大師傅粥品 (康威大廈)

营业中

休息中

呢間大師傅粥品真係好抵食又好食，終於喺北角都有得食啦！必食佢嘅生滾粥全部都係$35起，而且加餸都係$4起抵食到不得了！大推《 黃沙豬潤粥 $35 》加《魚腩 +$9》啲豬膶大塊份量又多，口感如细沙一般，既粉又嫩，又不失爽口感。魚腩肉厚身嫩滑。粥底仲好綿添！另外一碗都係《 黃沙豬潤粥 $35 》- 生菜絲 +$4- 半隻鹹蛋 +$4- 粉腸 +$5- 魚腩 +$9- 走蔥 個粥底好麵加咗生菜仲甜啲；有鹹蛋就可以提吓味；粉腸爽完全唔韌，魚腩真係好滑，下次可以試吓魚腩生滾粥！《 蒸蘿白糕 $16 》 呢度啲蒸蘿蔔糕真係真材實料可以見到粗身一條條嘅蘿蔔肉，入口唔會好有粉，而係好多汁清甜嘅蘿蔔味，加啲豉油已經好正！《 蝦米炸兩腸 $20 》*必食*呢一個蝦米炸兩啲皮十分薄！個炸兩又好香脆加埋櫻花蝦賣相夠靚，仲要只係$20，真係唔食對唔住自己！仲有$10一大支豆漿！服務員態度好好屯門，埋單時都有笑容。完全係可以一直再食！

近日香港氣溫急降, 訓醒最好就係食碗粥暖下胃。同媽咪去咗「大師傅粥品」, 呢間絕對係我地全家粥品飯堂之一, 價錢唔貴又足料。店內光鮮企理乾淨, 堂食不設加一。多款粥品選擇, 另有少量小食、腸粉類、油物等...【艇仔粥】HK$26 ( +HK$4 追加豬紅)艇仔粥材料豐富, 包括有瘦肉絲、爽口魷魚、豬皮、牛肉碎, 粥底綿密熱辣辣, 啖啖粥都食到配料, 夠哂層次, 而追加嘅豬紅, 口感彈滑。【狀元及第粥】HK$39及第粥非常豐富足料! 即叫即煮, 熱辣辣錦密粥底中有大大件厚切新鮮豬潤、豬心、爽滑豬肚同埋豬粉腸, 因為粥底中仲加咗些少薑絲, 令豬內臟都唔會有腥臭異味, 整體滿足又飽肚。【豬紅粥】HK$23錦密粥底中加入唔少彈滑豬紅, 沒有一點異味。【牛脷酥】HK$10牛脷酥口感軟熟, 中間糖霜甜甜地, 就咁食/送粥更飽肚。【煎堆】HK$10同樣遇上新鮮出爐煎堆, 圓碌碌煎堆表面平均佈滿芝麻, 一咬外層香脆兼極為香口, 內為煙韌甜甜地。【蝦米腸】HK$17蝦米腸柔軟滑嫩, 夾集蝦米、蔥粒食, 增添一點香口。【蝦米炸兩腸粉】HK$20剛好遇上即炸油炸鬼, 軟滑腸粉皮包裹著脆口油炸鬼, 面層加咗少

餐廳位於北角，距離地鐵站路程大約五至10分鐘左右，其實還算方便快捷，這間餐廳主打的傳統的中式食物，當然最重要的就是粥粉麵飯，我把他們叫成中國的四大發明。這天我點選了粥、糭和腸粉。手打肉丸粥，絕對是性價比極高之作，全因為手工製作，已經是別具意義，能感受到廚師的手藝。肉丸爽口彈牙肉味甚濃。加上粥底，軟軟綿綿的口感，成了強烈的對比。鹹肉糭方面，肥瘦適中的鹹豬肉，配搭綠豆糯米，就是中國人發現美食的強大之處，感受美食真的不需要看節日和季節。

