大山日本料理

营业中

休息中

無專登上openrice搵食，行行下望到呢間，就試試新野，其實都無咩特別期望上到2樓，以為無乜人，原來都差唔多座滿餐廳環境都幾有氣氛，掛滿日本裝飾安排入座之後，用手機點餐，最方便點咗刺生，壽司，雞泡魚乾，牛舌，雞肉捧三文魚刺生係加$68， 唔算厚大，還好，不過盛器微暖，加快冰塊溶化，要盡快食雞泡魚乾比較燶其餘係唔錯因為事前無期望，估唔到佢啲食物質素都唔錯喎不過位與位之間有點逼，而且枱比較小，點多幾樣已放不下

午餐突然想食日本嘢，見佢呢間有Lunch Set 就決定食佢，要搭升降機先上到餐廳。先講環境，因為環境無乜特別，無乜嘢好欣賞，服務都係無乜特別好講，「好港式嘅服務」試左佢火炙三色飯 $78，有左口魚，北海道帶子同三文魚，雖然帶唔出炙燒嘅香，但整體味道係唔錯嘅，該有嘅鮮甜都有，特別欣賞佢嘅醬油係有調製過，唔係平時嘅壽司鼓油。套餐包左味增湯，唔洗擔心過咸，但佢沙律實在太多沙律醬，除此之外仲有一件細細件唔會太甜嘅抹茶甜品。以佢呢個價錢，我覺得有呢個質素都Okay！

最近政府終於放寬0+3 即刻book左番香港人嘅家鄉日本北海道旅行🤭🤭🤭不過仲有幾個月先去 所以都係要食日本野止下癮😛求其係OpenRice book jor公司附近嘅日本野 好似係新開(?)一入去望到裝修幾有心思 啲燈籠幾有日本夏日祭典嘅feel 🎇門口啲卡位再好氣氛啲不過可惜店員安排左我哋坐入面 Menu 眼花撩亂勁多野揀 本身以為佢得壽司刺身同串燒點知仲有埋壽喜燒同石板燒不過同fd兩個人試唔到咁多野😝首先上咗個牛油果軟殼蟹卷 牛油果同軟殼蟹都足料🙌沙律醬岩岩好 唔會好似有啲舖頭落太多另外嗌左一串豚肉串燒 即叫即燒 熱辣辣 半肥瘦 唔會燒得過乾😋串燒值得下次黎再試多啲跟住係我最期待嘅刺身拼盤😋😋有兩隻赤蝦、三塊油甘魚腩、三塊吞拿魚、三塊三文魚腩同半板海膽啲刺身望落全部都厚切大件 睇落唔錯~食落新鮮唔失望 海膽雖然唔多但水準之上😚最後食埋壽司埋尾嗌左炙燒黑松露帶子壽司🍣呢個好好食好match 燒得岩岩好😍😍另外仲有大拖羅壽司~ 一樣厚切唔吝嗇 不過都係有啲筋 Overall黎講值得下次再嚟試下🙌

行街行到攰，旺角有一間樓上嘅日本料理，聽朋友講係抵食又高級嘅，上去試一試。 原條鰻魚壽司，條鰻魚好長呀，呢間店畀的鰻魚毫不吝嗇，好長好大條，加上啲汁醬，食鰻魚壽司，真係無得頂。 火炙黑豚肉拉麵，拉麵好滑，黑豚肉好香，加上用火炙煮食，更加美味。 鰻魚卷，用鰻魚做手卷，鰻魚好香、好好味。明太子雞翼，朋友話來到這店必食嘅菜式，雞翼裏面加上明太子，明太子嘅香味把雞翼嘅鮮味帶出來，真係好、香好脆㗎。黑松露三文魚沙律，食咗咁多壽司，真是想吃個沙律，黑松露三文魚沙律真是不錯的選擇，黑松露嘅濃味，帶出三文魚嘅鮮味，加埋啲沙律菜，真的不錯，一個好清新嘅感覺，真係一個好嘅配搭。

