大澳餅店

营业中

休息中

今天來到網上和朋友多次推介的大澳美食名店之一的大澳餅店，品嚐它的王牌美食——沙翁和花生糯米糍！！！　　下午大約３點半的時間，排隊人數出乎意料的多，大約有三十多四十人，後面的人還源源不絕的趕來。等了大約二十分鐘，剛好買到最後一個沙翁和另外一個看得讓人眼饑的花生糯米糍。　　到手的沙翁呈金黃色，剛出爐熱氣騰騰的，一咬下去就已經感覺到里面有很濃厚的蛋香氣，配合上灑在表面的砂糖，簡直是一流的味道！而且口感鬆軟又香甜，最後忍不住再多買了一個來吃！　　另外，花生糯米糍名符其實的里面全部都是花生，一口下去里面的花生滿得快要瀉灑出黎錦，香脆的花生配上煙煙韌韌的糯米糍，別有一番風味，同樣值得一試啊！

大澳必食名物沙翁啊！！😎本身係諗住即日出post介紹(最終都做唔到因為成個聖誕假都好懶😳)～雖然呢個沙翁應該好多人食過，但都要不厭其煩同大家分享🥰-🎈沙翁 $13呢間既沙翁真係好好食，每次黎大澳都一定要食！！新鮮即炸熱辣辣咁，仲要外層沾滿哂砂糖😋食落外脆內軟，好香蛋香味而且一點也沒有油膩感，甜度亦剛好🧡自己食哂成個完全係有一種大滿足的感覺😍-🔸大澳餅店📍大澳吉慶街66號

無論報紙、網上編輯推介、朋友口中都極力推介呢一間位於大澳嘅餅店，當中最出名嘅就係沙翁。真係每一個去大澳嘅人都會一人一粒買黎食，食既除咗係一份懷舊感之外，仲係一份味蕾嘅衝擊！每次10幾粒一盤嘅沙翁，轉眼間就賣晒。如果你太遲去佢更加會話售罄添！當日去到食到即炸嘅，店員仲會幫你灑上砂糖，食落去外脆內軟，加上砂糖一粒粒嘅口感，（雖然黐住晒喺嘴唇上面）但真係忍唔住排隊再買多粒（好似食緊炸咗嘅棉花糖咁）不過即食係最好食嘅！凍咗反而冇外脆內軟個種質感，所以我唔建議大家作為手信買返屋企！

大澳餅店（大澳）••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：⓵ 沙翁 $13••••••••••••••••••••••••••••••♥️食評：去大澳一定一定會食嘅沙翁！其實我未食過沙翁🤣🤣但一食就返唔到轉頭！好後悔無買多個😭😭沙翁材料好簡單，主要以蛋、麵粉、糖混合，再拎去炸，但無諗過咁簡單嘅材料可以整到咁好食！食落一啲都唔油，外脆內軟，糖嘅份量啱啱好，唔會蓋過蛋味，咬落去唔會得空氣，好滿足又食到好香蛋味！真係好～好～食～啊～～～～••••••••••••••••••••••••••••••♥️特色：相信小店嘅人氣沙翁係每位到訪大澳嘅遊客必食首選😳😳但其實除咗沙翁，小店仲有賣蛋撻、椰絲撻、核桃酥等，有興趣可以試吓！

每次嚟大澳必定會去大澳餅店食返一個新鮮即炸沙翁，店舖外永遠都有人龍。今日第一轉去排隊，但沙翁已售罄所以便先到楊侯古廟參現，更近距離(只是近些)參觀(眺望)港珠澳大橋。回程時又有人排隊，我們等了一會便能購買得到，現在沙翁每個$13，每次都是少量即炸，從廚部炸好使拿出來滾上砂糖，熱辣辣的沙翁便到手。沙翁有蛋香有口感，而且即炸即賣即食，那會不好吃呢。其實最重要都係真材實料，用心製作。

十分推介：沙翁 $13​​完全無諗過會咁值得推介 所以無影到相😂​新鮮出爐 舊舊都熱辣辣㗎😚​望住佢點砂糖 食落口甜度適中​好重蛋香味，外面脆脆地裏面好鬆軟，完全無油膩嘅感覺❗️好好味啊🤤😍​

大澳必食嘅莎翁，老闆個個莎翁都係即刻整，拎到上手嘅時候就會熱辣辣，灑滿晒砂糖咁樣。成個莎翁甜而不膩，脆卜卜食唔停口。因為莎翁係即刻整，所以要等一陣先有得拎。去大澳一定要去食呢度嘅莎翁。

