大滿貫 (已結業)

今日出去搵一個好朋友, 途經一個商場, 見肚餓, 當然搵野食. 見佢唔小人, 一於試下啦.咁我就食左個海南雞飯.個餐同一般個D都一樣, 有碟雞, 有湯, 有飯, 有菜, 有調味料 D雞肉質就麻麻地, 唔滑 湯就幾好飲 $48 價錢都算係咁下次我就試下個鐵扳先

老友要在藍田辦點事，放工後就在這頭相聚。經過大滿貫見尚有座位，於是順便在店內晚膳。近排不想吃太多肉類，但原來要在快餐店找一道較清的菜式頗有難道，最後點了豆腐班塊飯加例湯。等了一會食物方製成，揭開蓋子後發現油份頗多，但也沒有法子。豆腐比班塊多是意料中事，班塊顯然是一早煮製再翻炒，所以外層很腍軟，另亦沒甚魚味。豆腐很大件且煎得有些燶，茨汁頗淡的但比厚杰杰的更為人接受。較愛那些白菜仔，可惜只有寥寥數條，如果加些磨菇應更受落，很貪心吧？中湯是眉豆粉葛煲豬肉，色澤很深沉而味道頗鹹，盅內亦有少少湯料，極需滋潤的我將之全部幹掉。今晚老友身體抱恙，吃飽後逛了一會便各自回家。近期天氣反覆，大家保重啊！

幾乎一個月總會光顧一兩次此時段 通常客滿3分之2這天來到心血來潮點了"一餐兩味"兩餸 兩白飯 兩湯上次的湯 連比我更接受到咸味的他都頂不順 喝幾口就無法繼續這次是紅青蘿蔔湯 顯然沒上次的那麼咸 都能喝光光===============(左)西檸骨配菜及鮑片 (右)滑蛋蝦仁兩道菜的調味剛剛好這滑蛋蝦仁是我的"撈飯之選" 而西檸骨亦令人吃得開胃 都蠻美味的論份量白飯算得上大碗(對我這種一般女生來說)我沒吃光可分點給他 大家都飽足略嫌餸菜份量不足 不算"大食"的我們 都覺得是少了點感覺之前吃到的都很足夠的呵呵 是不是關係到食物材料的成本上漲呢? (不得而知 猜猜而已..)

二月上旬‧晴從來也未吃過這個疑似快餐集團的店子，是日來吃個下午茶試試。要了個腸蛋炒麵，麵是平日的豉油王炒麵，不是即炒但至少是熱熱的。配上腸蛋，感覺很有趣，平日這個配搭不常見。熱奶茶一般，夠滑但不夠茶香。值得一提的是這裡不少的阿姐服務非常好，親切。

今日lunch唔知食咩好於是求其就係藍田搵d野食下記得以前有朋友同我講過話大滿貫唔係咁好食所以我一路以尼我都冇幫襯過不過唸唸下見佢都係呢到做左咁多年如果真係咁差都做唔到落去啦同埋見到佢個意粉餐幾吸引於是就決定試下餡料有4款,包括火煺,牛肉,蝦球仲有雞肉,但只可以揀兩樣,於是我揀左牛肉同蝦球醬汁方面有兩個,包括菠菜忌廉汁,另一個我唔記得左咁我就揀左忌廉汁意粉方面有長通粉,普通意粉同扁意粉而我就揀左長通粉飲品可以揀羅宋湯or中湯or汽水咁我就揀左sprite成個餐先係30蚊我覺得ok唔錯外賣大慨等左5分鐘到就有,其實都好快上到家姐屋企一打開哇個樣睇落去唔錯wor一試之下覺得佢地既汁好香好濃,牛肉好滑蝦球就比較硬身左少少但食落我覺得真係好好味!30蚊食到一個咁好既lunch下次繼續!

因為住附近，之前“偶然”都會買下佢D飯個日去買，真係買到我一肚氣！真係唔寫唔得個日去買叉燒飯，甘係買飛落單個陣都已經有講要“走色”張單上面都大大隻打住要“走色”去到斬料個到，見個師傅發緊夢甘，因為成間野無0羊客都驚佢見唔到，就再同佢講話走色佢“哦”1聲就算點知“哦”完又一下野“落曬D色！！！！跟著我同佢講話”我要走色WOR！“跟著個師傅係完全當我無到，仲J刻扮聽唔到張個飯放落去個舊袋到”隊“比我！無錯，係”隊“比我最離譜係佢條菜心！！！比得半條！跟著我話，可唔可以比埋個半條（我係好有禮貌甘問）點知！！！個師傅竟然話，“梗係唔得啦！！比多條你？點可以比埋你？！你唔係唔知依家D菜幾YA蚊斤？！！！！”係到鬧我！！我當堂興到呢！自己做錯野又唔肯換！跟著仲要大聲夾惡！呢D人真係好過份！

魚腐海鮮雜菜煲伴糯米飯($38):雜菜煲餸菜都好足料,大頭話幾好味呢一價兩味餐(約$35):有糙米飯,中國茶,湯及兩味餸.是次係雞翼及芥蘭.d菜,油較多.平平地食個快餐.大滿貫都幾ok的.

