大快活 (葵芳廣場)

营业中

休息中

今日起身晨早流流好開心嚟咗大快活食早餐 發現塊魚柳超級細 半隻手掌都冇我個friend嗰塊都係咁 大家真係去食麥當勞好過…非常失望 大快活而家係咪好窮所以魚柳都要縮水咁嚴重？

準備清假，難得係平日放假，朝頭早起身就食個靚早餐對自己好啲。揀咗屋企附近呢間大快活，好耐冇嚟啦喎，見到都有好多優惠，朝頭早都好多人。叫咗個吉列豬扒，配榨菜肉絲米粉，跟熱檸茶。 呢個套餐$34咋，真係好平！ 係我自己再加多一蚊叫呢個合桃提子包，因為唔係好想食西多士嘅關係，但係呢個提子包個味道就麻麻哋，口感都麻麻地。 不過整體嚟講其實個性價比真係幾高，幾抵嘅，仲可以儲分，仲有coupon送。唔怪得朝頭早都好多人幫襯啦。😆

性價比不高啊！ 早上買了一個早餐，雞排配芝士腸，再另外加了一個黑糖馬拉糕配奶茶。 但是雞扒的份量少得可憐，雖然我知道現在物價通脹厲害，但相對之前，以前有兩倍的份量，現在只有一半，坦白說性價比真是不太高。 😞😞😞😭

香港三大連鎖快餐.我覺得大快活最關懷老人福利服務.只要你年滿六十歲.即可申請一張大快活關懷長者咭（免費）任可時段用卡任可食品減$3元.一個月內憑咭最高達可減$300元.真是回饋社會.有良❤️嘅飲食機構.還有的是.會定期檢討食物品質。另外大某某飲食集團.任何人入會每年要俾$20年費.才可能入會.又要食滿幾多餐.才有獎賞.還有另外一間全部無長者福利可言.但最近已經改咗.憑長者咭可以八八折.購買任何食品。🤗最近大快活最新推出沙嗲牛肉煎蛋脆豬包$27元.長者福利.憑大快活關懷長者咭.又可再減$3元.又送埋任可熱飲一杯。😋大快活葵芳商場店.最近裝修完畢.重新開業.冷氣充足.地方比以前寬敞.筆者本人最近去過.最後我提醒各長者門.呢度用大快活關懷長者咭.可以有送餐服務.衹要點餐時提出.便可以埋位.坐定定等食！超讃❤️❤️❤️

嘩嘩嘩，依家又無晚市喇，間間食肆都出唔同既優惠，大快活今次真係好抵，有$99蚊三個餸仲有唔少選擇添，今次就叫咗菠蘿咕嚕肉、紅燒獅子頭煲、粟米魚塊味道都唔錯，最鐘意係菠蘿咕嚕肉，係點都唔落味精系列黎架份量仲唔少架，間唔中偷懶唔煮都可以試吓提提大家外賣自取有折，仲可以用埋優惠卷減$10

這間大快活個廚真有性格，鐘意幾時返工就幾時返工。搞到早餐時段，經常要什麼，冇什麼，食物質素就更加添，份炒蛋可以薄過紙，好多人都係食左早餐趕住返工的，如果唔係方便，就腳，都唔幫襯啦！

本人在今早10時左右，在葵芳大快活購買兩份早餐,一份是吉豬蘿蔔糕火腿通粉熱奶茶，另一份是牛扒熟蛋熱奶茶，我去取早餐的時候，發現杯奶茶是傾側的,回到家裏再看四包糖都是濕的，但這樣其實都很小事，但我打開我的早餐一看，看到這塊吉豬十分之黑，火腿通粉亦沒有火腿絲，這真是令我十分火大，一個早餐竟然有甘多問題，這段時間，收銀是沒有人排隊的，真的有這麼忙嗎？這間分店包裝又馬虎，出品又求其，食物品質又差，真是一間非常差的大快活分店

今早係大快活買早餐，上次食已經半年前嘅事。叫咗個火腿通粉+炒蛋蘿蔔糕，份量同之前差不多冇咩變化。炒蛋唔算好老有牛油味， 蘿蔔糕完全冇蘿蔔絲只係得粉，通粉好難食，口感又淋食落口有陣“益”味咁，好似放咗好耐😑食咗一半都冇已經頂唔順

到左下午茶時間，有點肚餓，於是近近地搵間有下午茶既餐廳食，但附近就只有大快活，外面天氣又熱🥵，所以就選擇左佢。入到去發現原來下午茶時間係咁多人，位都無，所以就買外賣返屋企食，叫左熱狗，雪菜肉絲米，價錢唔貴，覺得好抵食☺️。雖然店內好多人，但等外賣既時間唔算太耐，好有效率，呢點係值得一讚👍🏻👍🏻返到去即拆開外賣睇，見到隻熱狗醬唔多，好細隻，同埋軟哂，唔脆口，有少少失望，但雪菜肉絲米係唔錯，味道好好，份量都算多，所以可以話補救到😅如果大家去試，我覺得堂食比較好，相信隻熱狗唔會軟哂😂😂

