大榮樺

营业中

休息中

呢間餐廳嘅出品只屬於大件頭，不過唔算抵食，因為佢d餐大約$80至$120，但係質素只屬於一般水準，所以只可以話係合理，而唔係抵食。餐湯得一款，送完即止，當日幫襯嘅時候係晚上七點半，轉頭已經聽到侍應話送完。天婦羅軟殼蟹忌廉煙肉意粉，$118，意粉份量算多，不過軟殼蟹畀想像中細隻，係啲炸粉炸到好鬆所以覺得好似好大件。西冷牛扒好似係$110，畀想像之中多筋多渣，可以配飯、意粉或者薯菜。北海道帆立貝吉列蠔忌廉燴飯，$108，帆立貝同埋吉列蠔嘅質素都只係屬於中下，碟燴飯都算大碟。另外佢啲餐都有跟餐飲，所以只係屬於合理價錢水平。

呢間餐廳要一早嚟等位，齊人先準入座，入座前又要叫定嘢，咁多條件都仲日日要排隊，今日終於有機會試到，結論係：「除咗大碟之外其實冇乜特別，如果睇埋個價錢就更加覺得唔特別，百幾蚊一份唔係特別好味，所以就要大碟啲咁先至合理。」呢個係香煎西冷牛扒，可以配飯、意粉、薯菜又或者好似依家配沙律，有餐湯再加餐飲，盛惠$118。牛扒質素同味道屬於正常，當然唔會問你要幾成熟啦，始終呢啲一般般牛扒都寧願食全熟嘅安全啲，唔係唔好食，但係一定唔算好好食。餐湯得一款而且仲係限量，門口餐牌寫明送完即止。

已經特登避開Lunch Time去食但都係要等位🥹因為餐廳較細同狹窄，所以都係先攞飛後落單再入座🍴 兩款吉列大大塊香脆炸粉薄嫩蛋配搭滑滑又不失蛋香另伴有少許沙律菜蕃茄仔▸ 日式胡麻汁吉列魚柳蛋包飯 $𝟓𝟒魚柳肉質好嫩滑新鮮無雪藏味，加上不少胡麻汁(即日式芝麻醬)，撈上飯跟蛋食又幾開胃▸ 江户風咖喱吉列豬扒蛋包飯 $𝟔𝟒帶骨豬扒肉質軟腍易咬不柴皮，咖喱濃香而不辣咸度適中亦配有粉粉薯仔，只略嫌咖喱汁有點少🥄 餐湯 (師傅發辦)：洋蔥忌廉湯有粒粒洋蔥同打爛的洋蔥蓉，仲有不少紅蘿蔔，整體濃稠同咸淡度剛好🍹凍飲+$𝟑：凍檸茶/凍奶茶

大榮樺 (大埔)大埔隱世扒店😆平價高質首選，成日門口都大排長龍！環境係就迫左小小 但平價黎講無得輸😈以男人一個份量黎講！呢一個餐真係會好飽！三年豬仔髀 肉量都好多😆面有層芝麻香內裡包住蜜糖好好食🤤另外有配菜薯角！西冷牛扒份量真係好大塊 價錢都好合理！肉質牛味都好適中😗價錢平得黎呢個質素 已經好出色有黑椒同燒汁揀 唔洗點汁 原味牛扒🥩已經好突出地點：大埔安慈路4號昌運中心商場地下8-9號舖🔸味道：8/10🔸環境服務：9/10🔸推薦：8/10

呢間西餐廳喺大埔開業多年，一直深受街坊歡迎。平日或者假日午膳時間普遍嚟講都係要等位，因為食物質素高，而且準備時間比較耐，但價錢親民。最多人點就係西冷牛扒，一般嚟講如果遲咗去就會賣晒。但其他餐點同樣出色。如果唔想等位又唔一定要食牛排，建議1:30左右嚟到。胡麻醬吉列魚柳蛋包飯同其他餐點一樣，賣相好靚，份量亦大，吉列魚柳好似手臂咁長，非常誇張。蛋包飯上面嘅蛋生熟程度剛剛好，而胡麻醬唔會太濃或太稠，用嚟配飯剛剛好。