回家途中, 經過藍田匯景商場時, 見時間尚早, 便決定買點燒味加餸,燒肉 (燒腩骨) 兩條, 叉燒半斤, 要HK$99! 不便宜, 但燒腩骨不錯,叉燒夠鬆軟, 品質控制得到, 總括而言, 整體還算合格,因為美心MX 和美心大酒樓 外賣水準下降, 在藍田算是好吃!

自從大滿貫旗下的德福花園及樂富中心分店相繼結業後, 已很久沒有再幫襯大滿貫了, 這天, 因工作關係途經藍田匯景商場時, 見時間尚早, 便決定提早於大滿貫吃了一頓午餐。看看掛在收銀處的餐牌, 午餐都是車仔麵, 燒味, 兩餸套飯... 沒有一款合心水的, 最後選了焗豬扒飯 ($25) 及可樂 ($5)。買好票, 等了約 5 分鐘, 香噴噴的焗飯終於登場, 不過感覺焗飯 size 相比美心及大家樂的為細, 而且焗飯面上只得數片已去骨的豬扒塊, 咬下去啖啖肉, 但份量略欠不足。總括而言, 整體還算合格, 期望下次路過藍田時, 會有機會再幫襯!!

大滿貫食左好多年,明知快餐嘢當然要求唔可以過高,但係食嘢當然要有啲要求...6月30日中午時分諗住食個車仔麵輕鬆下,叫左個豆卜,豬紅,貢丸河粉,去拎呢碗粉嘅時候已經大吃一驚... 仿如血地獄麻辣河粉,我本身唔食得辣,所以好溫文咁同個阿姐講可唔可以去左啲辣湯,而換個啲清湯?佢個表情已經好唔想,但係都拎左去求求祈咁去咁半再換咁半,邊換邊話你食豬紅就係咁架啦... 佢當我第一次食?! 我食大滿貫佢似乎未喺度做,呢個阿姐應該係新做,所以我只係話"係咩"就算數,但係佢態度奇差,用一股陰力將個碗劈底,結果我只食左三分一,因為實在太油... 我唔明佢點解要落咁多豬紅汁落去, 其實當日嘅食物冇咩嘢,只係豆卜唔夠新鮮,貢丸硬左啲啫.呢次之後我再一次好討厭呢檔車仔檔,因為已經唔係第一次,啲阿姐換左血之後極差,大家食嘢嘅同時唔想食埋一吐火嘅話千祈咪去,另外佢嘅魚蛋好多雜質,要邊食邊nur,講左咁多大滿貫都有可讚之處,係晚市尚算ok,但係八點後個例湯可以倒左佢,超淡!!! 所以最好都係唔好去,小心!

13/3;由於今晚bf要同屋企人食飯,只可以喺之前同我小聚一小時,佢話要陪我食飯,唔係好多時間,就嚟咗呢度食快餐…其實一直都覺得呢度唔會有乜可取既食物,只係因為農曆年前食過一個沙嗲金菇肥牛湯烏冬,當時真係冇諗過呢個麵會咁好食架,沙嗲味好濃,最緊要係夠辣嘛,牛肉又唔韌,總之就係好好食,一直都念念不忘,好想有機會再食,所以今次再揀返佢,上次食到一半先記得未影相,今次就第一時間拍低佢先…今次既顏色比上次紅喎,已差不多一個月冇食,唔理三七二十一喇,快D食啦!嘩,果然都仲係咁好食,不過…好似辣過上次喎;bf話呢個麵佢之前都食過幾次,佢發現呢度既辣度係冇乜準則架,有時會辣D,有時就冇咁辣,但始終都係辣辣地既,冇所謂啦,反正我都係食得辣既,好味就得架啦,但如果真係唔食得辣既朋友記得喺落單既時候叫佢地唔好整咁辣喇…

最好係燒鴨和車仔麵，其它都係行貨。

我次次都係叫外賣,唔會堂食,不過果度地方算大,清潔一般,but唔會太差~^^我好多時都係叫雙焗飯,初初食覺得幾好食加夠飽肚,之後覺得好"留",佢一邊係茄汁焗飯,一邊係白汁意粉~我覺得茄汁焗飯果邊好味d^^另外佢d魚丸,墨魚丸之類都幾彈牙~值得一試^^

4.9 (mon - PH) lite lunch比賽前唔想食咁飽，要左個西多士tea set（w/ drink），多士配綠茶醬同椰香酥醬好厚o既麵包，烘到o岩o岩好，唔會太"lone"綠茶同椰香酥好味，幾特別呀

昨日無無聊聊一個人到這裡食tea,點了個雞翼西多士餐原本打算飲即磨咖啡但竟然要加多十元,唔係嘛!所以選了另外一樣-汽水!但整體上來說始終唔及大家樂好食!真係差左好多呀!我對上一次係兩年前食tea,但呢間d水準同telford嗰間又唔同噃!嗰間好過呢間!同埋呢間好污糟呀!