大師傅粥品 (金昌摟)

营业中

休息中

大師傅粥品的Xo醬腸粉想不到在大師傅粥品可以買到Xo醬腸粉，還以為它只是很傳統的粥店，想不到那麼潮，而且做得相當好，一看顏色便知它很夠香和味，看到已經很想大吃一頓，而且份量足，二人食都足夠食飽飽。最難得的是腸粉滑，沒有煎燶，而且xo醬不只是噱頭，而是真的吃到xo醬的料，而不只是單約它的油，用料足，沒有偷工減料，好汔，不是劣食，推介。個人喜歡吃重口味都覺得可以，而且可再重味一點。但結果論是值得去買來吃。

📍 大師傅粥品 (金昌樓) – 大圍街坊的暖胃之選！呢間隱藏喺大圍嘅粥品小店，雖然裝潢簡單，但勝在用料足、火候掌握得宜，每款出品都食得出心機。今次試咗兩款必點招牌，真係每一啖都滿足！🔥 皮蛋瘦肉粥 – 粥底用足時間慢火熬煮，口感極致綿滑，每一口都帶有天然米香，無渣無粉感，入口即化。皮蛋選用靚貨，切得啱啱好，蛋白部分微微Q彈，而蛋黃位帶少少黏稠感，散發出獨特嘅甘香味。瘦肉則處理得恰到好處，切成幼細絲狀，口感軟嫩不柴，仲吸收咗粥底嘅鮮甜，每啖都充滿層次感！🔥 XO醬炒腸粉 – 腸粉表面微微焦香，炒到外層帶點脆感，但內裡仍然保持煙韌，質感一流。XO醬係靈魂，呢度用嘅醬料鮮味十足，帶少少乾瑤柱同蝦米香，微辣但不嗆喉，炒得剛剛好，每條腸粉都均勻掛上醬汁，唔會過濕或過乾。炒嘅時候火候亦控制得好，完全唔覺得油膩，反而係乾爽帶香氣，愈食愈涮嘴！如果你鐘意食港式粥品同炒腸粉，一定要嚟試下呢間鋪，呢啲簡單樸實嘅味道，先最能夠療癒人心！💛

💡 簡單但夠火候，大圍街坊的暖心粥品！  有時候，最簡單的味道才最令人回味。大師傅粥品 (金昌樓) 是大圍街坊推介的地道粥品小店，雖然鋪面不大，但粥底火喉十足，每一碗都充滿心機熬製的誠意。  🥣 皮蛋瘦肉粥  一端上枱就聞到陣陣米香，粥底明顯經過長時間熬煮，細膩順滑，入口帶點天然的米甜味，濃稠度剛剛好，不會太水亦不會過於糊口。皮蛋選用品質較佳的款式，口感嫩滑、蛋香濃郁，伴隨著微微鹹香，和粥底完全融合。而瘦肉絲則切得幼細，沒有一絲乾柴，反而帶點嫩口的肉汁感，十分順口。  🔥 XO醬炒腸粉  這道 XO醬炒腸粉是必點之選！腸粉經過快火爆炒，表面帶點微焦脆口，但內裡仍保留煙韌彈牙的質感，口感層次豐富。XO醬的鹹香辣度恰到好處，除了蝦米和瑤柱的鮮味，還帶點微微的甘香辣勁，每條腸粉都均勻地沾滿醬汁，每一口都是濃郁的惹味衝擊，完全不會膩口。📍 大圍人的日常早晨與宵夜首選！  這裡沒有浮誇裝潢，沒有過多噱頭，但只要試過一次，你就會明白為什麼街坊對這碗粥情有獨鍾。

喺香港粥舖唔易做，要做到連鎖就更加難。大師傅呢個名聽咗好耐，知道有好多間鋪，今日終於有機會試吓🥰碎牛粥粥底綿密程度剛剛好，碎牛幾多。鮮鯇魚腩粥粥底好鮮甜，材料又好足，鯇魚腩有五六件，魚肉夠新鮮。豬潤腸腸粉皮夠薄，豬潤好柔嫩，比部份喺酒樓食到嘅更加出色。牛脷酥拎上枱熱辣辣，外面仲係脆嘅！佢份量好大，食一個已經飽咗一大半。值得一提，呢度嘅炸煎堆應該好出色，因為一路食就見到好多個街坊嚟買外賣。可惜我已經叫咗太多嘢食唔落，下次一定要試吓😅

口淡淡想食返啲簡單但有靈魂嘅美食清清腸胃🤔🤔大圍街坊叫我試下大師傅喎😚😚皮蛋瘦肉粥，暖胃又暖心🩶粥底幼滑到好似飲緊米漿，每啖都帶淡淡米香，皮蛋 creamy 唔腥，瘦肉絲又夠嫩，朝早嚟一碗，成個人即刻醒神左🤩XO醬炒腸粉🔥 有啲邪惡😂外層微焦帶脆，入面仲保持彈口感，仲有葱花配XO醬超香，每條腸粉都掛滿醬汁，鹹香微辣，啱哂我口味❤️📍 大師傅粥品 (金昌樓)📍 大圍大圍村南道63號金昌樓地下D號舖

