大宅

营业中

休息中

唔係睇openrice見到好評都唔知Mira group有間問月酒店係銅鑼灣 仲有中菜食🤭頭盤：椒鹽溏心鮑魚角 + 脆銀魚乾 + 琥珀核桃第一次食椒鹽鮑魚，好有驚喜，開左一半黎炸都好大隻，唔會好厚粉，真心外脆內軟，溏心鮑魚軟糯又彈牙；銀魚仔鹹香脆口；琥珀核桃甜甜地同好鬆化，成個組合由鹹到甜、脆到煙韌，好滿意嘅頭盤花膠海參魚茸羹花膠食落有質感，海參爽口冇腥味，魚茸羹濃郁得嚟唔會漿住個口，好足料蟹黃銀針燴玉帶金黃色嘅蟹黃勁鮮香，銀針應該係素翅同芽菜黎，增加左口感亦中和返蟹黃嘅濃郁。主角玉帶 (帶子)超厚身，煎得啱啱好，外面少少焦香，裡面嫩滑鮮甜20年古月龍山花雕蛋蒸虎蝦球呢個一上枱已經聞到陣陣陳年花雕嘅醇香，蒸蛋滑溜，完全吸收晒花雕同蝦嘅精華。虎蝦球size勁大，肉質真心好爽同彈牙，好新鮮拔絲咕嚕肉咕嚕肉炸到外脆內軟，酸甜汁調得恰到好處，開胃醒神。重點係外面嗰層拔絲 脆卜卜又甜甜地，特別想講加左兩件油炸鬼吸左酸甜汁出奇地夾香煎一夜鮮馬友魚有驚喜既一道菜，魚皮煎到金黃色，好似薯片咁脆！魚肉就保持到嫩滑，油脂豐富，連平時唔係太鐘意食魚既我都覺得好味蝦子花膠濃雞湯拌手工拉麵湯底係好濃嘅雞湯，加入

Dinner set $688/位椒鹽溏心鮑魚角.脆銀魚乾.琥珀核桃前菜非常豐富一嚟已經有椒鹽糖心嘅鮑魚，鮑魚非常鮮甜並且新鮮。咬落去口感好腍同埋糖心做得非常之好，低溫烹調嘅火候令到鮑魚內部呈現半液態嘅狀態。銀魚乾亦都係用咗椒鹽調味食落去非常惹味同埋開胃。琥珀合桃晶瑩剔透，色澤睇上去，好似琥珀寶石，糖衣甜而不膩。花膠海參魚茸羹餐廳每一日都會去選購當日新鮮嘅魚類去熬呢一個魚羹。飲落去魚羹真係有魚肉剁碎淆底出嚟，滑嫩度掌握得非常好。配料方面花膠同埋海參都選品得非常之好，成碗湯非常之有鮮味。蟹黃銀針燴玉帶帶子非常大嚿，而且煎過之後非常香脆。蟹黃嘅湯底有埋蟹肉，所以食落去除咗有鮮味之餘仲有口感。20年古月龍山花雕蛋蒸虎蝦球由國宴級別嘅中國黃酒調味嘅蒸蛋味道馥郁芬芳，發酵之後嘅糯米味道帶出虎蝦球嘅鮮味。蒸蛋有過濾過蛋液，所以食落去非常滑嫩。拔絲咕嚕肉材料方面有拔絲豬肉、菠蘿、蝦球。每一個材料都係外脆內軟，酸甜嘅口味配搭非常開胃。香煎一夜鮮馬友魚一夜先嘅做法非常有效咁樣將魚嘅鮮味保留喺魚肉裏面。鹽水浸泡再經過過一晚嘅風乾令到魚肉更加紮實。甜豉油嘅配搭辟走魚嘅腥味，並且再加多一層風味。麻油魚嘅外皮煎

