大師傅粥品 (康威大廈)

营业中

休息中

朋友喜歡吃粥特別推薦我來這個粥店。今天早上過來發現人不多、冷氣夠，空間又大。看看餐牌發現東西很便宜，我點了狀元及第粥和炒麵。麵來的比較快，粥大概7分鐘後到。果然粥是極品，不單粥底煲得很綿，及第食材很新鮮又味美外，粥的份量也十分足夠。炒麵溫度就有一點冷，相信已經炒出來一段時間，但份量也十足，整個碟子滿滿的，只有成年男人才能吃得完。本店的服務也很不錯，來幫襯的客人也比較斯文。總的來說這個店出品大件、低食兼好食。

Abalone chicken congee with mushroom北菇仿鮑片滑雞粥 $51相對健康有鮮甜嘅北菇鮑魚片滑雞粥裏面有大量滑捋捋嘅雞塊🍗，非常足料，另外加咗有口感嘅清甜粟米🌽、養生嘅冬菇🍄‍🟫，粥嘅底帶淡淡雞汁香氣，份外芬芳撲鼻，飽肚又抵食，值得推介👍🏻Pig organs congee 狀元及第粥 🍚 $42充滿正宗香港特色嘅狀元及第粥裏面主要有豬潤、豬腰片、豬腸、爽口彈牙嘅豬肚🍖，食落去有濃郁嘅豬鹹味，粥底清甜，口感綿綿，加咗半隻皮蛋🍳令裏面嘅配菜更加豐富，配埋免頭嘅蔥花🌿，真係好好食！Fried dough noodle rolls 炸兩 $18 熱辣辣嘅炸兩係個食粥店必叫小食🔥，一碟大概有十幾件滑身嘅腸粉，裏面包住脆卜卜嘅油炸鬼🫓，連埋濃郁芝麻醬、甜醬同埋香噴噴芝麻一齊食，永遠都係最佳組合

街坊都愛連鎖粥店 平價抵食之選呢間連鎖粥店真係街坊都愛，價錢親民！生滾粥$23起，小食$5就有交易，坐得又舒服，難怪成日都咁多人幫襯～今次試咗個北菇滑雞拼黃沙豬膶粥，啲雞肉滑溜溜，豬潤又厚又爽口，粥底煲得好綿滑。個炒米粉都幾有驚喜，料多鑊氣夠，自己落醬，鍾意點食就點食！最正係個炸兩腸粉，腸粉皮薄到透光，包住脆卜卜嘅油炸鬼，一啖咬落去又滑又脆！服務態度好親民，完全冇連鎖店嘅機械感。呢個價錢食到咁嘅質素，真係唔錯！

平時食得熱氣野多，偶然都要食下粥，清下腸胃，健康一下下午放飯時間就約埋同事去食靚粥店內燈火光明，乾淨企理，仲有大量梳化卡位，用餐舒服粥鋪有齊即熟粥及生滾粥，而且價格吸引，就算叫多幾款油器、小食、腸粉都好食食物方面 : 狀元及第粥加豬紅 : 生滾粥粥底綿滑，有齊豬粉腸、豬潤、豬腰、豬肚、豬肉丸勁足料，再加埋豬紅，非常滿足艇仔粥加半隻皮蛋 : 即熟粥粥底綿滑，有齊海蜇、豬皮、土魷、魚片、豬肚、油炸鬼、花生、蔥花及豬肉碎等配料，再加埋我最鐘意食嘅皮蛋，非常豐富蝦米炸兩腸粉 : 粉皮做得夠薄，油炸鬼炸得香脆，大量鹹鮮味嘅蝦米及清香嘅蔥粒，再加埋甜豉油，美味嘅炸兩腸粉韭黃鮮蝦腸粉 : 腸粉皮夠薄夠滑溜，入便包住韭黃及大隻又爽彈嘅鮮蝦，夠曬美味牛脷酥 : 牛脷酥夠曬大隻，外皮微脆，質地結實，最鐘意用來配粥一食嘅油器

天氣和暖後又突然凍返，帶咗阿媽去食碗粥暖暖身，大師傅粥品環境乾淨又光猛，座位坐得舒服，店員招待有禮。手打肉丸粥加豬紅：粥底綿綢香滑，肉丸彈牙爽口，香甜味渗入粥底，加配滑嘟嘟嘅豬紅，足料美味。艇仔粥的主要材料有、牛肉、豬皮、魷魚、瘦肉、花生、蔥花等，上枱熱氣騰騰，芳香撲鼻，啖啖都十分鮮甜。 艇仔粥走牛加豬紅：唔食牛肉又想食艇仔粥，可以叫走牛肉，佢哋會改比瘦肉，喜歡豐富一點可加豬紅，味道一樣美味，口感一樣豐富。韭黃鮮蝦腸：腸粉皮用大米磨漿製作而成， 皮薄彈牙，餡料蝦仁大隻爽口，加甜豉油鮮甜味美。豉油王炒麵炒得既乾身也不油膩，火候足夠，麵條彈牙。炸兩腸粉：腸粉厚薄適中，包住脆口嘅油炸鬼，加些甜醬油、甜醬、麻醬等，香脆可口又惹味！

