大山日本料理

营业中

休息中

今日同朋友喺旺角食飯，見到有間新開嘅日本餐廳，款式都幾多，而且價錢唔貴，就入咗去同朋友食。檸檬牛油帶子佢呢個帶子都幾鮮甜，而且牛油味好香濃，點埋啲檸檬汁層次好豐富～刺身拼盤基本上都幾新鮮，但特別想讚下啲三文魚，好肥美油脂多，食落去好幸福但又好邪惡和風炸雞賣相好靚，佢入邊啲肉都厚肉而且軟身，不過美中不足就係鹹咗少少，如果冇咁鹹就好！海膽炒飯佢個飯炒得好爽口，而且啲海膽好新鮮，撈埋d蟹子一齊食好鮮甜～網燒牛扒佢個牛比想像中好食！佢算係薄切，而且佢冇煎到熟晒所以完全唔老，在加埋啲黑椒好正～鐵板牛柳粒佢嗰汁煮得好惹味，有甜甜酸酸燒汁感覺，而且好淋身！鹽燒牛舌唔un而且好肥美，食落去淡淡都有脂肪感覺😍

I want to have Japanese food for dinner, so I searched the restaurants nearby. And finally, I choose a newly opened restaurant OH YAMA JAPANESE RESTAURANT and have a try. I ordered Hokkaido Scallop& Sushi Rice, Udon in Kelp soup, Grilled Fish cake and Deep Fried Chicken Ball. The don with big scallops and very fresh. Also served with shrimp, salmon too. Udon in kelp soup is normal. The Fish cake is made per order, and well grilled. Full of Japanese style. The last one is a fried chicken ball. Th

今日想食多啲小食，所以就冇揀到午市套餐，係menu單點啲item😋鍋燒烏冬定食好喜歡個豚骨湯底，奶白色，把大骨的精華完全釋放，是調味的魔術師！附送天婦羅，脆脆的外表，內裏熱騰騰的炸蝦！仲有漬物、沙律，令定食更豐富。磯煮鮑魚咬下去有彈性，還有些醬油、海苔味。值得推介！炸雞軟骨粒邪惡、香口的小食！份量都不少，堆滿一大碟。炸到不油膩~索油紙都冇乜油分！角切魚生飯把魚生切到一小粒正方形，十分可愛、又易於咀嚼。有三文魚、吞拿魚等，色彩繽紛，岩曬我打卡。另外，玉子印有餐廳名「大山」，加深對餐廳名字的印象。星期六都會有啲午市套餐，幾扺食，下次就去試套餐。

我係開飯呢度咁耐都未試過係間餐廳做第一篇食評，首先要講下佢d要改善的地方，我地一坐低個陣正常係會有杯茶或冰水 ，但呢間係俾杯熱水如果一間食魚生飯嘅日本餐廳黎講可以改善下~同埋佢嘅選擇其實睇落係唔見多，一來冇卷物又冇，二來佢主打既海鮮飯唔係太多種類。我自己本身好鐘意食魚生飯既~講返佢d優點先，佢個麵豉湯係正常既，起碼有豆腐粒，魚生食落都算新鮮，佢個多春魚燒得比較好，因為開係樓上關係 價錢都係同高級冰室既差唔多，期待下次食會好d~

旺角有好多間日本野呀，今日同朋友呢就隨機揀一間日本嘢食。你間日本餐廳呢就位於油麻地站附近嘅啫，喺雲貴香上面。一入到去啦已經俾佢裝修吸引呀，環境非常之日本，無論係裝飾啦定係燈飾都好靚呀。刺身拼盤（松）$238有蝦兩隻、吞拿魚三片、三文魚腩三片、由金魚三片、海膽半版刺身呢系非常之新鮮同埋鮮甜，而且呢個價錢來講係一啲都唔貴又可以食到海膽。唔識生日嘅朋友都唔緊要啊，呢度仲有好多其他選擇，例如串燒、炒飯、壽喜燒等等。鹽燒後設牛舌串（$28）牛舌非常之厚身，而且鹽燒嘅香味非常之濃郁。鐵板牛柳粒（ $88 ）牛柳粒嘅份量非常之多，而且埋算粒一齊食令人回味無窮蒲燒鰻魚串（ $38 ）和風炸雞（ $58 ）呢個炸雞呢除咗份量好多之外，佢嘅沙律醬非常之清爽啊，令到呢成個炸雞都唔會好油膩。蟹子海膽炒飯（ $88 ）蟹子嘅爽甜同埋呢海膽嘅鮮味都好濃郁。

