大尾篤燒烤王 (已結業)

講真中秋個晚我都在場我可以好肯定甘話d 人龍一定沒50米長LO 最多咪30米~其實係因為太多人la 去bbq所以先會拎野食耐左d 甘落單個陣都同人講左ga la

昨晚中秋去,諗住落過雨,唔會太多人喇!去之前上黎睇過評價,都知唔方好野.點知仲差多10倍之前朋友打去,仲叫人唔使book,直接黎就得....8點半去到點知迫爆!!!一入到去見到就2條50米長既人龍入去冇人招呼,好迷茫,叫d 職員,就敷衍下你最後朋友們終於自己搵到個爐,同去郊野公園冇分別捉到2個好人少少既中年女職員黎搬爐跟住排果2條一龍喇,有條快d,我地就走晒去一邊排,點知呢條龍只係俾錢,排左個幾鐘俾左錢只係俾d飲品飛&號碼牌,要排另一條龍另飲品&等叫number 拎食物都知今晚凍過水,錢就收左,唔會寄望佢地會退錢幾十人圍住2個十幾歲既女仔o係度執食物,過左成粒鐘再去睇,終於有d 進步,多左2個男職員執野食等到11點終於拎到食物!!由入去開始,搞成2個半鐘先有得開始燒!!!跟住燒左陣去拎飲品都排左成半個鐘都唔係第一次中秋節做生意!職員-人少,態度懶散!排隊&拎野食既安排-極差!廁所-嚇人,成地鞋印,水積,廁紙,垃圾筒滿瀉劣!破壞我美好的假期!!

搭左成個中去~去到先知冇得任食;;;;星期6d野食勁貴好唔抵以後都唔會再去~

一行5個人去燒烤，天氣唔多好，好似就快落雨咁。所以就決定左去呢間燒烤場，一來有瓦遮頭，又唔駛自己買野食。一去到門口．．．一個人都冇，搵左一陣先見到有２個人燒緊，之後就有人招呼我地，幫我地開爐，拎Ｄ野食俾我地，有雞中翼，雞全翼，腸仔，芝士腸，丸，豬扒，牛扒，金沙骨同多春魚，全部放係一個大盤。大路貨物，味道就唔多講，不過平日任食（４小時任食）只係５０蚊，都算係咁啦，自己買野燒都唔只呢個價，因為又要買炭買蜜糖買餐具之類，佢又包一枝６蚊既野飲（水ＯＲ可樂）。我地有自己買野飲去，就唔駛再同佢買！不過門口有寫明如果自己帶野飲係會罰錢（１００起），所以我地都只可以偷偷地飲。蚊好多，要帶定蚊怕水，否則變左Ｄ蚊既午餐。

上果月同另外9個frd去燒野食雖然係星期5晚而且summer holiday不過都係得幾枱人燒ok涼爽!!野食既選擇就少左d而且拎一個大盤去裝野食野尼多春魚啦..丸啦..扒啦..雞翼啦..腸啦...咩野都Lo埋一堆幾核突而且有d唔太衛生既感覺=_=扒個d yip得幾好味而且每人唔知$50定係$60包1罐野飲都ok既*

星期日竟然有65蚊任食...抵食過隔離果間先囉..呢度d chicken wing真係好好味又夠入味全翼都係一樣服務都唔錯可能少人先係咁掛......下次大埔燒一定會再黎

咁呢我住大埔既．所以成日去食既．．講真呢．ｄ野食就真係幾好食既．由其是係ｄ嫁喱尢魚．．真係好正．．可以後生仔．．唔中２食膳．．不過其他人話好正．．個ｅｎｖｉｒｏｎｍｅｎｔ真係差左ｄ．．如果佢\好ｄ既話呢．．相信會增加更多既人流量既．．值得去試嫁．ｄ汽水６蚊．．算係咁喇．．唔係人地搵咩食丫．．．一班人柴蛙蛙入去飲下酒都ｏｋ既．．

我經常覺得如果要攪食肆嘅話，最好賺就應該做燒烤場。用燒烤場，唔駛請廚師，剩係醃好啲食物就攪掂。由是故，從來唔會提議去燒嘢食。不過，燒嘢食都有一個獨有嘅優勝之處，就係燒得好食與否，完全係「個人問責」，與人無由。除非有人幫你燒啦，好似我同阿K咁。今次一大班老友記山長水遠嚟到呢度燒嘢食，一嚟聚聚舊，二嚟係同我地嘅老友記W「律B」餞行，因為佢會去上海公幹至少三個月。在此希望佢可以順順利利，最好搵到個如意郎君(按：W「律B」並唔係只得內在美，外在美一啲都唔輸蝕，阿K都讚不絕口)，了卻我地成班人嘅心願。言歸正傳，講番燒嘢食。個人認為，除咗食物要醃得好之外，爐火都好緊要。雖然燒嘢食之前一晚落過吓雨，但係啲炭仲可以保持乾身，所以起嘅火十分靚，燒起上嚟，想唔好食都幾難。查實食物醃得都唔係話好出色，燒完嘅味道都中等。味道都係其次，最重要係一大班人可以一齊燒嘢食，一齊談天說地，正如某廣告話齋，此刻無價。換取一刻無價，我地要付出嘅金錢唔多，只係每人七十蚊。

