大滿喜日本料理 (已結業)

地方尚算寬敞整潔。食日本料理，首選一定是點刺身，呢間淨係食刺身都超值，足有十二款刺身,松葉蟹腳肥美有肉，赤蝦及甜蝦都大大隻，連榮螺肉都唔韌，其他刺身每款都鮮味，滋味不得了。一品料理物值得推介之花膠花菇燉鴨掌淋滑，黃金蝦， 蝦殼炸到脆被蛋黃包勻，食時連殼都食埋。手捲好精緻，小朋友見到開心兼一定鍾意食。天婦羅既炸南瓜，海蝦炸得脆脆，好好食。燒海蝦大大隻，有鮮味，連牛油燒翠肉瓜都相當鮮甜。炸紫芋波波，吉列蠔及榴槤炸彈等炸物脆脆香口。連甜品都有驚喜，賣相吸引，細細件，一口一件，唔太甜，美味美味。稍遜色就係乳鴿及人參雞湯。食物種類之多，每款試一件都不得了。最後值得推薦自制甘柑茶， 用來消消滯清腸胃，一定要飲多幾口。

團年飯，搞搞新意思，同屋企人食放題，好多地方都book唔到位啦，最後嚟到觀塘是大滿喜。亞太中心呢度有好多間放題，呢一間都算坐得舒服，爸爸媽咪都讚個卡位好闊落。六點鐘嚟到，已經坐咗八成滿，都幾旺場喎。有啲放題有自助吧檯，雖然呢間就冇，但係以咁樣收費，絕對抵食。刺身真係非常新鮮，刺身嘅種類非常之多選擇，淨係刺身都有12款選擇，帶子每隻都好大粒，而且仲要好鮮甜，淨係蝦嘅刺身都有兩款，啱晒我蝦迷，虎蝦又大隻又超鮮甜啦。除咗一般嘅刺身選擇之外，最特別係仲有松葉蟹腳任點添，肥大肉厚。今晚同爸媽一齊嚟食，兩老特別大讚呢間放題有中式嘅食品，黃金蝦炒得好靚，啲蛋黃包住隻蝦，炒得均勻又唔會太油。串燒翠玉瓜真係推介，燒得剛剛好，配上孜然粉惹味十足。松葉蟹腳牛乳海鮮鍋（二人份量）呢個湯底真係令人地好驚訝，意料之外，好香濃嘅牛奶味，非常好味。入邊嘅用料都好豐富，又長腳蟹，特大青口……等。個湯底都依然係好回味，好重奶味，絕對推介！除罐裝同支裝嘅飲品，除咗有凍嘅梅酒同清酒之外，可惜冇熱嘅清酒，不過飲杯酒，輕輕鬆鬆咁樣傾計，都係賞心樂事！

其實觀塘越黎越多餐廳選擇，唔洗下下都出到去尖沙咀，旺角，銅鑼灣搵野食。最近都係朋友介紹話宵夜時段放題好抵食，放工就去試下啦！估唔到平日既九點都全場爆滿，好彩有book位咋。呢度都坐得幾舒服，起碼張枱夠哂大，有時食放題張枱細到幾碟野都擺唔到，呢樣野真係值得一讚！落單同上菜都好快手，一陣就有得食！首先講下刺身先，選擇好多，而且都幾新鮮，入口啖啖肉。另外，炸物方面亦相當出色，炸雞翼好正，外脆雞肉超juicy，必試！仲有炸墨魚餅，口感相當特別，亦都係炸得好脆，入面會咬到粒粒墨魚肉。壽司手卷全部都可以一啖一粒，唔會食幾粒就飽，可以試哂所有味！最尾當然要講下甜品雪櫃啦，入面有雪糕，雪米糍，雪條，任食唔嬲，睇你食到幾多。飲品選擇亦都好多，仲有暖既紙包飲品，真係好貼心。