餐廳位置喺西洋菜南街尾段，近以前家樂坊嗰頭。6點幾呢個時間早左啲，不過行過見到有間日本餐廳就沖左上嚟試下幾好喎～安排左個卡位，私隱度高，而且幾寬躺，坐得好舒服。最正係有個午市之選，價錢一啲都唔貴， $60 ，有主食、有小食、又有壽司，加$8仲可以有埋嘢飲添刺身定食都有喎，全部都唔過$100 ，幾抵食另外仲有壽司餐，食唔到當飯或者烏冬麵食嘅朋友，可以有呢個選擇，價錢經濟實惠。魚生當飯都係$58至$78 ，睇相見佢有沙律、前菜、麵豉湯，咩都齊晒想食熱食嘅朋友，有鍋燒、肉類….今日小試牛刀，膽粗粗咁直接叫個刺身拼盤。一望就知三文魚腩夠大件啦，3款嘅刺身魚都ok，海膽還好啦，配紫菜食就可以。牛油燒帶子，隻隻都好大件，抵食，加埋牛油香👍🏻

呢間餐廳位於西洋菜南街，距離附近地鐵站只有大概5分鐘路程，相當方便。好耐嘅裝飾花咗唔少心思，天花掛咗好多唔同顏色嘅燈籠，成間餐廳都以木為裝飾，仲有好多鯉魚嘅標誌，令到成間舖頭好有日本嘅感覺，好友去咗日本嘅感覺☺️第一碟叫咗海鮮沙律。海鮮嘅種類都唔少，有三文魚粒，吞拿魚粒，飛魚子，油甘魚粒，仲有兩隻蝦。蔬菜新鮮而且甘甜，仲會有配一個沙律醬，非常清新開胃☺️之後叫咗個照燒魷魚筒。份量非常足夠，而且魷魚燒得又唔會好老，好韌，相當有口感。由於面仲會諗想燒汁，識落非常可口。☺️呢啲係一個自家製照燒章魚小丸子。一碟有八粒章魚燒，店舖應該係模仿緊東京風嘅章魚燒，表皮係炸嘅，咬落好脆口，上面放滿左木魚塊同埋加上左頭後嘅醬汁，十分配合☺️打開一半嘅章魚燒入邊有一粒章魚，仲有唔同嘅配料，十分抵食☺️最後叫咗一碟雜錦天婦羅。呢啲天婦羅都有好多材料分別有三隻蝦，茄子塊，南瓜塊，番薯塊。點少少白蘿蔔蓉再點埋醬汁一齊放入口，十分美味☺️食完咁多嘢，飲番一杯清清嘅日本茶，消滯都唔錯☺️

旺角兆萬對面嘅食店選擇愈嚟愈多 早前同朋友去咗大山日本料理 係未去到日本前都止下壽司癮刺身拼盤（松）$248上碟賣相精緻 刺身嘅種類都幾豐富 每種刺身都好厚切 味道不錯無腥味 亦好新鮮三文魚腩油脂平均 味道鮮甜突出海膽味道鮮甜 食落creamy口感不俗另外叫咗少少壽司食吓 整體亦好滿意醬油燒左口魚邊壽司$18/一件燒左口魚油脂豐富 入口溶化 亦好香魚油味 配上醬油同埋蔥好好食火炙黑松露帶子壽司 $22/一件帶子鮮甜爽口 火炙配埋黑松露味道更有層次大吞拿魚腩壽司$52/一件大吞拿魚腩味道唔腥鮮甜 非常厚身牛油果軟殼蟹卷$78軟殼蟹啱啱炸起好香脆 配上creamy嘅牛油果同埋滿滿嘅沙律醬非常之夾黑豚腩肉串$38一串大概有四件豚肉 豚肉亦非常香口 味道突出 肉質啱啱好唔會好韌 肥瘦適中

