大快活 (已搬遷) 新店位置

吉野牛肉,魷魚配珍珠飯見到吉野二字即時諗起吉野家,即管看看誰較優勝!一個黑色小鍋盛著餸,珍珠飯另外一大碗奉上鍋內有紅蘿蔔片,蜜糖豆,洋蔥及冬菇的配料,主菜的魷魚份量比配菜還要少,而家較un,很不容易才能吞下.牛肉很肥,佔全片約80%.亦不像吉野家的長身,牛肉味不足.個汁都是比吉野家遜色.珍珠飯應是較濕軟的,可是...只有少少黑芝麻令到飯變得香口些是不足夠的還是不要比較吧!途餐配以低糖綠茶

28$..平過上次32$雞..又好食過上次..拎野食..即刻有,.因為就咁拎出黎就係..無芝士見到..但尚算可以d汁..而家打返先諗起..好似無食過粟米..唔通記錯名..奇怪d魚柳就ok..但28$ 無野飲真係今非昔比..以前學生時代..18~22$ 有埋野飲..今次無撞到個瘟神服務梗係ok返啦

32$ 新出那個in印度乾咖哩雞.好似幾特別就叫..排隊小插曲..我用8達通咇完明明顯示餘額-13$..但個收銀同我講餘額不足..無出飛..我就奇怪..自己前幾日用完仲剩返2x$仲同自己講可以食餐用8達通食既餐..所以用現金比完之後..到排隊拎野食時..忍唔住都係返轉頭同佢講可唔可以check下有幾錢餘額8達通..今次係比另一個check!忘天不負有心人..呢個收銀好好多..見到我岩岩叫既餐係扣左錢..之後另一位收錯我錢就叫經理黎..一路上收錯錢既不斷講到自己好岩..真係好q想鬧佢!個經理都衰!竟然叫我拎去火車站拍卡check下..我咪話到時有咩證據..之後幫我個收銀就話:係囉.去火車站同呢度check既一樣..最後退返錢比我!不過經理同收錯錢既收銀真係服務態度九流!!其他人好火d既我諗晨早大吵大鬧..!好~講個飯!一拎巳經見到d飯小得可憐..四方形面積.右邊係半隻燒春雞,左邊既3份1先係飯..真係史無前例..米貴都唔駛咁呀!舊雞.唔知點形容..真係好一般..食落去入d既肉係離開返咖哩味..唔似得KFC辣既雞入面d肉都仲有d辣紅色既野見到.質感亦都差d..實得際..32$仲要無野飲..

今日lunch去試下呢間~叫左肉醬意粉($27)+coke zero幫埋fd買之後去等拎野食個呀嬸掛住鬧d員工慢吞吞(佢新黎既)我企左成半分鐘佢先行埋黎拎我張紙仲要一句"你好"都冇,點解咁冇禮貌?第一城果間不知幾好服務!!肉醬意,,個碟就大啦,d醬就多啦,不過意粉好少!!!d醬好油!!!味道可以....

進步了!

和家人去了沙田,行行下打算找地方休息見大快活有位,所以幫襯左佢的下午茶我自己叫左炒米粉套餐炒米粉本身真係無咩料,菜雖然OK多,但火腿的數目可以用一隻手的手指數得出味道亦都唔算有驚喜,不過跟餐仲有一餐雞翼,就非常正,味道新鮮而且香濃,肉質唔,加上炒米粉就中和返另外試左一下西多士,都幾脆口同香甜下午茶價錢唔貴,味道為期待以上,抵我俾個笑!

fd叫左個火煱,加$20有個煲仔飯,order左個冬菇雞煲仔飯. 一開蓋,d蒸氣唔係好大,亦都唔係特別香氣撲鼻..雞件好大,多4舊左右,都好滑好林,好有味,因為個汁都ok杰.冬菇有2舊,ok厚..但係d飯唔ok la...好硬..勁乾,無飯焦...

