大家樂

营业中

休息中

跟朋友行街，想食边炉，但去任食又太多，总有间系左近既大快系列系口痕友既选择。去到排队，见到有个阿婆插队拎住钱问个收银姐姐有无咖哩饭卖，收银姐姐语气不太好讲咗句：「都话无阿。」唔知个阿婆系咪日日问，但当时打咗个突，之后收银姐姐脸色就一直不太好。之后，又俾错咗火锅。虽然我知人真系太多，但真系需要注意下，或请多个人好波。牛豚火锅＄59酱料得鼓油，自己去酱料吧拎，可幸选择算多而且充足。牛肉5块左右，不过不失，浅尝足够。豚肉比较鞋口，不算多，带少许肉香。沙嗲汤底，无咩香味，底料有白菜腐皮，店员会过来加汤。菜盘，鸟冬，栗米算甜，其他不过不失，没新奇的东西，但已经足够。冻柠檬姜可乐＄11/2姜味不算辣，加上可乐意外的配，而且感觉比较健康。一个人食足够饱，价钱也不算贵还可以慢慢食，算不错。不过后尾去箱拎多个碗， 点知只只都有污垢更夸张仲有米粒，实在拎唔落，如果有下次，我会选人少或去另一间。