大山日本料理

营业中

休息中

火炙A5和牛壽司一件和牛大過成隻手掌，真係勁誇張，食落滿滿油脂同和牛肉香，肉質嫩滑、無筋，易入口。三文魚丼飯丼飯都抵食，三文魚都佈滿大大碗。丼飯會附送麵豉湯，麵豉湯好濃味，不是普通麵豉湯，入邊有魚 亦有好多配料火炙黑豚肉拉麵有3片大大塊火炙叉燒片，豬骨湯底濃味，叫咗烏冬麵，烏冬煙韌唔淋，下次想試香辣豚肉拉麵。炸雞好香口，岩岩新鮮炸起，啖啖肉。

地方整潔，環境舒服衞生，坐位間隔闊落，餐廳佈置充滿日本居酒屋風格，恍如置身日本，服務員的服務態度殷勤有禮。食品方面，食物款式種類繁多，價錢大眾化，特別推介必食食品，火炙薄燒A5和牛壽司，A 5和牛味濃郁，嫩滑冇渣，入口即溶化，油脂豐富，物超所值。沙律方面，推介海鮮沙律，沙律來的魚生碎件大件又多，魚生種類繁多，包括有三文魚碎、油甘魚碎、吞拿魚碎、立魚碎、希靈魚碎、帶子粒、甘海老蝦，沙律菜又極新鮮。而手卷壽司方面，推介三文魚加州卷，三文魚肥美油脂豐富。串燒方面推介，香草串燒雞翼，燒得雞皮很脆及雞肉嫩滑有肉汁。

係家樂坊附近美食云云，但原來係雲桂香正樓上就有一間好就腳既日本野!今日同朋友放工想食個快飯，就簡左喱間位置方便既日本料理。火灸黑豚肉拉麵湯底濃郁，豚肉滑嫩，食得到有微微火灸後的香氣。拉麵口感都夠彈牙。鐵板牛油帶子帶子外脆內嫩，牛油香氣令每一啖都充滿豐富的味道，味道誘人唔肥膩。牛肉壽喜鍋牛肉壽喜鍋的牛肉鮮嫩，湯底甜甜地，最鐘意就係有新鮮的蔬菜，平衡返食好多肉既罪惡感。現燒火灸薄燒A5和牛壽司和牛的質感超極品，火灸後的香氣令和牛有少少熟度，大推。串燒雞腿肉外焦內嫩，醬汁入味，雖然今次冇叫酒飲，但喱個串燒送酒真係一流。大山既食物價錢同質素都十分合理，推介俾各位想係旺角搵日本野食既朋友。

講到旺角食高質日本菜，「大山」嘅天婦羅真心值得專程試！佢哋唔係得個炸字，師傅手勢好，粉漿夠薄又夠脆，重點係食完一啲都唔覺油膩，怕滯嘅朋友放心衝！必食推介：海老天婦羅（大蝦）- 鎮店之寶！蝦大到呢～新鮮彈牙唔在講，外面層脆漿薄到透光，咬落「咔嚓」聲，熱辣辣仲keep到蝦嘅鮮甜，點少少海鹽已經超正！絕對係全場MVP！海鰻天婦羅平時少見但超驚喜！鰻魚肉厚又嫩滑，炸完外脆內軟，魚油香爆出嚟，冇骨食得爽，蘸特製天婦羅汁更提鮮！野菜系列：舞茸菇、南瓜、番薯菇類炸到香脆仲有juicy感；南瓜又甜又粉；番薯片脆中帶綿，天然甜味出晒嚟！佢哋嘅野菜揀得好，簡單食材炸出高水準。即叫即炸！上枱熱辣辣先夠脆，放耐咗會軟架～建議單點幾款心水，或者拼「天婦羅盛合」，一次試多款！配埋冰凍啤酒 或 清酒，爽度爆燈！

嚟到大山，唔嗌佢嘅招牌海膽軍艦真係走寶！每日日本直送嘅馬糞海膽，一上枱就見到橙黃色發亮，鋪到成座小山咁高，視覺衝擊！入口即化嘅Creamy口感，鮮甜到好似喺舌尖沖浪，完全冇腥味，仲帶淡淡海水鹹香。師傅手勢超班，紫菜脆卜卜，醋飯微暖鬆軟，一啖咬落去，冰涼海膽+暖飯嘅溫度反差，簡直係味覺高潮！ 點解特別正？ 新鮮度爆燈：老闆親口同我講，佢哋嘅海膽每週空運3次，專揀北海道/青森頂級貨，唔係急凍貨色。放題餐單嗰啲？同呢度完全冇得比！份量夠豪氣：（旺角區來講算合理），海膽多到瀉出嚟，影相呃Like無難度，食落更滿足到喊～ 隱藏食法：同師傅熟啲可以玩「海膽三重奏」—— 軍艦+手卷+丼飯迷你版，一次過試勻三種口感，海膽控會幸福到暈！配搭建議：嗌杯冰凍大吟釀，清酒嘅米香會帶出海膽餘韻，層次即刻昇華！食客真心話「香港搵到咁有良心嘅海膽比例真係罕見，每次咬落去都覺得『貴得值』！仲有佢哋嘅wasabi係即磨山葵，唔會攻鼻搶味，細心位加分！」 —— 日料老饕阿明 如果你係海膽死忠，大山呢款絕對係旺角區「唔食會後悔」級數！記得預留quota，食完保證想Encore～