這是一個朋友烏烏龍龍搵返來嘅食肆，事關西洋菜街好多門牌號係阿拉伯數字加英文字母的，總之我都試過擺烏龍囉 。今次係搵影音器材，職員電話度話，間紅豆冰舖頭隔離部lift上來就見到，誰不知上到去係間食肆，記低下次來為咗呢個緣份來幫襯。而真正嘅影音舖係喺紅豆冰鋪頭另一邊行條走廊之後嘅另一部lift。第一眼睇中嘅係『極上北海道帶子丼』，話明帶子丼，帶子有3大粒，來自北海道冇得輸，帶子之外，仲有大大隻鮮刺身蝦，還有三文魚，98蚊可以話超值。魚，蝦，蟹，蜆都係我哋喜歡的食物，因此『清酒牛油煮蜆』亦成為呢晚的前菜，估唔到的份量多多，中等size好飽滿，漲卜卜，好似食極都食唔哂。『牛肉壽喜鍋』有金針菇，香菇，娃娃菜，豆腐，當然仲有牛肉，好豐富，開始懷疑叫多咗嘢，QR code點餐時冇諗到樣樣都咁大份，諗住一次過點晒唔使煩，還有『大阪燒』都係大大份，好飽吖。

🇯🇵正值日日追睇東京奧運，都試吓新開既日本野先，內裡裝修好有日本feel，牆上都係畫同掛曬燈籠，大多係梳化位，幾舒服。🤩menu 有非常多選擇，除左刺身之外，有唔少熟食，岩我呢啲唔食生野既人都可以照同朋友一齊黎聚腳。⚪️鐵板牛油帶子 $68帶子都幾大粒，亦重牛油味，帶子肉質也不錯。🦐刺身拼盤（松）一次過試曬赤蝦、三文魚腩、呑拿魚、油甘魚、同海膽。我會食海膽既，都ok ，同枱朋友話最好食係三文魚。🐂鐵板牛柳 $88呢碟係係見到隔離枱點左好香，吸引我點既，果然真係好好食。甜甜地，牛柳又夠嫩。😋鹽燒厚切牛舌串 $52依兩串牛舌要讚，好惹味，一向鐘意厚切既牛舌比較有咬口。🐠鹽燒多春魚 $2828蚊就有四條，幾抵食🍚蟹籽海膽炒飯 $88每啖飯都充滿好濃既海膽味🐓和風炸雞 $58炸雞皮非常香脆，內裡仲有油份，唔會乾，不過略嫌有小小咸。.💡最後想補充既係，鋪面人手充足，野食都快到，而且店員服務幾好，我第一次點菜忘記左係電子落單，店員都照比我口頭點菜，仲不時主動幫我地添茶。👍

星期日放假去左旺角行街，行到傍晚時份，攰攰地個肚開始打鼓，一路行一路諗緊食咩之際，友人想食日本野，碰巧發現呢間鋪頭，上OPENRICE 望過原來新開張鋪頭，望完相片覺得賣相好吸引，價錢都算平民，即刻試下先。間餐廳位於大廈2樓，一打開𨋢門就俾鋪頭嚇親，以為用咗隨意門去左日本東京居酒屋，裝修及燈光超級日本風，尤其是d卡位佈置，好靚，未食已經好興奮。店員安排好座位就睇餐牌揀野食，食物款式都好多選擇，刺身、燒物、鍋物、海鮮丼、揚物、甜品、酒等等1.鹽燒厚切牛舌串（2串）$52牛舌味道好濃厚，肉質口感柔軟多汁。2.三文魚海膽飯 $88魚生新鮮鮮甜，壽司飯粒粒分明，溫度很好，口感煙韌。3.鐵板牛油帶子 $68帶子大大粒，仲有本菇伴碟，醬汁香濃，好好味。4.鐵板牛柳 $88惹味醬汁加埋好多香蒜片，醬汁應該煮到焦糖化左，有少少拉絲，醬汁伴埋牛柳，香軟嫩滑，味道濃厚 。5.牛肉壽喜燒 $58牛肉鍋湯底甜甜地，牛肉份量好多，又有豆腐、金菇、芋絲等等，味道好又抵食。6.海膽刺身 （大板）$148海膽鮮甜，份量多，用紫菜夾住食，超好味。呢度無論裝修環境同食物質素都一流，食左咁多野先係$552，性價比一流，大滿

