大師兄 (已結業)

好似好耐都冇飲茶食點心，突然有d想食，在荃灣搜尋左哩間，見食物賣相都唔錯，入去試下先，腸粉都幾滑，值得一試，另外係牛肉球，其實同出面茶樓差唔多，仲有排骨飯都好好味。

唉～早上和朋友去吃大師兄....這間我之前吃過一次是不錯！這次就推薦了給朋友！本來還不錯的，但最後來了一個黑魚子醬燒賣（如圖。我就尷尬了。朋友問是不是正常的，我也不知道...可能是煮的方法問題吧！我想換但是店員說是正常，不給退換。但是真的和餐單相片差太遠...如果大家能接受也問題不大，我只是給大家一個參考，不能接受相片那樣可能就不要選了，其他食物都不錯。

好多人喜歡食點心。每個人對質素要求都唔一樣。但價錢絕大多數都會反映質素。但今次算係例外。甜酸炸雲呑$18香脆唔油膩。糖醋汁味道剛剛好。鳳爪排骨缽仔飯$28排骨唔會過淋。鳳爪醬汁惹味。加埋少少辣椒，非常好食。如果份量再大少少更好。避風塘炒蘿蔔糕$22脆卜卜炸蒜。少少辣椒。即叫即做。極好食！大師兄蝦餃皇$16蒸煮時間剛剛好。澄麵皮保持少少韌度，夾起不易穿。蝦肉爽口。筍份量適中。蟹籽鮮蝦燒賣$15豬肉調味恰到好處。肥瘦比例適中。總結：好食、抵食、值得再食。

新開時做得好差，見愈來愈多人食又再試下，的確好食左好多，因為即叫即蒸所以等得耐d,以前係整定所以點心淋patpat🤦🏼‍♀️粉果好多沙葛好爽口,皮薄又唔會爛,蒸蘿蔔糕又係好多蘿蔔條（懶得刨絲掛🤣），個面仲鋪滿元貝絲，牛肉腸個皮又滑又有米香，間野真係脫胎換骨😂😂，仲有馬拉糕，牛肉球，鳳瓜排骨飯，兩條友飽到上心口先$125

週末想飲茶食點心，又想避免茶樓等位人山人海，可以一試點心小店。荃灣呢間點心舖位置稍為遍離鬧市旺區，但正因如此人流較少，唔駛點等位就可入座。今日試左個蒸飯同少少點心⋯⋯鳳爪排骨飯，份量似乎比一般茶樓的為大，米飯蒸得夠火喉，唔似有時茶樓蒸飯太乾太硬蒜香雞翼，一份有五隻，皮脆肉嫩，值得一試菜苗餃同灼菜都不過不失啦以此食物質素，價錢相宜，更難得週末唔駛點等位就可以入座，可以一試！P.S. 茶錢3蚊位都算相宜

放工出荃灣搵食, 行開荃灣廣場嗰頭, 知道呢間專食點心嘅小店, 幸好開住個Google Map 去搵, 佢嘅位置喺正車房附近, 唔行到過黎都唔知原來仲有餐廳｡ 餐廳內座位唔多, 而且擺得都幾迫, 唔怕熱的話可以坐室外｡ 兩個人的晚餐, 最後叫左3 款點心 + 1 款飯｡鳳爪排骨砵仔飯由於本人非常鐘意食蒸飯, 所以今次都唔例外, 叫左個鳳爪排骨飯, 仲 +$3 加辣椒添｡ D 飯蒸完出黎, 完全索晒鳳爪嘅醬汁味, 而且仲有少少微辣, 非常好味道｡避風塘炒蘿蔔糕蘿蔔糕微微煎香, 配上大量炸蒜 & 青蔥一齊炒, 十分香口, 大推 甜酸炸雲吞同平時出面食嘅味道差不多, 但比較冇咁油膩｡脆竹腸腸粉入面包住類似素嘅腐皮卷, 感覺好健康 (因為入面全部都係蔬菜類), 口感又軟又脆｡

剛剛過去的星期天亦是如常回外家的日子，午餐當然要在荃灣覓食吧！ 忽然間好想嘆一盅兩件但又唔想去酒樓食喎！就上飲食網搵那裡有點心店，俾我搵到呢一間大師兄而且又近外家一於就去試吓啦！原來就係王少清中學對面對，於荃灣長大的我來講好易便找到！ 很久沒跟車爸爸飲茶了！須然店內有冷氣但不夠所以情願坐於室外，見到什麼也想吃一人點一些心水巳7款了！ 炸物點了車爸爸愛吃的安蝦咸水角＄18，新鮮炸起的咸水角脹卜卜又不油膩，外皮煙韌不黏牙，內餡亦算足料味道也恰好，我倆也很滿意！ 另一份是我自少也愛吃的甜酸炸雲吞＄18，雲吞皮同樣炸得輕脆鬆化，內藏整隻彈牙蝦肉好足料，甜酸汁味道也調得恰好很可口呢！ 我飲茶必吃的祕醬蒸鳳爪＄17，須然顏色有點誇張但味道很正宗，同樣得我歡心！ 腸粉最考工夫一於考考大師兄牌！點了較特別的脆皮燒鴨腸＄24，腸粉夠薄滑但略嫌米香不夠，內裡的燒鴨沒有說好了的脆皮還乾巴巴的，相信其它餡料會吸引些！ 本點了蝦餃怎料生意好到售罄！唯有轉點鮮帶子菜苗餃＄18，賣相好靚仔的菜苗餃一客只得兩件但身型認真不細，餃皮軟滑爽口內含海量新鮮爽彈蝦仁，菜苗則用上菜芯略為未夠吸引，吃下味道很鮮甜我很喜歡呢！

