大小姐冰室

营业中

休息中

每日放工出地鐵站都會睇到馬路對面呢間冰室，真係好方便! 終於嘗試晚市。最驚喜嘅一定係安格斯乾炒牛河（108 hkd）! 平時食開普通牛河，但第一次睇到有安格斯風味，驚喜之處在於有很濃嘅燒烤味道!好似去咗間燒烤店，聞到已經被吸引!牛肉醃製非常入味，份量很足。可以叫小辣。另外亮點係紅酒燴牛尾煲，牛尾切塊大小適中，醬汁很濃郁，酸甜口感，可以搭配白飯仲有洋蔥等配菜，性價比很高。鮮茄腐竹浸時菜，蔬菜種類很多，但睇著做法好敷衍，番茄味道很濃。如果唔係蔬菜重度愛好者就唔推薦喇。喺炮台山地鐵站出口對面好容易揾到，鋪頭都很精緻整潔，出面係外賣專區。晚餐時段都未見太多人，服務都很熱情! 晚市很適合朋友聚會!

經過諗住食個下午菜 行行下見到間小本經營既茶記 咪支持下 我地叫左香蔥豬扒雙蛋飯 個豬扒竟然係3成 豬3成有蟲架 食落去一大陣梳打味 睇黎塊豬扒浸得太耐同埋乾炒牛河 而個牛肉係一啲咪都冇 似就咁用水煮完咁 難食到出唔到聲之後同樓面反映左 都冇咩表示 所以係道講出黎所以話唔怪得香港人北上消費 連出品都整唔好 點樣同人地競爭 唔好講服務 出品對得住顧客先講最基本食物基本質數都冇 點樣支持本土餐廳有時真係唔係價錢嘅問題，只係大家都要互相尊重大家作為餐廳嘅一方基本嘅出產水準都維持唔到咁究竟我點解仲要支持呀？

經過門口見到比較光鮮再望下個menu鮮魷魚一下再行多幾間睇完之後決定返轉頭其中一個被吸引嘅地方就係有蟹鉗食下午茶時間到問了侍應攞menu睇他說晚餐時間由五點半開始當時係5點23分所以心諗都應該可以叫到點知叫了兩隻炸蟹鉗後說今天虾膠未整好 沒有有點失望之後再食了兩個下午茶餐 咖哩牛腩飯同焗肉醬意粉咖哩牛腩飯很快就到想不到牛肉很多另外有別於大部分茶餐廳牛腩同咖哩是分開煮所以非常入味另外肉醬意粉嘅意粉亦唔會淋bet bet相信係即煮所以等候時間都較長料同味道都合格餐加九蚊飲紅豆冰好大杯另外紅豆都好多紅豆好淋另外唔會太甜從以上產品可見小店誠意忽然之間被職員問是否想食蟹鉗現在有打當然即時叫了兩隻也是即時炸起由新鮮肉都好鬆化簡直有大酒樓水準下次去開嗰頭一定會再幫襯

大小姐冰室位置非常方便，就喺炮台山地鐵站對面👍🏻環境比普通茶餐廳乾淨整齊，卡位都幾闊落，但座位都有好多🪑晚菜選擇都有好多唔同小菜選擇，奉送白飯及是日例湯，仲配飲品！🔸惹味單骨雞翼炸得好香脆，外脆內嫩，調味適中，有啲似避風塘風味🤤🔸䜴汁蒸黃立倉倉魚大條又唔腥，因為即叫即蒸，都要等一等。食落油香鮮甜，又冇咩骨，好食！白飯乾身，粒粒分明，配上豉汁黃立倉嘅香蔥豆豉同豉油，真係停唔到好。🔸+$10升級燉湯大家一定要加10蚊升級，賣晒就冇！老火燉湯非常足料，湯頭順喉無味精。濃香黑蒜，配上鮮雞瘦肉，正！🔸青檸梳打爆檸嘅味道，一飲透心涼🔸華田爆龍脆脆華田控一定要試！勁重華田味，加上脆脆，口感好神奇

平時喺炮台山港鐵站一出對面就見到大小姐冰室呢個茶記，地點很方便，門面亦同一般冰室唔同，好有特色，都似一般cafe咁！不過佢都算大，好多卡位同圓枱，可以坐到好多人！其實好想試呢間好耐架啦！今日終於有機會可以嘆個早餐。總結：環境舒適，寬敞明亮又乾淨。早餐價錢算區內最高，但質素比普通茶餐廳好少少。

大家好今天到了大小姐冰室食飯呢間係一間冰室不過佢都有中式晚飯小菜供應今天就食佢既中式小菜首先來個是日是日燉湯係蟲草花燉雞湯都幾足料感覺鮮甜無乜精跟住就係百花炸釀蟹鉗這個百花炸釀蟹鉗都可以炸得唔錯食落有D酒樓水準仲有配埋甜酸汁跟住就係惹味單骨雞翼炸得好香脆調味也唔錯單骨仲比較容易食跟住就係清蒸紅鮪 條魚蒸得幾滑有D鮮味用來送飯就岩晒飲品就要左華田暴龍脆脆同埋西班牙特濃朱古力咖啡華田暴龍脆脆係阿華田再加左D好似麥提沙口感既脆脆都幾特別西班牙特濃朱古力咖啡就好多忌廉咖啡和朱古力味也很香濃總括冰室都可以食到酒樓既小菜真係唔錯