（以下內容為非專業食評，只識分好食/唔好食）第一次寫食評，見新開openrice冇食評，我就支持下，希望呢啲時勢多啲人支持。朋友話呢度新開，啲嘢ok好食，前幾日同朋友3點幾黎左試下食lunch，場面有啲冷清，咁我地就叫左鹽燒鯖魚定食、炸雞定食、網燒美國穀飼牛扒定食。我係食鯖魚定食，個定食有一小碗沙律菜沙、一小碗螺肉青瓜、點鯖魚醎醎地嘅汁（sor我唔太記得咩味）、三文魚麵豉湯、一碗珍珠米白飯。條魚比我想像中大條（我以為啲定食通常細條啲），塊皮燒得脆而唔會太乾身，食落都新鮮，唔會有唔新鮮嘅腥臭味，（我以身體表示唔新鮮我會好快敏感出疹lol）。我嘅食法係一開波就唧檸檬汁落條魚，佢比嗰個汁我間中點下，主要係想送白飯有啲味，去到後期我食晒d飯就冇點汁，因為覺得有啲醎。基本上所有嘢都正正常常，我個人覺得幾好食，對得住58蚊呢個價錢有凸。另外有個牛扒定食，我同朋友都覺得個牛扒煎得唔錯，我諗7成熟左右（呱？）個心係粉紅色，咬落唔un，唔會過火，我個人認為好食，88蚊唔算貴。（利申平時成日叫一條prime肉眼/西冷返屋企煎，呢個定食$88牛扒有呢個質素真係好ok）至於個炸雞定食，好遺憾我唔記得影相，我試

喺潮流特區行完街之後，見到呢一間餐廳新開，竟然係我最鍾意食嘅日本嘢，我就梗係要即刻上去食啦，餐廳環境好多日本風嘅裝飾，坐位好舒服，啲侍應都好有禮貌。見到佢哋有午市套餐，不過我六點幾嚟食就梗係冇啦🤣呢度嘅食物主要都係一啲和食比較多，但係都有刺身丼。我自己就嗌左巨峰提子乳酪，甜甜地，飲落去成個人都爽哂！食日本嘢就梗係要嗌串燒啦，我就嗌左佢嘅牛舌同埋黑豚腩肉串，牛舌切得好厚，調味啱啱好，黑椒味唔會落得好重手。以佢嘅黑豚腩肉串有成三塊咁多，個醬汁配搭得啱啱好。呢度冇諗過竟然仲有天婦羅食，呢度嘅天婦羅除咗有天婦羅蝦之外，亦都有青椒、金菇、冬菇等等，平時好少食到天婦羅金菇，但係佢炸到棵櫻花樹咁🤣食落口有啲似炸麵最鍾意食壽喜燒鍋嘅我，佢啲菜同豆腐索晒啲壽喜燒嘅味道，啲牛都有成五六塊咁多！

呢一間開喺兆萬對面嘅餐廳，應該係新開嘅，因為記得之前呢度係食麵嘅位置，而家竟然開咗一間質素都唔錯嘅日本餐廳，價錢一啲都唔貴，CP值勁高！我同朋友兩個人好似放題咁不斷喺度嗌嘢食，因為佢嘅價錢真係好抵食，雖然呢一度冇壽司手卷嗰啲，但係對於我呢啲咁鍾意食熟食同刺身嘅人，就啱啱好滿足晒我兩樣嘢啦！首先講吓佢嘅刺身拼盤，包括左右三文魚、吞拿魚、赤蝦同埋油甘魚，個人認為佢嘅油甘魚好好食，好新鮮，而且每一塊刺身都切到好厚身！咁鍾意食雞軟骨嘅我，就梗係要嗌佢哋嘅炸雞軟骨食下啦，份量好多，而且配埋檸檬汁，炸得唔會好燶，亦都唔會好咸。而佢呢度亦都有一款幾特別嘅沙律，就係黑松露三文魚沙律啦，呢一款沙律真係令我食唔停口，黑松露味好香，而且同三文魚真係好夾，配埋啲沙律菜食亦都唔會覺得好乾。

