大滿喜日本料理 (已結業)

早幾日同男朋友約會揀左呢間食放題，其實感覺d野食同其他店冇咩分別，可能因為我唔係好揀擇啦。d野食好齊全，男朋友鐘意一次過點晒咁多張紙，熟食同生野都係一次過點。唔記得寫枱號，服務員拎返黎提醒我，好好人，冇當漏單咁唔幫我落。而且唔知係咪個日人少，落完單轉頭已經即刻有野食。不過係熟食黎先，仲係熱熱地既，唔係凍晒個d幾好食但係好油膩下。手卷比較細件唔會話好大舊飯未食完刺身已經黎到，幾款蝦入面個人比教鐘意後面比較大隻既，感覺幾新鮮。第一轉漏左俾兩款刺身不過第二轉嗌既時候有。已經唔記得晒d野食名啦，黑黑地色邊圍住個款唔太推薦，怪怪地必食既芝麻雞翼炸蠔幾大隻熱辣辣似岩岩炸起幾好食壽司舊飯比起平時食開既另一間放題大d，冇咁好食卷物都唔太喜好仲叫左好多其他小食，質素都係一般牛粒麻麻最驚喜係有聖子同燒鰻魚，兩樣都好好食最後食埋甜品超滿足，選擇都好多。覺得超飽，兩個人食左好多野

朋友生日，大家掙扎緊究竟要食大喜屋定大滿喜，最後選擇大滿喜。一入去已經好多人，好在佢唔似其他店一定要等齊人先可以入，我地差兩個人未到都可以放入先。之前都聽同學講過呢間放題野食夠新鮮。一於今日就試真d系咪    佢所講。首先，要贊下佢上菜ge速度都幾快，而職員收碟效率都幾高。其次最重要系d食物：燒物 好夠火候，d一口牛正！雞翼必點！重頭戲-刺身，好新鮮，比我食開ge放題都真系算幾新鮮！！好甜！！另外，我要推介煎魚，一d都唔輸定食，而我朋友則贊佢間粥夠棉，話柏得住海王粥鋪（我冇食到粥，心諗有冇甘誇）。價錢方面系會比普通放題會貴dd，但質素有保證，希望下次去唔好跌左！

上網見有人寫一定再去，就一月一日去食，賀一下新年。我經openrice訂位，去到以為早到早開始計時間，店員都好均真話比係知5點3入都當5點入，會蝕咗15分鐘，所以就決定等到5點半。 入去坐，老實講，唔係太多人， 即使7點半離坐時，都唔爆，一定有原因。先講環境，冷氣足，係個廁所對出成日吱吱聲，都幾嘈。工作人員就落力送食物同收碗，食得都舒服。佢地好有禮貌又快手，值得讚。係門口既知客位同收錢個財神同事，面口較黑，全店既人都有微笑。食物方面，燒物唔錯，但牛舌同雞軟骨既油，令我懷疑是先炸或煎過才烤。 鰻魚，蟹籽壽司，炸榴連球好味。

兩個星期內第二次食放題今次仲要係純放題, 無邊爐或烤肉7:30入座人唔多, 野食尼得慢有部份野食由始至終都無尼過例如串燒, 仲有一品料理既炒蟶子刺身方面質素一般, 虎蝦, 甜蝦, 大蝦總之蝦都通通無味天婦羅就太乾身, 又係無咩味炸蠔就無跟沙律醬, 無汁醬太膩, 敗筆熟食方面鍋都係得兩款, 其餘都揀唔落手✋可以話無野好叫沙律吧同自助熟食更加係慘不忍睹有呀婆拎d枝豆上手又掉番落去有細路玩d章魚小丸子完全無職員理會衛生情況惡劣另外出單問題係最大鑊一口牛等到夠鐘9:30佢都仲未比我已經嗌左足足三次連個經理都親自跟單, 都執漏我真係覺得加一服務好唔抵因為服務實在未如理想埋單一位$272, 屎過元氣去食打冷都好過