今日同朋友經過觀塘，諗緊咁夜有咩食，見到9點後食放題有平，所以一試🙃🙃其實個價錢都幾抵下，對比其他店嘅價錢，大滿喜真係吸引又經濟。首先梗係要食刺身啦😋😋佢有三文魚、蟹腳、榮螺、帶子.... 味道都唔錯。之後，就要食炸物啦！芝麻雞翼值得推薦，味道👍🏻👍🏻。天婦羅都炸得唔錯。跟住就要試下啲壽司啦😊😊帯子卷物同焦糖三文魚都幾特別，味道都👌🏻👌🏻之後，想點啲菜食下，所以叫咗個馬拉盞炒通菜，賣相都唔錯。仲有個焗帶子食😋呢間放題都幾細心，因為天氣好凍，所以佢有部分飲品放係暖櫃到比人飲👍🏻👍🏻值得一讚

餐廳未改名之前食過一次印象不錯，所以今次諗住帶屋企人黎試下同埋慶祝生日，食飯開頭都印象唔錯，刺身新鮮食物質素唔錯，但食到咁上下，發現已經再沒有出食物同埋之前所落既orders 完全消失哂！了解過後，先知道我地之前所落既10張單都無哂，漏單情況好嚴重，發現其他顧客都有相同既問題！再者，我一行5人食飯，無論我order既數量是10還是15，最後黎既數目都只係得5件⋯最後職員都好helpful，主動叫我地重新填單直接幫我地跟進食物進度⋯不過應該都唔會再幫襯，有質素既放題多的是⋯

今晚約左朋友一齊食放題，好開心又期待，呢間係第一次來食。😊入到去夠晒寛敞，大大落地玻離，裝修好豪華，入到去都好似去到酒店食自助餐Feel，重有大沙發的卡位坐，坐位好寛鬆，坐得舒服，最好吹水嘆美食！😛先去揀飲品，成個飲品櫃，有可樂、7up、利賓納、道地烏龍茶、CC、維他菊花茶…好多野飲揀。👏👏👏講下我地最愛的美食，海膽手卷好正，海膽好鮮呀！😳有特別卷物供應，明太子香芒軟殼蟹卷，好食因為香芒酸甜配香口鮮味的明太子和炸香軟殼蟹真係好Match！❤️我一個人叫了三轉，每次都好快就有，其實呢度上野係好快，效率真係要讚！👍🏻👍🏻另外個蒜香和風牛肉卷，又係好好味，D牛肉好新鮮，切到好薄，牛味好正加埋D香蒜咁，會吃上癮。愛吃牛的我，還叫了蒜香牛柳粒，牛柳粒大大粒，牛味好濃，唔乾加埋D醬汁一齊食，配D菜，也好吃。😋炸野，我好愛芝麻雞翼，唔係好大隻，但好入味，好香口Juicy，又有芝麻香！🤗芝士年糕香口煙韌，炸紫薯波，綿香軟甜外脆，吉到蠔也好有蠔味。😎食到咁上下，出去沙律吧食D沙律清清腸胃，還有D甜品，那晚有芒果糯米糍、奶凍和雪糕、雪條(Mega呀)，那晚食左好多野，多到自已都唔記得，但係食到飽到上心口，值

是晚，我們一行七人接受了家人的提議，於該間觀塘日式放題飯聚。初時，感覺該放題的價錢頗貴，唯當用膳後，則感覺物有所值。刺身／冷盤：基本上日式放題有的刺身，該餐廳也有，整體均很新鮮，賣相亦好；而該放題也有供應蟹腳，蟹腳不細，多肉，鮮甜，質素不會遜於酒店自助餐的蟹腳。壽司：普遍質素也高，本人尤其喜歡海膽手卷，海膽佈滿表面，食落鮮甜而不覺腥。正！熱食：食了很多，不能盡錄。但印象較深的，是焗蠔。該焗蠔沒有想像中細隻，芝士味與蠔味配合得十分出色。磯燒食物：該放題提供了不少海鮮供應來磯燒，有青口、蝦、蜆等等，而且仲有我最愛的生蠔及鮑魚。在日式放題中，有鮑魚來磯燒任食，算是一個賣點，雖然該鮑魚較細隻，但以磯燒方法令鮑魚熟食，使鮑魚感染了一點可口的燒味。而其他的磯燒食物也不俗。服務：侍應的態度有禮，印象中沒有出現漏單的情況，而且執拾餐具的速度也快。環境：可能是平日的關係，人不算太多，感覺舒適。總括而言，食物質素及種類也佳，服務也不錯，雖然該價錢比同類放題的價錢略貴，但本人認為是物有所值的。