香港夏天雖然好熱，但有時大魚大肉之後，都想食碗粥暖下腸胃大師傅粥品係集團連鎖，所以啲出品好穩定今晚兩個人叫咗生滾魚腩粥同生滾及第粥。另外再加咗豉油王炒麵炸兩同牛肉腸魚腩粥，魚腩勁多，滾到啱啱熟，有魚味又夠滑，而且魚腩位有少少脂肪特別香及第粥同樣勁多料，豬潤夠厚，粉腸夠腍，肉片同豬肚都好食，最喜歡係有豬心，冇騷味又爽口豉油王炒麵鹹甜適中，大大碟加甜辣醬一齊食最滋味炸両腸入面嘅油炸鬼仍然鬆脆，而腸粉皮厚薄適中有米香見佢D腸粉唔錯，所以追加咗個牛肉腸，最喜歡牛肉加咗大量芫茜，而牛肉粉量都ok，食完勁滿足

晚上跟媽咪在北角買餸後，到了這間新開業的「大師傅粥品」吃晚餐，夠經濟實惠🙌🏻粥店裝潢樸實光猛💡坐得也舒服😊狀元及弟粥 鯪魚球 粥底濃稠，材料有豬潤、豬肚、肉丸及瘦肉🐷，豬潤熟度剛剛好，口感爽脆，我們還加配了鯪魚球，鯪魚球沒有腥味🥰碎牛粥 我自己很喜歡吃碎牛粥呢😍粥底同樣濃稠🍚，把粥內的碎牛肉拌勻🐮，用滾熱的粥淥熟，口感嫰滑，容易咀嚼。蝦米炸兩 外層腸粉薄身柔軟，內層油炸鬼口感脆口🥨，配搭蝦米🦐及蔥花，既豐富又滿足飽肚感。炒米粉 炒米粉十分香口，口感乾爽又彈牙，食落不會很油😁綠豆沙 綠豆煮得軟爛，呈現沙狀的質地，不會很甜，很適合在夏天食☀️

平時媽咪👵🏻食野好清淡，所以一帶佢食粥佢就好開心😬今日帶佢來北角❣︎大師傅粥品❣︎lunch😋呢到裝修企理，座得非常舒服，而且仲超多款式選擇。❣︎北菇仿鮑片滑雞粥❣︎$42滑雞非常嫩滑😋👍🏻鮑片口感彈牙，生滾粥口感綿密。❣︎蠔豉粥❣︎$35加左生菜粟米同豬紅，每樣都係加$4咋😬👍🏻蠔豉粥夠晒下火🔥豬紅鮮香，加埋生菜粟米，口感非常豐富。❣︎炒米粉❣︎$15炒米粉炒得乾爽彈牙。❣︎蔥花炸兩腸粉❣︎$19腸粉皮薄充滿米香，加埋花生醬，甜醬同辣椒🌶️醬一齊食，噤先係至高享受😋❣︎綠豆沙❣︎$17⭐️必食推薦😋👍🏻綠豆沙煲得非常綿密，有陣陣果皮香，甜度適中，好食過糖水舖。

成日出街食大魚大肉間中都想食得食淡d係北角學畫畫去附近醫肚餐廳環境乾淨企理設有卡位座位坐得都幾舒服蝦米腸 $17腸粉好嫩滑，食到蝦米同埋葱粒既香味！仲可以自由混醬😂😂！艇仔粥 $30-加半隻鹹蛋食親粥我都一定會叫艇仔粥，貪佢多材配料！！有炸花生、海蜇、牛肉、魷魚等，粥底煲到好綿滑，加左半隻鹹蛋，增添一點咸香味，魷魚彈牙，花生香脆，整個口感都好豐富。 油條 $10食粥一定要配油炸鬼！！超誇張勁大條😮😮，口感鬆脆有韌勁。豆漿 $10豆味香濃，唔會太甜。

北角呢間粥店我成日都同屋企人食，因為佢地啲粥都真係煮得幾綿我地叫咗兩款粥：及第粥粥底綿滑配埋豬潤、豬肚、肉丸、粉腸等等配料 啖啖都咁滿足我地仲加$9 要埋滑雞，個粥底鮮味再提升左至於另一個艇仔粥，味道都鮮甜加埋生菜味道清新炸兩份量好足，腸粉皮滑溜油炸鬼香脆牛脷酥外脆內軟鹹煎餅 成個波咁，如果唔想成舊自己撕黎食，可以叫姐姐幫你切開煎餅熱辣辣入口鬆軟，配埋粥就啱晒炒米粉好大一份 食既時候加埋辣醬甜醬就💯💯