這次的火鍋輪到了試大快活的。我倆分吃一個牛肉火鍋，加一杯青檸梳打。我們點了莞茜皮蛋湯，蠻清的，好像沒甚味道。這裏的牛肉份量絕對比美心多，賣相食味皆不錯。另一碟是蔬菜類為主，有豬皮、豆腐、金菇、油豆腐、雞肉、牛丸、菜等等。每樣有少許，可以多試幾樣。特別是菜頗新鮮，這一點蠻好的。只是有一種不知名的麵十分難吃，我倆就吃剩了。反而青檸梳打不是用青檸，也不覺得有青檸梳打的味道，只是普通汽水一般。值得一讚的是這裏的火十分猛烈，湯底可以很快滾起來，我倆不用呆等就可以吃了。而且份量比去年多了，我倆分吃一個都夠飽了的。但是不好的就是火鍋的煲太小了，每次都不可以放太多食物，不過也可以一試的。

星期四晚途經被豉椒炒牛河香味吸引入內光顧．首先地方環境尚可，坐得尚算舒服．當晚友人食豉椒炒牛河，製作時間需１５－２０分鐘，上枱賣相尚可香氣撲鼻令人食慾大增，味道可口但牛肉一般．本人則食咖哩牛腩飯，上枱賣相ＯＫ，味道可口．以連鎖式快餐店來說整體食物可口（除回鍋肉外），炒可粉及炒麵水準尚比不少酒樓好．

同男朋友都唔知去食咩好, 真係好煩惱...最終都係食左呢間大快活..我叫左咖哩牛腩..男友要左肉醬意粉..我個咖喱好好味, d牛腩同筋都好淋呀..好食^^不過佢見到就話點解得咁少既..哈哈哈..或者佢知我大食掛..男友就話個意粉麻麻地囉...不過個牛腩好味真係意料之外wor..d waitress好有禮貌, 收碟既嬸嬸好好人..抵讚

今日第一日返返學laa~~好開心呢~上完堂就約咗男朋友去食下午茶laa~我食咗個豬朳包+魚蛋餐~佢就食豬朳包+甜番薯餐~個豬朳包真係得喎~size 大, 有d生茶, 又有d秘製沙律醬, 好好味ar~之前食過大家樂個豬朳包, 佢個size 細好多la, 只係得塊好細嘅豬朳同埋洋蔥係入面...d 魚蛋都冇咩特別..ok gum la~男朋友話甜番薯都好好味, 但我怕肥, 所以冇試呀

在快餐店order的意粉，阿活的已經算有水準了，你不要期望遞上飛仔後馬上從廚房窗口傳送出來，係要等number叫到你才有著落的那種，有機會十數分鐘都輪唔到都唔出奇。但以意粉的彈牙程度、麥味、不油膩及不錯的蜆肉鮮味來說，是否需要堅持快餐店的就一定是低水準的道理呢？

大快活改革前, 食物很難吃、地方十分不潔...好像聽到她名字都有點反胃，當時是三大連鎖店最差的一間...但改革後可謂作了大過一百八十度的轉變...這以致大家樂和美心成為了大快活的follower。以一些大快活供應的食物:大快活的肉醬趨向傳統、炒蛋有奶香、腸仔用較貴的脆皮腸、用欖油炒意粉、咖哩的食譜、鮮原茄等等...我未見過任何一間快餐店可做到這標準。而大家樂就算再跟風學大快活整特式意粉等食品大家樂都只得個「學」字，出品得個樣，一吃落就知係「流」。雖然是過份了點, 但美心和大家樂的食品, 比起大快活的話, 是垃圾...好明顯大快活在食譜甚至食品廠的廚師上改進了很多...大量製作/出品的快餐也可好吃和不敷衍了事的。

以前黎食過d 扒+腸+飯,唔係咁好食呢排黎食粟米肉粒飯,好味!

昨天我和朋友去沙田搵食下午荼,我想去大快活試食~我選蜜汁雞冀+格格薯塊套餐($13),有加榨菜米線,我食格格塊,feel很硬,冇軟和很太少很失望><,蜜汁雞冀,feel雞肉很好吃,但是蜜汁很少,多油,唉~~榨菜米線,feel很麻麻,好夠米線,值很飽和很平錢,下次我可能不要去下午茶,大家樂比較大快活~~