大山日本料理

营业中

休息中

猶如置身日本居酒屋🌸極上北海道帶子丼$128⭐️⭐️⭐️⭐️☆傻婆T叫左個極上北海道帶子丼，有兩塊鮮甜三文魚、一隻有頭蝦，蝦肉超鮮甜、三粒大大粒帶子勁厚肉，超鮮呀，仲有一堆三文魚籽用黎撈丼飯一流呀！丼飯飯質比較偏硬，同埋飯量比較少。不過傻婆T吃完都覺滿足的。🌸三文魚海膽飯$98⭐️⭐️⭐️☆☆有6塊三文魚，全部都大塊肥美，又新鮮又鮮甜。海膽都幾多下，正常不會腥。刺身飯不算太大碗，不過傻婆R食完都夠飽既。🌸鰻魚卷$68⭐️⭐️⭐️☆☆一條有成6塊，表面舖上好大塊鰻魚，淋上鰻魚汁，再配上卷物內既青瓜、蛋、蟹柳，口感十分豐富十分滿足。如果要飲茶，茶包需加2蚊，環境舒適，裝修非常有日本風既感覺。======詳情======大山日本料理旺角西洋菜南街2W-2X號2樓================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #旺角好去處 #旺角美食 #RnT旺角 #RnT日本菜 #極上北海道带子井 #帶子 #日本 #日本菜 #鰻魚卷 #鰻魚 #三文魚海膽飯 #三文魚 #海膽 #大山日本料理

第2次嚟呢間居酒屋，間鋪入面佈置咗好多日式燈籠同好靚嘅壁畫，勁有feel！( ´ ▽ ` )個人最推薦火炙三色卷，好大件勁抵食！另外仲叫咗壽喜鍋、鰻魚炒飯、炸蝦天婦羅、燒雞拼盤同炸雞軟骨。雞軟骨都好推薦因為佢新鮮滾熱辣啱啱炸起，好夠熱！(*´∇｀*)呢到全部嘢都好抵食，以居酒屋嚟講食物質素都唔差，而且非繁忙時間坐得耐都唔會趕你走，可以同朋友慢慢食慢慢傾。(๑>◡<๑)

平時尼親呢邊都係食雲桂香，咁岩今日雲桂香太多人等，個frd話不如上樓上睇下，就發現左大山呢間意外驚喜既居酒屋～Menu選擇都算多，首先叫左幾件壽司試下先，唔敢叫太多住，食落又意外地新鮮同高質喎活赤貝一件分做2件壽司，鮮甜爽口又抵食鵝肝壽司要趁熱食，啲油滲埋入啲壽司飯度，好邪惡燒左口魚邊壽司都正，滿滿魚油香😋😋😋必須讚既係海膽壽司，$44/2件超抵，仲要大大塊好鮮甜，唔夠喉即刻encore！👍🏻👍🏻👍🏻燒物都唔錯，黑豚腩肉燒得外層少少脆，入面juicy, A5和牛串燒都好味，好夠油脂香，調味都好惹味鐵板牛油帶子有成5粒，粒粒大粒厚肉蒜片和牛炒飯有好多炸脆左既蒜片，同牛肉一齊食，好夾好香口👍🏻👍🏻

還記得以前香港剛有薩莉亞，每碟價錢都很抵，可以叫好多款。今日和朋友來旺角找到呢間居酒屋，每款菜式同樣好抵，好耐未試過叫咁多款野食。位置好近信和，同朋友行完就食嘢。好有日本裝修風格嘅環境，每檯客傾計都唔覺嘈。天氣凍冰冰要叫個窩黎暖下位，牛肉豆腐窩。牛肉好鮮甜，豆腐超滑，索曬d汁。仲有芋絲同大蒜。睇返價錢，唔洗60蚊呢個三文魚加州卷可以話全晚性價比最高，60蚊度有6舊咁多，三文魚肉好鮮甜，撈埋d沙律醬同加州卷配料比一般三文魚壽司嘅味道有更多層次。食開左鮮魚一份加州卷唔夠喉，再叫一碗特盛魚生飯，好多款魚生，每款質素都唔錯撈埋蟹子就連白飯都好惹味。醫肚之選嘅咖喱豬扒飯。咖喱香甜暖胃，飯粒飽滿。豬扒肉質同肉汁都優秀。醫完肚但仲有好多嘢傾，開始食d香口嘢，墨魚咀表面酥脆裡面鮮甜。好適合傾計食。因為價錢相宜，又叫左一份炸雞。肉質好嫩滑彈牙。完食照，2個人食咗六款嘢，非常滿足

