大榮樺

营业中

休息中

留意開大埔美食嘅人一定聽過呢一間小店，因為佢受歡迎嘅程度係未開門已經有一條人龍🤣 係大埔昌運中心入邊最具人氣嘅一間餐廳！韓式泡菜意粉配西冷牛扒 $108西冷牛扒好大塊，加上蒜蓉汁搭配，香口得嚟肉質勁鬆軟！泡菜意粉食落去好開胃，而且味道好夾，又幾驚喜喎北海道帆立貝珍寶蠔黑松露忌廉燴飯 $108一共有一隻帆立貝同埋三隻珍寶蠔，粒粒都大大隻，加上放咗芝士去焗，好惹味🤤但黑松露味未算好出，相比之下扒類食物比黑松露忌廉燴飯更吸引總結：呢一間餐廳嘅份量都係偏大嘅，女仔可能會食唔哂一個餐，價錢唔貴相當抵食，所以有好多街坊幫襯。經過我嚟過幾次嘅經驗，一啲受歡迎嘅扒類食物好快就會賣晒，去到就收鋪嘅時段大概只會賣剩menu上兩至三樣食物，真係好受歡迎㗎！所以想試嘅朋友真係要早少少去排隊

一直都好想試呢間餐廳，不過次次都要企門口排一小時隊！而且座位比較窄，舒適度應該一般所以決定叫外賣一試！叫咗牛扒餐同雞扒飯，侍應話都要等45分鐘左右，不過非常好有得拎會打電話俾我哋！咁當然係返屋企等電話啦，住得咁近。大約半小時後就收到電話，都唔係太耐。女朋友叫嘅牛扒加沙律…原來本身已經有少量沙律，另外一盒全盒都係沙律菜！分量大到一田成包沙律菜咁大！好誇張！而且牛扒份量亦都係大嘅，鬆肉粉就一定有，不過已經比其他餐廳少好多，女朋友話係抵食嘅。餐湯份量反而比較少，不過飲得出好多薯仔蓉，有心思之作。雞扒飯都唔錯，不過就冇牛扒咁出色。喺屋企掛住食就冇影相。呢一間係性價比超高嘅餐廳，唯一缺點係要排好耐隊。所以外賣絕對係最佳選擇。

睇食評果陣見D人話晚上6點已經要排隊，之後有D餐仲好快售罄🤔，心諗係咪吹大左咋，好多人6點先岩岩收工咋喎，餐廳會唔會太快爆場?!😮由於信其有不可信其無，但自己到餐廳最快都要6:30，只好叫附近番工既友人幫手拎位先😏。估唔到我去到果陣門口已經有一堆人!! 😲餐廳裝修有D殘舊，地理位置亦唔起眼，外觀上完全似茶餐廳、快餐FEEL，但職員表示佢地唔係茶記，出餐時間要預半個鐘至1個鐘😮，所以門外等候既客人要落左單先。真係好彩叫左友人黎拎位，落埋柯打，黎到可以直接入座外，等左5分鐘左右就上餐，時間真係岩岩好。🤓首先職員送上餐湯，我估應該係椰菜花忌廉湯，湯內有粒粒椰菜花，質地較為稀身，味道唔錯，不過鹹左少少。紐西蘭牛仔柳(5成熟)拼薯菜 $118我見好多人都推介呢個牛柳，既然係人氣之選，當然要試😏。食完行出門口見到餐廳已經寫售罄!!平時出去食牛柳起碼都要$150以上，而且仲要得一細件，但呢度真係好抵，居然呢個價錢有兩大件牛柳，每件都有我半隻手掌咁大塊😯，而且仲要好厚身!!! 牛柳肉質好淋好juicy，一D都唔痴牙唔韌，有落鹽調味，雖然牛味唔重，但以呢個價錢，真係無得挑剔🤤。餐廳連薯菜都比得好慷慨，炸

呢間西餐廳平日喺大埔都好旺場，只要一到6點食晚餐時間，就會有好多人係門口排隊拎飛。多人去都好正常，因為個餐真係好大份！個餐會包個餐湯，如果晏咗去到食，就有機會賣晒啲湯，餐湯係賣完即止，冇就明日請早嫁喇~今次就叫咗份泡菜炒意粉配西冷牛扒！味道相當唔錯！原本泡菜熱食係有機會有陣怪味，但呢個完全冇，而且仲好夾！酸酸甜甜嘅味道，食落去好開胃，西冷牛扒都好多汁，一啲都冇烤乾到！但最後都食唔晒，女生不大食的話，就真係食唔晒，相反以男生嚟講的話，份量就應該啱啱好

