大家樂 (荃新天地)

营业中

休息中

雖然已經在荃灣活躍了一段時間了，但除了荃灣巿中心之外，我對西鐵站週邊的地方一概並不熟悉。　　適逢其會，來到這裏附近亂逛，想找個吃的地方，也許是週末的關係吧，人多得不得了，而且附近的餐廳門外都是大排長龍的，我不想等，快餐店該是最佳選擇吧，便選了大家樂。　　下午茶時間的田園熱狗是大家樂的鎮店之寶，一直是我心頭愛。要是下午茶時間到大家樂，我一定不會錯過，所以毫不猶豫就點了。　　取餐夠快，可是位子卻不易找，好不容易才找到。熱狗有點小，我最欣賞的是它的醬汁，帶點芥茉的辣味，而且蕃茄和青瓜夠清新，可以中和肉腸的肉味，加上包帶點微甜，口感實在不俗。　　熱奶茶不在話下，大家樂的熱奶茶是連鎖快餐店的熱奶茶中最好喝的。　　可惜是人太多，用餐時有人在身後等，我也不好意思坐太久，所以吃罷便匆匆起身離去了。

都好一陣子沒有上快餐店了，今天因為惡劣天氣關係，沒有在荃灣四處覓食，簡單的去了久違的大家樂吃晚餐。一直都覺得大家樂在三間主要快餐店，美心ＭＸ和大快活當中食物質素較穩定，尤其焗豬扒飯永沒失準。自從去年年尾吃鐵板患上腸胃炎一星期後，對鐵板餐都是可免則免，今天看完餐牌後，唯一吸引到我的就是牛扒鐵板餐，相隔四個月終於再嘗鐵板！我和baka都選了紐西蘭西冷牛扒配黑椒汁，跟特色腸和意粉，附送牛油扭紋餐包和跟餐熱飲（＄４９）。在鐵板上淋上黑椒汁後，我們都先吃餐包，我習慣只吃半份牛油，剩下的就會交給喜愛牛油的baka，將牛油扭紋塗在餐包中間，餐包質感厚實，微溫，意外地不錯（雖然就如baka所說，餐包很難弄得難吃～）。然後是主菜：紐西蘭西冷牛扒配黑椒汁，跟特色腸和意粉。牛扒口感有點硬，味道不太特別，而特色腸方面都是普通貨色，配菜有車厘茄和椰菜，另外意粉方面比想像中好，至少不是一團煮得太軟腍的意粉。整體上質素一般，不好吃不難吃，經濟之餘非常飽肚，不過下次還是選質素有保證的焗豬扒飯好了。

無論何時何地，傻仔敏生活中總不會決少的一間食店，一定會有大家樂這個名字，陪伴了不少時光。縱然食物質素間中出現不穩，但平靚正，始終差不到不遠。豬頭人點了一各咖哩牛魔王，我問牛魔王即係咩，豬頭人答「應該係因為牛腩太貴，所以搭牛的其他部份...改過好d既名啫」明白了，薯仔粉粉的，很好吃，但只得一舊。牛肉夠淰，無咩牛味，主要係食咖哩味，這兒的咖哩水準算是數間連鎖快餐中最好的，每次的清碟。醇香酥排甜甜的，很香口，近骨位置，有少少根連住，更加好味。排骨夠鬆，仍有肉汁，有d估唔到的好味。鹵蛋正常。香辣土豆絲爽口，很不錯的配菜。上海醃篤鮮: 內有鹹肉、冬筍、百頁結及菜，個湯好咸，飲唔到，鹹肉同菜都幾好味。高湯菜飯: 菜唔夠多，少少咸，味道算唔錯，而且是傻仔敏個人喜愛的軟飯~~ 