今日去左炮台山食下午茶，冰室環境寬敞，白色牆身拼木系枱櫈，光猛整潔，仲有幾枱室外位。下午茶選擇有炒粉麵飯、招牌咖喱、海南雞、熱狗西多，每個餐都送熱飲，轉特飲只須加$9。日式鰻魚叉燒炒飯：鰻魚肉質嫩滑，配料有叉燒、生菜絲、蔥花，飯炒得乾身，粒粒都被鰻魚汁均勻包圍住，色香味俱全。招牌咖喱牛腩飯：咖喱醬汁味道濃郁，牛腩炆得軟腍，薯仔亦煮得相當入味，帶出辛辣與惹味既層次感。華田西多士：炸至金黃色，外脆內軟，內層夾滿花生醬，面層就鋪滿華田碎，切開時睇住半溶既煉奶湧出來，啖啖香甜，味蕾超級享受。爆珠雜果賓治：調配得恰到好處，加左爆珠，口感脆卜卜，好有驚喜。華田暴龍脆脆：華田脆脆香濃可口，阿華田迷不可錯過。總結，食物好味，出餐快，價錢合理，抵食又滿足。

出北角同家人來吃早餐，因之前來過幾次，試過吃它們厚切餐肉治，好正。今次再來，餐肉和蛋都縮水了。而且有個姐姐好惡，未叫嘢想轉枱被粗口問候；四人share看一個餐牌當然會較慢才叫，用手機仲點緊時，個姐姐又話我們點完餐要放回餐牌夾。見我們未點好，又話你們未落單喎。由坐下到點嘢，一直被訓話，很慘慘。相信不會再去了，始終北角選擇很多。相反，收銀姐姐很有禮貌，知道這餐室在疫情時一直堅守到現在，拼博出來有些成績，未能保持，有些可惜

香港服務態度差似乎是見怪不怪， 如果遇著態度好，反而驚訝. 昨天經過大小姐冰室，看到門口的生炸雞髀相片十分吸引， 我們三位長者就決定進入食下午茶.食物是可以的，但樓面侍應態度是其它人留言的一樣正確. 香港經濟一直下滑,不少店舖陸續關閉， 不知道這間大小姐冰室老闆, 是否知道他們的員工態度極其惡劣呢! 抑或是上樑不正下樑歪， 連鎖效應。 有些時候出外用膳，可能食物不是十分令人讚嘆，但店舖工作人員態度友善，已令客人對店舖加分. 這間大小姐冰室 跟其他繁忙的食肆一樣， 客人少你一個唔少， 不滿意服務就“過主”. 現在明白為何那麼多人北上消費了.

估唔到係非酒樓既地方都食到百花炸釀蟹鉗！ 好有水準！ 鮮果咕嚕肉是一道將水果和肉類結合在一起烹飪的菜品。它通常使用糖醋醬汁燒煮，並加入水果如菠蘿、桃同埋花龍果，以增添甜味和酸味。如果你對水果同肉類結合一齊的菜品感到好奇，你可以試下呢個鮮果咕嚕肉.吉列豬扒稻庭烏冬配炒蛋（$56）豬既肉質嫩滑多汁，炸到表面呈現金黃色的. 唔會好厚粉！配上千島海鮮醬就更正了！ -烏冬麵條細而彈牙，光滑而有嚼勁.收埋左係豬扒下面既蛋～

經過幾次一直都好想試下嘅大小姐冰室，裝修比較新穎乾淨嘅大排檔🤣今日放工行過見有位就一於試下😋晚市可以選擇套餐配飯同湯，或者散叫又得！我同朋友2個人叫左XO醬翠玉瓜炒豬頸肉、百花炸釀蟹鉗、避風塘安格斯牛肉炒河，飲品就叫左華田暴龍脆脆同西班牙特濃朱古力咖啡。值得一讚係上菜速度好快，唔洗餓親放左工好肚餓嘅我🥹推介飲華田暴龍脆脆，好濃嘅華田再加上滿滿嘅脆脆，係非常有滿足感嘅飲品。呢碟XO醬翠玉瓜炒豬頸肉都好惹味，送白飯真係可以食曬一碗，唔鍾意食菜嘅話都會愛上食菜。如果諗唔到食咩我都介紹食避風塘炒牛河，第一係非常大碟，大食嘅話一定好滿足，第二係好似無見過呢樣嘅配搭，麻麻辣辣嘅乾炒牛河，原來係會食唔停😂最後係炸蟹鉗，未見過冰室可以食到炸蟹鉗，質素同去飲嘅一樣，好過癮。果然係無令我失望嘅一餐飯。