今天來到大澳真的必要食個美味沙翁, 即炸即食, 濃香蛋味, 又鬆化, 不油膩, 甜度適中. 果然名不虛傳 超級好味 食完一個又一個😋👍👍👍 每個盛惠港幣$13, 看似有點貴, 不過食完真的覺得物有所值🤗

大澳食食食2行到大澳餅店見到好多人排隊（其實都唔知人地排緊咩），馬上行去排埋一份再慢慢睇下有咩食啦。啊！原來係沙翁同蛋撻。新鮮出爐，每次見佢都係8至10個咁出爐，我地排左10分鐘左右就買到喇！買兩個，一人一個，唔洗掙熱辣辣，急不及待馬上就行埋路邊即食呀！嘩！新鮮出爐嘅沙翁原來咁好食嫁，雖然係新鮮出爐，但一啲都唔會油霖霖，熱辣辣，好鬆化，真係好好味呀但其實店仲有蛋撻、椰撻，糯米糍等食物。但都係沙翁最吸引，有機會去到一定要試下呀

冬甩就食得多,傳統既沙翁都係第一次食.大澳即炸沙翁亦都係我必食小食之一.所以一入到大澳,就要依下肚先,去到見到呢間店舖, 已經有人排隊啦,但沙翁就炸緊.等左十分鍾左右就有了.拎到上手係熱辣辣,店員即場係面前為我地點上沙糖.沙翁出面好香脆, 入面就軟棉棉! 好好食!!雖然望落好大個,但其實一陣風咁, 真係幾淡就無左架啦.但真係幾好食!!另外都食左個糯米滋,不過呢個就無咩驚喜,但勝在餡多皮薄.同埋好大粒

大澳小食 - 必排沙翁去旅遊 見到邊到多人排隊就係有好野食！ 大澳餅店 新鮮即炸沙翁吸引好多人慕名大排長龍 岩岩炸起 熱辣辣食 外脆內軟 質感好鬆軟 入口煙韌 最緊要 唔會太甜 同埋唔會油淋淋！yummy ❤️❤️❤️

大澳餅店的沙翁，我習慣叫它蛋球，因為沙翁在我的字典是水泡狀，中央通窿的炸包。我愛蛋球，但越來越難買到，舊式茶樓或老餅店隅然有，但不是即製，質素也有參差。我吃過前港督吃蛋撻那間連鎖餅店的蛋球，內心濕潤未熟透，不想浪費但實在難以入口，只好棄掉。上次去大澳見有即製蛋球，馬上來一個，熱、脆、香，滿分👍🏻，由於還有其他美食，不能再來一個。因為假日前往大澳人數眾多，特意避開假日，滿心歡喜見 open rice 大澳餅店營業時間是一至日，fb 也顯示有營業，卻望門輕嘆，fb 聯絡知道今天不營業，非常失望。如欲平日去大澳的朋友，要有心理準備。

又入離島行行每次入大澳都必食既沙翁😍由於係新鮮滾熱辣即製 所以每次黎都排哂長龍😂但因為今次我地住係大澳一晚 所以可以食完晚飯 再出黎食甜品 避開人群🥳🥳🥳新鮮滾熱辣 好重蛋味😍 滿滿既砂糖鋪住出面 真係好正 唔會覺得太油同太膩🥳🥳不過其實我嚟咗咁多次都冇試佢其他甜品次次都係買沙翁食🤣🤣佢好似仲有好多傳統嘢食 例如椰絲撻 不過 必叫一定係即炸沙翁！！！！！ 真係黎到要試下！ 新鮮滾熱辣 真係好正🥰🥰 又乾淨企理

每次去大澳都必食前幾年去都無乜人但唔知係咪疫情關係，而家再去就排曬長龍真係每次都唔失望，正都爆～新鮮出爐，好脆口！我地Weekend去，7pm都仲係好多人排隊呢！

大澳餅店就在橫水渡餐廳附近，來到餅店時剛好不用排隊，也剛好賣完上一盤，但馬上便端出了新的一盤，新的一盤，剛炸起了三個。除了沙翁外，店面還貼了其他餅類的相片，有椰絲撻及蛋撻，但是店員說只有沙翁賣，不知道是平常也沒有還是那天剛好沒有。🤔沙翁即炸出來後，店員會把它放在前面的砂糖盤內翻滾，但當日買的沙翁，還未有均勻地沾滿砂糖。沙翁拿在手中，還是熱辣辣，我們幾個人用手把它撕開，分着來吃，沙翁空氣感十足，內層軟綿綿，外層炸得香脆，雖然糖未完全沾勻，但甜味都足夠。