大滿喜日本料理 (已結業)

happy Friday 收工同朋友仔食放題， 試左旺角創興8樓既大滿喜一入門口係自助bar 區， 餐廳有宵夜時段優惠好抵食自助吧入面有各式甜品， 款式都算多，但係日本野款式都太多食唔落甜品飲品方面選擇亦好多 , 啤酒，汽水， 果汁 ，茶一應俱全， 另外值得一提係連清酒梅酒都有得任飲自助吧仲有冷盤前菜小食(螺肉，八爪魚，中華沙律)， 自助沙律吧同埋熟食吧， 而熟食吧亦有好多小食選擇坐低先叫左盤魚生，全部野都好新鮮三文魚厚身肥美，入口好有油脂既香味甜蝦同海蝦都好鮮美食埋蝦頭既膏都完全唔腥壽司方面， 火灸壽司非常出色，燒得剛剛好醬汁亦好配， 當中特別係和牛壽司， 必試 軍艦壽司餡料好多， 紫菜亦好脆， 口感豐富燒鰻魚燒得香噴噴， 油油亮亮，就像呼喚著，快吃我快吃我！手卷十分精緻， 比手掌心還要細， 唔需要擔心想食又驚食左太飽既問題食多幾件都冇問題! 離開既時候發現門口原來放置住幾部夾公仔機4蚊就玩到一次， 可以比等位既食客消磨下時間玩下， 十分細心，值得一讚整體餐廳令我非常滿意， 服務態度良好， 食物質素高， 坐位亦夠寬敞， 會再番啅

今日同男朋友嚟到旺角大滿喜食放題 我同男朋友把嘴都幾刁 人生食過咁多間日式放題店 呢間可以話係滿意之選我哋兩個一路享用食物 傾談嘅內容都係圍繞餐廳同嘢食 總括我哋係有讚無彈 食完 經過門口嘅櫥窗 發現原來餐廳拎咗 2015同2016 嘅旺角區開飯得獎熱店獎項 呢個獎項實至名歸刺身非常新鮮 雖然係放題 但係擺盤仍然有放心思貼心為客人著想 手捲細細件 唔怕食完之後填飽咗個肚食唔落其他嘢生物即叫即炸 上枱時仲會出白煙 熱辣辣卜卜脆蟹粥非常鮮甜 非常足料 仲有名貴嘅乾瑤柱平時食燒物 最怕就係乾爭爭 燒到完全失去本身食材嘅囗感 相反燒物非常值得稱讚 食物依然保留本身的口感和質地 咬落去依然係有肉汁和水分蒜蓉開邊蝦 蝦身鋪滿新鮮嘅蒜蓉 肉質爽口彈牙非常惹味雞翼出奇地有驚喜 隻隻肥美飽滿 外皮煙靭 彈牙 帶有少少甜味鍋物 食材新鮮 熱辣辣最後來個甜品 作為一個完美嘅結束得獎熱店果然名不虛傳 能夠在芸芸餐廳之中得獎 一定有佢優勝之處 我今天親身感受到

平時食放題多數會揀夜晚 真心好少晏晝時段食放題但原來晏晝食 真係唔錯 感覺非常良好 一嚟 人冇咁多 冇咁嘈 仲唔使排隊等位 價錢仲平成一大截 食物款式同種類一樣多自助小食區 肚餓嘅話可以拎住小食先 炸物甜點 樣樣有啲 驚喜發現 朱古力蛋糕仔 非常好吃中式老火例湯自助沙律吧自助乳酪雪糕機 酸酸甜甜幾乳酪雪糕 涼浸浸好開胃 仲可以整色整水 加你自己鍾意嘅糖果配料非常澎湃嘅雪糕 雪條 雪米糍嘢飲選擇非常多 放滿兩大個雪櫃 有支裝罐裝飲品外 仲有啤酒㗎 全部都係任飲 仲有我超級喜歡嘅椰青水 平時喺超級市場買一次都要十幾蚊 真係要飲番夠本刺身種類非常之多 而且款款新鮮 本人最為喜歡係有頭甜蝦 蝦肉鮮甜 而且彈牙今次我主攻日式壽司 光吃壽司和刺身 已經足以回本 魚生有光澤 新鮮 甜美 款款賣相精緻不馬虎 令人食慾大增 垂涎三尺值得稱讚 完全冇留單嘅情況 雖然係放題 但係食物質素一啲都唔馬虎 員工服務態度仲好好 係一間好有heart嘅放題店