趕時間之時，幫襯快餐店，亦是不錯的選擇。這裡的大家樂亦是經常來光顧，感覺水準或有飄忽，勝在快。今早又來了，再次選擇了( 北海道牛乳炒蛋配南冰魚柳 )南冰魚柳跟廣告照，明顯是較薄身，口感亦稍遜，外層炸粉香口微軟脆，魚柳味道一般。北海道牛乳炒滑蛋，都幾香滑。烘多士夠脆口，凍奶茶都OK。

好耐都無做大家樂食評..找不到地方食飯,又唔想煮的最好選擇....凍檸茶:茶味薄弱.檸亦不足.只屬一般咖哩雞飯:咖哩濃度足.雞塊亦大大件,肉嫩..唯獨上枱時只是微暖,比較失色,而且味道也沒有辣味...一人40多元食晚飯,不錯的選擇.....時常來就不會,

2010年2月13日 ( 1 ) 荃灣 ( 大家樂2 = 2 ) 盤菜晚餐 ( 農曆年三十 )農曆年三十，正是牛年最後一天，每年這天，總是忙到不得了，忙着是去舊迎新的家務，要孩子幫忙，拖吓拖吓，總是有手尾，靠不著，最後，也是靠我倆的努力、努力，作出最後衝刺，黃昏，總算做妥。今年我們已經提早幾天在家中團年了，今晚是大除夕，孩子們有節目，而各自各精彩蒲走了。今晚親友訂了(大家樂)盤菜團年，他的孩子亦有節目而不在家吃飯，怕吃不完，邀約我們同聚，有得吃，當然，我倆也義不容辭老實不客氣了。他訂的盤菜名稱為 ( 上海全家福暖鍋 ) 優惠價 398元盤菜料：有紅燒元蹄、蔥花爆蝦、海參、瑤柱、金元寶蛋餃、獅子頭、鹹肉、魚肚、腐皮卷、花菇、蘿蔔、娃娃菜、百葉結、小棠菜及上海年糕共十五種。重量共7.5磅盤菜品評如下：紅燒元蹄：這個元蹄頗大，佔盤菜位置也不少，瘦肉略嚡，但好入味又腍甜，皮香滑而不膩；蔥花爆蝦：用盒裝另上，蔥香味美，蝦肉爽口好吃；年糕：是上海白色年糕，也是跟蝦一起裝在盒內，口感煙韌不錯； 海參：沒有海參澀味 ， 相當腍滑有咬口；瑤柱：是散裝瑤柱碎，嚼來煙韌，瑤柱也對味；金元寶蛋餃：其實是蛋

去親大家樂，我首選係一哥豬扒飯，不同的大家樂，食一哥都唔同，配料多少都不同，味道一定穩定，唔會失望，尼度就菠蘿多，都幾好，對身體好。本身已經貴，如果大家樂可以送飲品就好。

去親大家樂，我首選係一哥豬扒飯，不同的大家樂，食一哥都唔同，配料多少都不同，味道一定穩定，唔會失望，尼度就菠蘿多，都幾好，對身體好。本身已經貴，如果大家樂可以送飲品就好。

2010年1月13日 ( 2 ) 雞公嶺行山後 ( 大家樂 ) 下午茶天氣比預告的好，陽光普照，行山也很順利，下午17時已經回到荃灣了，還好趕及到大家樂的下午茶，要了脆皮炭燒豬扒包及熱好立克。炭燒豬扒包：賣相不靚，包身微熱，咬落皮脆，豬扒配合洋蔥，味道也可以，但豬扒有部分筋肉相連，咬不開，豬扒己經細件，餘1/3卻變了廢物。熱好立克：沖得唔夠技術，好立克粉在上面浮浮吓，下面還有很多一舊舊未溶開，但料足味濃。

我在8月8日星期六下2:30左右買了二個下午茶餐,一個是牛腩湯麵加菜另一個是豬手湯麵,味道:麵有強烈鹼水味,本人但怕.牛腩零星數粒不在話,咬口太硬.而且份量真是令人驚訝,一個24元正的下午茶餐很像給小童餐份量. 我建議大家買茶餐時都是看一看其他人多食什麼才去買...............