想起食生滾粥, 立即去北角的 大師傅粥品粥店, 這裡裝修得光猛整齊, 面稹大.有即熟粥, 生滾粥, 油器, 炒麵, 粽, 腸粉及飲品.    經濟實惠,  好多選擇. 熱柜內有香港小食:  油炸鬼,  大煎堆,  好香脆.   我最喜歡的牛利酥, 好像剛賣清, 要等炸起. 座位整齊有梳化卡座, 比一般粥品店坐得舒服.檯上醬汁齊備, 重有脆芝麻,  還有水杯水壺可以自助飲用. 牛利酥剛炸起:    熱辣辣, 香噴噴, 外酥內軟.  軟韌甘香. 一流好食.鹹肉粽 (香港節日小食) :   端午節快到了, 我們點了隻鹹肉粽應節. 好大隻, 糯米煙韌, 蛋黃鹹香, 還有五香豬肉, 食得回味. 炸兩腸, 更特式:  即叫即制,  腸粉入口很軟滑, 包裹著脆脆油條,  自行混醬:   甜醬, 辣醬, 麻醬, 淋上豉油,  再灑上芝麻.  吃得可口. 鼓油王炒麵, 另一個傳統小食  配粥最好.   伴有銀芽, 椰菜絲, 蔥,  不油膩, 調味不錯. 生滾粥:  仿鮑片魚片 + 碎牛 $4-.   好大碗, 粥底綿滑.仿鮑片稔甜有鮑味,  混合 碎牛 和 魚片, 有牛味, 加魚片鮮香, 配搭得非常好.

呢間位於英皇道既粥店好乾淨企理，職員又有禮貌，下次可以再黎🥳北菇仿鮑片滑雞粥+黃沙豬潤粥底煮到好綿，雞肉肉質一啲都吾嚡口👍🏻 雖然係仿鮑片，但食落好清甜😋 豬潤厚到一個點😻 爽脆無異味無血水，鐘意食豬潤既朋友建議要試😋鮮鯇魚腩粥+鮮牛片魚腩啖啖肉好肥美，鯇魚骨較為大條，所以食落都幾方便，吾洗擔心俾幼骨哽親🐟鮮牛大大片份量好多🐮炒麵乾身吾油🥢牛利蘇勁大隻😂 睇到我地嘩嘩聲仲飲左枝豆漿🥤

趁今日天氣涼返少少，即刻去食番碗粥先！😋蝦米炸兩腸 $20蝦米炸兩腸的外皮酥脆，內裡包住鮮美的蝦米和炸兩，如果炸兩再脆啲會好食好多！👀😋鹹肉粽 $20端午節快到，試下個鹹肉粽！入面啲餡料都好足料，香噴噴！😋炒麵 $15炒麵色香味俱全，麵條炒至金黃，我仲灑咗好多芝麻，非常滋味！😋狀元及第粥 $39粥底滑順細膩，加入了新鮮的內臟配料，例如豬肝、豬腰、豬粉腸、豬肉丸等等，每一口都讓人感受到飽足！😇😍😋鮮鯇魚腩粥 $39鮮鯇魚腩鮮嫩🐟，加埋滑順的粥底，非常容易入口！🥰😋豬膶腸 $20豬膶腸色澤誘人，裡面包住粒粒豬膶，肉質鮮嫩，淋上醬油充滿濃郁的風味。

唔知你哋有冇發現，香港早餐嘅選擇其實非常多元化呢？話說前排去咗歐洲旅行一個月，每朝早餐嘅分別只係呢款麵包同嗰款麵包。至於香港嘅早餐，除咗茶記早餐、早茶點心，仲有幸福感十足嘅港式粥店。位於北角嘅大師傅粥品，晨早就提供軟綿鮮甜嘅生滾粥、即熟粥、腸粉同小食，成為我哋嘅暖胃之選。炸兩腸粉油炸鬼係餐廳嘅新鮮自家製，所以非常酥脆，而外面包住嫩滑嘅腸粉，一軟一脆，再配埋貼豉油、花生醬、甜醬同芝麻，口感豐富。叉燒腸粉腸粉非常香滑，叉燒鹹中帶甜，配埋甜豉油，非常滿足！鹹肉糭食粥唔夠飽肚，如果加埋鹹肉糭就啱啱好！糯米帶有淡淡嘅竹葉清香，餡料包括五花腩、鹹蛋黃、綠豆等，非常豐富。狀元及第粥狀元及第粥配料豐富，有豬肉丸、豬潤、粉腸等。豬潤鮮甜無腥味；粉腸爽滑彈牙。而配料經生滾粥煮過，令粥底更鮮甜。北菇滑雞粥生滾嘅北菇滑雞粥，雞肉鮮嫩而粥底帶有雞油嘅香味之外，細味一下仲有淡淡嘅北菇香味，充滿層次感。