韓式泡菜意粉配西冷牛扒 收$118一個餐份量十足，牛扒大大塊而且嫩口有肉汁，沒有特別要求自動會8成熟，泡菜意粉汁岀色，夠杰身而且多，小小酸味甜味多一點，意粉硬身一點個人喜歡。推薦推薦。炭燒黑毛豬 超厚切口感豐富，帶肥位好食，米飯正常發揮。1730店舖開始營業，1720到店前面已經有10個人排隊，環境裝修有一段歷史，而且座位逼夾，食物需要等候多時平均要20分鐘，可以八達通支付。

呢間嘅小店，唔係乜嘢豪華場所，食完留低嘅，係滿滿嘅回味同滿足感🍽️。首先，職員畀我哋嚟咗碗湯，簡單嘅雞湯，平平無奇，但飲落去，熱辣辣嘅流啊，脾胃嗲嘅！🔥趁湯未涼，不過去食主菜：檸檬燒雞。雞皮烤到啱啱好，香脆得黎唔會焦，檸檬汁酸酸地，刷過皮， 啖啖肉都鮮嘅咧。雞肉本身腍滑得嚟，檸檬汁既清新，帶出咗肉嘅甜味，嘩，正！另一碟推介係牛腩煲，味都叫做香濃，舐舐地。牛腩煲咗甘香，肉質搭埋醬汁，入口即溶，啖啖肉，啖啖驚喜😋。至於芋頭籮，腍糯得嚟，唔會過稠，同牛腩咁駛配。吃飽吃好，今次呢個食評嘅探險，算係草根界嘅美食尋寶之旅。如果你下次得閒，想尋找啲地道又平民嘅好菜，記得唔好錯過呢間寶藏餐廳喇！👍🏼

剛入到餐廳 只係因為感冒 病 戴口罩咳了幾聲，老闆娘便作勢扮同伙記 “戴番個口罩啦，因住人地感冒傳染你呀”。然後又說話單打 “唔係講你呀” 然後見我沒反應 又再大聲話“我唔係自閉架!” 我只係普通平常一個顧客，不知老闆娘為何要刻意講野有骨 說話單打客人，完全不知動機何在，亦不知道入來幫襯要受呢d氣。 只可以話老闆娘人格很有問題，變態，說話語氣好似百婆般 ，要串一個完全不認識既客人。我唔會再幫襯喇，講真野食一般，但老闆娘氣炎好似唔驚得罪人，全程故作輕鬆，猜度你心理，然後得閒就講幾句拮你，呢d有問題既話事人應該學下做人再學人開餐廳。

知道呢間餐廳成日都有人龍喺門口排隊等，趁今日早咗起身就早啲去排隊，睇吓會唔會少啲人。11點9左右去到，前面要等三張枱，大約等咗20分鐘可以入座準備入座前，職員會先喺門口幫你落單，餐飲就坐低咗先可以嗌午餐我哋揀咗日式咖喱吉列豬扒蛋包飯同埋吉列蝦蕃茄芝士肉醬意粉，大約15分鐘就上齊兩個餐呢個價錢有呢個食物質素算係性價比好高，吉列豬扒好大塊，炸得都好香脆但個意粉質素就麻麻哋，吉列蝦就唔太脆但係咪價錢平同埋多人排隊嘅餐廳就要預咗職員嘅態度唔係幾好？全程都聽到疑似話事人呼喝員工，員工亦都好晦氣口up up咁大家都要注意如果繁忙時間食扒餐預咗要等一個鐘頭或以上，亦都唔可以催單，現場見到隔籬枱等咗一個鐘想追一追，即刻比員工唔好嘅態度對待，叫佢等多10幾分鐘🤷🏻‍♀️

今次入去大埔覓食 去咗呢間平民西餐廳 外表簡單冇乜特別裝修 勝在夠抵又好食 先可以做到咁親民同性價比高嘅選擇多人到要等位 建議預早半個鐘攞位1. 西冷牛扒 肉質同成熟度啱啱好 非常有口感雖然比一般西餐平 但份量仍然好足2. 北海道凡立貝珍寶蠔黑松露忌廉燴飯份量十足 好creamy又唔會太漏 推薦