是日病病哋想搵返啲簡單又暖胃嘅中式早餐諗起呢間大師傅粥品 主打足料粥品同地道小食，價錢實惠，味道 ok 🔸皮蛋瘦肉粥粥底綿滑，唔會水汪汪，明顯係有時間慢火熬煮出嚟！皮蛋份量足，帶少少鹹香，配埋瘦肉切絲，味道平衡得好好，仲可以加少少胡椒粉，啱晒病到口淡淡嘅我🔸XO醬炒腸粉 呢款真係估佢唔到咁出色！XO醬香辣惹味腸粉炒到表面微微焦脆，但內裡仍然保持煙韌口感，每條都掛滿醬汁，味道好香，唔會太油膩，食到停唔到口 整體嚟講，呢間鋪頭主打 簡單但有質素嘅粥品和小食價錢合理，值得一試嘅～

如果你係鐘意食粥、炒腸粉嗰類港式 comfort food，咁呢間大師傅粥品 一定要bookmark ！鋪頭細細間，但味道卻毫不馬虎，出品穩定，係唔少街坊嘅早餐、夜宵首選👍🏻🔥 皮蛋瘦肉粥粥底睇得出用心熬煮，夠綿、夠滑，帶有陣陣米香，不會過稀 或者太杰，食落口感剛剛好皮蛋份量唔算少，每啖都食到佢獨特嘅香氣，而瘦肉切得細細絲，易咬又唔會太乾，好容易入口，暖胃又舒服💛🔥 XO醬炒腸粉 一試就愛上！呢度嘅炒腸粉炒得剛剛好，外層微微焦香但又保留腸粉煙韌嘅口感，XO醬辣度適中，鮮香惹味，最正係唔會炒到好油膩，每條腸粉都掛滿醬汁，送埋杯豆漿就perfect 🔥呢間鋪都好值得試！唔算係打卡熱點，但勝在味道有水準，係大圍街坊嘅 hidden gem 💯

完全冇味，已經唔係以前嗰間幫襯咗好多年以前幫襯開都叫不過不失今日食個皮蛋瘦肉粥，粥底完全係白粥一啲味都冇皮蛋同瘦肉當然係冇味啦，仲要黐埋一舊條油炸鬼以前都唔係好嘢嚟㗎啦今次直頭好似未炸開咁咬落去實滴滴似一嚿浸咗水嘅隔夜麵包真係差到食唔落俾咗張$50蚊紙發現銀包原來仲有散紙諗住俾散子阿姐，點知收錢阿姐仲要西面唔出聲唯有自己收返埋張50蚊紙say sorry😅以後都唔會再幫襯唔係話唔想幫襯呢啲小店但係真係做得好差感覺佢係冇心機做

早餐皮蛋瘦肉粥，牛肉腸大師傅在大圍區係人都識，在大圍火車站斜對面，交通算是方便，其實近年都幫襯過幾次。早餐order了皮蛋瘦肉粥和牛肉腸，幾大碗，皮蛋份量一般，瘦肉份量正常，但是瘦肉味道蘇蘇哋，感覺不太新鮮，因此不太想吃，食淨大半。牛肉腸味道正常。食到中途有人送貨來，回頭一看，原來是幾箱餐具，應該是外判清潔取回的餐具，外箱非常骯髒，職員帶着手套打開膠箱拿出餐具。餐具全部是黑色，是否清潔衛生？不予置評。

我哋三人分別叫咗2碗碎牛粥和1碗皮蛋瘦肉粥，呀仔食皮蛋瘦肉粥，佢食到一半話鹹得好犀利，跟住我就試吓，原來瘦肉連埋鹽未散開，所以超鹹。由於食咗一半，冇諗住叫職員換過，我只是提醒呀姐D粥超鹹。點知佢重鬧返我轉頭，大大聲重話：邊度鹹呀，我食唔到鹹喎，我就知你想食多碗，可以免費。之後佢哋重不停話我貪小便宜。嘩！我真係嬲到爆，好心做壞事！完全唔會覺得佢哋D粥有問題，依家啲服務態度真係⋯堅差，以後唔會再去！！

