影片
好钟意食点心，但系唔系好钟意去茶楼，所以差不多每逢周末我都会去食大师兄。不过最近由于疫情，佢净系改咗做外卖，冇堂食所以我都少食咗。点心质素系唔错嘅，不过就一时时，有时人多都会炒车，所以最好少人啲嘅时候先食。例如我试过潮州粉果系夹唔起，一夹就成旧烂咗，一pat野咁好恐怖。环境来讲就系好挤迫嘅小店，服务都唔好要求有啲咩，基本上就系家庭式营运，不过呢啲来讲我都唔系好执着，最紧要系食物。虾饺王和烧卖王两件装各$18，两个人食啱啱好，推荐！肠粉都滑嘅，只只都唔错，个人比较钟意食叉烧肠同埋虾肠。滋润红枣糕$16三件，香甜软糯。咸水角外脆内软烟烟韧韧，$18三件。蒜蓉虾春卷$20三条，新鲜出炉非常香脆，入边只虾仲要好大只。马拉糕$16，呢一款就一时时，有时好好食有时唔好食。避风塘炒萝卜糕，少少辣，脆，好惹味！茶剩系得两款，我通常都系饮普洱，佢啲茶唔好饮，叫做好过饮水。整体来讲食得过，性价比极高！平视我两个人食大概点六至七款点心，埋单$120-130。
继续阅读
晏昼喺附近谂唔到想食乜嘢，见到呢一间点心店就去试吓啦，叫咗流沙奶黄包，炸咸水角，同埋凤爪排骨饭，前两样点心正常质素，凤爪排骨饭就比起我食过咁多间酒楼之中更好食，而且大大碗，十分惊喜。大家嚟试吓佢啲蒸饭啦！
继续阅读
我返外家前都会在附近吃过午餐才回去！很多时想一盅两件就会去帮衬小店大师兄吃点心！ 每次都会吃甜酸炸云吞＄18，可惜这趟有点像翻炸吃下有点油腻，但他们的甜酸汁调得很好味当补番数！ 大师兄虾饺皇＄19一笼只有两粒，不过就比正常的大件吃下去口感超满足，吃下去皮爽馅足亦富鲜味绝对好吃的！ 我最爱吃的秘酱蒸凤爪＄19这儿都弄得很好咬口，不会炆至散烂但又够淋身我好喜欢！ 绵花鸡＄28鱼肚份量足没有腥味，索了香菇鸡肉的香味好正，鸡肉亦口感嫩滑弄得不错。 蜜汁叉烧肠＄22皮不算薄但入口仍够滑溜，叉烧馅亦很足是饱肚之选呢！其实店家的蒸饭都十分有水准的留待下次再来吃过！
继续阅读
今日无心插柳行过荃湾揾嘢食见到有间小店写住有点心食于是就睇睇佢老实讲我都唔知呢间铺系咪真系自己做点心，还是系入货。佢将餐牌同某添字头嘅餐单都似似地。第一碟系避风塘炒萝卜糕佢注明系自家制调味料，好可惜蒜粒明显过火，食落好苦，搞到成件萝卜糕都好苦，萝卜糕其实味道香脆可以但就被蒜头破坏了点心方面叫咗几款其中虾饺凤爪芋头包...虾饺皮唔算太薄未到可以虾肉都爽口；凤爪唔算好辣味道唔算好重，适中尚可；芋头包唔知系入货定自家制，包皮尚算软熟但芋头蓉味道一般可以不试另外仲叫咗烧卖同章鱼肉饼砵仔饭....烧卖唔算多肥肉咬口唔错，上高鲜虾到颇大只，味道OK；砵仔饭做得几好，饭粒分明水份适中唔会太湿亦唔会太硬加埋豉油的确几有风味，肉饼份量味道唔错唔算太多肥猪肉总括然而，大部份点心表现唔算10分突出但我觉得如果真系手工制都值得一试，不过餐厅清洁程度的确可以更加改善，譬如可能因为人手不足老板老板娘都出嚟又执枱又落单，但系亦都会准备食材呢一点对食客观感真系唔系咁好，餐厅环境枱面清洁程度亦都一般
继续阅读
只能够说唔难食唔好食唔洗特登去食系在附近工作或住， 想饮茶可以去下， 但有小朋友都唔建议去，地方细，坐得好迫唔舒服两个人食记左1. 避风塘炒萝白糕（呀姐话推介嘅）避风塘味不足，炸蒜粒唔够咸咸辣辣，唔系好惹味 而且炸得唔均匀，唔够脆口最重要系粉多萝卜少2. 脆海鲜肠粉但肠粉皮系ok ， 唔会太厚， 少少痴牙，唔会太淋，口感不差，但个内馅太油，脆粉太多，虾太细只，引致头尾都无虾食而且无甜豉油，差点味道3. 咖哩鱿鱼完全唔系咖哩鱿鱼，连味都无咖哩味， 但个鱿鱼正常，唔会硬晒4. 姜葱牛栢叶一般５. 红枣糕我喜爱的红枣糕应该系香香糯糯，QQ弹弹的口感但系呢旧不够烟韧， 有点硬另附上蚂蚁一只，证明佢系甜的虾烧卖睇得出应该系自己包的，但系成旧都系肥猪肉，毫无口感
继续阅读