復活節假期去左大美篤, 超多人, 燒烤場果邊冇晒爐, 結果出返去汀角村口既燒烤王. 可能假日既關係, 5點幾去到都幾多人. 而且service真係麻麻, 要自己搵個吉爐先再搵人開, 食物果d自己拎就預左, 不過人多果時連炭都要自己拎=.= 假日冇得任食, $150二人餐, 野食足夠, 乜Q都包晒, 手套紙巾叉碟果d都有齊, 但係得2罐野飲, 燒幾粒鐘一定唔夠, 不過起佢度買都唔係好貴, $6罐. 食物都ok, 種類都夠, 不過想要棉花糖粟米蕃薯果d就要另外買, 不過都唔係好貴. 景就冇乜架啦, 草皮一大塊. 天氣好既話可以坐出面冇遮果d, 通風d同埋會睇到星星. 果度仲可以租麻雀, 下次都可以同frd去玩返晚. 不過要搵個光d既位, 因為有好多位入夜會好黑. 見到隔離台有細路玩煙花, 乜香港玩得架咩? 聽佢地講果度有得賣, 不過勁貴~ 呢d野都係返大陸玩好過~

lee 間大尾篤燒烤王我總共去過2次! 第一次係因為睇到lee到openrice概食評唔錯, 但2次都令到我非常之失望!!!第一次同我阿媽一齊去, 果時已經發現個廁所環境極度惡劣,又濕滑!見到都唔想入去,都唔明點解既然生意咁好,都唔攪好個廁所概衛生環境!仲有賣埋d細佬仔玩概吹肥皂泡,d肥皂泡波波吹到四維都有,一路燒緊野食就不停見到d波波飄來飄去,咁樣d肥皂泡一爆就整落d野食到....都唔明點解d爐已經好迫啦, 仲要賣埋d咁概野, 佢地唔會諗下一邊有人食野,一邊有d細佬仔吹泡泡概!!!我阿媽果次食到一半概時候,她已經係燒烤王果到痾左3次,跟住馬上走,回到家她再痾多3次!痾到我阿媽面都青,腳軟軟!!!果次我已經決定唔會去lee 間野架啦...點知...今日我同d朋友一行四人,本來打算踏完單車去大草原燒野食,點知大草原無開! 因為我d朋友未試過lee間大尾篤燒烤王,咁就又去左喇!!唉...相隔一年點知個環境一樣都無改善過!!!真係唔明點解都仲係咁多人去食,d野醃得唔夠入味之餘,又完全無解凍!!仲有冰概!!!最後,我地四人都肚痾...我同我男友最慘...痾左成晚...我地不停咁倫姦個廁所!!!

雖然食物唔差，但ｄ爐好迫，又無景睇加上d staff態度好差好似唔憂做咁仲有丫～d燒烤叉係用舊架感覺好差唯一好處係任食平$50(不過只限星期一至五)如果星期六日去隔離大草原仲好可以見到海景～勁正d野食唔會比燒烤王差d staff都好nice佢任食包2樣野飲,仲有包燒烤王唔包既叉燒．雞扒．雞腎．粟米雖然＄７５（平日＄６５）但對比燒烤王星期六日既套餐，一定更抵

今日一班朋友替honey預祝生日, 選擇0左黎大尾篤燒烤王!! 地點其實幾好, 都算方便, 有75k或者20c搭到黎, 我地自己揸車黎都好易搵到, 因為佢地門口有個好大0既牌, 一定唔會錯!至於食物, 講真真係好好味, 去到bbq一定要試燒鱔, 香草羊扒, 梅子肉排(同金沙骨差不多味道)! 不過, 廁所0既衛生真係要作出改善喇, 試問bbq中途去廁所但見到裡面有"異物", 又有"異味", 食慾一定大減喇!總括黎講, 我對於食物同服務都算幾滿意, 不過, 廁所衛生真係唔改善, 我真係唔敢再去喇... >.<

雖然女多男少，但女的食量也不會比男的少，這個餐的份量也可填足各人的肚皮，全餐也包齊了所需用品及每人飲品一罐，而額外購買也都只是六元，價格合理。套餐內包了六、七款醃味不同的肉類，各款也夠入味，吃後又不覺口渴，但丸類含粉量高，只屬一般，番薯貨色不錯，味夠香甜，比起自己在街市買回來的更好。最欣賞這裡所選的炭，不會燻出陣陣黑煙把食物弄得一面灰。這裡的環境是全場沙地，沒有什麼美景可言，但所在的位置有電視提供。洗手間用貨櫃建成，乾淨度一般，勝在未有異味發出。在場職員態度有禮勤快，如想乾手淨腳來個BBQ齋吃的話，這裡也不錯。

六女四男叫左個九人餐, 食物分量足夠, 醃得入味, 也算新鮮, 唔錯!餐有魚蛋, 牛丸, 墨丸, 脆皮腸, 雞肉腸, 紅腸, 魷魚, 金沙骨, 豬頸肉, 雞中翼, 雞全翼, 豬扒, 牛扒, 牛肋骨, 雞腎, 麵包, 蕃薯, 粟米, 什菌.比較喜愛有爽口豬頸肉, 嫩香金沙骨, 惹味雞腎, 厚身魷魚.

基本上如果唔係舊同學安排嘅話根本唔會去到咁遠，好彩佢包接送。講番地方，同一般燒烤場差唔多，而嘢食方面亦係一樣，因為食到第二隻雞翼時D味蕾已被味精所麻醉。可能天氣開始冇咁熱嘅關係，全場差唔多滿晒，所以記住book位。