椒鹽溏心鮑魚角.脆銀魚乾.琥珀核桃個魚乾同核桃勁香口咬落去好脆，好好味。鮑魚椒鹽做法食落去好嫩滑好有驚喜。花膠海參魚茸羹我羹好香魚湯味，食得出師傅嘅心機，入面嘅配料都好矜貴有花膠同埋海參勁滋補。蟹黃銀針燴玉帶個帶子勁大隻同埋係刺身級，外層煎到好香入面亦都保留到好嫩滑，火候掌握得好好。20年古月龍山花雕蛋蒸虎蝦球虎蝦球勁大隻，咬落去超級彈牙同埋勁重蝦味，下面個蛋白配埋花雕一齊食層次勁豐富。拔絲咕嚕肉個咕嚕汁做得幾好，入面有油炸鬼炸得勁脆幾特別，個咕嚕肉外層個粉厚度啱啱好，配埋入面個肉好嫩滑好好味。香煎一夜鮮馬友魚馬友魚啲魚肉勁滑，師傅煎得啱啱好，個魚皮煎得勁香同勁脆，係我食過最好食嘅魚皮。蝦子花膠濃雞湯. 拌菜苗.手工拉麵手工拉麵勁滑同埋咬落去好有口感，個雞湯真係值得一讚，飲得出係用咗好多雞嚟熬製。芋茸燉鮮奶燉鮮奶勁滑甜度剛剛好，配埋芋茸一齊食口感勁有層次。

同媽咪又去食高質中菜，今次餐廳有全日套餐黄金豆腐豆腐炸到金黃色，脆皮薄薄，帶有椒鹽味，再加上豆腐嫩滑 蟹籽燒賣豬肉餡紮實juicy，面頭鋪滿蟹籽，一啖咬落去鮮甜又惹味！ 野菌皇餃皮薄透亮，入面包住滿滿嘅野菌，香氣撲鼻，咬落去菇味濃郁，口感豐富，健康又好味！ 瑤柱魚肉湯羹湯底鮮甜濃郁，瑤柱絲同魚肉份量十足，羹身滑溜，飲落暖胃又滿足啖啖魚肉又有海蔘花膠！ 🦀 蟹黃銀針玉帶** 蟹黃濃郁creamy，帶子鮮甜厚肉，素翅爽滑，撈埋一齊食鮮味爆燈🥩 文火和牛和牛肉質軟嫩到入口即化，文火慢煮鎖住肉汁，牛味香濃，加埋醬汁更加提升鮮味，高級享受！ 🍍 鬼馬咕噜肉外皮炸到脆卜卜，豬肉嫩滑唔柴，酸甜醬汁開胃醒神，加埋菠蘿同油炸鬼一齊食，仲帶有拉絲感🌱 酒釀炒玉苗菜苗嫩綠爽脆，酒釀帶出淡淡甜香，簡單但好有風味🍚 薑粒蛋白雲腿炒飯飯粒炒到乾身分明，薑粒香辣提味，蛋白滑嫩，雲腿鹹香，加埋青豆增加口感🍨 芝麻雪糕造型十分有中國風，石獅子帶出芝麻味香濃到爆，雪糕口感綿密滑溜，甜度啱啱好，食完仲有陣陣芝麻餘香，正到痺！

Dinner at Daai Zaak! This is a very nice restaurant located om 3rd floor of mira moon Hotel! We had the dinner set as shown in chinese below! We first got our osmantheous rice tea, which tested unique, but very nice! We started with the opening set, including abalone, nuts and crispy fish! These are a nice start to the dinner, with an amazingly crispy and cooked abalone! We then moved on to the next dish which is the fish maw and sea cucumber soup! both the soup and the meat was fresh, not bland