上次食好足料好好味，今次嚟呢度買餸， encore一樣嘅熟，但係啲材料少好多今次嘅及第粥所有嘢都少咗 唔記得咗應該上次都係冇豬腰 ？但係佢肉片都係得一片 定係兩篇，豬腸嗰啲都唔多記得上次好似冇盤有兩件 豬膶就有三片 不過豬肺依然好好食我就加大豬潤粥㗎豬紅同埋粟米生菜，因為想食粟米甜甜地同埋上次見隔籬枱食好想食！點知原來佢啲粟米係勁差好多渣 搞到我都唔想食，刪除份量唔多，豬紅都係四粒佢仲減咗我本身豬潤一片 平時有五件今次得4片 同譚仔雙餸嘅道理一樣 會減咗本身單餸嘅份量再加另一款俾你 今次嗌咗牛脷酥同埋炒麵兩個都好好味好新鮮，炒麵應該整定一嗌就已經30秒內上枱😂😂想食啲纖維嗌咗一個正常發揮嘅蠔油生菜今次四個人坐一張枱就舒服啲，唔使同人share

嚟大圍諗住行吓街買吓餸食啲平民美食，諗起呢度有間大師傅粥店就嚟食吓啦食過一次記得印象OK，今次食更加好味，好似比上次粥材料，而且個味道都更加好，我哋嗌咗及第粥同埋豬潤粥，因為我記得上次豬膶加粉腸就係豬潤好味好多，而且又要貴少少，都係豬潤粥抵食！阿媽個及第粥雖然$38一碗，但係都幾抵喎，原來因為佢啲材料唔係每樣得兩件，而且又有肉片，又有豬心又有粉腸又有豬潤，又有豬肚超級豐富！我哋仲嗌咗個叉燒腸，個粉皮好好味叉燒就普通，叉燒份量少同埋比較多肥粒呢度有獨立廁所，但係都幾污糟，店舖環境不過不失啦呢啲小店，服務正常，呢個價錢超值啦，買單都係$89

今次去嘗咗間鼎鼎大名嘅粥品專門店，一入去就飄嚟陣陣粥嘅香味🍲，令人忍唔住咽口水。首先點咗碗窩蛋牛肉粥，個粥綿滑得嚟有咬口，窩蛋夠滑，散發出雞蛋嘅香濃氣味，同粥湯融合得剛剛好。碎牛肉又鮮又嫩，每啖都滿足哂！再試吓炸兩腸，外皮酥脆內裡滑溜，油香四溢，趁熱咬落去真係好食得嚟唔膩口😋。豆漿仲係自家制嘅，香濃得來唔會甜得嚇人，一啜一啜都喝得出黃豆嘅天然美味！嚟到香港，唔少得婆婆傾偈飲茶環境，但呢間就純粹得嚟又地道，環境簡潔舒服，重點係食物真心好味，我嘅胃完全被治癒。下次再唔舒服或者想食返傳統香港粥品，一定還會再嚟，正👍！

大師傅都聽過幾次，親身嚟食就真係第一次 嗌咗炸兩同埋牛肉腸粉 牛肉係碎牛肉，類似牛肉球嗰啲，腸粉雖然有但係好好味，經過廁所見到阿姐拉緊腸粉好有地道嘅感覺🥳同埋想提一提呢度服務都唔錯，雖然唔係話侍應好溫柔，但係好有人情味亦都好好安排！有一個客人啱啱入座坐咗一張圓枱，我哋兩個人本身諗住求其坐一張搭枱，點知阿姐安排咗我哋調枱超好型有心淨係呢一點已經攞滿分窩心嘅阿姐雖然發記粥品好味啲，不過嗰間出晒名好難咁樣比嘅粥嘅賣相好好，一睇落去已經好眠嘅感覺，嗌咗豬膶粥加粉腸，我覺得加料嘅話會本身嘅料少咗，可能本身唔想平會有5豬潤，而家就變咗$3豬潤+3件腸粉！豬粉腸麻麻哋，但係係有新鮮嘅豬潤嘅話就好新鮮好有你講我阿媽整落嘅味道呢一個就好味過發記 可惜只有三件咁就北菇滑繼續加咗豬紅，不過北菇原來得一件，滑雞就有大概好細嘅四件，不過全部都唔係雞胸位，而且係連皮嘅，變相真係食落肚嘅肉就唔多，我自己鍾意食肉多啲整體而言好滿足，估唔到得到一個面壁嘅位置會坐得咁舒服有機會會再嚟食

近排病咗，係大圍附近搵下有無粥店，朋友介紹我試下大師傅。見佢價錢親民~~去到門口已經有好多人等緊外賣，堂食都好多人!我地等咗一陣就入到~窩蛋碎牛粥🐮碎牛入面有好多脆脆嘅米粉粒! 食落脆卜卜~好好食!!鮮鯇魚片粥🐟魚片都好多塊，好足料，粥都食到魚味~蝦米腸🦐腸粉都幾滑，蝦米味都好出，味道比我想像中好食!菜乾豬骨粥(外賣)呢款粥都好足料，有好多菜乾同豬骨，仲有D蠔乾，但反而佢味道無咁好食，對病嘅人黎講過濃☹️我帶食物盒去裝，個姐姐整爛咗我個食物盒，我要自己組裝翻……執野嘅時候仲掉左魚骨落我部電話度-_-....問佢有無紙巾佢話無........野食還好,但服務就真係差少少😰😰😰