大宅

营业中

休息中

經常搭車經過呢間新店顯眼嘅招牌，同朋友係附近行街終於黎試一試。椒鹽溏心鮑魚角、脆銀魚乾、琥珀核桃全部都好香口，炸鮑魚好彈牙，乾爽唔油膩。花膠海參魚茸羹有滿滿幼滑嘅魚茸，好清甜足料，間或食到軟糯嘅花膠海參，夠哂養顏。蟹黃銀針燴玉帶醬汁做得好好，大量蟹肉濃到好似食緊翅咁，帶子煎到金黃半熟，成個組合好好。20年古月龍山花雕蛋蒸虎蝦球名副其實有好濃嘅花雕同雞油香味，一啖連埋蛋一齊食，令蒸虎蝦更加滑。拔絲咕嚕肉係今晚最愛，脆皮做得好薄，調味酸甜岩岩好，最驚喜係底下墊左炸得酥脆嘅薄薄油炸鬼，冇諗過同咕嚕肉咁夾，有驚喜。香煎一夜鮮馬友魚蒸得好完美，魚皮脆卜卜，配蒸魚豉油同蔥絲幾好。最後黎一碗蝦子花膠濃雞湯拉麵，清甜嘅熱湯暖胃暖心。