假日係MK行下順便食晚飯，天氣太熱想食壽司之類，上網搵到一間日本料理，見幾啱食就試下。餐廳面積頗大，以木系為主調，天花板上的日式燈籠及牆上的壁畫有著和風之感。即睇餐牌，食物都幾多選擇同有唔少優惠，見刺身丼幾平即要左及叫了2款特價小食。味噌湯，隨丼飯付上。三色刺身丼，$88，刺身較薄片，味道正正常常。三文魚刺身(十切)，晚市堂食滿$100即可以優惠價$68享用一客，都真係幾抵，三文魚刺身係厚切，尚算肥美，不俗，呢個價真係冇得輸。食物正常水準，優惠價的刺身幾抵食。

呢間日本餐廳真係有驚喜✨🇯🇵🔸四點刺身 ($108) 🐟🦐～吞拿魚、三文魚腩、油甘魚、甜蝦都夠哂新鮮，特別鍾意三文魚腩，油脂分布靚到癲，入口即溶😋🔸吉列豬扒烏冬黑蒜油湯底 ($78) 🐖🍜～烏冬煙韌唔淋，湯底香濃有層次，加$3轉嘅黑蒜湯底特別香，豬扒炸得脆卜卜，唔會焗住油，好有誠意🔥🔸火炙薄燒A5和牛壽司 ($78) 🥩🍣～入口即溶嘅和牛加埋微微炙香，真係滿分幸福感😍💬總結：整體水準高，刺身新鮮、熟食夠晒心機，價錢唔算貴，想喺旺角歎吓高質日料，呢度可以一試！推介指數：⭐️⭐️⭐️⭐️⭐️

第二次食的旺角大山日本晚餐在大山享用了一頓美味的晚餐，整體體驗非常愉快。首先，餐廳的環境舒適，服務人員友好，讓人感到放鬆。我們點了幾道特色菜品。首先是火炙A5和牛壽司，肉質鮮嫩，搭配微辣的芥末和醬油，味道鮮美，而且份量亦很大。接著是蟹籽牛油果軟殼蟹壽司卷，外脆內軟，軟殼蟹和牛油果的搭配十分完美，讓人一口接一口。鰻魚炒飯則香氣四溢，米粒粒分明，配料豐富，十分下飯。最後，左口魚壽司的口感令人驚喜，外焦內嫩，搭配新鮮的青紫蘇，讓整個味道更加層次分明。整體而言，這次晚餐的選擇都非常成功，讓人流連忘返，值得再次光臨！

🫶🏻位於旺角鬧市區日式料理，價錢性價比高🫶🏻大推A5火炙薄燒和牛壽司1件$78和牛好重牛味，同D汁+蔥好match，入口即溶🤤🤤勁正又juicy，好有驚喜💕🫶🏻牛肉壽喜燒$62壽喜燒既牛肉系普通牛肉，牛肉脂肪相比之下較多，食落一般般，但個價錢吸引☺️🫶🏻豚肉泡菜鍋$62泡菜比例算多，豚肉好入味，入面有芋絲，少許蔬菜，整體個鍋都入味，CP值都O K😋🫶🏻大推鐵板牛油帶子$78帶子好大粒，咬落仲食到牛油既香味，勁有驚喜🤤🤤值得一試😎😎🫶🏻巨峰乳酸梳打$28巨峰乳酸梳打酸酸甜甜，不過不失🤓🤓整體來講：大推A5火炙薄燒和牛壽司+鐵板牛油帶子，兩款好有驚喜，值得一試💕💕

價錢實惠味道不錯，特別是豬肉飯特價魚生厚切牛肉飯亦10分美味，但可能服務生是兼職或者年紀較輕，再查詢帳單態度未如理想。結帳時賬單都係有八五折，但並不適用於所有嘅食物，而與落單與結帳系統不同步，需要改進。

🍗 脆皮雞排外皮金黃脆口，肉質算嫩但調味偏淡🍜 辛辣湯烏冬 (+$3)🔥 轉辣湯抵讚！辛香夠味，帶微微嗆喉感，即刻拯救咗碗烏冬～⚠️ 烏冬本身依然偏軟，唔夠煙韌🍳 糖心蛋流心完美，紫菜增加口感，兩樣配料係亮點✨💬 結論：普通烏冬即變惹味之選！辣湯必轉，雞排蘸湯食更佳，不過烏冬質素依然係硬傷... 路過想食辣可以一試🌶️👌‘-‘-‘-‘-‘-‘-‘-‘-‘-‘-‘-‘-‘-‘-‘大山日本料理📍地址 : 旺角西洋菜南街2W-2X號2樓🏰環境: 7//10🙇🏻‍♂服務: 7/10 💰價位: 低價⏰用餐時段: 晚餐‘-‘-‘-‘-‘-‘-‘-‘-‘-‘-‘-‘-‘-‘-‘