上網見到旺角呢度有日本嘅新餐廳，梗係要來試吓啦，餐廳地理位置好方便，喺旺角同埋油麻地交界，平時行完街過嚟都好方便，本身唔抱咩期望，但係估唔到咁高質，仲要好抵食💕一嚟到，餐廳人氣好高，環境好乾淨企理，加上職員嘅服務態度都好好，重點係呢度嘅嘢食又平又好咩都好我哋假日嚟到都有午市套餐，幾十蚊就有交易🤟🏻角切魚生丼定食（仲有嘢飲我哋叫咗熱嘅宇治抹茶🍵麵豉湯）超級抵食，魚生勁新鮮，仲要全部都勁厚切，食到超飽，加上宇治抹茶都好香抹茶味，麵豉湯都好足了，成個套餐勁豐富勁滿足🤩牛肉壽起燒定食同樣地都有麵豉湯同埋飯，麵豉湯落足料，裏面有金菇、娃娃菜、生菜、粉絲，而仲有勁多牛肉，牛肉鮮嫩💕小食叫咗一個鐵板牛柳必食推介，牛柳勁林勁甜免治雞肉串棒另一樣必食推介，雞肉肉質鮮嫩三文魚明太子超級好食！啱晒各位三文魚控芝士蛋糕🍰估唔到$18就有咁高質嘅芝士蛋糕，好香濃💕

今天放工和好朋友去旺角吃日本料理 ，因為太掛住日本嘅食物，所以就揀咗食日本料理。呢間大山料理最近做緊優惠，食午市食套餐就可以送一件北海道芝士蛋糕 ，夜晚食飯夠一百蚊仲有十蚊優惠 ，所以好抵食。佢午市套餐都好多選擇，價錢都好抵食。仲有魚生飯套餐，有湯，有前菜，呢個價錢可以食到 魚生飯套餐，真係好抵食。我哋叫咗鰻魚炒飯， 炒飯唔止賣相靚， 食落去都好好食，鰻魚大大粒，好有口感，炒飯用料豐富。另外我哋叫角切魚生飯， 佢嘅賣相都好靚，有三文魚 ，吞拿魚，蟹柳絲，蟹子，用料非常豐富，分量都好大碗食材好新鮮。我哋都叫左生蠔 ，好新鮮，好大隻 ，淡淡清新。三文魚魚腩刺身， 刺身入口即溶， 刺身非常肥美。黑松露三文魚沙律，必食推介，好香嘅黑松露， 黑松露好大粒， 三文魚嘅份量都好多。巨峰提子梳打同埋黑糖薑母茶，味道都好好。

今日要出旺角買野，肚餓就開始搵嘢食。買完想買嘅嘢，抬頭望一望，就見到呢一間應該係新開張嘅日式餐廳，咁就諗住不如試吓啦當晚大約七點幾到餐廳，餐廳都算多枱，佢安排咗我哋坐喺窗邊嘅卡位位置，可以望住旺角街道景色，氣氛同埋感覺都幾好。落單係用QR code落單，食物種類都算多。個牛舌係剛剛燒完就上菜，唔係薄身嗰隻牛舌，食落唔靭又Juicy，讚👍🏻見有普通餃子同埋雞皮餃子揀，就想試吓特別嘅雞皮餃子。佢配咗啲沙律菜同埋和風沙律汁，個沙律汁可以攞嚟點沙律又可以用嚟點餃子。個雞皮餃子係熱辣辣，又係好多汁，點埋呢個和風沙律汁係好夾，係真心好好味😋然後就係三文魚海膽丼同埋三色魚生飯。啲魚生唔腥，而且啲份量都幾多。鹽燒油甘魚鮫都幾大件，落啲檸檬汁，真係好好味！燒到外皮脆口，入邊啲魚肉好滑，強烈推薦大家試吓😍平時我去日本餐廳食嘢通常主要食魚生類，熟食類係冇乜期待，但呢間餐廳嘅熟食真係處理得好好，下次如果同朋友嚟飲住酒食燒物都應該幾正👍🏻而且店員亦都好勤力咁加水而且好有禮貌👍🏻👍🏻