大滿喜日本料理 (已結業)

每次去觀塘都想吃別有一番風味的食物，但每次都想到頭痛，因為想吃的特別多。觀塘一帶都有不少美食，其中一個地方便是亞太中心，任均選擇每間店舖都各有風味;今次朋友決定不用再選擇一早決定吃放題，預約坐位，想吃什麼也有。踏入餐廳，發現地方闊落大部分坐位已經滿座。幸好有預約，一坐好便寫下菜單。大家同心首輪不選擇飽肚食物，決定先攻刺身再吃肉類，我們點下刺身類種類繁多，為我們送上一大盤雜錦刺身拼盤。愛吃的我三文魚是必選，三文魚表皮冰凍柔若無骨、油脂豐富每片厚切都軟嫩充盈口腔，一入口即化，即刻要再點多一輪才。帶子外表晶瑩飽滿， 光是看已叫人垂涎欲滴。 入口鮮甜，平時不太愛帶子也照樣吃，果然不可錯過。除了刺身之外，小食當然也不少得，點了芝士年糕，一咬滿口芝士還可以拉絲，亦不會太油膩。吃到差不多一半，為了再吃其他食物，點了燒菠蘿，有助提升食慾並能有效地幫助消化吸收，火喉掌握得很好，菠道味道鮮甜多汁，不停止流。肉食系的我，亦不會放過任何次放題，我亦挑選羊架，羊架爽口而帶煙韌，但有少許羊騷味，但面上有不少椒鹽蒜蓉乾調味，味道不錯可以值得一試。已經飽到上頸喉，整體來說，刺身新鮮，炸物煮物亦可再試，送上速度很快，下

近年來觀塘有不少日式餐廳，其中放題類別也不算少。論名氣不得不提大滿喜（此店另有旺角創興廣場分店），既然喺觀塘咁就腳，我當然要去光顧下啦。呢間日本任食放題料理， 位於觀塘亞太中心嗰邊喺APM商場隔離，所以都唔難搵到佢嘅位置，而且來光顧嘅客人亦都比較多。呢度嘅食物選擇好多，有唔同類型嘅刺身，並有多款壽司、小食和免費飲品任人選擇，例如：大大粒珍寶帆立貝、赤海蝦、油甘魚、北寄貝、希靈魚、鮑魚片、甜蛋，對比出面的放題，亦都有比較多樣化嘅刺身選擇，都幾花多眼亂，赤海蝦鮮甜，肥美，一啲腥味都冇。而啲大大粒珍寶帆立貝，每粒咬落去超級有咬口，亦都非常有鮮味。油甘魚的口感好易溶化，油脂分佈非常平均，拼埋全盤一齊食簡直就係超級好味。除了味道同材料新鮮和鮮甜，外觀都看得出花了不少時間設計，就是盛裝刺身的盤子是一隻大船，周邊還有不少用亁冰製造出好像置身於雪山中的效果，效果保持很持久，令人感覺好滿足。除此之外，這裡唔單止只做日本料理，亦都有其他小食，一品料理、天婦羅和煮物可以食埋，特別推介例如：日式蟹粥、北海道牛乳海鮮鍋、魚翅雞湯，全部材料都是好足本的，好似個日式蟹粥，真係用成隻蟹來煮每一鍋，分別有好蟹蓋、蟹腳，

今晚係細佬既生日，細佬呢個日本通最中意就係食放題，所以不為什麼，我地就食放題啦！因為細佬係APM收工，近近地就book左隔離既放題喇！一入到餐廳發現餐廳都幾大幾闊，未夠7點已經坐滿...好在有book位，book左既5分鐘就入得啦！我地唔食飽肚野，先攻刺身，刺身類總類繁多，三文魚必食！厚切而且肥美，放入口時都feel到魚油香味，海立魚刺身真係第一次食，平時我地街市買既都係煎既，宜家刺身食味道好唔同，腥腥地帶點甘甜，甘甜既感覺同油甘魚好唔同，油甘魚係魚油味上既甘。北海道帶子好肥美，又厚身，估唔到既係，係象拔蚌都有，每片都切得好幼細，爽口！唔加Wasabi食味道唔突出，加埋增加口感tim！壽司我地都叫左唔少，火灸XO醬帆立貝壽司幾有新意，火灸感覺不太大，帆立具亦平凡，但XO醬就生色不少！XO醬味濃，同帆立貝好襯，更可以增加味道！池魚王壽司&鱆紅魚壽司味道相約，但池魚王十分爽脆，脂肪分佈都剛好，有清甜味也有魚油香味！另一特別介紹：芝士焦糖三文魚壽司，非常有新意，焦糖完全融化在芝士中，令芝士充滿甜味，加埋落三文魚度就變左甜甜既三文魚啦！燒羊架十分好味，夠大件又夠肥，邊位是肥肉，一咬下去把肉「齒