今日突然早收工又想早回家，就想一個外賣見到有大快活就入去買外賣回家，飯類都是果幾款，選擇不多，之前食這咖喱好味所以今日就買了一個咖喱牛腩飯，價錢約五十元左右，沒有加飲品，都有一點貴。回到家看到咖喱色和之前有不同，食落去咖喱味好淡又不香，牛腩份量都可以但沒有咖喱味又沒有牛味，仲有點硬身，薯仔好似滾水整出來的，飯是最好味又夠飽肚，配菜都少了，整個飯以這價錢和質素實在太差了，保持不到水準，不會再叫這個。

近日天氣乍暖還寒，轉眼間秋天已到達尾聲，又來到最寒冷的冬天。剛巧經過一間餐廳的餐牌有一種季節限定的食品，它是熱辣辣的「煲仔飯」。吃過之後帶點雪中送炭的感覺，把一整天工作的壓力瞬間消除，化身一個熱血沸騰的人。本人是次品嚐的是臘味排骨煲仔飯，製法及用料簡單，做法不是跟傳統的以炭火燒成的，兩者可說是絕配。它把蒸好的米飯連材料倒進去瓦煲，然後蓋好蓋子以鐵板高溫快速加熱8-10分鐘。內面的臘味排骨一下子同時加熱，不須待加熱後再分次放進去更能減少烹調時間。到了餐桌一打開煲蓋，熱騰騰！而且配料多到差不多一隻手掌份量，鹹鹹甜甜好送飯。臘腸分量及質素也不俗，外皮香脆及內裡軟熟，脂肪分佈尚算平均，一咬下。首先把米飯及材料以香甜醬油混合一起，香味瞬間爆發出來。吃過大約九成後，你會看到煲底有大大塊飯焦，脆卜卜，好滿足。由於它本身頑固黏著邊緣，要把它吃得完得要再多下點醬油，把它用力沿邊緣來回刮才會起。是次的經驗令人回味無窮，吃過保證「返尋味」。即使天氣再寒冷，就算不去大快活品嚐，本人最少一星期品嚐最少一次。它也是營養補充品，為身體保暖及放鬆壓力。以及比較不同餐廳多種煲仔飯的製法，給傳統繼承下去。

今天午飯時間唔知食咩好行下行下就去到大快活黎親想食豬排飯都話賣曬難得今日未賣曬所以叫左個黎過過癮呢間店唔算好大但座位尚算鬆動環境也算乾淨侍應態度也好會主動幫手收餐盤同清潔個飯望落好大碟下但原來個碟好淺😂有d擔心會唔夠飽但原來食食下覺得好足料夠曬飽呀！豬排唔算好厚有用油輕輕煎過 醃料好入味肉味都好香咬落口感札實又唔會過韌炒飯炒得好爽粒粒分明蛋味好香面頭個汁酸酸甜甜好醒胃但食唔出有芝士整體來說不錯可以一試

咩肉餅哥奇奇怪怪組合，想正正經經食返件家鄉肉餅.大快活午市出左香煎肉餅飯.夠曬香口，細細件，土魷味蝦乾味好突出，一流.厚度岩岩好..配幾滴甜豉油.神奇頂級超卓.

禮拜六中午同友仔嚟到葵芳呢間大快活午膳，呢間大快活都算大，可能係星期六嘅關係，餐廳唔算太爆，唔係太難揾位。叫左個沙薑鷄飯($50)配熱咖啡，沙薑係用一隻黑色四方形膠碟仔另上，但因為一開始實在畀得太少，要問餐廳再攞多一碟，但仍然偏少。沙薑係沙薑鷄嘅靈魂，唔夠沙薑真係好扣分。鷄肉都唔會太韌，不過食落有少少翻蒸或蒸得比較耐嘅感覺，鷄味亦屬一般。熱咖啡就唔錯，夠香濃幼滑。因爲主角失色，就算地方好座，咖啡唔錯，但呢餐嘅感覺只屬一般。

今天約左朋友仔去葵芳邨食下飯傾下計，去左葵芳邨商埸一樓的大快活快餐店食午飯。這個商埸平時人流不會太多，可以同朋友仔坐低慢慢傾慢慢食。餐廳大把坐，可以同朋友仔坐住慢慢嘆！我叫左個咖喱雞飯($45)，另外加杯熱咖啡($7)。熱咖啡味道都唔錯，熱辣辣，咖啡味夠，奶夠滑，唔使落糖也好好味。咖喱雞肉質好硬似隔夜番煮薯仔煮得未太熟，又唔夠淋。咖喱汁唔夠咖喱味，完全無辣味總結，今天的食物質素真的是十分麻麻，但是這裡也是傾計的好地方。