大家樂 (已結業)

大家樂最鍾意食佢嘅焗豬扒飯，今次都唔例外去觀塘區試一試佢嘅焗豬扒飯的而且確水準非常好服務亦都很好，亦都很流暢。我嘅朋友嗌咗焗意粉喺呢一個價錢嚟講算係交到貨。環境都好乾淨啲姐姐都好有禮貌

由細到大去大家樂都食$48焗豬扒飯，今日都唔例外，朋友就叫左$70嘅牛鐵板燒。焗豬扒飯嘅豬扒好大件，淋食，厚度適中。配上番茄芝士菠蘿，好味！！！！❤️❤️牛扒真係有肉味😂😂唔會比腌料蓋住，而個脆皮湯係細個嘅回憶🥰，但唔知點解個湯有淡淡嘅椰汁味😂😂有少少奇怪，但佢都有白汁味😂😂裏面有啲紅蘿蔔粒粒，正常，冇咩特別。總結嚟講，性價比算高，但又唔會話食物特別好食，但我去嗰時冇咩人，唔會坐得好迫，坐得幾舒服😀

基本上我每星期都會食到大快樂，貪佢夠快，食物夠好味，款式又多，價錢大眾化。而上海排骨菜飯係我至愛，排骨揸到好鬆軟，菜飯亦唔油，加埋凍飲都係40幾蚊，比一般茶餐廳仲好。移動奶茶亦都好有茶味同奶味。佢嘅比例好明顯係一直都維持到，而冰又唔多，簡直係打工仔嘅好選擇。而呢一間大家樂嘅職員服務態度好好，就算幾多人都唔會黑面，我二清潔枱面嘅時間亦都好迅速，就算凡事亦都好快有得坐低同埋食飯。所以我成日都會呢啲一間。

粟米班塊@大家樂好啦..........因為有吸引力，先至去...我承認，係因為公司治太好，所以..........今次叫的是粟米班塊粟米汁是好味的.........班塊就炸得一般............但夠脆口的......最可惜，係飯!!!!!!!!!冇錯！係飯!!!!!冇飯味....硬到呢!!!!希望下次煮飯加多D水啦同埋同番D正常既米..........其實正常既白米，唔係貴好多架咋.........

近期食過大家樂早餐，感覺到他們食品的用心及美味，於是下午亦去試試大家樂的午餐。最近食野較油膩，所以嘗試選擇素食。估唔到大家樂的素食一樣有驚喜，睇落似高級西餐廳的出品，蔬果新鮮，茄醬小小辣釣下味，份量雖然唔多但飽肚，值得一試再試。

一條冷 冇同事陪食，就就近食敗家樂既 平lunch，加上之前有join 大記既會員，所以食幾餐有幾蚊 discount叫左個 “肉丸蒸水蛋“ 冇咩 expectation，$30蚊 仲想點，而且又有野飲Wor水蛋有d 淡，冇咩蛋味，肉丸當然係粉多過肉啦，出奇的有粒冬姑 算啦出外工作就係食呢d 野，唔太差就算啦

愁緊午飯時間人多擠迫既觀塘有咩好食，經過大家樂就入去諗住是但快食一餐。想食清D既原來都有選擇，就係依個節瓜湯飯餐，有個細細碗、熱辣辣既節瓜湯之外，仲可以選一個小菜，我就要左個蟲草蒸雞。兩樣野連埋飯同杯凍檸茶, 都只係$40，抵!節瓜湯味道較淡，配左幾粒咸蛋皇醉，勝左夠熱，有野濕下口。蟲草蒸雞配埋粉絲底，但可惜已經乾哂，即使有少少豉油汁但都無乜味。雞肉幾滑，份量都夠送哂碟飯。最好係無乜油，感覺幾健康。

這幾天腳步離唔開觀塘，才整理完得龍飯局的事情，便矇著眼來參與幾位專業人士的晨早講座。還好新工作坊下面有方便傾計的「100分」餐廳，要來杯熱啡題題神，味道還好不會太淡，聽著聽著也學到唔少冷知識，之後要繼續下一步工作了。 

觀塘大家樂最可取既地方，就係2pm已經有茶餐供應，0岩哂我地呢班草根$24細碗叉飯+熱檸蜜味道方面，點可以仲有要求呢? 叉燒得個甜字，無肉味。都唔緊要，個飯先係最大敗筆--碎濕濕、超鬆散總之，無豉油既地方，要食哂d白飯，係唔容易架豉油又係一絕，次次都要叫多豉油先可以撈起成碗飯有點味道，點解唔可以係出品標準定好豉油份量呢?點都好，$24/餐晏仔，食多幾餐都叫幫到荷包dd 既，多謝大家樂

話明觀塘區係無咩好吃的，唔想吃茶記，今天拉大隊去大家樂！2pm 過左少少，未轉好下午茶menu，大部份同事都等，我就太肚餓，見到仲有佢地賣晒廣告的招牌太極鴛鴦炒飯一於試下！雖然話圖片只供參考啫………你睇！吓？？？！鴛鴦汁炒埋一堆，汁上多左幾片"鮑片"？走晒樣囉！味道又不是太差的，有菜粒、雞粒、菇粒炒飯再加個汁，調味不俗，而且以我大食妹來說份量剛好，清晒！跟埋飲品才是$30，又真係幾抵。不過個個賣相就真係唔得囉！我知我知！圖片只供參考，不過真係唔好太誇張，落差太大，令食客大失所望!!

近來快餐界大事都離不開咖哩，繼老麥名震大中華的咖哩包後，大家樂向一眾快餐冒險家挑戰，推出「最強咖哩牛坑腩」！自稱最強，如此囂張？當然要會一會！首先要讚係牛腩有小小五件，其次是配菜有幾條，配菜以快餐集團算慷慨了。看起來，跟以前還不是差不多？有多強哦？吃下去，咖哩香料味失衝，略苦，比之前版本差，升級？最強？單價37，連綠茶，盛惠41大洋，真強！其實味道勉強還算可以，不過真係唔抵食，所以不OK。

快餐是現代都市飲食文化重要一環，以合理價格，方便快捷地提供質素還可的食物，是個人對快餐的良好願望，但在快餐食品馬虎化或者莫明奇妙的高價化下，當連一點都不快的打邊爐也可以吃到，快餐店還真不知道算不算是快餐店。近年，大家樂出品越來越誇，尤幸，一些經典飯款仍然被看重，而且售價合理。眾多飯款中，除了免牛飯，個人最愛就是粟米肉粒飯，之前因為某些店出品內容稀少，此飯甚至被戲稱為栗米六粒飯，但以這碟看來，總算重振雄風。沒有骨，份量足，可以快速食用，味道不壞，正是粟米肉粒飯最大魅力，此客肉粒不少，當然肉質是不能指望，栗米汁足夠，而且味尚算濃，汁味甜而質感略厚，相當容易入口，跟熱辣辣的飯同吃，可以快速吃完，不算很美味，卻是能表現快餐意義的一碟飯。