今晚我地去觀塘食放題，呢間大滿喜幾好食，想推介一下。搭完lift一出，都已經有吾少人，可以是星期六吧，不過都吾洗等好耐就有得入去食。佢都好多野食，刺身方面，有 油甘魚，北海道鮮帶子，三文魚 ，北寄貝，希靈魚， 加拿大松葉蟹腳，甜蝦，赤蝦等等。當中三文魚油甘魚都吾錯，冇乜雪味，又厚切，啖啖肉，蟹腳都好多肉又大隻。另外海膽手捲係我必定會食嘅，即到要即食，因為紫菜吾會林左， 海膽都好新鮮鮮甜。食咗天婦羅有甜蝦同蟹柳， 唔算好油，唔算太多粉，幾好食，熱辣辣。賣單都係二百幾蚊，咁多野食，算好平啦，吾錯嘅。

朋友生日，決定係觀塘食放題。大滿喜餐廳位置寬敞，坐得舒適，枱面有足夠位置擺放食物，整體環境都幾舒服。我地大概六點鐘到，有唔少人已經入座，可見相當受歡迎。十分鐘左右，首輪刺身送到我面前。賣相唔錯，仲有乾冰噴煙作點綴。厚切既三文魚，肥美既甜蝦，鮮甜既帶子，全部唔洗十五分鐘就俾我地清曬😋我朋友大讚希靈魚完全無腥味，刺身非常新鮮，好食。我地一餐入面總共嗌左三轉刺身先係罷休，以往食放題成日中伏，好難得揾到間放題既刺身可以咁新鮮～另一個驚喜，就係呢度有得食燒乳鴿。表皮幾香脆，肉質唔會太鞋，味道都幾惹味。超級熱衷於各類鍋物既我，當然唔放過呢個機會。最後係牛肉壽喜燒同牛奶鍋之間，揀左較少見既牛奶鍋。最初以為係打邊爐，原來只係用石鍋裝住，我真係諗多左。牛奶鍋熱度足夠，湯底呈乳白色，配料有蟹腳，粟米同帶子。湯底唔會太濃，微甜而不膩，好好飲！炸物方面，炸粉唔會太厚。黃金蝦有微微鹹蛋黃既味道。甜品款式都幾多，剩係雪條都有咁多款！雕魚燒，外脆內軟，入面係暖暖既紅豆蓉，正。整體黎講，刺身新鮮，熟食味道不錯，甜品種類多。上菜快，冇漏單情況，非常值得一試。

第一次寫食評,以前食過好多日本放題,e間值得一讚嘅係消夜放題超值嘅價錢,食到喜出望外嘅質素.... e間環境又寬敞,D枱又大又闊,衛生同服務都不錯....記住係消夜放題21:00開始

刺身十分新鮮，有很多食物給顧客選擇，刺身和壽司也有很多選擇，其次熟食也有很多選擇，例如我最喜愛在這裏吃的羊架。還有一些煮物，還有一些湯也很好喝，飲品種類多可以任飲。整體衛生情況也很好， 座椅舒適程度也很好，服務員服務很好。

真係好耐冇食放題，今次食到盡~刺身樣樣都有 最鍾意都係三文魚 切得幾厚 而且幾新鮮🙈 另外帶子都唔錯 好彈牙新鮮👍叫左個黃金燒帆立貝，上面鋪左大量芝士拎去焗，帆立貝被好多芝士包住🤤係咁多煮物入面最鍾意嘅就係人參燉雞湯, 因為人參燉雞湯非常足料, 每一啖都有好濃人參同雞味，熬左好耐嘅感覺😝之後叫咗燒菠蘿，燒得都幾入味，菠蘿好甜! 燒羊架：羊架好入味，不羶不靭，美味可口！最鐘意嘅炸物都係天婦羅，因為口感乾脆，最重要嘅係即刻叫即刻炸啊！！！榴槤炸彈一定要食啦！一咬開已經好香榴槤味 d 榴槤蓉留出黎 成口榴槤味🤤🤤🤤最後食埋個甜品 又係一餐好豐富嘅放題😊