約左朋友去旺角食飯, 見到好好多人係度等緊位, 好彩我地之前BOOK左位, 就可以早D入去坐。下次黎食都要訂定位!!!我地坐落就馬上點野食, 好餓了！ORDER完野食, 就出去拎野飲, 出面仲見到有好多沙律同小食🥗D材料都幾齊, 我地拎住少少野食住等😋啲野食都出得幾快，刺身第一個出場！個刺身一大盤, 成個感覺好高貴咁, 個賣相好得體, 劍魚腩厚切, 口感一流, 赤海蝦好大塊, 爽口彈牙, 鮮味十足🦐燒雞軟骨燒得好香, 好野味👍🏻蟹粥好綿密, 蟹殼有少少蟹膏, 粥仲有粟米粒同蘿蔔絲，食完刺身生冷野，再食呢碗熱粥，個胃好滿足！最後食多個乳酪雪糕, 仲可以加配料同醬料, 自己整鍾意既雪糕🍨🍨🍨

夜食放題原來抵好多.. 二舊水都唔洗就可以落樓.. 原本我地係訂晚市架.. 無位就轉左9點半宵夜時段.. 意想不到係飲品甜品種類都有好多.. 甜品仲要有我最愛的大福.. 飲品想飲咩都有.. 我當然都係揀返道地茶系列喇.. 卡路里低又無咁飽肚嘛.. 不減我嘅戰鬥力..刺身拼盆: 三文魚腩塊塊都厚切食落去啖啖肉.. 不過當然食得多都係會'流'左D喇.. 甜蝦夠鮮甜蝦頭都有好多汁同埋大大隻.. 大大粒帶子不用多說咁大粒點都好食架.. 象拔蚌好彈牙不得不食.. 北寄貝就普普通通.. 但始終刺身拼盆都係要樣樣都有D先好食..壽司: 哈哈.. 沒有太多特色壽司可以試的都不多.. 建議好快飽肚o既女仕們可以不點.. 當然食花之戀無得輸la.. 點整都好食.. 燒菠蘿:  重點推介!!! 大大塊一咬落去D汁多到不得了.. 同埋仲要夠甜一D都唔酸.. 一個人食幾件都仲得.. 自助小食: 有部分小食都可以自己攞.. 我就攞左份辣汁雞翼同雜菌, 仲有燒章魚丸tim.. 外脆內軟熱辣辣.. 牛肉粒: 咬落口都幾un.. 太多筋位.. 炸物拼盤: 雞翼炸得好香口不過有點乾一定好熱氣.. 吉列蠔沒有蠔味.. 有點

今次book 了9:30去食放題， 價錢超值， 只需$170 埸內任飲任食， 對於有選擇困難證既朋友就岩哂啦， 呢度各式各樣既熟食， 刺身，及壽司都有齊Dinner 等到9:30確實係幾肚餓， 所以未點野食前去水吧睇睇有無d 可以即食既小食， 朋友拎左呢個辣味雞翼， 味道有點似口水雞， 不算很辣但好開胃刺身方面又點少得甜蝦， 帶子 , 三文魚呢，刺身新鮮好味，朋友們手有手慢無呢壽司有咁多款， 隨便點了幾款， 由於大家太肚餓的關係， 幾乎是秒殺各迷海膽迷絕對唔可以錯過的, 飯不會太好， 海膽甘甜， 入口即溶， 而且唔怕好濟， 可以多吃幾個， 哈哈天婦羅～好吸引呢，只是怕太熱氣， 不敢點太多！炸物方面最難忘是炸芝士年糕及炸榴槤， 可惜有朋友唔食榴槤， 不明白當中的美味最後還點了其他熟食， 大家一致覺得燒菠蘿好正， 大大件， 經燒烤過的菠蘿原來特別鮮甜， 原汁原味最後，雖然大家都好飽肚， 但仲想order 一個海鮮粥， 真材實料， 咁大隻蟹tim, 大滿足！