最近食得多燥熱嘢，今日下午揀粥品作為午餐。行經北角英皇道，見一粥店。同事話呢間粥舖上綱見有數間分店，應該不錯。店內環境好，比起傳統粥店光亮，舒適。價錢亦相當之合理。生菜鮮鯪魚球粥粥底非常杰身，綿綿口感。材料生菜，鯪魚肉絕不吝嗇，足料。鯪魚球散發出魚香，滋味。油條估唔到咁大條，不油不膩，香脆。豉油皇炒麵炒得乾身，不肥膩。感受到香甜嘅醬油味。食客大多數是街坊，跟服務員有說有笑，十分之親民嘅店舖，讃⋯⋯。

今日經過粥品店,見到店鋪幾企理,就入去食晏。用手機掃二維碼落單。🔸狀元及第粥加生菜生滾粥粥底綿滑,而且熱辣辣,豬潤粉嫩滑溜,粉腸煙煙韌韌,豬心爽口,加$4多咗生菜更加豐富健康。🔸黃沙豬潤粥加鹹蛋豬潤份量多又厚身,質地爽口,有少少鹹味。加$4有半隻鹹蛋,令粥的鹹鮮味再突出啲。🔸豉油皇炒麵炒麵都幾大碟,麵的質地軟硬適中,而我最鍾意加芝麻和甜醬拌勻食,味道更正。🔸牛脷酥係手機可以選擇碎上,食的時候就方便好多,牛脷酥外微脆,質地結實,味道甜甜。🔸蝦米炸兩腸粉腸粉皮做得夠薄,蔥花清香,蝦米有鹹鮮味,炸兩脆口。最後飲埋支裝豆漿,豆香微甜。

去北角探住喺老人院嘅姨媽，帶佢出去食午餐，唔話喜歡食粥，咁就去附近嘅大師傅粥品，粥店有多間分店，食物有水準，地方乾淨衛生，姐姐們招呼週到。艇仔粥足料，粥底綿滑充滿米香，用料新鮮又豐富，魷魚、豬皮，碎牛份量都好多，加少許花生和蔥花增添口感。艇仔粥走牛加豬紅：艇仔粥正常係有牛肉，如果唔食牛肉可以叫佢走牛，佢哋會改比豬肉條，加些滑溜的豬紅更豐富。皮蛋瘦肉粥：粥的味道鮮美，口感豐富，既有大米和瘦肉的軟糯，又有皮蛋的咸香。鹹肉粽餡料有五花肉、咸蛋黃和綠豆，食落口感軟糯，有淡淡的竹葉清香。炒麵夠乾身不油膩，主要以豉油皇來作調味，麵條彈牙。炸兩腸：即叫即包，厚薄適中的腸粉皮滑嘟嘟，入面嘅油條脆口，調些甜醬油、甜醬、麻醬等，味道和口感層次感豐富。蝦米腸口感滑溜，加入蝦米和蔥花，增添鮮味和香味。

1. **艇仔粥**： 艇仔粥的配料種類尚算豐富，有魚片、魷魚、花生等，但粥底偏稀，口感不夠綿密。味道方面，鮮味不足，整體感覺平平無奇，未能讓人留下深刻印象。2. **鮮蝦腸粉**： 腸粉皮偏厚，口感不夠滑嫩。鮮蝦的份量尚可，但蝦肉不夠彈牙，似乎不夠新鮮。醬汁味道普通，未能提升整體風味。3. **油炸鬼（油條）**： 油條炸得不夠酥脆，口感偏硬，似乎是放置了一段時間。吃起來有點油膩，且缺乏新鮮油條應有的香氣。---**衛生問題**： 餐具「黐立立」，明顯感覺到清洗不徹底，摸上去有黏膩感，令人對餐廳的衛生狀況產生懷疑。這點非常影響用餐體驗，希望餐廳能重視餐具的清潔問題。---**服務與環境**： 服務態度一般，店員對顧客的反應較為冷淡。餐廳環境尚算整潔，但桌椅擺放略顯擁擠，用餐時感覺不太舒適。