旺角真係變化左好多，好耐無認真行過。今日要出去行吓先，由家樂坊果邊開始行，決定食個lunch再繼續。咁啱樓下見到有人排隊等𨋢，我地八卦行去望下食乜，發現呢間日本餐廳啲lunch set都幾抵食。一上到去，啲裝修好有日本居酒屋風格，啲牆身貼左好多畫，燈光暗暗地。又有好多卡位，坐位之間都唔會太迫。。餐廳用QR code落單，食物選擇都好多。。枱上面已經有熱茶鍋仔手打烏冬呢個set有前菜天婦羅🍤炸蝦，又有個沙律🥗，又有件類似綠茶糯米糍嘅小甜品。個烏冬用鍋仔上夠哂熱，烏冬煙勒好味，湯底係豬骨湯，入面仲有小小蔬菜，嗚門卷。。火炙黑豚肉拉麵🍜哇，份量好足！拉麵有3片大大嘅黑豚肉，豚肉燒到好香，入口好滿足 ，黑蒜油湯底好正，入面仲有原粒糖心蛋添。拉麵食入口q彈，無鹼水味，老公食到雪雪聲，話要學日本人食法😂煎餃子🥟哇，煎到個底有呢層雪花咁，好靚。個底煎到脆卜卜。不過覺得餃子餡料略少，但個味好食黑松露薯角我好中意食薯角，加上黑松露醬好正！薯角新鮮炸起熱辣辣又脆卜卜，沾上啲醬係食唔停口咖！野菜鍋我地點多一份野菜鍋清清地解油膩，食啲菜😆咁樣先有均衡嘅飲食咖。。呢度環境好舒服，傾吓偈又有熱茶飲。好似去左日木居

食物真係一般，無野值得去🫠無亮點，求其食都有幾好選擇🫡正常操作，唯一讚係service good, spacious 🫠No one will rush you cause there isn’t much people anyway

睇見身邊朋友個個都返鄉下，而我就仲未有得返，所以就搵咗間居酒屋感受下日本嘅感覺！呢間居酒屋朋友介紹夠正宗，入面嘅裝修設計的確有令人置身日本嘅感覺，食物質素亦都冇令人失望。壽司拼盤-松 ($248)呢度壽司拼盤有3款選擇，我地揀咗中間價位嘅松拼盤，呢個價錢有咁多款刺身相當物超所值，魚生片夠新鮮，仲要有一大板嘅海膽，海膽鮮甜冇腥味，夾紫菜食味道一流！燒雞泡魚乾 ($68)除咗刺身，居酒屋當然唔少得啤酒同埋佐酒小食！其中雞泡魚乾係我每次去居酒屋嘅必食之選，呢碟雞泡魚乾燒得煙靭香口，送啤酒簡直係絕配，不知不覺間就清晒成碟雞皮餃子 ($58)朋友再叫左佢最愛嘅雞皮餃子送啤酒，我本身都好怕太肥膩嘅食物，但呢個雞皮餃子有意外驚喜，雞皮經油炸後已經冇晒啲肥膏，反而變得鬆脆香口

今日同隊友黎左旺角呢間居酒屋食左個早飯，都坐得幾舒服，有好多清酒，同日式擺設，都幾有FEEL，食物方面都幾多選擇，有壽司，窩物，燒物等。三五知己約埋上黎傾下計飲返杯都唔錯。 我地叫左四樣野食，埋單都唔使三百蚊，相當抵食。三文魚海膽飯配味噌湯-有兩舊海膽加紫蘇葉，海膽係加拿大膽size, 三文魚雖然唔算厚切但都幾多塊，都幾足料。豚肉泡菜鍋-個鍋入面都幾多豚肉，仲有豆腐，金菇，冬菇，泡菜同芋絲，出面咁凍飲埋湯成個人暖晒。天婦羅烏冬-本身係拉麵，呢度好好，轉烏冬唔使加錢，天婦羅有兩隻蝦，一件南瓜，一件茄子，同埋一件青椒。湯烏冬有紫菜，木耳絲，粟米，同我最愛既原隻調味糖心蛋。香草燒雞翼-一共有三隻，即叫即燒，燒得幾香口乾身，個皮仲脆既添。

今日去呢間餐廳食飯，啲野食唔算好食。最緊要係服務惡劣。成間餐廳好似好忙咁，上錯菜比我，仲問我「做咩唔講清楚」態度惡劣到我唔會再去。啲野食其實非常一般，但價錢唔一般，寧願是樓下雲桂香

今日約咗朋友去旺角食嘢，見到呢間日本菜幾多人。價錢又唔貴。我哋坐咗卡位幾舒服，有熱茶飲。之後慢慢用QR code落單。揀咗牛油果軟殼蟹卷，呢個夠多沙律醬，軟殼蟹脆口，整個卷物仲有牛油果🥑味道相當唔錯。壽司揀咗天婦羅壽司，天婦羅蝦炸得幾好，唔會太油膩。串燒種類都有好多，我哋揀咗兩串免治雞肉棒串。免治雞肉串面上有醬汁，另外仲有生蛋可以點，點完生蛋，雞肉串口感更滑。炸物叫咗和風炸雞，估唔到份量都幾多，炸雞啖啖肉又幾脆，仲有沙律醬。最後揀咗個飽肚嘅豚肉泡菜鍋，泡菜酸酸辣辣配豚肉就最夾，豚肉都有好多，而家天氣凍凍地食鍋物就暖笠笠。