又來到我嘅晚市飯堂👍🏻👍🏻本身今日放假諗住喺屋企煮飯仔突然之間睇返起啲相 好想食大榮樺❤️❤️❤️於是嗱嗱臨去排隊之前都講過呢間舖頭係要五點半前就要去到如果唔係好食嘅嘢就會冇晒😆😆😆我5:20去到 已經有四個人喺度排隊5:30即刻入去有位坐今次都係叫炭燒黑毛豬 不過係揀飯另外仲有紐西蘭牛仔柳 5成熟 配薯角👍🏻👍🏻佢哋嘅嘢飲 凍檸茶係最出色👍🏻👍🏻👍🏻好快就食物已經到左😉😉佢哋呢兩頁嘅食物係真係超水準價錢唔貴之餘用材亦都好新鮮😆😆我哋次次都清晒兩碟野😋😋兩個人埋單都係$208 真係好抵食

其實呢個月我已經食咗幾次大榮樺😋😋好似中咗毒咁 啲朋友一問我食乜我就話大榮樺❤️難得今日收早少少所以決定去食去到仲未開門但係已經有人排緊隊今次我叫咗黑毛豬意粉 但係個意粉樂加$20要蕃茄意粉 因為蕃茄意粉酸酸甜甜好好食佢嘅份量啱啱好唔係太多 黑毛豬我已經唔係第一次食 佢嘅肉好滑 份量亦都夠多加埋啲配菜一齊食 真係絕配另外帶咗叫紐西蘭牛仔柳飯 佢啲牛仔柳有成兩件好似食極都唔完咁 配埋佢啲黑椒汁簡直絕配晚市係可以揀幾多成熟 午市就冇得選擇😋😋我想講佢啲凍檸茶真係好好飲 大家可以試吓

今日嚟到大埔大榮樺係食午市午市價錢比起晚市平少少 佢哋舖頭本身開11點今日遲左出門口 去到已經有好多人排隊一執枱就會叫你嗌定野食 所以你一去到就要諗定 😂佢會係甘吹你落單 一人齊就會比你入去本身想食黑毛豬意粉 但係已經賣晒冇得食🥲唯有轉其他食啦 之後我就叫F餐豬肉腸雞扒飯 不過轉左蒜蓉意粉 意粉要加8蚊雞 老公就叫左 C餐 西冷牛扒飯 午市牛扒係無得揀幾成熟 係set好左😉留意返呢間餐廳基本上係我一黎大埔都一定會黎試食物質素好之外 價錢好平 平民之選不過如果你係想同朋友吹水慢慢食就吾好啦 因為好多人排隊 加上餐廳都細 員工都好忙 你都吾好意思坐甘耐 😂推薦度：❤️❤️❤️❤️❤️

——#平價小店系列 🤩#大埔友 🥳🤔有次放學落大埔搵lunch食 搵到呢間野🌟餐廳主打平價西餐 價錢實惠店內類似茶餐廳裝修🙈門口平平無其 本身冇太大期望😂$50 包埋餐湯同野飲😍#卡邦尼忌廉芝士烏冬 竟然會用#稻庭烏冬😱❤️ #煙煙韌韌 醬汁雖然係芝士忌廉 但食完都唔漏😌大家經過開大埔可以試下🤣——————大榮樺 (大埔)大埔安慈路4號昌運中心商場地下8-9號舖#winfat#winfat大埔

我諗大埔既街坊對大榮樺都唔陌生平時午市同晚市都要排隊因為大埔中心以呢個價錢黎講既西餐係好少見重點係⋯⋯佢既味道同份量都唔差兼大份！疫情下都唔少人黎買外賣每次黎黑毛豬都好快冇晒今次就試下佢先，配左沙津菜減低油膩感肉質好厚, 一D都唔乾好juicy!今次上菜好快（平時最少等15mins above)不過男朋友既豬肋骨等得比較耐醬汁好入味～燒得剛剛好，肉質都好淋做到骨肉分離薯角好脆！同一啲都唔油好好食我地兩個人晚餐$300內好抵又好食又飽肚

住大埔嘅朋友介紹食大榮樺，話大件夾抵食，去到門口見到都有唔少人幫襯，一於去試吓。**********西冷牛扒（$118）跟飯🍚/意粉🍝/薯菜🍟配黑椒汁，黑椒汁唔會太辣蓋過牛扒落單姐姐話冇得揀幾成熟，嚟到大概7/8成熟，都可以接受嘅，唔太生，又唔會熟過龍好韌。牛扒都算厚，不過都係茶餐廳貨色，感覺上係先炸熟再係面輕輕煎兩下。上菜嘅時候真係嚇親，真係好大塊，放把刀埋去真係有成把刀咁長🔪**********🍅鮮茄羅勒意粉配炭燒蜜糖鴨胸（$78）🍯炭燒蜜糖鴨胸：一個字「鹹」😵唔知餐廳係咪將鴨胸再醃，鹹到真係將佢切到細細舊咁食...但都係頂唔順，最後同朋友share咁食咗半舊就放棄...但鴨胸係燒到啱啱好...切開仲係好juicy🍝鮮茄羅勒意粉：羅勒味非常突出，完全蓋過蕃茄味，只係食到蕃茄嘅甜甜酸酸，中和番鴨胸嘅鹹。**********整體嚟講，食物比較重口味，同埋都幾油膩，食完個碟有好多油。份量大碟，女仔好大可能會食唔哂。餐廳環境比較擠逼，侍應要食客未入座前先落單，之後先安排座位。座位唔算多，繁忙時間會等得耐。