第一次特價時段食放題，真係大開眼界，未到九點已經排晒長龍，估唔到原來香港有咁多人鍾意食晚市放題，食完之後我就明白固中原因，因為價錢平左，而食物嘅種類係一模一樣，完全冇少到，唔會因為價錢平左而扣起左某啲貴價食物無得食，所以價比值好高！今晚真係食刺身食到飽，樣樣都好鮮味，凈係食我鍾意食嘅甜蝦、帶子同北寄貝已經好滿足了。甜蝦大隻鮮甜，鲍魚同北寄貝口感都好煙靱，好好味！海鮮類全部新鮮無比，好似燒鰻魚、比目魚、炒聖子、串燒蝦、芝士虎𧎚等等全部都係誇啦啦；鰻魚更是外皮香脆，聖子肉厚鮮甜，所以全部叫了2輪，真係抵番晒！飲品甜品都勁多款式，芝士蛋糕、心太軟、雪糕任君選擇；迷你版心太軟一樣吾輸蝕，同樣做到流心效果，一個字「正」。

打風食宵夜放題人生又係第一次,不過今次放題 都有驚喜,竟然有炒蟶子,同比目魚食；而且聖子仲係大大隻，好爽口，好鮮甜果種； 比目魚平時食都係貴價貨，但係今次食放題都可以食得到， 而且仲整得好好食，既冇雪味又鮮甜，呢餐宵夜放題真係值回票價!魚生都叫咗好多，帶子、甜蝦全部都好新鮮美味， D甜蝦仲隻隻都好大隻添。呢餐放題食咗好多唔同味道嘅蝦，有椒鹽串燒蝦， 仲有黃金燒虎蝦，全部都好鮮甜好彈牙。甜品都有好多種選擇，榴槤雪糕好有榴槤味，而且好夠冰凍，有啲似雪花棉棉冰嘅口感，好綿好滑， 如果唔係太飽，真係好想食多杯。芒果芝士蛋糕，同雲石芝士蛋糕雖然細細件，但係 芝士味好濃， 挺身得嚟食落又好滑，非常好食!始終都係宵夜放題，唔敢食太多，但係貴精不貴多，淨係食啲好食嘅，已經好足夠了。

係晚市任食放題😍一黎就叫啲店內推介嘅好野食。一口牛睇到都流晒口水，加埋啲燒汁薯仔，簡直係一流。因為個薯仔皮喺脆嘅！都有啲焦糖味！而且落單都好快，一啲嘢味小食都好快送到。雖然係任飲任食，但係食物質量都唔參差。個雞翼啱啱好熟，好滑口仲有蟶子添啊！係日本放題食到海鮮真係抵食啊！不過呢個需要小小等候時間，因為係即叫即候㗎。蟶子就真係好入味，係豉椒味！加埋飯後甜品-榴槤雪糕，成為榴槤愛好者當然唔可以錯過啦，濃郁嘅榴槤香味充滿係口入面。

呢排好多朋友係外國番，想食好西又想傾耐d計，放題岩哂！呢間大滿喜好有效率，落單之後大約10 分鐘就會上菜，今次係0 miss單，樣樣都上齊，不得不比一個讚先上既係刺身，赤蝦十級好味，好脆口，個人極推. 帶子都好厚身，仲好甜添。帆立貝壽司有少少乾，但個味係幾好食的。呢到既雞軟骨好香好脆，岩岩燒起超好食！燒蝦亦都唔錯，隻蝦好新鮮爽口，肉質唔會梅。推介呢隻蒜香燒虎蝦好香牛油味，同埋好多蒜頭係入面，好惹味。點少得我既至香芝麻雞翼丫。唔洗多講，5 分！一啖一舊手卷，過癮呢到仲有蛋撻食添！！真係第一次見放題有蛋撻食，質量唔錯添個人好中意食呢到既奶凍，唔甜，好香奶味雲石cheese cake都唔錯，如果再凍d就好。芒果就麻麻地，唔係好岩我口味。

好味啊！琴晚9點開始左我嘅任食放題。一坐低緊係即刻點野食。落單好快手啊，啲食物都逐一送到。推介嘅係牛舌，陣陣炭燒香味，睇到都流晒口水啊。食左更加唔洗講，一個字正啊！魚刺身都好美觀又幾好味，作為任食放題但係每樣食品都唔馬虎。抵讚任飲汽水同任拎小食都係放題必備！