聽聞北角大師傅粥品口碑載道，今次叫咗狀元及第粥、豆漿、炒麵、煎堆、檸檬茶、叉燒腸同埋油條，抵食又飽肚！舒適環境，快捷服務 ✨餐廳環境光猛整潔，座位舒適，令人感覺輕鬆自在。手機掃QR Code落單，方便快捷，上菜速度亦都非常快，啱晒香港人嘅快節奏生活。店員服務態度親切友善，令人賓至如歸。粥品推介：綿滑粥底，足料滋味 🥣狀元及第粥嘅粥底綿滑可口，配料豐富，包括豬潤、豬肚、肉丸同粉腸，每一啖都充滿驚喜！豬潤鮮嫩無比，豬肚爽口彈牙，肉丸鮮味十足，粉腸亦處理得非常乾淨，完全沒有苦味。每一啖都令人回味無窮！小食精選：樣樣出色，款款滋味 🥢叉燒腸粉皮薄餡靚，叉燒肥瘦均勻，醬汁香甜可口，令人一試難忘！炒麵鑊氣十足，味道香濃惹味，麵條乾爽彈牙，令人食指大動！煎堆外脆內軟，甜度適中，係飯後嘅完美甜點。油條金黃酥脆，口感一流，令人一試愛上！總結：必食推介！💯總括嚟講，北角大師傅粥品絕對係一間值得推薦嘅粥店！粥品、小食樣樣出色，環境舒適，服務一流，而且價錢親民，絕對係暖胃之選！下次一定會再嚟，繼續探索更多美食！

今日女女有啲唔舒服，佢話想食粥，經過見到呢間粥舖，入去試吓，好抵食，味道又唔錯，叫咗咁多樣嘢買單都係$110.蝦米腸： 足料， 好多蝦米， 腸粉好滑， 即叫即做蒸蘿蔔糕： 大大件又唔會好多粉，入邊都多蘿蔔絲， 個人幾鍾意食蘿蔔糕，冇咁熱氣唔錯炒麵：大大碟，唔會炒到好油，味道又唔會太鹹，送粥一流香滑白粥：大大碗，煲得好綿，有啲白果味，清清地，易入口，小朋友都鍾意牛脷酥： 送粥必叫， 剛剛出爐， 好味豆漿： 重豆味， 唔會好甜.

粥店係香港漸趨息微，有時突然間想要食粥，真係方圓幾百里都找不到一間。今期去北角個頭，見到一間新名字的粥店，決定同老公入去幫襯下支持下。 店內裝修光猛整潔，座位都尚算寬敞，最值得一讚係，侍應姐姐的態度好友善。艇仔粥 – 勁足料，有魷魚、花生、豬皮同肉球，加上粥底，口感和味道十分豐富。生滾鮮鯇腩粥 - 再加碎牛、醎蛋和蠔豉，即使加上很多配料都仲係好抵食，因為每款配料也只是$4-5。生滾粥果然係唔同d，粥底很香很綿滑。鮮鯇腩超厚身，但不腥，食落啖啖肉。 蝦米炸兩腸粉 – 因為唔食蒽，所以叫了蝦米炸兩腸粉，點知原來都係有大量蒽花，下次要記得走青。炸兩炸到卜卜脆，即使用腸粉包住，都絲毫不減香脆口感，配上麻醬 + 甜醬，十分好味。 綠豆沙 – 一如香港人對甜品的評介，就係不太甜，好怕飲左一堆糖落肚，呢碗綠豆沙就甜度剛剛好，但真係好大碗。