影片
营业时间
今日营业
06:30 - 23:45
星期一至日
06:30 - 23:45
以上资料只供参考，请与餐厅确认详情
隔咗一排, 终于有时间同屋企人食LUNCH, 又再去咗我地嘅抵食饭堂「大师傅」, 呢度价钱亲民, 而且份量足, 可说是性价比过。餐厅环境光鲜企理, 全日堂食不设加一, 吸引不少附近街坊帮衬。供应多款粥品、肠粉, 油物等….价钱抵过买料自己煮。【艇仔粥】HK$26 (+$4 追加猪红)粥底绵密滚热辣, 食材丰富又足料, 包括有瘦肉丝、爽口鱿鱼、猪皮、牛肉碎, 粥底绵密热辣辣, 啖啖粥都食到配料, 好有层次, 而追加嘅猪红, 口感弹滑。【猪红粥】HK$23 (+$4 追加碎牛)锦密粥底配上弹滑猪红, 再追加了碎牛, 增加点点肉香。【虾米肠】HK$17虾米肠滑嫩柔软, 稍吸了些少豉油, 配搭虾米、葱粒食, 增添一点香口。【虾米炸两】HK$20虾米肠包住了香脆油炸鬼, 自行加咗芝麻酱、甜酱同埋芝麻, 内脆外软又美味。【炒面】HK$15炒面炒得好香, 不会过于油, 大大碟, 好抵食。【白糖糕】HK$5白糖糕口感带点湿润, 甜甜地, 不错的甜品。
继续阅读
呢间大师傅粥品真系好抵食又好食，终于喺北角都有得食啦！必食佢嘅生滚粥全部都系$35起，而且加𩠌都系$4起抵食到不得了！大推《 黄沙猪润粥 $35 》加《鱼腩 +$9》啲猪膶大块份量又多，口感如细沙一般，既粉又嫩，又不失爽口感。鱼腩肉厚身嫩滑。粥底仲好绵添！另外一碗都系《 黄沙猪润粥 $35 》- 生菜丝 +$4- 半只咸蛋 +$4- 粉肠 +$5- 鱼腩 +$9- 走葱 个粥底好面加咗生菜仲甜啲；有咸蛋就可以提吓味；粉肠爽完全唔韧，鱼腩真系好滑，下次可以试吓鱼腩生滚粥！《 蒸萝白糕 $16 》 呢度啲蒸萝卜糕真系真材实料可以见到粗身一条条嘅萝卜肉，入口唔会好有粉，而系好多汁清甜嘅萝卜味，加啲豉油已经好正！《 虾米炸两肠 $20 》*必食*呢一个虾米炸两啲皮十分薄！个炸两又好香脆加埋樱花虾卖相够靓，仲要只系$20，真系唔食对唔住自己！仲有$10一大支豆浆！服务员态度好好屯门，埋单时都有笑容。完全系可以一直再食！
继续阅读
✨️香港的粥品店好似越来越少，食到好食的粥舖都会珍惜，多啲支持帮衬。💕北角开咗间大师傅粥品，价钱平，又大碗好食，街坊恩物。🥰环境明亮企理，坐卡位好舒服。🥢鱼腩粥🥣粥底绵滑，加咗半只咸蛋🥚，鱼腩厚身好肥美。🥢咸肉粽女女喜欢咸肉粽，大只足料。🥢炸两非常香脆，送粥一流。🥢叉烧肠几多叉烧，足料，肠粉滑溜。🥢萝卜糕好大旧，口感嫩滑。🥤饮品：豆浆，汽水😄埋单100头，两个食到饱饱，好抵。
继续阅读
大师傅粥品的皮蛋瘦肉粥 皮蛋瘦肉粥是我很喜欢吃的早餐, 其实除了早餐, 午餐或晚餐时间我都不时买这款粥。最喜欢它的味道轻盈又滋味, 不是淡茂茂的, 所以即使不是生病, 我也不时买粥吃。这里的粥的质感很好, 呈粘稠状, 不会过水或过稠, 质感是刚刚好的, 放久了也不会化水。然后再配上皮蛋粒和瘦肉, 很搭配, 只用了少许盐同葱提味, 便已经很好吃了, 好吃就是很简单, 不用很复杂的东西。皮蛋独特风味跟猪肉的鲜味相辅相成。皮蛋化入粥中, 吃起来很顺口, 而且粥保温功夫做得很好, 吃起来整个人暖笠笠, 质感又滑顺, 冬天时吃特别滋味和暖心。可以考虑加点胡椒粉或者炸干葱提香, 但也是后话, 现在这个版本都已经很优秀。
继续阅读
今早早餐想食粥食肠粉，就嚟到呢间新开有几个月既大师傅粥品。一开舖冇几耐就到店，已有几枱街坊食紧早餐，揾个卡位坐低，店员好友善问我食乜野，帮我落单咁话，我话我手机点餐。点了碗艇仔粥一碟牛肉肠，不一会就上餐，艇仔粥味道偏淡，应该冇加味精的，碗粥好足料，成大半碗都系碎牛，加上猪皮同鱿鱼花生，牛肉肠就正正常常，好啱口味。性价比高，整体满意。口味：🥚🥚🥚环境：🥚🥚🥚🥚🥚服务：🥚🥚🥚🥚性价比：🥚🥚🥚🥚
继续阅读
您可能会有兴趣的...