同朋友行完apm 就過隔離食放題😋任食當然叫多d 刺身啦😍 整體都幾新鮮 三文魚幾肥美 帶子甜蝦都係我最愛👍海膽手卷細細件咁 不過入面放海膽就唔孤寒起碼有2至3條海膽肉 而且唔苦又鮮味👍牛柳粒❤十級驚喜！細細粒一淡一粒唔怕食到污糟！！啲牛肉好入味好有嚼勁但又唔會咬唔開！正🤤🤤🤤🤤蟹粥 啲粥好綿好滑 隻蟹多肉好味🤣蟹棒壽司 燒得幾好又唔冇半生不熟的感覺 好味🤤🤤呢度嘅榴槤炸彈最驚喜😻 外皮炸到卜卜脆 而且入面夠多榴槤肉！一咬落去d 榴槤味飛出黎 好鬼香❤另外呢度嘅花之戀夠細舊 可以一口食完 飯夠細舊最好😆

嗰日自己腸胃有少少唔舒服，所以就冇食到魚生同壽司個類食物，不過食放題唔食刺身，都有好多其他選擇飲品都幾齊全，隔離仲有個熱飲櫃～呢度既燒羊架比到我最大驚喜！燒得好香，肉汁鎖住係羊排入面，食落juicy，而且羊排質素高，肥瘦均勻，燒得剛剛好，咬落去爽口冇咩羶味呢度啲燒肉確實做得唔錯，並唔會遜色過出面既燒肉餐廳牛柳粒燒得好香，個汁惹味，煮得好入味～啱啱好係一啖既size，食起上嚟好方便，而且肉相當嫩滑！土匪雞翼辣辣地，有黑白芝麻，烤得好香，如果皮再脆啲會更好～估唔到放題都有燒乳鴿😂😂不過比想像中細舊，但燒到外皮脆卜卜，加埋麥芽糖燒會再正啲！牛肉壽喜燒，估唔到好大鍋添，牛肉同菜份量一半半，自己一個食好飽～燒帆立貝，好多沙律醬包住舊帆立貝，變左蓋過帆立貝本身嘅鮮甜味估唔到呢度既鴨掌鮑魚都幾好，鴨掌咬落去好多骨膠原，個汁夠濃厚，鮑魚比想像中入味個日食無漏單，整體都ok!

每年新年期間也會和兄弟們一起聚餐，吃個開年飯。今年則來到觀塘大滿喜吃放題，不過無奈過了一個憤怒又失望的晚上......可能還在新年期間，故人流特別多，雖然訂了座，但也等了一會兒才入座，不過當吃過後離開時僅餘少量客人。這裡的裝潢採用雪白為主，感覺企理又保留時尚風格。不過，卡座就偏窄，坐得不舒服，窄得吃手碰手般吃。食物選擇方面，也算是相當齊全，基本的刺身、壽司、熟食、炸物、甜品也有。全晚最好的是點了一大盤刺身，刺身新鮮度也足，其中大家也欣賞白鳥貝刺身，非常爽口及鮮甜，即使吃了幾轉也不覺厭，值得一點。另外，多款刺身之中，油甘魚刺身雖然是高檔刺身般，但不會太瘦小，尚算肥美。而三文魚則中規中距，肥美度一般，部分仍有雪味。值得一提的是，點了好幾轉刺身，發現其數量和款色，總會較自己點的有所不同，明明沒有點希靈魚也會出現呢。炸物也算不錯，其中芝士年糕來到時，雖不是熱騰騰，但內裡的芝士非常多，但又不會太膩及油。點了紫芋波波，卻來了榴槤炸彈，內裡的榴槤餡也算香，但配合外炸，吃起來就有點膩了。有感這裡食物質素參差，最差的羊架，不得不提，全隻羊架只有肥膏，叫人怎樣吃。點了三轉壽司，等來等去也沒有來，催促了幾次

