大家樂 (荃新天地)

营业中

休息中

快餐店我一向都唔係太喜歡！事關食物都一式一樣！但很喜歡大家樂這款下午茶！細叉燒飯加燒雞翼，仲有飲品，三十蚊吾使，好抵食叉燒熱辣辣，很軟 雞翼肉很嫩滑，很香口！而且仲幾大隻添🤗🤗配凍奶茶就最啱啦

今日早食飯所以好快就肚餓，所以同家人到了大家樂食下午茶。一人叫一個下午茶餐，叫左一個燒雞翼配西多士再加7蚊要多一個雪菜肉絲米飲熱檸水。另一個餐要公司三文治全份免費升級即磨咖啡。燒雞翼肉質正常啦，都唔算好蜜糖唔會太甜。西多士唔會太炸，加埋糖漿牛油都ok既。唔會太過燶。檸檬水正常野。公司三文治全份麵包有少少燶，漿汁都岩岩好，蛋，火腿都夠份量。即磨咖啡都算幾香口，唔會太奶味，咖啡味都算夠味道，有泡沫在上面。

早上約左客在青衣，準備在楊屋道坐車去，順理成章在附近吃早餐，但竟然到處都是人，好悲傷。即管入荃新天地看看，竟然大家樂未滿員，哈哈。這大家樂的位置好奇特，就在扶手電梯下的空位，一入去就見到，真的善用空間。這店也新增了自助售票機，不知是否全線有呢，挺方便的。今天選吃牛尾湯扭紋粉配牛扒，薄薄的牛扒沒有筋，軟軟的，口感不錯。牛尾湯扭紋粉牛湯味頗濃。整片牛油放入預先切開的面包，大小剛好。最後少不了香滑奶茶。吃到中途人已經多起來，都在等位，弄的我想嘆下杯奶茶都唔好意思

本人已有幾個月沒有光顧大家樂，她們很多分店都重新裝修，環境光鮮感覺比以往來的舒服，加上新增設的自動售賣機，感受完全不一樣，且排隊人龍再也不似往日那麼長！至於食物方面，今次我們點了最熟悉的一哥焗豬扒飯及咖哩牛腩飯，歷年來都是信心之選！豬扒餐配了汽水、熱飲或餐湯，而牛腩飯餐更可配以特飲，包括本人喜愛的紅豆冰，以不到港幣50元及60元來說算是性價比高的晚餐，而此次再來感覺大家樂味道有進步，不像其他連鎖店有水準下降的問題，因此必須讚揚！

今日去到大家樂下午茶，發現又有推出新嘅系列產品：越南河粉。其實我對越南河粉好有好感，佢哋嘅河粉同中式河粉不同，中式河粉容易斷開，爛，越南河粉就爽㚒滑👍🏻🔸越南扎肉雞絲河粉+雞翼+熱飲$37河粉絕對無問題，可以做到爽夾滑👌🏻湯底也不咸不油、扎肉有2片。不過雞絲方面就有啲失望喇正宗越南雞絲系用醃咸咗嘅白切雞拆絲做成的，但呢碗雞絲系用炸過嘅雞肉連皮拆絲俾你，不正宗😥希望下次再推出越南產品能正宗一d啦😬

適逢星期日去親街食飯周圍都人多, 呢日同朋友係citywalk行咗一段時間, 大部分餐廳都要等, 唔想食麵又好肚餓嘅我地決定是但食, 見個menu都ok, 應該揀到野, 而且唔洗等位, 於是第一次係呢間大家樂食~我叫咗個東南亞style ge燒春雞椰槳飯, d飯真係好有椰味! 隻雞又大大隻~ 忍唔住去問職員拎膠手套方便d食haha~ 杯青檸凍飲都好好味, 夠曬檸檬! 就感睇相都唔覺得食緊大家樂呢朋友個餐係牛腩煲, 有埋菜, 熱辣辣都幾好食!其實已經N年都無幫襯過大家樂, 因為實在太多好食抵食又方便ge餐廳~ 估唔到而家ge大家樂食物質素提昇咗呢!

