影片
营业时间
今日营业
06:30 - 23:45
星期一至日
06:30 - 23:45
以上资料只供参考，请与餐厅确认详情
呢间大师傅粥品真系好抵食又好食，终于喺北角都有得食啦！必食佢嘅生滚粥全部都系$35起，而且加𩠌都系$4起抵食到不得了！大推《 黄沙猪润粥 $35 》加《鱼腩 +$9》啲猪膶大块份量又多，口感如细沙一般，既粉又嫩，又不失爽口感。鱼腩肉厚身嫩滑。粥底仲好绵添！另外一碗都系《 黄沙猪润粥 $35 》- 生菜丝 +$4- 半只咸蛋 +$4- 粉肠 +$5- 鱼腩 +$9- 走葱 个粥底好面加咗生菜仲甜啲；有咸蛋就可以提吓味；粉肠爽完全唔韧，鱼腩真系好滑，下次可以试吓鱼腩生滚粥！《 蒸萝白糕 $16 》 呢度啲蒸萝卜糕真系真材实料可以见到粗身一条条嘅萝卜肉，入口唔会好有粉，而系好多汁清甜嘅萝卜味，加啲豉油已经好正！《 虾米炸两肠 $20 》*必食*呢一个虾米炸两啲皮十分薄！个炸两又好香脆加埋樱花虾卖相够靓，仲要只系$20，真系唔食对唔住自己！仲有$10一大支豆浆！服务员态度好好屯门，埋单时都有笑容。完全系可以一直再食！
继续阅读
近日香港气温急降, 训醒最好就系食碗粥暖下胃。同妈咪去咗「大师傅粥品」, 呢间绝对系我地全家粥品饭堂之一, 价钱唔贵又足料。店内光鲜企理干净, 堂食不设加一。多款粥品选择, 另有少量小食、肠粉类、油物等...【艇仔粥】HK$26 ( +HK$4 追加猪红)艇仔粥材料丰富, 包括有瘦肉丝、爽口鱿鱼、猪皮、牛肉碎, 粥底绵密热辣辣, 啖啖粥都食到配料, 够哂层次, 而追加嘅猪红, 口感弹滑。【状元及第粥】HK$39及第粥非常丰富足料! 即叫即煮, 热辣辣锦密粥底中有大大件厚切新鲜猪润、猪心、爽滑猪肚同埋猪粉肠, 因为粥底中仲加咗些少姜丝, 令猪内脏都唔会有腥臭异味, 整体满足又饱肚。【猪红粥】HK$23锦密粥底中加入唔少弹滑猪红, 没有一点异味。【牛脷酥】HK$10牛脷酥口感软熟, 中间糖霜甜甜地, 就咁食/送粥更饱肚。【煎堆】HK$10同样遇上新鲜出炉煎堆, 圆碌碌煎堆表面平均布满芝麻, 一咬外层香脆兼极为香口, 内为烟韧甜甜地。【虾米肠】HK$17虾米肠柔软滑嫩, 夹集虾米、葱粒食, 增添一点香口。【虾米炸两肠粉】HK$20刚好遇上即炸油炸鬼, 软滑肠粉皮包裹著脆口油炸鬼, 面层加咗少少虾米同埋葱粒, 食落香口之余, 令卖相更吸引。自行加上豉油、芝麻酱、甜酱、芝麻, 味道更提升。
继续阅读
听闻北角大师傅粥品口碑载道，今次叫咗状元及第粥、豆浆、炒面、煎堆、柠檬茶、叉烧肠同埋油条，抵食又饱肚！舒适环境，快捷服务 ✨餐厅环境光猛整洁，座位舒适，令人感觉轻松自在。手机扫QR Code落单，方便快捷，上菜速度亦都非常快，啱晒香港人嘅快节奏生活。店员服务态度亲切友善，令人宾至如归。粥品推介：绵滑粥底，足料滋味 🥣状元及第粥嘅粥底绵滑可口，配料丰富，包括猪润、猪肚、肉丸同粉肠，每一啖都充满惊喜！猪润鲜嫩无比，猪肚爽口弹牙，肉丸鲜味十足，粉肠亦处理得非常干净，完全没有苦味。每一啖都令人回味无穷！小食精选：样样出色，款款滋味 🥢叉烧肠粉皮薄馅靓，叉烧肥瘦均匀，酱汁香甜可口，令人一试难忘！炒面镬气十足，味道香浓惹味，面条干爽弹牙，令人食指大动！煎堆外脆内软，甜度适中，系饭后嘅完美甜点。油条金黄酥脆，口感一流，令人一试爱上！总结：必食推介！💯总括嚟讲，北角大师傅粥品绝对系一间值得推荐嘅粥店！粥品、小食样样出色，环境舒适，服务一流，而且价钱亲民，绝对系暖胃之选！下次一定会再嚟，继续探索更多美食！
继续阅读
今日女女有啲唔舒服，佢话想食粥，经过见到呢间粥舖，入去试吓，好抵食，味道又唔错，叫咗咁多样嘢买单都系$110.虾米肠： 足料， 好多虾米， 肠粉好滑， 即叫即做蒸萝卜糕： 大大件又唔会好多粉，入边都多萝卜丝， 个人几钟意食萝卜糕，冇咁热气唔错炒面：大大碟，唔会炒到好油，味道又唔会太咸，送粥一流香滑白粥：大大碗，煲得好绵，有啲白果味，清清地，易入口，小朋友都钟意牛脷酥： 送粥必叫， 刚刚出炉， 好味豆浆： 重豆味， 唔会好甜.
继续阅读
粥店系香港渐趋息微，有时突然间想要食粥，真系方圆几百里都找不到一间。今期去北角个头，见到一间新名字的粥店，决定同老公入去帮衬下支持下。 店内装修光猛整洁，座位都尚算宽敞，最值得一赞系，侍应姐姐的态度好友善。艇仔粥 – 劲足料，有鱿鱼、花生、猪皮同肉球，加上粥底，口感和味道十分丰富。生滚鲜鲩腩粥 - 再加碎牛、醎蛋和蚝豉，即使加上很多配料都仲系好抵食，因为每款配料也只是$4-5。生滚粥果然系唔同d，粥底很香很绵滑。鲜鲩腩超厚身，但不腥，食落啖啖肉。 虾米炸两肠粉 – 因为唔食蒽，所以叫了虾米炸两肠粉，点知原来都系有大量蒽花，下次要记得走青。炸两炸到卜卜脆，即使用肠粉包住，都丝毫不减香脆口感，配上麻酱 + 甜酱，十分好味。 绿豆沙 – 一如香港人对甜品的评介，就系不太甜，好怕饮左一堆糖落肚，呢碗绿豆沙就甜度刚刚好，但真系好大碗。
继续阅读
您可能会有兴趣的...