大家食

营业中

休息中

見d人話又平又好味,就走去試試個麵o黎到,講真賣相麻麻(不過$10碗,唔通要佢雕埋花咩)d味道都唔錯喎,不過牛肉就少o左d同埋好碎,d麵好彈牙,正~

新店- 佐敦道30號地鋪, 上海街交界, 呢間有生滾粥食, 旺各個間無呀...

東坡肉幾好...其他野都幾正...唔錯,不過好肥下價錢平到笑~haha

之前已提供話會21/04 開張, 為何到現在還未add 呢??????

好味手攪麵, 又多噠地方食喇... 開係佐敦道和上海街交界, 今天返工時接到傳單.... 21/04 正式營業....

今日去試雲吞手攪麵($14)，d手攪麵真係幾正播! 是關我唔食得辣，所以冇試擔擔麵($10)囉! 值得去再食呵!

日期：2004.04.09時間：15:15 ~ 15:30食品：四川擔擔手攪麵價錢：$10（物超所值！）評語：特意到此區，「坤記」的招牌糕點售罄，「公和」滿坐，「維記」的招牌潤牛米亦因滿坐而吃不成。才步入此店。…，「驚喜」！點了一碗$10的擔擔湯底的手攪麵。麵條是現製，口感有點似彈牙烏冬，不俗。唔辣的擔擔湯底，適合唔食得辣的食客，足料味濃，正。若果再辣D重正。對住這碗「足夠一個女生作午餐」的麵，暗暗讚嘆「價廉物美」！老實講，這碗麵在這區可以應該作價為$15~$18。在旺區，更可以賣到$20~$25。吃罷，心裡戚戚然。註：客路頗草根。食店環境麻麻，只比露天大排檔好少少。衛生有待改善。是一間相當「大眾化」的食店。

尋晚收o左工，特登同男友去深水步食o野.見到呢間有好多人食o野，就試o下啦!!!間o野o既招牌手攪麵認真一流，而魚蛋都夠彈牙，可以一試!!!不過，我覺得o個度d服務極之麻麻.而衛生情況亦有待改善!!!

男朋友係電腦迷,每次去深水埗,大家食都係我地既第一選擇,又平又大碗,個人最鐘意食南瓜削麵,好好味,其次係豬潤麵,d豬潤又多又大塊,正呀,另外合和麵都啱我,清清地,而且d用料都好豐富,食完都幾飽架

見各位推介茄牛麵前晚便去試,真的很滿意，鮮茄極之鮮味，牛肉稍勒。離開時看到手攪麵的製造過程，原來麵是即叫即製的，新鮮的麵條是從一部手攪碎肉機(從前街市用)唧出來，馬上放進D 水內煮熟。

雖然$10一碗,但水準唔差,尤其係手攪麵,好彈牙!!刀削麵則無口感,值得推薦茄蛋牛手攪麵

路過看見"HK$10"擔擔麵，心想一試無壞，那知有意想不到驚喜，那麵的口感，我相信可比美"詠藜園"的麵，我在鑽石山長大，年少時經常該店吃"改良� � " - 當時很便宜！

以前淨係食麵之後試過魚蛋就多了一個選擇可惜冇得外賣返屋企煮另外推介油菜,最有人性既價錢($3).你去街市買斤都係差不多錢.何況d鋪頭都係成批買,更平.其他食店應該學習下.

去過深水土步呢間兩次旺角個間一次係深水土步個間試過四川担担麵同茄蛋牛担担麵四川担担麵味道一般,茄蛋牛手攪麵唔錯, d手攪麵麵真係好正, $10-1x 一碗,咁平邊度搵係旺角個間就係帶細佬去食, 我叫左個冬菇時菜南瓜麵$14, 細佬就食茄蛋牛肉手攪麵同豆漿$3 碟油菜咁扺梗係嗌返兩碟啦(生菜+腐乳通菜)~d冬菇好大塊又煮得夠入味,好!!可惜d 南瓜麵得d 色似南瓜, 食唔出有南瓜味, 口感亦唔及手攪麵~~埋單$3x 近$40,抵啦!!(不過旺角店貴過深水土步店$1-$2) 兩個人食得好飽~~細佬仲話冇介紹錯哩~~^^

刀削麵同埋手攪麵都幾好食, 好有咬口, 只係十幾蚊, 果個南瓜肉碎飯都唔差, 幾蚊碟菜, 老闆又好人, 係人都叫靘仔靘女, 去得過