同朋友經過見到呢間門面光猛又乾淨企理嘅粥店，入面有各式各樣嘅粥品、小食、腸粉同糖水等等ღ 窩蛋碎牛粥新鮮嫩滑嘅碎牛加蛋香味濃郁嘅窩蛋，簡直係完美嘅組合ღ艇仔粥加鹹蛋艇仔粥嘅配料非常豐富，海鮮新鮮可口，加埋鹹蛋嘅鹹香味更添一層獨特風味ღ豉油皇炒麵除咗粥品，呢度嘅豉油皇炒麵都好正。搭配醇厚嘅豉油，炒出嚟嘅麵香氣撲鼻，加埋辣醬一齊食正👍🏻ღ叉燒腸叉燒腸外皮柔軟滑嫩，內餡飽滿，甜中帶鹹，口感豐富ღ紅豆沙飯後食返碗紅豆沙，紅豆粒粒分明食落軟綿綿，香甜而不膩ღ豆漿滑滑嘅口感，淡淡嘅豆香，飲落又唔會太甜

同朋友去北角行街，近電車路都有好多食肆，見外面凍冰冰，想食啲粥暖吓胃，見有間粥舖幾光鮮就去幫襯一下。蝦米炸兩腸加咗蝦米香口好多，裏面的油炸鬼仍然鬆脆，腸粉外皮軟滑，每樣都夾得唔錯。炒麵不過不失，唔會太肥膩，加了椰菜絲和韭菜。韭黃鮮蝦腸有酒樓水準，皮薄晶瑩剔透，鮮蝦有六隻大大粒。北菇仿鮑片滑雞粥加魚片生滾粥鮮牛豬紅窩蛋生滾粥生滾粥係招牌菜，材料可以自由配搭。啱啱煲完熱辣辣，材料新鮮，份量足。食完暖笠笠，繼續行街買嘢。

蘿蔔糕迷的我，每見到粥店有蒸蘿蔔糕都想試吓，剛開張時曾經想幫襯，可惜未有蘿蔔糕出售，所以唯有等待. 今日再次行經，先問清楚有得食先入去坐；就是單點蘿蔔糕，，手機落餐，等咗一陣蘿蔔糕先出到，賣相完整，只可惜唔夠熱，侍應又落咗勁多鼓油，所以好咸！口味感覺一般般，鄰座的炸兩好似比較好食，但食客都食剩四件…..店舖光猛，但總算坐得舒服。

今早0820買早餐，嗰阿姐唔知傾乜，叫我等吓先，買得早餐外賣就保要快，態度我就唔講，不竟主觀評價會偏差，但係要我等佢傾完係事實，收銀機度有cctv,咁樣既效率點同其他同行競爭？當然我即走！其實之前有幫襯開，其他阿姐亦都非常之高效率，買外賣會叫我座低等吓，粥味度滿意，味精不重，油炸鬼質素亦好，價錢貴少少我都確得物有所值，以上情況係個別情形，老板亦留意加強培訓，傾吓又可以增加工作協調係好，不過做少單生意就係本未倒置。

家附近新開了一家連鎖粥店，趁天氣開始轉涼，食碗粥暖暖胃侍應有禮，餐廳滿座、客人再多也勤快周到裝修走温馨路線，環境令人感覺舒適，受街坊歡迎主打廣東粥，有即熟粥、生滾粥、腸粉、油器及小食等即熟粥皮蛋粥加拼碎牛及瘦肉絲足料美味，粥底綿滑順口生滾粥窩蛋鮮牛粥加拼半隻皮蛋及艇仔，調味做得非常好炸兩腸粉即叫即整，內裡的油炸鬼還脆卜卜韭黃鮮蝦腸粉皮薄，鮮蝦爽口彈牙，配甜甜豉油飲品豆漿濃郁滑順不會太甜，營養素更是豐富

天氣開始轉涼，就好想食碗粥暖吓個胃，今日去咗北角新開呢間大師傅粥品，餐廳滿座，好受街坊歡迎。生滾手打肉丸粥粥的質地滑順，味道香濃肉丸則彈牙，另加生菜絲帶來清脆的口感。生滾鯇魚片粥魚片細膩滑嫩，魚肉鮮甜，粥體柔滑，果真好味道！牛脷酥見到牛脷酥熱辣辣新鮮出爐，即刻叫嚟食，果然香酥脆口。炒麵看似簡單的豉油王炒麵，食落去一啲都唔簡單。蝦米腸粉腸粉柔軟滑嫩，蝦米脆口，自己可以加花生醬、甜醬等等，正👍🏻！豆漿口感滑順，豆香濃郁，不會過甜。