剛剛去完旅行返港，想好好享受一頓精緻好味的晚餐，上網看到裝修同食評都唔錯，昨晚便訂枱。大堂用大燈籠做裝修和那兩張紅梳化，有酒店大宅嘅氣派。豉椒糖心鮑魚角.脆銀魚乾.琥珀合桃鮑魚炆得夠腍，而粉漿又做到好薄酥香；合桃上黏上薄薄的蜜糖，入口鬆化可口。花膠海參魚蓉羹魚蓉羹用料足，放入不少的花膠同海參，湯底原來用新鮮魚做 ，怪不得那樣鮮味，加入木耳絲，整個湯飲起嚟就好爽口。蟹黃銀針燴玉帶用蟹黃去餵魚翅，延續口腔嘅鮮味，帶子外皮略煎，內肉亦都彈牙唔韌。20年古月龍山花雕蛋蒸虎蝦球20年古月龍山花雕芬芳撲鼻，記得食之前先用鼻哥享受一番先。另外，個蛋亦蒸得好滑，成個菜式好配合，勁好味。拔絲咕嚕肉咕嚕肉個脆漿同樣較得好薄，個汁酸酸甜甜恰到好處，加埋脆口嘅油炸鬼同爽甜嘅馬蹄，增加味覺嘅層次感。香煎一夜鮮馬友魚一夜鮮味濃，皮煎得完整同脆口，滲出嘅魚油加上甜豉油同蔥絲，已經好好味。蝦子花膠濃雞湯. 拌菜苗.手工拉麵蝦子配雞湯，鮮味之上加上鮮味。厚肉嘅花膠，好黏口。桂花糕桂花糕清涼冰凍，完美嘅句號。

最近經過灣仔望月酒店，發現原來之前的東南亞餐廳，已改為高級中菜，最近病了傷元氣，都要補補身，於是約朋友去吃。餐廳環境寬敞舒適，有充足的空間，而且食客不會太密集，不會感到擁擠或嘈雜，每道菜的上菜節奏恰到好處，服務專業貼心，讓人更能放鬆享受美食。金磚豆腐·金沙白飯魚 豆腐外層炸過微脆，內裡細滑綿密，白飯魚炸得金黃酥脆，金沙即鹹蛋黃裹在魚身上，鹹香中帶點沙沙的質感，口味濃郁卻不膩。 大宅佛跳牆 湯底濃厚醇香，啖啖滋補，而最驚喜的是勁多料，有瑤柱、魚翅、嫩滑彈牙的花膠、鮑魚、羊肚菌和冬菇，非常滿足而實在，這應該是餐廳的代表作。 蟹黃銀針燴玉帶 銀針應該是魚翅來，混入蟹黃的湯汁，味道香濃，玉帶是特大的瑤柱，煎香過甘甜細膩，鮮香誘人。 20年古月龍山花雕蛋蒸虎蝦球 虎蝦球大大件口感彈牙，花雕蛋口感滑溜，酒香突出，果然是20年古月龍山花雕，味道細膩而不過重。 拔絲咕嚕肉 外層裹著拉絲的醬汁，甜度恰到好處，肉塊炸得外酥內嫩，咬開後酸甜的醬汁瞬間融入口中，特別的是它配上菠蘿三色椒外，還有酸蕎頭及油炸鬼，有心思。 香煎一夜鮮麒麟魚·碼頭魚 讓我想起omakase吃到的立鱗燒，麒麟魚新鮮滑嫩，魚香濃郁，帶焦

作為一個鍾意食又鍾意靚嘢嘅港女，我對中菜一向有份特別情意結。近年多咗好多fusion或者新派中菜，但要搵一間可以將傳統功夫菜以精緻形式呈現，又保留舊時味道同格調嘅地方，其實唔多。直到我踏入位於銅鑼灣望月酒店入面嘅「大宅」，先發現原來中菜可以咁講究，咁有韻味，亦咁令人回味。裝潢：港式名門風，優雅中見底蘊餐廳空間設計以懷舊名門為概念，復古牆磚、中式木紋、低調金飾同暗紅絲絨椅交織出一種屬於上世紀嘅優雅格調。坐低嗰刻，我已經覺得自己好似穿越咗去老香港，啱晒我呢種心底鍾情復古氣息嘅人。加埋桌上那隻金銅雕花茶壺，香氣撲鼻嘅人參烏龍茶，未食已經有種「被好好對待」嘅儀式感。開場菜式：低調奢華的細緻起步第一道菜係「金磚豆腐．金沙白飯魚」，一上枱簡潔但見心思。金磚豆腐外層炸得酥脆金黃，咬落去內裡滑得好似豆奶啫喱，細膩又暖心。金沙白飯魚就炸得極薄，帶微微咸蛋黃香氣，鹹香適中唔會搶味，配埋炸米粉做底，脆口得嚟又唔會覺得膩，真係好醒胃。第二道係「大宅佛跳牆」，一打開蓋已經感受到誠意。湯底係非常清澈嘅一種，但香氣濃郁、膠質感重。材料包括花膠、海參、瑤柱、螺片等，一啖啖飲落去暖入心，完全冇落味精嘅燥。花膠炆得軟糯，