.#foodie #hk #hkfoodie #HTB美食推介【大埔平民厚切扒｜🕖7點後至少要等1個鐘】俾定個心理準備大家，因為講明係街坊西餐廳，店員真係平民大排檔嘅招呼~ 晚市去到記得要去拎左飛先，除非你係頭輪，如果唔係請你預咗要等一個鐘！同埋，佢係先叫餐、後入座，所以等緊嗰陣要諗定食咩啦~.🐨炭燒黑毛豬扒 $98推薦度：⭐️⭐️⭐⭐⭐小編黎咗咁多次，終於試到佢次次售罄嘅炭燒黑毛豬扒啦！黑毛豬質素係非常非常非常之好，外皮邊皮煎到香脆，中間肉肥瘦適中，保持到肉汁，豬肉味道都好香濃，難怪次次黎都咁快賣晒....️🐨西冷牛扒 $118推薦度：⭐️⭐️⭐⭐牛味唔算好重，但份量夠大，而肉質都係軟腍唔粗糙 ，咬落仲有豐富肉汁添~ 加上可以揀黑椒或燒汁，點埋汁食，都算係高質！.🐨蘑菇湯推薦度：⭐️無咩蘑菇味而且好水，就算係跟餐都覺得有啲失望.....🐨🐨心底話🐨🐨小編之前黎食過晏就，其實餐單都係一樣，而且價錢會再平啲~ 另外，小編上次係食泡菜意粉配西冷牛扒，泡菜意粉係有啲奇怪，而且無咗意粉應有嘅彈牙口感🫠🫠加上，嗰日個牛扒係Overcooked, 所以食哩間餐廳係要講少少運氣🫣-----☼-----☼----

大埔有不少抵食的小店 位於大埔昌運中心的「大榮樺」是其中一間令人不斷回訪的小店平日午飯時間去到通常都要排隊 同店員登記了 差不多有位時 會再叫登記號碼預先落單 午餐包西蘭花白湯 主菜 及一杯熱飲 今次選擇了最多人叫的黑椒牛扒飯黑椒牛扒飯大大份 表面煎到香脆 加了鬆肉粉的關係 肉質不會硬身鞋口 調味剛剛好 配合黑椒汁十分惹味不過餐廳環境是一般餐廳 座位較少 相對不是闊落舒服的餐廳 如果是食快飯 價錢及味道是十分不俗 不過不太適合朋友聚會慢慢食 

呢間餐廳真係次次行過都見到勁多人排隊，無論係11點定係點零2點，都見到係排緊隊，我望入去間餐廳個場仲要唔細，所以就決定試下佢🤣今日我地就叫左2個lunch set，分別係牛扒意粉同埋炸蝦肉醬意粉👍🏻👍🏻牛扒意粉十分之抵食，牛扒超級超級大塊，雖然佢冇得揀幾多成熟，但係佢都唔會煎到塊牛扒十分之熟，所以食落口感都幾好。而且佢個意粉都好好食，同平時出邊嗰啲普通意粉唔同😋😋炸蝦肉醬意粉亦都好食，佢有兩嚿炸蝦，全部都係啱啱新鮮炸起，識落都仲係熱辣辣👍🏻👍🏻而佢個肉醬亦都好夠味道，撈埋佢個意粉一齊食十分之好食🥳😋

朋友介紹中午扒餐好食，去到門口取票等位，差不多到時侍應講落定餐先，落單過程態度已經好差，落左單問佢叫埋飲品先，又講要坐下先叫，坐下左問左3個侍應先叫到飲品，最後果個問佢落5落得飲品，佢仲講你口渴米叫羅，態度又一次極差，我已經想即刻回佢，我已經問左3次，你係第3個，我問得你們就姐係想落單飲野啦！張電子單印左出來夾住隻夾仔，居然係飛上枱面，真係好5尊重個客羅！餐到左，扒係咸到一個點，5好食！下一次請我都5會再去食，冷氣又5夠，一路食一路流汗。

食物質素差。價錢以西餐黎講係算平，但係質素唔合乎餐廳水準。叫咗芝士生蠔忌廉燴飯，芝士非常咸，蓋過生蠔本身嘅味道。飯粒生硬，忌廉配上黑松露只有重重嘅油膩感，松露香味欠奉，食咗幾啖已經想放低餐具。服務態度惡劣。由等位開始已經有被吹促嘅感覺，甚至會用「教訓」嘅語氣同客人解釋。一食完會馬上收走碗碟。嘢飲上到檯已經係瀉滿係碟上面，杯柄亦沾有奶茶。唔會推薦過嚟食，尤其係要排隊。同樣嘅價錢可以食到其他更好質素嘅西餐。