邊爐控又出動，今次係大家樂嘅穀飼牛鍋！第一次來到荃新天地嘅大家樂，同米線陣都係Open area🤔我地無嘢做，5點半左右已經到，場內特別多工人姐姐，應該係星期日關係！同時間尚早，仲有唔少人排隊買下午茶。位唔算多，都搵到靚位等夠鐘。。。寫明5點半開始火鍋，近6點未有（人地吉記準時6點開始），等等等多幾分鐘，火鍋menu終於show出來！肚仔唔特別餓，唔使食大份嘅特盛版，揀左美國穀飼牛鍋，即一份牛！而朋友仔就揀左雙份牛！配個六寶盒，其實係每樣一粒丸同腸仔嗰啲，仲配蔬菜同米線，可惜轉烏冬要加錢.... 唔包飲品，另加$14兩杯檸樂！有幾款湯底揀，揀左個麻辣湯底！🥘人越來越多，開爐嘅姐姐都唔得閒理我哋！湯底唔算惹味，得陣辣味，加醬汁先啱口味！火煱料份量係足夠嘅，而肥牛係咪美國來我就食唔出，肥就預咗，以快餐店質素黎講都算唔差，但朋友仔果份牛一餅野咁，應該係未夠時間解凍！評價係還可以，賣相同menu相符，價錢合價，但唔會有散碟叫嘅質素

夜晚肚子餓，快入秋，天氣涼就會諗起經濟實惠快餐店打一人邊爐。叫左個68蚊嘅美國肥牛鍋，加埋飲品74蚊。話明快餐，但足足等左25分鐘先等到個餐黎，已經好肚餓，當然想即碌d肥牛食住先！點知d肥牛好似啱啱係冰格拎出黎，完全未溶雪，食到最後都仲溶唔到雪，結果成盒牛倒哂去煲肥牛好鞋口。另一個敗北係米線，碌左幾分鐘就林哂，點碌都係太過林，唔怪得個個加錢轉烏冬。炸魚皮，un架一d都唔脆，好似放左好耐梳哂氣咁。份糧對女士來話係飽肚嘅，但質素就每年愈下，價錢就每年加價。

好一段時間沒有來這間大家樂用餐，沒想到已經翻新了座位，而且見到方便打邊爐人士用的補給站~~~有配料，醬油和湯，而我較幸運係自己找了近補給站的位置開餐，感覺好方便~~~一開始我點咗一大堆食物，在二人位等遲到的好友，坐我對面還有用用餐，服務員姨姨想幫手開火，但我表示要遲點~~~呢個打邊爐餐＄76本身有以下食物，話多唔多，話少唔少，不過份牛又真係肥咗d😂😂等了好一會鄰枱一家三口離開（對方都是打邊爐），我就開始搬枱，始終二人打邊爐真係估好大空間在我搬緊位時旁人們見証我狼狽的樣子（明明想順便幫服務員姨姨執枱，點知執執吓跌筷子( ￣▽￣)σ）我在搬位後才主動說未拎加錢配的飲品和小食~~~兩杯凍檸樂大大杯，我一個人一杯都飲唔晒~~~魚滑冇配件去削，我就拎牙簽去削~~~服務員姨姨點好火不久好友才來到，大家邊食邊閒談工作的事，當日我因為忙於幫同組的同事工作而遲了1.5小時下班，人人話星期五係happy friday，但我近期就Friday is OT day~~~整個晚餐時間感覺簡單又開心，食物雖然不是頂級，但至少能滿足我喜歡去「滾」的願望

周圍都搵唔到嘢食諗住頹頹地食餐大家樂叫做醫下肚就算，點知而家越做越差一哥焗豬扒飯估唔到真點知寶啲質素都咁參差，塊豬扒細過手掌，舊骨又佔咗一大部分，實在令人失望。咖喱吉列豬扒飯係得呢個飯叫做令人稍為滿意，但自此我都對大家樂改觀

今天早上去了楊屋道街市買餸，順道去荃新天地一期大家樂吃個豐富早餐。聽聞是重新裝修的，感覺很光猛，檯椅位置比之前密集了一些，並且留意到收銀部，增添了2部自助點餐機，操作非常簡單，付款只收八達通，比起排隊真的方便很多，剛好有很多人排隊點餐，催使我嘗試一下。最後說番我吃的早餐，蜜糖雞扒，好有蜜糖味，炒滑蛋，出其地好吃，不會太滑，變了水流流，有點質感。迷你厚多士，還有熱咖啡，奇怪在是紙杯上，不是太環保。總結，食物環境服務大致都不錯，加上附近沒有大型快餐店可選擇，以後也可以多多來光顧的。