走入問月酒店三樓嘅「大宅」，裝潢低調華麗，氣氛靜謐。坐低未幾，套餐一味接一味上，唔止飽，更係每口都有故事。金磚豆腐外層炸得金黃酥脆，一咬落去「咔哧」一聲，裏面豆腐滑得好似豆漿咁化開，帶微微鹹香，點咗少少椒鹽提味，簡單但極有功夫。金沙白飯魚白飯魚細細條，炸到脆卜卜，金沙鹹蛋黃唔會過鹹，黏住魚仔，每口都帶酥香。蛋黃香同魚香融合得恰到好處，令人忍唔住一條接一條。大宅佛跳牆一揭蓋，老火湯香撲鼻，花膠、鮑魚、瑤柱、豬展等一應俱全。湯底濃郁但唔會過膩，每一啖都滲出時間與心機，暖到心入面。蟹黃銀針燴玉帶蟹黃醬炒得香而不腥。玉帶（帶子）煎得微焦，邊位香口，中間嫩滑，層次分明。花雕蛋蒸虎蝦球（配20年古月龍山）花雕酒香先入口，然後係熟蛋滑嫩嘅口感。大蝦球厚肉爽彈，肉質鮮甜，吸晒蛋同酒嘅精華。呢道菜真係有種傳統中菜之美，優雅但有力。拔絲咕噜肉糖絲拉得好靚，一上枱已經閃閃生光。每件咕嚕肉都炸得外脆內嫩，糖醋比例精準，唔黐牙又唔膩口，酸甜適中，食完忍唔住笑。香煎一夜鮮麒麟魚魚身煎到金黃，外層微焦酥香，肉質仍然保留水分，鮮味十足。魚油慢慢滲出，配埋底下嘅醬汁一齊食，令人停唔到口。蝦子花膠濃雞湯．拌菜苗，手工拉麵

問月酒店之前的餐廳應該是西班牙菜，主打Tapas，但最近換上了由前文鼎主理人鍾師父烹調的大宅，走的是傳統手工粵菜，和以前的各走兩邊，本身酒店的平面面積不大，所以酒家一般的少了一些座位，也少了一分Spacey，但菜式水準不錯，特別是鍾師父本身是福建人，着重鹹香和鮮味，所以再處理一夜乾的時候，鹹鮮的平衡剛剛好，而且肉質實但不柴，依然保持魚肉本身的鮮嫩。頭盤的椒鹽鮑魚惹味非常，外面炸起但鮑魚依然保持爽彈的口感，一點也不乾，對於這些炸貝殼類來說，因為表面太濕，很難上粉，更遑論說炸起來保持到外脆內爽的口感。濃油赤醬煙燻雞名字很上海，但其實就是用煙燻的方法處理豉油雞，雞皮和雞肉也滲入了甜豉油的甘甜，雞肉也是如此，用上新鮮雞這當然是必要之選，煙熏味在品嚐過甜豉油味之後緩緩滲出來，相比起來較為柔和，平衡度做得不錯。這裏最著名的甜品，就是大宅追月，其實就是超巨型的煎堆，可以給八至十位食客享用，吸引大家的目光，吃起來芝麻味相當香，所以沒有其他味道也OK，而且不太甜吃起來也算是健康。The former Spanish tapas restaurant at the hotel has been repla