依家放題都有午市食，仲要可以食3小時，任食價錢只係$178！！仲有十幾張唔同種類的點菜紙，任點任食，刺身選擇多，夠新鮮！！三文魚油脂分佈均勻，帶子好大粒，大甜蝦，象拔蚌，好鮮甜！！芝麻雞翼熱辣辣，脆身又惹味，會encore再encore！！天婦羅炸蝦都必食， 粉薄，但蝦比較細隻！！刺身拼盤真係好正！超惹味超鮮甜！！本人覺得午市比晚市抵食， 因晚市同午市都係一樣的食物，但晚市貴少少，同埋只可食兩小時！！！呢間愈食愈好食，價錢又唔太貴，服務態度又好，啲服務員好細心！！所以間野整體上我覺得真係唔錯嘅！！值得一試！！

久唔久都會食日式放題。貪佢選擇多(由其刺身、壽司)，價錢相對酒店自助餐較平。之前幫襯過同一棟大廈另一間日式放題，感覺相當唔錯。今次試埋呢一間，睇下有無更大驚喜。點知希望越大，失望越大。環境：算幾好，由其有一邊可以望到街景。但樓底不高，整體普普通通。服務：我地兩個人，坐二人枱，都怕一次過叫太多無位放，所以分開 order. 點知基本上每次送到嚟食物都唔對。有時叫咗無嚟，有時就無叫有嚟。食物：刺身、壽司一般。天婦羅無蘿蔔蓉，炒菜很多油，無鰻魚，無牛舌......款式不多。整體一般。有其他更好選擇。

依家放題都有午餐食, 仲要足足食3小時任食價錢只係$178!!仲有10幾張唔同種類的點菜紙,任點任食刺身選擇多, 夠新鮮,三文魚油脂分佈均勻, 帶子好大粒, 大甜蝦, 象拔蚌好鮮甜芝麻雞翼熱辣辣,脆身又惹味會encore再encore!!!天婦羅炸蝦都必食, 粉薄但蝦比較細隻本人覺得午市比晚市抵食, 因晚市同午市都係一樣的食物但晚市貴少少,, 只食兩小時

未食過呢間嘢，放咗工諗住同朋友去試食啊！發覺呢間又唔錯wo，價錢又唔太貴服務態度又好，啲服務員好細心！所以間野整體上我覺得真係唔錯嘅！值得一試！ 好啦我要介紹下啲嘢食啦！首先介紹下呢個豆腐先！呢個豆腐好滑好新嫩夠晒日式！！真係豆腐界嘅一流！！！賣相仲要唔錯！ 非常之吸引人食跟住到戲玉啦！呢一盤刺身拼盤真係好鬼死正！啲三文魚好新鮮， 我平時唔鍾意食刺身都忍唔住食返幾件！ 佢仲有個乾冰好貴靚♥️好特別啊！ 係非一般嘅體驗。咬落去嘅刺身好鮮甜好有口感！ 入口即溶！當中我特別喜歡帶子刺身，每一粒都大大粒很厚肉，一啖把整隻放進口，真的滿足到不得了另外我好喜歡甜蝦刺身，蝦肉爽甜彈牙，只需輕輕點一點豉油調味已經是最高的享受呢幾件壽司，係全世界最特別嘅壽司！佢啲壽司係好稀有，好有創意， 感覺唔係周圍都有得食，所以值得一試！啲羊架黎嗰陣十分之熱，啱啱整出嚟， 啲汁好好味，好感度提升！啊！！！！！我又叫多次三文魚啦!!因為真係好鬼好味，食返夠本榴蓮！！！！係榴蓮呀!!!!超香超好味呢個牛奶湯世界級值得一試！！好濃味！！所以呢間真係好值得推介!!!!真心的