一開始入去嗰時因為book左位，一講booking no.就可以即刻入去，情況已經好過其他同樣嘅食店！然後當然就係有好多不同嘅落單紙去落單啦，有串燒啊刺身啊壽司啊熟食等等啦，落完單之後就去左拎野飲喇，我就主要都係飲茶。當然佢仲有好多其他人野飲啦！例如啤酒啊果汁！係刺身方面，最得我心嘅係帶子，佢都算係新鮮，可比美其他專食日式野嘅店鋪！而且蟹棒壽司都好好味，下左兩次單，個牛肉壽司就比想像中細粒，但都幾好味嘅！而且仲有我最鍾意嘅芝麻雪糕我仲食左兩個tim啊，因為宜家喺出面已續冇哂芝麻味雪糕喇😭仲有好多甜品tim啊🤤

放工晚飯未有著落之制⋯經過創興接到呢張傳單比佢呢句''場內任飲 無限追加 嚴選「日本」清酒及梅酒'' 吸引住咁岩又遇著係特價時段 就上左去試一試。上到黎先9點15分⋯吹左陣水到9點30分就準備即刻可以入坐⋯入到去佢有個自助Bar比你自己攞野飲⋯ 一眼就望到佢 兩隻味道都唔錯 梅酒都唔會話好甜 不知不覺都飲到面紅耳赤㷫烚烚⋯前菜鍾意攞幾多就攞幾多⋯不過前提係要食得晒先好⋯同埋店員都Fill得幾快⋯幾有效率呢！然後到甜品櫃⋯有啲幾隻味嘅大福，啫喱杯，Brownie⋯等等嘅甜品⋯甜品都算多樣⋯又雀巢雪糕 又糯米糍 又朱古力牛奶雪條同大腳八 又百福豆腐花仲要有埋雀巢yogurt⋯ 一次過滿足晒想食嘅野。另外⋯ 店入面仲有wifi服務tim⋯滿足埋你一邊食嘢一邊上網。到主角食物方面都有好多選擇⋯好用心嘅擺法 整到靚一靚嘅刺身⋯蝦嘅味道值得一讚無論係甜蝦，虎蝦同赤海蝦都好有鮮味！！壽司飯分量比例岩岩好⋯唔會塞飽哂⋯蒲燒鰻魚好出色。燒物值得一讚，食得出係用心製作，Juicy⋯唔會乾掙掙。總結食物多選擇，質素亦唔參差

每次食親放題一坐低就係會叫啲刺身同壽司好多時個胃一下接受唔到咁多生冷野所以食少少就已經個胃會胃頂頂搞到食放題只係食咗少少魚生同壽司就食唔到其他野所以今日一坐低主要都係叫咗啲熟食先咁樣個胃就可以暖翻下食完啲熟食同埋暖野先至再進攻壽司同刺身一黎到就叫咗一串燒牛舌牛舌用上了厚切的方法所以食落口依然有口感唔會太薄食落口都依然充滿牛味之後就叫做雞軟骨同埋鹽燒虎蝦雞軟骨同平時食開嘅一模一樣炸到脆卜卜用嚟送啤酒就真係一流而鹽燒虎蝦就啖啖肉非常之大隻雖然通常虎蝦都係用上雪藏品種但係肉質就非常結實爽口而唔會梅梅地刺身方面就叫咗一個完全係蝦嘅刺身拼盤有泰式生蝦，俄羅斯甜蝦仲有珍寶赤蝦全部蝦嘅鮮味十足而且非常之咁爽口令人完全一隻駁一隻咁食晒成碟

一入門口就已經見到成個自助吧有自助甜品及水果而且不是普普通通一個自助吧這個自助吧有林林總總十分之多的甜品水果及一些飲品而且仲有我最鍾意食軟雪糕裝完雪糕之後再可以加埋其他配料不過主題日式放題未食當然不會食甜品及水果先一坐低指定動作當然係叫刺身及壽司乜都唔好理樣樣都叫齊先我哋叫咗三文魚 北海道帶子 油金魚 北寄貝 章紅魚及超大隻的赤蝦三文魚鮮橙色而且泛起彩虹光證明十分新鮮而且咬落彈口I章紅魚亦絕不馬虎有豐富的魚味而且有不吝嗇地用上厚切方法啖啖回味炸物方面叫了紫心香芋丸芝士年糕芝麻雞翼及最開心的是這裏有榴槤炸彈炸物樣樣新鮮炸起內裏熱辣辣而且紫心香芋丸及芝士年糕味道香濃口感軟滑最後果粒榴槤炸彈係囗入面引爆了整個榴槤般的爽快