Mira Moon最近開左間新中菜餐廳 野食都好高質🤤坐得好舒服之餘 服務都好好💯樣樣都一試難忘🥹🐽川辣藤椒萵荀 $78 🌟萵荀切絲 好爽口😚食落去麻麻辣辣好過癮😝後勁都幾勁下🙊但做前菜黎講好適合💚 🐽椒鹽鮑魚仔 $58/隻 🌟呢個真心值得嗌🤤隻鮑魚勁大隻😳差唔夠有拳頭👊🏻咁大隻 所以58蚊一隻黎講真係好抵🥹用左椒鹽方法整好惹味🔥炸粉好薄 一咬好酥脆😋鮑魚好彈牙一啲都唔韌🫣仲要好juicy 好好食吖💕🐥法國蔥油赤皮雞 $288半隻本身係想試佢地既招牌南乳脆皮吊燒雞🐔但見到佢地呢個新推出又幾特別就試試佢😚擺盤好搞笑🤣係砌隻雞俾你 幾得意😝外皮勁香脆 肉質好嫩口好滑仲好juicy🤤就咁食已經好正 加埋個法國蔥油味道更加昇華更加邪惡🫣🐟生煎一夜鮮 $288估唔到生煎又有另一番風味😚保留左魚皮既香脆之餘 同時魚肉都好嫩滑🤤用簡單既豉油 蔥絲 已經好夠🥹🐟石頭魚湯本地有機蔬菜苗 $158 🌟唔好睇佢平平無奇咁 都幾有驚喜下🤩今次食既係菜芯 好嫩完全冇渣😋最驚喜係個石頭魚湯😳好有魚既鮮味 完全冇味精🤤最後仲飲曬成個湯🫣🐽海參花膠雞湯炆鴛鴦米 $298唔好睇佢個樣 食落味道唔錯🤤有滿滿既海參同花膠

適逢就嚟母親節, 上網做左下research 見到呢間中菜comment 都幾好，而且位置都方便，就簡咗呢間係銅鑼灣問月酒店入面既中菜「大宅」食母親節飯啦🥰🫶🏻我地叫左個dinner set 食完勁飽😮‍💨😮‍💨十分滿足🔸金磚豆腐·金沙白飯魚豆腐 & 白飯魚都係由鹹蛋黃去炸微微號鹹香散發住成個口腔～豆腐軟滑，白飯魚鹹香味充足開胃一流！🔸大宅佛跳牆大宅嘅signature dish！絕對係必點～有各種頂級食材：花膠、鮑魚、元貝等等湯底尤其濃稠，喝下去有濃郁的海鮮清甜味！食盡各種山珍海味，滿滿的幸福感☺️🔸蟹黃銀汁燴玉帶生拆蟹肉+清甜蟹膏，再配上新鮮原粒帶子一起吃，有提鮮作用！🔸20年古月龍山花雕蛋蒸虎蝦球虎蝦球晶瑩剔透，新鮮彈牙，有微微的花雕酒清香，再配上嫩滑蛋白，蝦嘅鮮味更為突出！🔸拔絲咕嚕肉拔絲嘅意思係有拉絲效果～內裡有油炸鬼 及 酸甜即炸咕嚕肉酸酸甜甜幾過癮🔸香煎一夜鮮麒麟魚師傅將麒麟魚煎得好香脆，而魚皮感覺上有啲魚鱗，但絕對可以放心享用～配上一絲絲嘅蔥及醬汁，令麒麟魚鮮味更突出！🔸蝦子花膠濃雞湯伴菜苗手工拉麵🍜花膠新鮮入味，手工拉麵🍜煙韌彈牙，而且自家製嘅濃雞湯一定要飲！因為好濃郁

今日聽友人推介，到酒店內的餐廳共進晚宴，味道真的十分驚艷！Dinner Set $688/11️⃣ **前戲雙脆** ▫️金磚豆腐｜咬開嫩滑！外殼薄脆▫️金沙白飯魚｜鹹蛋黃沙感+魚仔鮮2️⃣ **海陸鎮店三絕** 🪷「大宅佛跳牆」｜鮑參翅肚大瑤柱燉出膠質，湯匙可以企起身唔跌！足見料有幾多🦀蟹黃銀針粉燴玉帶｜蟹油浸透銀針粉，帶子巨厚濃甜🍤20年花雕蒸虎蝦｜古法蒸蛋鎖住酒香，蝦巨大彈牙，俯視如畫般醉人3️⃣ **主菜亮麗時刻** ▫️拔絲咕嚕肉｜皮薄焦香脆手，酸甜平衡完美，更有酥脆油炸鬼作點綴▫️麒麟魚｜魚鱗煎出脆片，如日式般的立鱗燒配上蒸魚豉油及蔥花，過癮口感配上細嫩魚肉，十分出色 4️⃣ **靈魂收尾** 🍜蝦子花膠雞湯麵｜濃度足以黏唇！花膠及蝦子正是嫩滑與香味之結合 🍮芋茸燉鮮奶｜燉鮮奶底藏着芋頭茸，芋香爆炸與鮮奶味道夾到飛起總括嚟講，味道十分之出色，值得推介！