試過咁多間大xx嘅放題，終於試到大滿喜，俾咗個唔錯個形象我，要知道今次係朋友話去食，之前又無睇過食評嗰d，係貪地方就腳我地一班人行完街去食😆一入到去好光猛，坐低都舒服😂入正題嘢食啦！刺身鮮甜，特別係三文魚、蝦、帶子、希靈魚，所以我地都再叫多round，值得推介！壽司方面，個人特別鍾情係鰻魚、蟹膏鮮蝦、三文魚黑松露、炙燒三文魚，好食！手卷方面，軟殼蟹都無令我失望！甜品都多選擇，細細杯可以等我試多幾樣，而甜品更唔會因細杯已無咗質素，朱古力慕斯杯同牛乳布甸係令我印象最深刻嘅甜品，啊，仲有個榴蓮炸彈啊，中意榴蓮嘅話一定要order啊😋😋😋不得了，簡直係外脆內軟，d榴蓮香真係好好食！店員服務唔錯，會回頭的😉

臨近聖誕假期，肯定要食返餐好ge 。放題係首選，但又唔想特登出旺角食放題。係apm行街咁岩搵到附近有大滿喜，第一次食大滿喜，冇令我失望，大讚！！因為實在款式夠多，而且賣相好靚！！！就睇甜品已經值返票價！！平時放題d甜品通常好hea，但大滿喜ge甜品品種好多，好好食！伯爵茶果個唔係好甜但好香伯爵茶味，唔會食兩啖就膩。燉蛋白好香甜，焦糖燉蛋都唔錯！甜品ge份量唔算大，我地叫左兩輪甜品，因為實在太正！最岩鍾意食甜品ge朋友！刺身好新鮮，三文魚夠厚夠大件、蝦都好鮮甜。卷物、壽司ge飯都係好細舊，唔驚食幾件就飽。飲品除左有平時放題罐裝汽水，仲有迷你樽裝茶，個人最鍾意食放題飲消茶味道、環境等，整體都好滿意，下次會再約friend食大滿喜！

早排同朋友黎佐呢頭行街，諗住係附近搵下野食，最尾都係決定左去食放題，價錢又接受到，食完就發現，原來呢間都幾高質喎，岩岩入到間鋪，見到啲裝修都幾好，環境都幾乾淨，而坐既地方都幾闊，都幾舒服幾唔錯！！放題開始就當然要食刺身啦，我最愛既就係甜蝦，我根本上每次去食日本野都一定食甜蝦，食物都相當唔錯 ，啲魚生種類又多 ，勝在新鮮同埋彈口！！！同埋佢啲食物全部都細細碟 ，可以試好多款，好似個手卷咁 ，兩啖就食得曬， 唔會太飽肚，超中意細細件既壽司，可以一口咬吾同口味既壽司！！

同朋友係APM 個頭行街，諗住亂咁入間放題店食餐飽既，本來期望真係唔大，但估唔到一入到個裝修已經令我好驚喜，同以往既放題店唔同，佢以雲石為主題，比到人一種好似去左高級料理店食野既感覺。而地方都十分光猛，d staff 既態度都唔錯。然後，係食物方面，飲品同甜品區既選擇非常之多，點都會揀到一種你岩心水既。食物既種類同質素都非常滿意。特別係佢既串燒、壽司同甜品真係好出色！串燒非常香口同入味，而壽司種類好多，都非常新鮮，我同朋友都叫左2round 既壽司，淨食壽司都可說值回票價。最後，甜品真係一定要試，種類多不在話下，焦糖布丁同蛋糕甜度適中，又唔會得死甜，非常有水準，同係蛋糕店買既差唔多味，呢個我地全部都encore左。總括黎講，雖然係隨便入既餐廳，價錢食物裝修都十分合理，絕對係性價比高！我同同行朋友都十分滿意！