旺角街頭想食壽司，但係又唔想食放題，最後決定咗食大山和食居酒屋，因為之前朋友食過話啲嘢食夠新鮮，同埋環境好似真係去咗日本新宿居酒屋嗰啲咁樣，而家冇得飛住，咁就試吓睇吓有冇好似去咗日本嘅感覺。一入到去，職員好有禮貌會介紹，仲可以俾我哋坐窗口位，可以見到旺角街頭啲人行嚟行去，旺角街頭啲人多人到好似渋谷咁。都幾有feel。食物方便，全部都好新鮮，尤其是海膽軍艦，海膽非常鮮甜，好正！跟住個日本A5和牛蒜片炒飯都必食，和牛有好香濃嘅牛味，粒粒都好大粒，油脂分布非常均勻，入口即溶，加埋蒜蓉片，非常出色。1×海膽軍艦1×玉子壽司1×日本A5和牛蒜片炒飯1×鐵板牛油帶子1×黑豚腩肉串（1串）1×香草燒雞翼（3隻）1× A5和牛串燒(1串）1×乳酸梳打1×醬油七味燒左口魚邊壽司1×活赤貝壽司1×油甘魚腩壽司1×鵝肝壽司

呢個post係想警剔大家一定要睇清楚張單先俾錢❗️同埋諗清楚係咪真係要幫襯呢d唔老實既餐廳～做一大堆優惠吸引顧客，食物唔新鮮都預左ga la~食完埋單出黎全部show正價，唔緊要，好彩我有睇單，當係你地一時疏忽。點知出過張單，都係錯既，唔緊要，我再提你。再出多次張單，更正左一款食物既價錢，但另一款都係錯既，係咪我好hup d? 定係你地做生意就係咁老實？廉價招來但收錢果陣又出陰招？想搏d客唔睇單收多啲？最後都係要拎住個menu逐款食物同對方核對先改返岩個價錢…真係從來都未試過埋單要改4次先岩數，唔嬲就假💢其實做生意誠信真係好重要❗️錢唔係咁賺ge，同一張單錯4次都唔覺得有問題，亦無同客人道歉。 咁唔老實嘅餐廳，真係無下次‼️睇路喇大家⚠️

間餐廳好有日本居酒屋feel，掛晒居酒屋燈籠，又賣送酒小食，但落單時個酒餐牌全部sold out～～雖然book枱時無講，不過埋單時朋友好奇問，店員都好坦白講話佢地無酒牌而已～呢間嘢啱晒唔飲酒想清靜食嘢但又要氣氛嘅親子or要戒酒嘅人👍👍～仲有，食物份量勁啱減肥中嘅女士或小朋友👍👍魚生併盤7點3前order有85折，不過我地都太遲，無晒普通海膽，要加20蚊轉加拿大海膽，要平嘅朋友記得再早d去～

今日約朋友去旺角食飯，之後就搵咗間食日本嘢嘅地方，位於家樂坊兆萬隔離，食店位於2樓，上到去環境裝修得好有日本特色，之後坐低睇吓個餐牌，價錢好大眾化，食物多元化，造型靚，款式多，所有日本嘅魚生至天婦羅都應有盡有。之後我叫咗個三文魚海膽丼飯，牛肉壽喜鍋，同埋鐵板牛油帶子，每一款都唔過$100，賣相十分之吸引。先講丼飯，啲三文魚片片都好新鮮厚切，海膽新鮮分量多，啲飯又軟硬適中，真係好好食，而且價錢仲十分之優惠，唔使$100就可以食到，出面真係搵唔到。至於牛肉 壽喜鍋，啲牛肉全部入口即溶，個湯底好夠味；至於鐵板牛油帶子，粒粒帶子都好大粒，識落彈牙，又鮮甜，熱住上碟，好正，真係值得一試，整體來講每樣嘢都係十分之好，值得推介！

入到去見到滿座七成，亦都唔少係家庭聚會，就知道應該食物都唔差，但個日係平日都咁多人食，建議大家聚餐都要book定位啦鹽燒厚切牛舌串(1串) 牛舌即燒，入口熱辣辣，即使係厚切亦都唔會有筋而好難咬，口感岩岩好，如果食得落都食叫多串！鰻魚卷 
太愛鰻魚了，所以叫完鰻魚飯都要再叫個卷物食，鰻魚卷上的鰻魚亦算厚切，啖啖肉。
蒲燒鰻魚飯 
鰻魚飯是壽司飯底，鰻魚亦都是即燒，食得出唔係普通貨，大滿足！
角切魚生飯雖然係角切，但都食到魚生夠新鮮，冇雪藏味，而且分量唔少，呢個價錢CP值幾好！