問月酒店為Mira集團嘅酒店，入面有一間中菜廳頗為出色！當然要入去試試金磚豆腐·金沙白飯魚豆腐外脆超軟淋，食用時要小心，避免燙親條脷~炸過的白飯魚香脆可口，外面更淋上蛋黃醬，有提鮮作用大宅佛跳牆絕對係餐廳嘅鎮店之寶！入面有好多山珍海味，包括鮑魚、花膠、素翅、元貝等等，材料非常豐富～而湯汁質感更為濃稠，喝下去鮮味十足！蟹黃銀汁燴玉帶帶子煎成半熟狀態，外層有金黃色效果再配上生拆蟹肉+蟹膏，令帶子鮮味提高到更高層次！20年古月龍山花雕蛋蒸虎蝦球蝦球🦐新鮮彈牙，蛋白蒸的好嫩滑，而淋上花雕汁一起吃，味道更加豐富！拔絲鬼馬咕嚕肉鬼馬=油炸鬼，而咕嚕肉外層亦很香脆，肉質嫩淋拔絲嘅原因係醬汁有黏稠狀態，所以名為拔絲香煎一夜鮮麒麟魚麒麟魚外皮煎得好香脆，魚皮是可以享用的，不用擔心魚骨刺問題而魚肉肉質亦很鮮嫩，配上少量蔥慈一起吃，可以中和一下口腔嘅肥膩感蝦子花膠濃雞湯伴菜苗手工拉麵花膠新鮮彈牙，配上濃郁嘅雞湯一起吃，雞嘅鮮味更加突出而拉麵🍜質感都好彈牙，絕對係手工製作！每一條麵都掛上雞湯汁嘅精華，滿滿的幸福感☺️芋茸燉鮮奶表面放上桃膠，鮮奶亦燉得好嫩滑，並將軟綿綿嘅芋泥做墊底，層次感非常豐富～

就嚟到母親節，就同媽咪灣仔一間酒店食中菜，食物賣相十分精緻，用料矜貴，食物質素都好唔錯👍我哋叫咗一個dinner set ，可以試到唔同款式嘅嘢食。✨金磚豆腐·金沙白飯魚✨首先送來一道前菜，炸白飯魚大大條，豆腐炸得外脆內軟，好重鹹蛋味，為豐富嘅晚餐揭開序幕，打開味蕾🤩✨大宅佛跳牆✨作為餐廳嘅招牌菜，用上特定嘅湯壺呈上，湯品濃而不膩，用料豐富，真材實料，有冬菇、海參、鮑魚、花膠及魚翅等，飲落去個口會有俾花膠漿住漿住嘅感覺，飲完成碗已經飽咗一半😂✨蟹黃銀針燴玉帶✨輕輕炙燒過的帶子鮮味十足，配上蟹黃蟹肉作為芡汁，味道層次更上一層樓🤩連個芡汁都清晒😆✨20年古月龍山花雕蛋蒸虎蝦球✨虎蝦球爽口彈牙，配上滑嫩嘅蒸蛋，最後淋上花雕酒作為調味，酒香十足，口感多元。 ✨拔絲咕嚕肉✨咕嚕肉炸得外脆內軟，配上新鮮嘅菠蘿，酸酸甜甜，整道菜感覺清新可口。✨香煎一夜麒麟魚✨香脆嘅外皮配上內裏滑嫩無骨嘅魚肉，配上蔥花作為點綴，口感特別，令人忍唔住一口接一口。✨蝦子花膠濃雞湯拌菜苗手工拉麵✨花膠好大塊，配上濃郁嘅雞湯同蝦子，鮮上加鮮；手工拉麵比較似讚歧烏冬嘅口感，不過更加幼身滑溜😛✨桃膠芋茸燉鮮奶✨甜品帶來驚喜，餐廳