行左好耐都唔知食乜好....最後我提議去食大家樂!!! 因為好耐冇食過....男朋友叫左個爵士牛扒鐵板餐我就豐富喇....叫左個$51既...濃湯走地雞蝦丸 + 宮廷醬烤骨....一打開蓋有半隻雞架....仲有四粒蝦丸......隻雞一定係鞋啦.....個湯冇乜味....但都OK啦!!D蝦丸就有少少雪味!!最正就係個宮廷醬烤骨, D汁好好味!!撈返食一流, 連男朋友都要爭住D汁送飯

今日雖然返學既時間唔算早，但好遲先放學。所以早起身去享受個早餐。呢間大記始終唔係位於市中心，所以人係比較少。當然就會靜啦。鮮油餐包唔知點解個餐包係唔熱既，不過配上鮮油，我覺得好似食緊舊唔熱既菠蘿包。如果個餐包烘一烘，一定會好好食架。炒蛋今次好新鮮啊，好夠熱，蛋又好滑。而且個炒蛋比較大份，不過最好食既炒蛋都係澳洲牛奶。鮮奶麥皮呢麥皮有會落牛奶，但有會落鮮奶。呢間就加左煉奶既，唔係唔好食既。不過我都係鍾意無添加既麥皮配上白糖，咁先至好食架。凍奶茶無乜會失手既飲品，朝早飲番杯，人都醒。呢間大家樂真係好靜，不過享受早餐都係要間靜既好。

陪媽咪睇完醫生,行左一陣荃新天地,唸黎唸去都係想試下大家樂賣得好行既 咖喱乳飼牛坑腩 . 其實我同媽咪都唔係好餓.4點先食過下午茶,9點都末係點餓.但係睇佢廣告d牛坑腩粒粒都勁雪花,無知既我決定一定要試!!! 咖喱乳飼牛坑腩$30 加 $1配油酥餅 加 $5配熱飲. 個咖喱乳飼牛坑腩份量幾細.個飯反而幾大碗.仲有2粒車里茄,豆,同baby栗米.油酥餅太厚身,唔酥.個咖喱汁太watery...唔係我杯'咖喱'囉.不過都算濃,幾辣.除左2pc薯仔,牛坑腩大約都有5-6小小小粒. 有d似碎尾 Anyway.牛坑腩其實有腩有tender. tender好'淋',有膠質. 就算d腩都幾'淋'. 雖然食唔出佢marbling,但肉質幾tender. 後來睇單先知佢所謂既牛坑腩 係Beef Brisket. Brisket通常要經過長時間燜煮焗先會'淋'. 相信大家樂煲咖喱牛坑腩都煮左好耐.

今日放左學去食下午茶，要左個叉賴同紅豆冰。我去俾錢個陣，唔知點解個收銀將紅豆冰打左乳酸冰，好彩佢記得改番紅豆冰。之後行過去水吧，燒味師傅話賴粉停，個水吧又話紅豆冰停。時間剛剛好，如果唔係就食唔到其中一樣野啦。碗叉賴D叉燒肥瘦適中，賴粉都算幾爽口啦。杯紅豆冰好正，飲都最尾都有奶味。好彩去到差唔多五點，唔係既話咁多野sold out就唔使做生意啦。如果有個客之後叫番我上述既野食，又無賴粉又無紅豆冰。唔知佢會呢間大家樂有咩想法呢。算啦，總算賺到一餐幾好既下午茶啦。

小時候就很愛大家樂的鐵板餐，貪佢大件又抵食，不過現今生活指數高左，餐廳份量亦都大大大縮水。同朋友叫左2份鐵板餐，塊扒細得可憐之餘好難食，四十幾蚊五十蚊一個餐，不如比貴d食好少少仲好。好在有甜品香蕉船都幾好味...都算係收貨啦