之前已經係觀塘食過大滿喜覺得唔錯幾多野食揀，今日同朋友黎到旺角既分店，睇下質素係咪一樣咁有保證先。除左自助飲品吧，呢到仲有自助食品吧，比較特別，肚餓既話可以夾住啲小食先。自助吧既範圍都幾大，食物種類都算多，有凍蝦，凍蜆，青口，章魚小丸子同焗蠔等等，唔係平時一般既放題會見到既。刺身刺身全部都係厚切，食落一啲雪味都無，好新鮮。當中我最鐘意就係劍魚腩，好夠油甘香。另外珍寶赤海蝦都唔錯，夠晒大隻同鮮甜，肉質仲好彈牙。火炙壽司火炙壽司燒得好香，我地叫左醬燒珍寶蟹棒，鹽燒左口魚邊同鹽燒三文魚。壽司細細件唔會太飽，鹽燒左口魚邊燒完之後啲油脂入口即溶，但又唔會太油。海膽手卷海膽手卷既size都算迷你，海膽既味道幾鮮甜，又無腥臭味。不過海膽份量偏少，食完感覺唔夠喉。芝士年糕，紫心香芋丸芝士年糕唔係平時出面食開圓形果隻，呢隻三角形既炸粉比較厚身，入面既芝士比較濃味。紫心香芋丸炸得外脆內軟，香芋蓉又夠晒香甜，唔錯。瑤柱雞粥食左咁多生冷野再食返啖熱粥暖下胃感覺舒服好多。煲粥好足料，粥夠晒綿身，雞油入晒粥到，香口得黎又唔會感覺太油膩。食完正餐就食甜品喇。呢到既甜品選擇一樣好多，除左蛋糕，雪糕，雪米糍同雪條，仲有

呢排到忙住返工，終於有時間食下正野，約埋朋友再黎大滿喜滿足下先，環境係幾舒適，闊落乾淨，岩岩收工超肚餓啊～去小食吧攞d野食醫肚，刺身，超厚切既三文魚，仲有乾冰做裝飾，花之戀、火炙壽司，超好味，我既最愛係每件都係一口一件，超中意細件既壽司，　喜愛它的款式多，各類型的食物都可以食到，自助飲品區，超多選擇，汽水，清酒，果汁，熱茶，熱水，都一律任揀，壽司精巧別緻，配搭新穎，味道亦唔錯！炸物很出色，芝麻雞翼香口肉嫩。

三文魚厚身，希靈魚多汁吾腥，帶子鮮味，平時少有既象拔蚌好爽口，北極貝都好正, 但100%鮮味，赤海蝦係超大隻,  設有自助區，食物好多選擇，成個k buffet咁有小食 飲料 甜品 沙律, 沙律係女士最愛， 不過八爪魚幾好味, 章魚小丸子都唔錯，粉漿比例幾好，唔會食到成口粉,炸多春魚超脆, 一定要試下, 口水雞翼亦超好食, 超正超開心, 大家一定要黎試下!!

好肚餓，點過餐後便先到自助區取現成食物：口水雞翼，黑松露什茹，枝豆，青口，迷你蒲撻。。。 再到甜品區看看，自家製的甜品選擇好多：Tiramisu, 糯米糍，水晶圓，芝士蛋糕，布甸。。。還有在其他放題店較少有的自助雪糕機，有榴槤及乳酪味，份量多少由自己控制，配料亦很多：爆珠，朱古力豆，棉花糖，啫喱糖。。。自助區已夠多選擇，點餐紙入面的選擇更多，刺身，壽司，炸物，燒物，各款都是有水準的食物，真是要好好選擇才點，因為再大的肚子都容不下所有美食呢！餐廳員工效率亦高，點餐後不消兩三分鐘已將食物送上

今日幾個朋友同我食放題，因為今日係我牛一, 問佢地有咩好介紹，佢地話呢間唔錯同埋幾多食物揀，仲要係旺角，真係夠晒方便，價錢每位都係200幾！我地幾個人入到去，就不停點野，D野食都幾快到，服務唔錯。講到飲品，有幾個雪櫃飲品任你揀，道地柑桔檸檬、烏龍茶、巨峰提子，重有果汁先生、百事可樂、冰紅茶，Lotte 飲品等，仲有乳酪食呢！食物選擇亦多、刺身、燒物、炸物,超好味!!刺身：整體上而言，刺身係夠新鮮嘅，北寄貝，希靈魚同埋劍魚等等都好新鮮，色澤鮮艷,下次一定會再食!