價錢唔貴!!!!!!!!!!!份量仲幾多添～兩個人叫左一個砵仔飯同5個點心都係$12x埋單!!!!!!由於無諗到份量都幾多!!!!!!!!食到要打包😆😆😆佢地個砵仔飯好正！必食！蝦餃超大粒！好爽！好好食!!!!!!!紅棗糕反而就細粒左d唔夠食~~~~~~但有少少紅棗香味又唔太甜！重點係夠煙un!! 正！!!!!!!!!!仲有 呢間野係即叫即蒸架!!!!!係要等!!!!!!!!!不過熱辣辣上枱都值得既！

【驚喜的腸粉】今天胃口一般，偶然經過此處，點了「黑松露野菌腸粉」，上枱自行加豉油，腸粉滑，皮薄饀多，充滿黑松露醬香氣，非常好味胃口即刻復活店內有砵仔蒸飯，同事經常大力推介，讚不絕口，只有肉類款式未能一嚐，但見每枱都有點，應該靠得住

味道:幾好食, 蝦餃幾大隻, 香芋流沙包都幾好食清潔:差, 個籠仲有好多漬同塵, 連個茶壺蓋都係dirty環境:細同迫, 見佢有D二人枱好似係set比四個人坐.

上次吃完後；數月後再到品嘗；今次選擇了其他食物；食後感覺。發覺整体此點心店仍能保持出產品質。👍👍又其是食物溫度；在我個人認為；我們廣東點心的其中一個重要條件；就是點心的溫度；又其是煎炸食物；所以如果食物放得太久是會把食物外皮口感變得不好；在這店我就能吃到食物應有的熱度；可見這裡的師傅有對食物的認真態度；這點心店必定再來品嘗。

這間大師兄是小店，食點心及缽仔飯的，同事去了好多次，話好好味，今日有機會試下，因為缽仔飯要蒸，可能要等15分鐘，同事話可以打電話叫定先，順便可以留位，我們去到就有得食啦鱆魚肉餅飯同鳳爪排骨飯，份量也不少，飯蒸到粒粒分明，排骨唔係好肥，好味的，鱆魚肉餅飯好香，肉餅鬆軟唔肥，好有口感的。黑松露餃，好大粒呀十分香十分重菇味，非常足粉，好多種菇加埋一齊的，好好味呀避風糖蘿蔔糕，好香口，外脆肉嫩，好多蘿蔔絲，少少辣，好惹味的，真的係功夫點心。燒賣，好大粒呀，成隻蝦，好爽口的，豬肉唔肥，正呀叉燒腸粉，好滑的腸粉，叉燒也足，好味糯米雞要等耐少少，也好大隻，有臘腸，仲有成隻雞亦，賣相也吸引，同事話d飯淋左d，好濕，可能蒸過火了。馬豆糕d豆也好多，不過浸晒底，也夠凍，唔會好粉身。馬拉糕是原籠的，好大的呀，有六件，好鬆軟，唔係好甜，好味喎，幾香及滑及軟的。可以再來的地方！！

荃灣王少清中學對面的車房區近年開了不少餐廳，有中有西，令人眼花撩亂。日前經過該區，發現新開了這間以砵仔飯作主打的點心專門店「大師兄」，便入去試吓。先來個蝦餃。一籠兩隻幾大粒，蝦肉亦幾鮮，奈何其餡一夾就與皮分開，有點失望。牛肉腸不過不失，至少唔會蒸到一Pat Pat。排骨陳村粉的排骨幾滑溜，但陳村粉黏得勁了一點。其他點心反而唔錯，尤其是肉餅砵仔飯做到飯粒粒分明，是蒸飯的良好狀態也，果然以砵仔飯做主打係有D料到。最後來多個唔係度度有的鵪鶉蛋燒賣，是懷舊的味道也！總體來說，此店並非所有點心都掂，但價錢唔貴，為了食砵仔飯，再經過的話應會再幫襯。

見到賣廣告,話新開,所以黎試下。中午一點左右到,單棍入到去都有位座坐低咗問要咩茶(水仙/普洱)就點咗普洱照慣例用熱水沖沖杯具,一沖出黎,透透地明,一開蓋睇,茶包黎。要沖多幾次先出味。到點單又係點心紙。本來諗住試雞札,但話賣晒,想點棉花雞又話冇😭咁就點咗個蝦餃同排骨飯。蝦餃先黎,得2粒,單都寫2粒既,都唔介意,一人食剛剛好,但一粒皮穿咗。皮有少少韌,有口,入面原來有2隻大蝦。個排骨飯都唔差,排骨無雪味。個飯用砵仔裝,飯有咬口。1人埋單50有找,食個晏既價錢都接受既。不妨一試

啲蝦餃嘅蝦好彈牙！唔係雪藏蝦！仲有馬拉糕！唔太甜熱辣辣！黑松露餃，好香又有菇味，窩蛋牛肉同排骨鳳爪蒸飯就最好味！每樣都係即叫即整，蒸飯點心，樣樣都好好食！一定會再次幫襯