目，罐裝飲品汽水啤酒任飲，另外餐廳自家製茶飲🍻🥤唔想飲凍野仲有暖櫃暖住嘅紙包飲品🧃而自助Bar就有沙律🥗、海鮮冷盤🦐、小食同埋熱湯添🥣坐低左放好啲野就即刻出去揀野飲同前菜😋然後先慢慢落單，上菜好有效率，依頭落完單唔使五分鐘就有得食啦👍刺身肉質結實，厚度適中，食落仲有鮮甜味感覺好新鮮，而且種類唔少，鍾意食幾多都得除左刺身仲有炸物同一品料理，炸物新鮮炸起脆卜卜熱辣辣🍤一品料理入面仲有鍋物🍲估唔到竟然有酸菜魚，肥妹仔點會唔試呀🤤酸菜魚唔算好辣，份量都適中差唔多食飽就係時候食甜品啦，除咗有一般甜品🍮之外仲有好多支裝同杯裝雪糕，餐廳有一部軟雪糕機可以俾我地自己唧雪榚添🍦🍨整體來講，食物質素唔錯，性價比高，只係優惠時段食得兩個鐘就有啲啲趕🥺如果多半個鐘就好啦

近排食過燒肉放題之後，就心思思想再食其他放題，今日就同朋友嚟左位於旺角嘅依間大瀛喜食餐勁🍻餐廳位於五樓，大堂位置較少，我地上到去已經有好多人等緊入場食優惠時段，好彩職員安排座位好快手，好快就已經可以就坐🪑而且仲有卡位坐添😊整頓好之後就第一時間出去拎小食同飲品啦😜小食有分熱食同冷盤，熱食有薯角、章魚燒、雞翼、娃娃菜、水煮蜆同蟲草花湯🥣而冷盤就有海鮮（蝦🦐、青口）沙律菜同螺肉粒😋飲品就有唔同嘅汽水、啤酒、自家製茶飲同暖笠笠嘅豆漿、維他奶餐廳上菜速度超快，用電話落單冇耐就已經上菜，而且食物外觀整齊乾淨，樣樣望落都好新鮮👍刺身切得厚厚，咬落口感啖啖肉，肉質結實，味道鮮甜🍣炸物一樣出色，全部新鮮炸起熱辣辣脆卜卜，不過天婦羅汁就要自己去小食站到裝啦🍤🍟另外仲有好多唔同種類嘅料理，有手卷、一品料理、鍋物等等，想試晒但個肚唔爭氣食唔到咁多🥲甜品當然唔少得啦，有好多種雪糕、雪條可以揀，仲有軟雪糕🍦可以由自己自由配搭總括而言，不論食物同環境質素都好好，只係有少少漏單，不過只要再落多次單就冇問題啦🤣兩個鐘都已經可以食到好滿足

因為很久未食日式放題了，所以預先在旺角的大瀛喜日本料理訂了位。餐廳枱與枱之間都間了透明膠，坐得舒適。自助區有沙律，凍食、熟食、甜品、梅酒、清酒、汽水……等等，任飲任食……自助區取了喜愛的青口及灼蝦，特別喜愛灼蝦，爽口又鮮甜，放題正式開始囉~~赤貝刺身、挪威三文魚刺身各款刺身都好新鮮，赤貝刺身很爽口，挪威三文魚刺身鮮甜油香……日本油甘魚刺身、空運吞拿魚刺身、大赤蝦刺身、北寄貝刺身、虎蝦刺身北海道帶子刺身、俄羅斯甜蝦刺身……因為刺身很新鮮，所以點完再點，尤其新鮮鮮甜的要數北海道帶子刺身、北寄貝刺身、虎蝦刺身、挪威三文魚刺身……流心的榴槤炸彈，滿滿的貓山王榴槤香味。黃金炒大蝦，咸咸香香的差點連殼都食埋。鮮魚濃湯浸菜苗，魚肉好嫩滑，菜苗鮮嫩，整個湯好鮮甜，全部連肉連菜及湯食曬。黃金醬燒開邊蝦，面上鋪滿了滿滿的黃金醬，帶點焦香，很惹味！鹽燒牛舌，口感有點煙煙韌韌的，燒得好油香。當然會留番個肚食甜品啦，放題性價比高哦，食得非常滿足！！！

💡 性價比高既放題今日去旺角行街，就試左尼間性價比高既日式放題，而且座位寬敞舒適，唔會好迫，可以舒舒服服咁食晚餐。🍽 刺身種類豐富刺身款式多，三文魚、吞拿魚、帶子、希靈魚、油甘魚、北寄貝、八爪魚、赤貝、榮螺等刺身都相當肥美、，而且鮮味十足。最特別係冰鎮花海蜇，平時出面好少見，蝦刺身都有三款，甜蝦、虎蝦、大赤蝦，實有一隻蝦啱你食。🍽壽司、燒物質素高三文魚壽司、帆立貝壽司、鰻魚壽司等壽司，仲有海膽手卷同鮑魚手卷，都係細細件，唔會成口飯，食到材料既味道。燒物都好出色，燒菠蘿、燒牛舌、燒鱈魚乾，都燒得岩岩好，最鍾意就係燒菠蘿，夠甜。🍽特色料理同自助區極品牛柳粒、殿堂宴客醉鮑魚、吉品鮑汁扣花膠，有唔少特色料理選擇，味道都相當唔錯。另外仲有個好大既自助區，有沙律、熟食，例如青口、海蝦、章魚燒等。🍽飲品甜品選擇多有各款汽水，仲有啤酒，somersby ，同埋清酒，岩哂鍾意飲酒既我。另外，亦有特色自家泡既茶，如桂花烏龍。甜品除咗一般既雪條、甜筒外，仲有軟雪糕選擇！Ps 尼間日式放題食物種類多，而且質素有保證，性價比真係相當高，會再食！

