大滿貫 (已結業)

二個人星期六到二點幾先食lunch, 餓到暈, 叫左:1. 豬扒包+ salad 餐- 豬扒包都ok ge, 煎得香唔太勒2. 豬紅+ 蘿蔔+ 牛栢葉米線- 牛栢葉如題, 超唔得

約了位朋友出來議事，本想去「茜廊」，但假日客滿。反而這兒有少許吉位。下晝四點鐘，茶餐時段。我們各點湯麵餐。我的雙拼湯米配熱飲（$21），朋友的單拼湯河配熱飲（$17）。以屋村快餐店而言，算係咁啦。双拼湯米：有三粒墨魚丸、三粒白魚旦、兩條菜心、和一份湯米粉。湯面極之油膩，幸而墨丸和魚旦都彈牙似樣。熱鴛鴦一般啦，唔算好差。單拼湯米：有半邊切雞、兩條小白菜、一份湯米粉。切雞另用小碟上，幾體貼，算少肥多肉。熱檸檬茶都係一般，no comment。唔好坐，擴音器不斷傳來領取食物的號碼，勁吵耳，好煩！何不效法「大家樂」以display 宣告領取食物的號碼！？若非必要，大概無下次。

呢度近地鐵站,自然佔盡地利,雖然係咁,佢d野食整體黎講都好得(起碼好過大家X 同大快X)而且選擇夠多,(例如下午茶加幾蚊有餐包,再加幾蚊可加燒賣....etc)總有一款0岩胃口, 當中以佢地既”豉油皇炒麵”印象最深,可以話係生平所食過既炒麵中最有水準既, 佢唔係話好好好….食果種,但絕唔會一攤凍左就變硬, 呢度已俾人好感, (我曾經試過朝早返工買左,就咁放響度,中午拎番出黎食,依然好軟身)另外個炒麵既麵身好幼細, 絕唔係一般”橡筋麵”可比擬, $11既炒麵有咁既素質,夫復何求??

通常每年元旦, 我們一家人也會出外吃晚報, 去年也不例外。一月一日晚上八時許, 我們選擇了藍田的大滿貫快餐廳。我們不吃48 元的元旦大餐(有吉列大蝦、釀扇貝、忌廉湯等), 因為我們覺得這個大餐會增加我們體內的膽固醇, 於是我和媽媽便選擇了兩份「雙蒸」套餐(蒸鯇魚及蒸排骨)(見圖), 另有中湯、白飯、飲品, 每份售36元。我們覺得鯇魚及排骨的味道不錯, 廚師在食物上加了甜豉油, 能帶出鯇魚及排骨的鮮味, 材料也算新鮮, 惟排骨略嫌較「肥」、多油; 中湯是青紅蘿蔔瘦肉湯, 湯水味道不俗(可能有「味精」), 「多料」(多湯渣), 但是油太多, 浮在湯上, 我們要把油勺走, 才敢喝下(這也是一般快餐廳中式湯水的通病--多油), 整體來說算不俗, 可惜這份套餐欠缺蔬菜及水果, 不算健康, 希望餐廳負責人留意此點! 此外, 弟弟點了42元的「羊肉火鍋」, 有生菜, 他說很不錯! 大家不妨去試試!

比大x樂大x 活貴d,食物味道就好好多,多選擇,佢d中湯經常超水準,好夠老火,正....

呢間快餐店食物味道不錯，不過成日偷偷地加價。本來好抵食０既早餐已經偷偷地加到＄１９．５。但乜都有０既早餐ｃ依然抵食。食過佢地ｄ麥皮，水準非常參差，一時極好，一時勁加水。不過早餐０既餐包值得一提，因為有時會係波羅包。晚市係算貴０既，份量唔多，女仔０岩０岩好，男仔就唔夠飽。不過勝在款多。尤其是西式。

黎過一次食lunch, 當時見到D掛嚮度的燒肉幾靚, 於是就叫左個燒肉飯. 只可惜, 佢地唔係切掛嚮度的燒肉, 而係切嚮砧板上的燒肉給我, 果舊燒肉見到都唔開胃, D皮好淋, 而且仲係甩開果隻, 味道當然亦唔會好.你可能認為廿零蚊的燒肉飯, 入面的燒肉就係呢種貨色, 呢種講法我有點保留, 因為好些食肆的燒肉飯, 質素都算不俗, 最起碼D皮唔會甩開先.條氣唔順, 一於醒個"喊臉"比你.

裝修過之後環境好o左好多，感覺乾淨同光猛o左。幾鍾意o黎呢度食下午茶，除平平燒鴨瀨粉之外仲有港式熱狗同公司三文治，都幾多選擇。早餐就麻麻地，通粉同粥都唔好食，公仔麵又唔用「福」麵，去茶記食仲正。呢度D燒味都唔錯，叉燒夠鬆軟，間唔中仲會有豉油皇乳鴿，整得好juicy，見到有o既話通常都會買番屋企加送~~

晚市好多人去食，味道好過大快活，分店唔多，所以品質控制得到，晚市有生滾粥，即叫即滾，配上炒麵又係一餐！另外，鐵板餐個鐵板唔熱真係要改進。

老實講，快店都係咁啦，唔駛話到咁差!! 其實你都睇到生意幾好，如果真係咁差邊有咁多人食呀，你估地傻架?? 最低限度佁野都夠熱，又有一個counter 負責煲仔飯!!

Taste is too bad. No for human being. For dog is better.