旺角大山抵食🍣三色魚生丼定食$58見到宣傳牌，多款刺身定食價錢由$58-78，真係好吸引，仲有壽司加烏冬餐，又有熱食如牛肉壽喜燒、秋刀魚、照燒雞扒等，真係花多眼亂。以為甘平，店內裝修一定會好平實，誰知又唔錯。一踏入門口，掛滿色彩鮮艷既旗，有壁畫、燈籠、門簾等，好有日本居酒屋feel。三色魚生丼有3款魚生，三文魚扭成玫瑰花狀，幾靚，賣相好吸引，如果玉子有「大山」就更好喇。三款刺身都新鮮，份量唔少。麵豉湯夠濃又有油分好飲，沙律&甜品一般般。一個手卷價食到成份定食，又抵又好味😍食日本野麵唔西定好貴，下次再試下其他款式先

旺角樓上大山日本料理，平時嚟旺角經常經過呢條街，都留意唔到樓上有間日本料理，好彩經朋友介紹先知道。呢間餐廳食物種類非常多。牛肉壽喜燒鍋，價錢幾十蚊，用嘅牛當然係比較普通質素嘅牛，整體偏甜。鐵板牛油帶子，每粒帶子都相當厚肉大粒，調味偏鹹。原條鰻魚壽司，食鰻魚最鍾意上面嘅醬汁，佢呢間比得毫不吝嗇，可能真係要配返碗飯先得🤣炸蟹鉗，裏面當然就係放蟹柳啦。帶子壽司、甜蝦壽司、蟹棒壽司，樣樣都係正常水準，幾好食😋枝豆，食咗咁多澱粉質同肉類，都冇點吸收纖維，所以特登叫份枝豆。炸三文魚鰭，咁多道菜裏面最鍾意呢道，經過油炸後，魚油香完全喺口腔裏面爆發，好好味呀！雜錦天婦羅梅酒梳打，大大杯兩個人飲一杯啱啱好。

如果喺旺角想揀間平平哋，食嘢都有啲質素嘅日本餐廳，都幾推薦呢間大山！裝修都幾日式，幾有氣氛正價食物如果滿$100可以優惠價$68加購10片三文魚，另外，都仲有好多款特價壽司，好抵食！生蠔幾新鮮，最令人驚喜係厚燒牛舌，好有口感但一啲都唔靭。大家記住得閒黎試吓呢間大山啦，cp值幾高嘅日式餐廳

早陣子與舊同事到來吃午餐，暢談了一個鐘頭，感覺很好。 今晚到來，感覺依然好……倆人膳食要求很簡單及直接，只要是新鮮，好味道，店員貼心有禮及坐的舒服便可以了。當然我們會首選日本料理店……吃魚生、刺身及壽司……🤣🤩🤗😁😋😋😎# 三色魚生飯 ：魚生新鮮，一次過可以吃了三種魚生（三文魚，吞拿魚＆劍魚腩），配上日本米粒，美味可口。# 刺身拼盤(松) 升級加拿大海膽 ：赤蝦、三文魚腩、吞拿魚腩，油甘魚腩及升級加拿大魚膽……新鮮、美味又可口。 夏天沒有胃口，吃魚生刺生之首選。# 刺身拼盤(松) 升級加拿大海膽 ： 我們加$20就可以升級吃加拿大海膽，配上紫菜，美味又可口，最愛伴上日本米粒及紫菜一起吃，滿足了口腹。# 牛油果軟殼蟹卷 : 牛油果可以有任何配搭，配上出不同菜式。 牛油果口感很富牛油味，配上脆脆軟蟹加上沙律醬，口感脆又軟綿綿牛油果，美味又健康，老少咸宜。牛油果含有單元及多元不飽和脂肪酸，Vit B, C, E膳食纖維及鉀質，其豐富的營養價值被譽為「幸福果」牛油果是健康食品，養生之道，很習慣食了這幸福果，也有益身體。#重拾拍拖情懷 #兩小口 #溫馨滿載#幸福滿瀉 #幸福感原來是很簡單#th

