大榮樺

营业中

休息中

住大埔嘅朋友介紹食大榮樺，話大件夾抵食，去到門口見到都有唔少人幫襯，一於去試吓。**********西冷牛扒（$118）跟飯🍚/意粉🍝/薯菜🍟配黑椒汁，黑椒汁唔會太辣蓋過牛扒落單姐姐話冇得揀幾成熟，嚟到大概7/8成熟，都可以接受嘅，唔太生，又唔會熟過龍好韌。牛扒都算厚，不過都係茶餐廳貨色，感覺上係先炸熟再係面輕輕煎兩下。上菜嘅時候真係嚇親，真係好大塊，放把刀埋去真係有成把刀咁長🔪**********🍅鮮茄羅勒意粉配炭燒蜜糖鴨胸（$78）🍯炭燒蜜糖鴨胸：一個字「鹹」😵唔知餐廳係咪將鴨胸再醃，鹹到真係將佢切到細細舊咁食...但都係頂唔順，最後同朋友share咁食咗半舊就放棄...但鴨胸係燒到啱啱好...切開仲係好juicy🍝鮮茄羅勒意粉：羅勒味非常突出，完全蓋過蕃茄味，只係食到蕃茄嘅甜甜酸酸，中和番鴨胸嘅鹹。**********整體嚟講，食物比較重口味，同埋都幾油膩，食完個碟有好多油。份量大碟，女仔好大可能會食唔哂。餐廳環境比較擠逼，侍應要食客未入座前先落單，之後先安排座位。座位唔算多，繁忙時間會等得耐。