大前日(1-1-2018 Mon)朝,同老公去睇戲前食早餐,由於有兩張大家樂早市$3.00o既優惠劵,所以就諗大家樂喇,呢邊附近有冇大家樂呢?上網search,有呀,我o地唔記得呢間添,於是我o地行o黎,行到o黎,我睇見有銀針粉早餐,於是就揀o左$33.00o既A2餐,要熱奶茶.老公就要$30.50o既是日靚粥+家鄉鹹肉糉,加熱奶茶要加$3.00.老公買到o黎,我個餐只有蜜糖雞扒,牛油厚多士同熱奶茶,變o左咁o既?我睇睇影o左o既餐牌, 銀針粉呢?唔見o左.老公就成個餐拎出去問,佢o地話要加$8.00.咩事?佢o地俾漏o左重要我o地加$8.00?咩世界?我老公去同收銀講,收銀話佢賣o左$31.00o既蜜糖雞扒早餐,佢o衣o家改唔到單.其實我老公買o野時已經再大聲同我re-confirm係咪A2餐,佢亦同收銀講A2,佢都可以入錯單,因為被兩張優惠劵嚇親.好,算,我趕時間,否則佢唔話得事,就搵經理囉.但由於我須要水,老公出去攞時就順便同經理講,佢就送碗銀針粉俾我o地,我話俾返$2.00佢o地,但佢o地唔會要.講返o野食, 熱奶茶茶味淡o左,蜜糖雞扒好夠味,煎蛋正常冇問題,厚多士烘得o岩o岩

跟朋友行街，想食邊爐，但去任食又太多，總有間係左近既大快系列係口痕友既選擇。去到排隊，見到有個阿婆插隊拎住錢問個收銀姐姐有無咖哩飯賣，收銀姐姐語氣不太好講咗句：「都話無阿。」唔知個阿婆係咪日日問，但當時打咗個突，之後收銀姐姐臉色就一直不太好。之後，又俾錯咗火鍋。雖然我知人真係太多，但真係需要注意下，或請多個人好波。牛豚火鍋＄59醬料得鼓油，自己去醬料吧拎，可幸選擇算多而且充足。牛肉5塊左右，不過不失，淺嘗足夠。豚肉比較鞋口，不算多，帶少許肉香。沙嗲湯底，無咩香味，底料有白菜腐皮，店員會過來加湯。菜盤，鳥冬，栗米算甜，其他不過不失，沒新奇的東西，但已經足夠。凍檸檬薑可樂＄11/2薑味不算辣，加上可樂意外的配，而且感覺比較健康。一個人食足夠飽，價錢也不算貴還可以慢慢食，算不錯。不過後尾去箱拎多個碗， 點知隻隻都有污垢更誇張仲有米粒，實在拎唔落，如果有下次，我會選人少或去另一間。

今晚7:30去左荃灣荃新天地大家樂買左個窩蛋免治牛肉飯,點知返到屋企打開先知盒料得隻窩蛋同D茄汁,大佬呀,咁米即刻茄汁窩蛋飯?D牛肉呢?牛肉貴你就加價賣貴D囉,加左價你地D對就減左,真系激到頭都暈,聽日實去消委會投訴,如果頭先我系堂食實會報警搞大佢,等系人都知你地衰成咁!

今天母親節，所有食肆都人山人海，大排長龍。我們一家在上周已提早慶祝，今天簡簡單單去大家樂食晚餐。晚餐的食物比較heavy, 趁還是茶餐時間，我點了一茶餐，叫三重腿多脆腸粉麵餐。厚多士面材料豐富，有蕃茄、青椒、粟米、火腿和芝士粉，質地很脆，似吃薄餅般美味。脆皮腸很大條，但質感有點粗糙。雪菜肉絲米粉質地較粗，湯有點油，味道較咸。但$29有米粉多士和熱飲，的確很抵呢！