想搵個地方同朋友靜靜地食日本嘢，呢一間係正鬧市中嘅樓上居酒屋就啱晒！餐廳都好有日本feel，見到有啲位仲設計成「包廂」，雖然我哋唔係坐嗰邊，但都坐得好舒服～🤓每款主食都配有清爽嘅味噌湯～.現燒火炙薄燒A5和牛壽司（1件） ($78係奢華嘅享受！🤤雖然貴少少，但塊和牛真係入口即溶，油脂香爆晒出嚟。如果份量可以多少少就perfect啦！🥺特盛海鮮丼 + 味噌湯 ($88)每件刺身都有一兩塊，包括三文魚、赤蝦、鯛魚、吞拿魚、玉子、蟹籽、蟹棒粒、青瓜粒等，雖然唔係話超高級，但以呢個價錢真係冇得彈！感覺好抵食！😙火炙三色飯 + 味噌湯 ($98)帶子鮮甜，左口魚邊燒到微微焦香，三文魚就保持到嫩滑。最正係佢哋自家調嘅醬油，甜甜哋好開胃，又唔會太鹹搶味😌

這家餐廳的食物整體表現不錯。鮭魚刺身新鮮，質感滑嫩，非常適合喜愛生魚片的人。食夠百就可以加hkd68十片三文魚刺身卷壽司的口感也不錯，外層脆脆的，內餡有點豐富，不過味道稍微平淡。炸生蠔外焦內嫩，配上沙拉令整體更清爽，醬汁也增添了風味。不過，服務稍顯慢，影響用餐體驗。總體來說，這裡的日式料理適合一般食客，值得一試！

嚟到西洋菜南街咁多嘢食，今次就嚟咗呢間樓上居酒屋try try佢!!座位都闊落 坐得舒服而家都有做緊唔同嘅優惠，飲品嗰啲兩杯再平啲，啱晒啲朋友嚟到飲杯嘢首先我哋叫咗個三色魚生丼，啲刺身都非常新鮮，份量充足👍🏻仲有個麵豉湯跟餐，$88嚟講，性價比不錯👍🏻呢個火炙和牛壽司雖然要$78 ，但係上到枱比我想像中大嚿！和牛入口即溶，油香配上壽司飯，非常夾🙏🏻我哋仲叫咗個天婦羅蕎麥麵，蕎麥麵煙韌彈牙，呢排天氣咁熱食個凍蕎麥麵就一流👍🏻天婦羅有炸蝦、茄子、南瓜，份量都幾多嚟到居酒屋梗係要叫啲佐酒小食啦！呢個雞軟骨炸得好香脆，好啱配酒飲-總結：性價比都不錯嘅一間居酒屋，適合同啲朋友一齊嚟飲杯嘢傾吓偈，推薦大家嚟試吓

餐廳好有居酒屋嘅 feel由 lunch食到傾到去 tea time, 輕鬆愉快職員工作勤快, 有耐性, 有禮地點方便, 近家樂商場喺旺角鬧市中, 係一個好地方食日本菜朋友食過 現燒火炙薄燒A5和牛壽司 話十分好味, 今次佢帶我嚟再食, 果然 A5和牛 佈滿雪花牛脂, 入口即溶 又充滿牛嘅脂肪, 而醬汁鹹鹹甜甜, 加埋火炙味我哋再叫咗啲壽司火炙吞拿魚壽司醬油七味燒左口魚邊壽司油甘魚腩壽司 魚生鮮美, 朋友鍾意火焰吞拿魚, 火焰燒得好好, 朋友話再配襯個醬汁, 令到整件壽司嘅味道提升咗. 而我就鍾意左口魚 邊 夠肥美大家鍾意吉列廣島蠔壽司伴芝土黑松露醬入口鬆脆, 味道先是芝士, 跟住黑松露味透出來, 廣島蠔 size 雖然唔係話好大, 但鮮味@@@@燒肉丼（牛肉）牛肉份量都幾多, 肉質軟熟, 肥瘦適中, 洋蔥索曬牛肉同埋醬汁, 整體味道好 balance.角切魚生飯面頭鋪滿多種魚生, 多到完全夠撈飯, 仲有蟹籽同紫菜, 今天不同口感同味道.朋友話食住炸雞軟骨粒 同自家製章魚小丸子, 然後飲啖 冰凍嘅北海道Sapporo啤酒, 十分正, 而雞軟骨炸到金黃色, 粉不會太多，啱啱黏着軟骨表面