屋企人想食放題 於是過左apm 隔離個大廈度睇下🐶 食放題一定要叫刺身 我地樣樣叫左d 黎試下 最後叫左成大盤刺身 樣樣都有d 呢度d 刺身都幾新鮮 切得又大塊 睇落唔錯👍 最好食當然係三文魚啦 切得幾厚 而且又大塊 油脂分布均勻 食落成口三文魚好滿足呀🤣呢個蟹腳都唔錯 估唔到都算多肉 食落幾清甜鮮味🤤🤤帶子色澤光滑 食落好彈牙 encore 左🤣👍壽司都幾多選擇 黃色個舊係蟹膏蟹肉加甜蝦 鍾意蟹同蝦嘅我 可以一次過食哂🤣 另外呢度嘅花之戀夠細舊 可以一口食完 飯夠細舊最好 😆 黑松露三文魚唔錯 松露味好出🤤蟹棒同芝士都正🤤🤤🤤 仲有海膽手卷添呀 不過都幾細舊 一啖就食完🙈 紫菜唔夠脆 食落已經唸哂🙈最令我驚喜係呢度嘅榴槤炸彈😻 外皮炸到卜卜脆 而且入面夠多榴槤肉！ 一咬落去d 榴槤味飛出黎 好鬼香❤ 真係好多榴槤肉🤤🤤🤤燒菠蘿可以解渴🤣 好大舊 入面好多汁👍👍

吃過甘多放題，最差一間，除佐上嘢速度慢，收碟都同樣慢。而且食物吾够新鮮，品種選擇少，刺身腥味，雪味非常重。對比尼度某間爭好遠。仲要點食物樣樣都話冇，尼價錢一點都吾抵食，真吾敢恭維下次

放題的魅力，很難抗拒，農曆新年食過一次，心癢癢的又想再去，所以趁新年後剛復工，未是太忙的時間，走到觀塘亞太中心的>>>大滿喜日本料理<<<，當是慶祝上班(？)的開年飯。 餐廳裝修時尚、光猛，加些新年佈置，更添節日氣氛。 點餐紙有條不紊地放在餐桌，還擺放骨碟，非常方便。食物種類蠻多，點餐紙上圖文並茂顯示，有夠清晰。 自助甜品區中可以找到飲品和甜品。 飲品冷熱俱備，可盡情取用。 自助甜品以獨立包裝的雪條、雪糕為主。 Openrice介紹熱門菜式刺身拼盤，當然應該一試。整個拼盤包含所有餐廳提供的刺身，一共十二款：三文魚、油甘魚、千島玉子、希靈魚、北海道鮮帶子、白鳥貝、北寄貝、鮑魚片、加拿大松葉蟹腳、赤蝦、甜蝦及蠑螺。平日吃赤蝦和甜蝦都是分開吃，趁著這次放題的機會，將兩者比拼一下，就能吃得出當中分別。赤蝦肉質爽口，甜蝦除了味道較甜，肉質也較軟稔。另一款超級甜美的刺身是鮑魚片。餘韻最強的是油甘魚；口感最爽脆的是希靈魚。加拿大松葉蟹腳鹹香十足，但蟹殼比較硬，徒手劈開要點力氣。整體而言，海產均非常新鮮，千島玉子也是特色之選。能夠成為熱門菜色，果

之前去開5樓食. 今次來試下10樓依間...刺身 - 幾新鮮, 三文魚好肥美, 帶子大粒鮮甜, 甜蝦唔算大隻但都唔錯!壽司 - 正常SIZE , 唔係迷你版, 不宜叫太多會快飽! 左口魚及蟹棒唔差! 但吞拿魚叫左兩次都冇來! 又冇通知係咪冇貨!有待改善~~手卷 - 迷你版剛剛好唔會太多太飽, 海膽及吞Toro 都OK! 軟殼蟹就...得小小腳食左都唔知有!串燒海蝦 - 蝦夠鮮唔"梅" ... 正 !土匪雞翼 - 應該係用黑椒胡椒孜然粉, 但依度食完條脷會麻晒!燒菠蘿 - 菠蘿酸 , 椒鹽泥鯭  ,燒茄子 - 普通牛柳粒 - 味道唔差. 牛柳都算"淋"黃金蝦 - 香脆, 連殼食埋 吉列雪魚棒- 魚肉一推蓉咁唔好食! 吉列蠔 - OK! 蠔唔太鮮味!芝麻雞翼-剛剛熟, 幾滑鰻魚飯 - 唔多得, 鰻魚骨多, 飯唔係珍珠米!鮑汁花膠鴨掌 - 唔差, 味濃花膠淋, 鴨掌可以再淋D胡麻沙律 - OK!乳鴿 - 過火＂鞋"左D榴槤炸彈 - 榴槤味唔夠香濃, 有點失色!甜品 - 普普通通 , 特別係牛乳燉蛋白好滑好香, 仲有雪糕雪條任食整體上可以的, 價錢不算貴食材算唔差, 係有部份需要改善!