等位時已經幫你在門口落單，我心諗有無咁既需要咁趕咁，當時都係得幾個人等位，入到去坐低就有另一個男人入黎坐在同一張卡位搭枱，大概30分鐘，當時搭枱的男人，食完就走我差唔多食完，我就已經聽到有個待應叫入黎問入唔入得，裡面果個待應或老闆娘就話未得，仲有一個，隔左陣我食完了，杯drink都未飲完，又聽到裡面果個同待應講，幫佢收左野先，裡面果個待應見我食完都唔走已經都一直望住我！！行為上根本就趕客走，見客食完就要走，仲要40 分鐘都無？？？經過了這麼多防疫限制，都不能夠對客人好些嗎？

塊西冷用鬆肉粉"拿"到唔似牛扒西湯但中湯味道加$8 轉意粉叫做有dd驚喜，用忌廉同蒜蓉炒過，有少少 al dante員工態度差我真係唔理解點解咁多人推崇備至係咪大埔少西餐到咁無要求？

一直想不到為什麼，這間位處大埔小商場的小型西餐廳，為何每一次都那麼快就賣光🤔而且，未夠12點午市時段，已經有10多人在外邊排隊。之後有次早了來，終可進店內坐。卒之叫了一個黑毛豬，結果真的如友人所述，等候的時間非常耐。😴先拿來的就是那個有點蕃茄味的湯，還算是有點意思，不算太過濃香。好像11時許已經去到，等到12時過後，黑毛豬才端來。但黑毛豬質素的確非常之好，外皮邊皮見到香脆，少許脆口的質地，中間肉亦都不會太過肥膩，內裏充滿肉汁，溢出香噴，豬肉味道香濃。據說炸薯角要加錢，加$8，但其實分量相當多，但也沒法子，因為一坐下，店員已經說這天薯角已經賣光了。亦都沒有加錢要意粉，因為一向害怕如果只是普通的幼條型意粉，其實都不是十分之喜愛。友人的西冷牛扒，不覺格外特別，就份量夠大，夠長身，中間不太老的是即磨咖啡，但是味道亦都相當普通，不算特別傑出，細細杯，但是味道質素就好像飛機餐的免費咖啡一般而已。後來有一次，又去了這間大榮樺，12時許，還要是週末，當然是極其多人。這次黑毛豬亦都是早早賣完，上次見到牛扒質素也不是格外出色🤔因此就試一試蛋包飯。是巴基斯坦式咖喱吉列魚柳蛋包飯。蛋包飯非常之大件，外邊又有不

大埔小店x煮出驚喜🧆炭燒黑毛豬扒................$58(薯角+$8)每次嚟都會售罄今次終於都試到唔知係咪今次失水準覺得黑毛豬一啲都唔juice 仲有啲乾有啲啲失望不過真係好大好大塊薯角亦炸得好香脆🧆西冷牛扒.........................$58(意粉+$8)平時喺呢到食西冷牛扒係超級大塊今次食又有少少失望細塊左好多又冇主動問幾多成熟食落都係7成意粉唔係白灼意粉係用忌廉同蒜煮過👍🏻😋🧆黑松露牛肝菌鮮菇忌廉意粉..........$48好香菇味好creamy 份量亦好多.如果你又鍾意美食又唔介意裝修盡管可以試試但要預早少少等位哦😊*** 奉送湯+熱飲

相信好多大埔人對昌運呢間食店都唔會陌生，價錢實惠之餘，食物的質素又有番咁上下。係一次機緣巧合的情況下試左同事果個鴨胸飯，就一試愛上。首先，鴨胸唔似平時食到個D咁好大陣煙燻味，取而代之的係陣陣的蜜糖芥未味呢隻醬汁同鴨胸真係非常之塔搭配，而且食落亦唔會好似平時個D咁漏所以一個人食曬咁大舊都焯焯有餘，同埋佢個份量亦都好足料，我自問食量大都兜得好飽。但呢間餐廳唯一一個缺點就係太受歡迎，所以lunch時間黎食真係最小要等十五分或以上，而且因為有部分扒類係即叫即整的關係，所以上菜的速度真係都幾慢下，有次試過十二點三去到等位，到足足一點先食到個黑毛豬飯 !