前排朋友生日去左大瀛喜食放題慶祝，好耐無幫襯過，睇下食物質素有無變先！無去甘耐，人流一樣爆滿，相信質素亦有保證喇。刺身類：依度既刺身款式好多，而且每款亦好新鮮，完全無腥臭味。三文魚厚度足夠，食落特別有口感，帶有少許魚油味。赤蝦、甜蝦同樣鮮甜。螺肉口感吾會硬，食落幾有口感。燒蝦：燒蝦大小適中，口感彈牙又實肉，味道帶鮮。燒帆立貝：上面有大量蒜蓉調味，食落夠晒味道，帶子帶甜味，不錯。蟹粥：粥味道幾綿，吾會太水太稀。當中既粥帶有蟹甜味，仲有少少粟米肉粒食。雖然蟹肉吾多，但整體味道搭夠。酸菜魚：估吾到放題會有酸菜魚食，魚片幾滑，酸菜味道可以再酸就更加好食！甜品類：依度既甜品好多選擇，仲有葡撻添！葡撻味道幾甜，有蛋香味。另外仲有奶凍、芒果布甸，非常適合小朋友食。除左甜品，餐廳仲提供左雪糕，雪糕夠凍，雲呢拿夠味，可以加入其他配料。

星期日午市放題12:00食到3:00, 過佰款選擇任飲任食3小時好吸引，已經超耐冇食過日式放題， 星期日竟然即時book都有位？ 見差唔多三佰個好評一面倒，心諗會唔會係個「伏」🤔？食品:原來係大滿足🤩！ 魚生刺身壽司樣樣都唔錯， 魚生有少少厚度食落超正，壽司細細件餡料同飯比例啱曬我， 刺身蝦就要食夠大夠creamy， 牛舌爽彈、羊架鬆化香酥、醉鮑魚夠淋入味、 牛油粟米香甜…… 諗起都想再食。 諗唔到有咩食物係差。 食物選擇過百款，覺得比一般放題水準高少少，整體出品及服務都唔錯。 記得要留肚食雪糕， 推介樂天脆皮雪糕、芒果軟雪糕、柚子乳酪雪糕。服務:十二點正同步入場好多人，第一轉食物有部分食物半個鐘都未見送上，追佢哋一追就補上返， 其餘落單之後上枱時間都算快， 見啲服務員周圍走黎走去非常之忙， 但處理客戶要求都好快手又有禮貌， 覺得服務幾唔錯 整個用餐時間都好愉快

呢間日式放題嘅性價比好高🥰 首先係自助區域 有前菜沙律✧炸物✧湯✧水果✧甜品同清酒飲品🍶 食物選擇多到揀唔哂😍 而且質素好高 還有刺身◦壽司◦串燒◦鮑魚◦酸菜魚鍋物◦天婦羅…🍤 多款刺身也很新鮮 三文魚油甘魚超厚切 油脂滿滿☺️ 帶子鮮甜爽口👅壽司有左口魚邊 經炙燒後迫出的油香很濃郁💗 黑松露赤蝦口感特別 芒果龍蝦沙律塔很清新🥭 串燒方面: 牛舌|羊架|菠蘿🍍 同樣美味😋 不得不吃蒜蓉醬烤扇貝♡黃金炸大蝦♡蒜香牛柳粒🐮 扇貝味道鮮美無腥味✨ 炸大蝦炸得香脆可口😘 牛柳粒色香味俱全 肉汁滿滿🤤 令人一試難忘.ᐟ‪‪.ᐟ食飽咗仲有消滯解膩冷泡茶和甜品🍮 自製雪糕🍦可加入爆谷同糖果🍬 還有雪條˶乳酪˶泡芙˶糯米糍和提拉米蘇🍧 食得很滿足呢 ˃ ᵕ ˂

好耐冇食過放題，今日口痕就黎食下大瀛喜位置十分就腳，旺角站E2出口一出就到。好彩撞正今日閒日，唔使點等位，基本上一入就有得食。午市黎講，餐牌選擇都十分多，壽司刺身炸物一應俱全，出邊仲有自助區供應品種唔少嘅小食雪糕仲有飲品太耐冇食過魚生，黎到呢到當然食返夠本，雖然話係放題，但係刺身嘅質素認真唔失禮人，三文魚十分肥美，仲有北極貝亦都好鮮甜，出品抵讚跟住就有呢個火炙壽司，老老實實唔會差過外面散嗌嘅日式料理，值得一試。再黎就係呢個天婦羅炸物，有炸蝦炸茄瓜炸蟹柳等等，最好食當然係呢個炸蝦，encore完一次又一次。出面甜品吧，仲有好多小食任君選擇，葡撻紫薯丸呢啲都十分值得大家試試。總括黎講，呢度食物選擇多，上菜速度快，絕對係日式放題嘅高質之選