我公司在附近，自然常幫襯附近茶記食晏。呢間野上一身是時代冰室，再之前係乜已唔記得、只記得常轉手，到有一日來左呢間大小姐。最初佢既食物是 ok 架，夠熱，味道不錯，但佢有著間間茶記都有既問題，就係有頭威無尾陣，水準是轉渣左。侍應更甚。我定時都有幫襯，睇住佢地既侍應越來越大牌，尤其四眼個位男士，以為佢係老板添，下下串人。之前學人地d 店整個二維碼叫客自己落單，大佬，打工仔食午飯，碌來碌去個表，碌完都無左 10 分鐘，明明成堆侍應無野做，叫佢幫手落，四眼佬一句：唔得架，你要自己掃碼落架！即係唔識用手機，無帶手機係無飯你食架！我落單慢，你翻枱也慢，對大家有乜好處先？咁就比佢串一野！好，今日，去到叫碟炒貴叼，我一向都知好多茶記下下要草埋 N 碟先一齊炒一齊出，你生意難做我明，唔想開幾次火我都明，但你又明唔明我 12:13落單，等到12:38 都未有得食，我食飯只一小時，呆坐都 25 分鐘，係唔係預我碟野到，打開個口就掃落去當食完？追一下單，問佢你即炒野下下草埋至做，咁就應講明無 20 分鐘肯等唔好叫丫嘛，四眼佬即串話：‘我地點做野唔關你事、依家有得比你食就得啦’ ！ 好野呀！串得好呀，我來比錢食

👍🏻花膠鵝掌飯(送例湯) $88👍🏻百花炸釀蟹鉗 $28/隻第一次喺茶餐廳食到鵝掌花膠同炸蟹鉗，我諗香港可能得佢哋一間咁做🤔鵝掌好大隻，入味離骨，好香嘅八角味，芡汁鹹香適中掛汁花膠炆得腍身黏口，充滿骨膠原炸蟹鉗熱辣辣，外層脆薄，內裏飽滿彈牙拍得住酒樓質素，抵食有驚喜🤤-👍🏻升級燉湯 +$10推薦加$10轉是日燉湯！當日係五指毛桃燉雞，鮮甜足料大碗不過想飲就趁早嚟，店員話有時晚市七點幾已經賣晒-👍🏻麻辣雞扒一丁(包嘢飲) $52趕到尾班車530pm嗌下午茶餐，大大碟即叫即炒🔥麵質爽彈，炒得好有鑊氣又唔會太油膩，充滿花椒麻辣香雞扒皮脆，味道就正常發揮跟餐送熱飲，凍飲加$3，呢度熱鴛鴦沖得唔錯-👍🏻大小姐焗豬扒飯 $78招牌之作，豬扒鬆軟有肉香，厚切超級大塊，好誇張😳炒飯底粒粒分明，醬汁酸甜適中，加上芝士鹹香份量十足，細食啲兩個人share都夠-門面裝修好似Cafe咁，比起一般茶記光猛整潔，闊落好好坐以味道、份量、環境、地區嚟講，價錢算抵食款式多同有特色，尤其鵝掌飯，值得回訪👍🏻-片中其他菜式價錢參考🔸川味雞煲 $108🔸生炸雞髀伴薯條(包嘢飲) $42🔸特色豬扒包 $30🔸西多士 $35🔸

喺炮台山地鐵站出口對面，有好多嘅餐廳，方便午膳。平日1:00左右，有部份餐廳有需要排隊。黎到大小姐冰室附近，唔需要排隊就試一試。餐牌上面有十分多嘅選擇，唔同日子有唔同嘅午餐提供，有選擇困難症嘅人可能要諗耐少少見到個特餐有相片參考提供，多非常吸引，決定一試。呢個特餐包含一份丹麥多士、午餐肉、及煎蛋🍳。丹麥多士冇想像中咁趣脆，而且唔夠熱，所以普普通通。午餐肉同煎蛋就正常發揮。而喇沙湯底比想像中濃郁，有雞扒汁豬扒可以選擇。而且喇沙湯底仲有唔少配菜，包括雞蛋，豆腐卜及魚片等等。所以份量加埋都比較多。成個餐加埋嘢飲都係$60左右，都算抵食。

大小姐冰室地址: 北角英皇道165-175號公主大廈01及10-13號地舖電話: =====================香港生活圈子細，放工同假期都喜歡靜靜的簡單的，去了選購xmas 靡禮物（買了實用的小家電）再所去食dinner晚市有小炒食，入到去比想像中大間，坐位都好多一人餐點了餸，椒鹽肉排，豬扒切食方便食用大小，而細心放了些生菜絲在底，可以有爽脆口感，豬扒味道濃郁，下飯一流。包燉湯，個燉湯勁熱，喝時小心，足味又養生，紅棗檔蔘雞湯只是呢盅湯就值回價了$128 蒸荷葉飯，有龍躉或鱔，飯舖到滿滿的仲要有炒底，飯吸了荷葉香氣，龍躉厚切舖了蒜來蒸，配住家餸比酒樓相宜，餸都是大大碟，這個餐食3個人都卓卓有餘。比酒樓食飯平一截，又大大碟食得出有用心做，以客人為先做出發點！