今日喺旺角行街，唔知食咩好，喺兆萬中心見到對面有間日本野幾靚，叫 大山日本料理，就去試下。入到去，好有日本古早味的感覺呀！有d舊式日本的海報同埋好多色彩繽紛嘅燈籠，一樽樽酒擺出嚟好有日式風，好懷舊，好正。叫左三文魚海膽刺身飯，刺身厚重有口感，啖啖肉，配呢個易入口的wasabi同鼓油，好好味呀。海膽份量都幾多，好鮮甜。網燒美國穀飼牛扒，燒得好juicy, 肉都係厚身有口感的，切得細細條，方便入口。燒出嚟，好香口。配左個沙律，好清新，幾夾。泡菜豚肉鍋，泡菜好開胃，唔算太辣果種，啱我呢d唔食得辣的朋友仔。豚肉片薄薄地，吸收晒泡菜湯味，好入味。鋪頭準備左茶，都好好飲，可以唔叫野飲，只叫自己鍾意食嘅東西。呢間日本鋪頭好有回頭率，性價比好高，下次一定會再黎幫襯！

Ooo旺角親民價日本料理ooO呢間位置好方便，店內日式設計⛩紅白燈籠，店內有4人卡位，坐得算闊落。OooooO鹽燒鯖魚 $58日本料理我多數會叫燒鯖魚，呢度價錢合理，鯖魚鹽味夠，不用加醬油都ok!OooooO特盛海鮮丼 $88有4款海鮮偏薄片，配搭印有大山既甜蛋，想提既係佢配既👉🏻味噌湯足料👀有三文魚在湯內供客人享用！OooooO牛肉壽喜鍋 $58壽喜鍋內有牛肉、蛋、豆腐、冬菇、芋絲，呢個價錢合理質素😊OooooO火炙黑松露帶子壽司 $22火炙黑松露帶子壽司🍣😍推介，兩件火炙帶子大大粒加上黑松露，味道有驚喜的幾襯！

今次同朋友去，我地兩個人見到咁多選擇，忍唔住叫咗十款菜式🫢。本身以為叫咁多有排等，但呢度上菜好有效率🥹，唔洗捱餓，啱曬我呢啲無耐性嘅人🤣。*必食*私心同大家推介燒三文魚腩🤤三文魚腩燒得啱啱好，一送上黎已經聞到魚腩嘅油香味，食落魚腩唔會乾，入口即溶，我習慣夾埋蘿蔔蓉一齊食，perfect match❤️🫡 ！*壽司*呢度嘅壽司都新鮮，絕對唔喺薄切，喺有口感嘅😆啲飯唔算太散，都唔會捏得過實😆。*揚物*揚物唔錯😋🍤天婦羅麵糊唔會過厚，蟹肉薯餅都唔會炸過頭，喺鬆脆嘅。*料理*🤣豆腐牛肉鍋喺我鍾意嘅壽喜燒湯，如果有生蛋🥚就好。牛油帶子都大大粒😉，但唔會咬唔開。如果去開呢頭，我覺得大家都可以去試試🥳

好耐冇食日本嘢啦，見就腳就喺旺角搵咗間樓上店試試佢~好彩冇中伏，仲好似幾正添！三文魚腩刺身（4片） $68刺身好新鮮，有三文魚嘅鮮味；仲要係厚切，入口即融兼啖啖肉，滿足！大吞拿魚腩壽司 $52終於知咩叫「油脂豐腴」，必須用呢個四字詞嚟形容佢！超柔嫩，好似要同個口融埋一齊咁，貴啲都係有道理，推薦！海膽軍艦 $44呢碟真心抵，2件上，仲要多海膽！入口充滿海膽嘅腥甜味，係海洋嘅氣息呀！帶子壽司 $32帶子好鮮甜，好厚肉，正常發揮，推！油甘魚腩壽司 $20呢款比較有咬勁，較柔韌；魚味較重，但都ok！醬皇燒皇帝蟹棒壽司 $16呢款幾滋味，甜甜地，蟹棒啖啖肉，啲小朋友最鍾意！鹽燒厚切牛舌串 $38因為係鹽燒，所以夠哂惹味，唧幾滴檸檬汁，又清新啲！牛舌好柔軟，好好𡁻！推薦呢度嘅壽司！掃QR Code自助落單