咁岩今日放工係旺角，同一班同事想食放題，知道旺角出名最多放題既地方，之前都食過好多間，於是今次就去左創興試下呢間😊😊估唔到又幾好食同多選擇👍🏻👍🏻刺身夠新鮮，平時基本既都有三文魚果D，最欣賞既係蝦刺身，有三種選擇。食放題好多都漏單，而且又慢。呢間唔會漏單，叫幾多黎幾多，而且快。除左刺身外，仲有個炸榴連波同榴連雪糕都好正😋😋價錢又合理，每人都係HK$2XX 左右值得推薦，下次一定再黎👍🏻👍🏻

再次光顧此店食放題，一如既往 -- 快。靚。正！這本厚厚的點餐紙，選擇多不勝數：小食，沙律，刺身，壽司，炸物。。。應有盡有！一抵步約6:30pm，已見有不少食客陸續進店。各式各樣的即煮熟食很香口新鮮，尤其是雞翼及薯波雞翼外脆內嫩，調味調得恰到好處！甜薯波口感一流，外脆內煙靭，不太甜，是必食及會令人回食的！刺身鮮甜嫩囗，絕不令人失望！嘩！講到自助飲品區，汽水，烏龍茶，椰子水，特飲，罐裝樽裝，選擇繁多！不喝凍飲亦可揀中國熱茶，很細心呢！晚市放題$180加一，絕對值回票價！

好開心又約朋友食飯。今次我地去食呢間大滿喜。由於我地book咗位，我地唔洗等就可以入去。有炸物、主食、刺身仲有好多野食。落完單之後，唔洗幾分鐘，即刻有第一碟食物送到來，睇落好豐富。尤其係炸物，有一口芝士…芝士味超濃，又夠熱、芝麻雞翼…個皮好脆，芝麻味勁香、多春魚、香芋丸，黃金蝦等等，食落去外脆內軟，非常入味。價錢比出面仲平成一大截 食物款式同種類一樣多自助小食區  朱古力蛋糕仔 非常好吃中式老火例湯自助沙律吧自助乳酪雪糕機 酸酸甜甜既乳酪雪糕 加埋你自己鍾意嘅糖果配料 非常吸引同開心!

約左人傾生意，又想在旺角可以坐耐D，所以揾間半自功餐食個Lunch。魚生野除左味道好之外，仲有心思的擺設，死未！飲野仲大把你㨂，生意伙伴都好happy 最緊要。

今日時間太忙又冇食到lunch 咁今日咁岩約左幾個朋友一齊去食飯 咁我就當然揀食個放題啦 放題一定食得飽 刺身壽司都一定會叫 呢到落單都幾準 唔會比多你又唔會比少你 要幾多叫幾多 唔係試唔晒其他野 野食係新鮮既

朋友叫去旺角食日式放題，我都是跟佢地去食在［大滿喜］，一上樓見到門面公仔同燈飾都幾可愛同靚，十足睇得出是日本風格。黑松露蟹肉卷，更係要試清楚D 黑松露點同蟹肉卷配合食，是幾可給人想食的衝動，中華冷麵，加醬幾滑的冷麵。燒珍寶蟹棒壽司令人好有食慾，當中蟹棒都幾有蟹肉味。鹽燒三文魚壽司是必叫食物，會是入口食唔停。XO醬帆立貝壽司都是首選，食食下要快快填滿肚子。燒菠蘿清中帶菠蘿甜。食甜品有木糠布甸很有奶味感覺，Tiramisu是軟軟甜甜，糯米糍夠咬口又凍凍地食多多都得。