大壹燒鵝 (MOSTown Street新港城中心大街(3期))

营业中

休息中

作為馬鞍山居民 我真係大大力推薦呢間高級茶記！佢出名主打燒鵝，但其實其他燒味都非常之出色😋我平時多數都會嗌佢嘅叉鵝瀨～燒鵝表皮燒得好香好脆，非常肥美，對於唔食得太油嘅人嚟講就可能會有啲heavy🤣而佢嘅叉燒都燒得外脆內軟，係偏甜嘅口味，我個人嚟講就好鍾意啦！😋😋😋

食物質素：以前都會經常來食，味道唔錯。最近幾次來真係差左好多，每片叉燒幾乎成舊都係肥膏（%80以上係肥膏），燒鵝無乜肉都係骨。上年都唔係咁，燒臘係招牌都可以做得咁求其，真係有啲失望。成本上漲都可以理解的，加價都正常。但起碼要保持到食物水平先得啦。雖然馬鞍山係美食沙漠，呢間曾經都叫做係前幾名好食，但之後應該都少來了，除非真係可以改進下。員工服務態度：非常一般般，無乜耐性。好似唔憂做咁。衛生：真係都幾污糟，仲未抹乾淨台就叫人坐低。

晚餐時間6點，馬鞍山街坊推介我來呢度食燒鵝。來到已經開始大排長龍，可見街坊都好鍾意呢間餐廳。排左大約20分鐘，環境都算企里，可惜燒味飯賣曬，否則都想試下燒腩仔，聽講都好出名。叫了燒鵝下莊，肥美多汁，皮肉相連，外皮仲有焦脆，價錢合理。肉質不錯，新鮮！拔絲咕嚕肉真的很拔絲，筷子夾起來糖絲連綿不斷，幾有鑊氣，仲有喬頭，份量也很大，送飯一流，不錯！侍應態度都算不錯，樂於介紹餐廳的推薦菜式。多啲人來吃飯可以叫煲仔菜，都幾好鑊氣！

【沙田區】【大壹燒鵝】馬鞍山不嬲有「美食沙漠」之稱，但係近年發展迅速之餘，因為呢個稱號而出現嘅商機蜂擁而至，大家都好似想出手喺呢片土地上面分一杯羹咁。而呢排我都聽咗好耐嘅消息，就係呢頭開咗一間幾好食嘅燒味餐廳，點都想去吓。呢日同同事細豬哥喺馬鞍山想搵個地方坐低吹吓水，無啦啦就撩起咗呢條癮。佢就大力推薦呢間啲燒腩仔，但係餐廳個名又唔係叫「大壹燒腩」，我就梗係想兩樣都食吓，下午茶 $48 嘅「雙拼燒味粉麵」似乎就滿足到我嘅願望喇。咁我就叫「燒腩燒鵝瀨粉」，配燒鵝要加 $5 不過我覺得合理，貴價食材嘛。而味道上，又真係個燒腩仔係好好食，燒鵝就因為骨多過乜所以冇乜感覺，我個人都會同大家推薦佢哋個燒腩仔。跟餐飲品我飲「熱杏仁霜」，都係咁。細豬哥都係食下午茶，佢食 $48 嘅「乾炒牛河」配「熱好立克」。佢食唔晒一份所以都有分啲畀我食，我食落都覺得唔錯，以下午茶嘢嚟講算炒得幾好。呢餐 total 係 $101 嘅，細豬哥話一定要佢畀錢，佢講到咁咯，我唯有 okay 啦。。。（地址：沙田馬鞍山鞍誠街8號新港城3期N座地下7-9號舖）#1amfoodie #foodie #hkfoodie #thatf

外賣 下庄同叉燒兩樣都係得肥羔 冇肉嘅 兩百幾買肥羔下庄明顯份量好小 應該得其他鋪一半份量你咁割韮菜 一定冇下次呢度啲like唔知點嚟 你知我知單眼佬都知太興係衰都唔會咁做生意離晒譜

以往一星期都會食幾次，係街坊飯堂自從舊職員轉走晒之後，新請既呀叔呀姑真的不得了食物方面：不錯夠熱有鑊氣，小炒王足料但咸過龍大一炒飯乾身惹味叉燒高汁，送飯一流衛生方面：一套走天涯一對手套抹完枱，掃垃圾，落單，出餐雖然可能好多餐廳都係咁 但肉眼見手套好多漬叫個飯 手連手套插入飯唔想食囉真係.....態度方面：惡劣當時食晚飯見到一對後生情侶入餐廳，當時8點幾餐廳已少人沒有人等位，但現場得大枱佢地2人坐左落大枱，侍應呀叔就話：你2個唔坐得大枱喎，呢個6人位黎，坐都要搭枱情侶話搭枱無問題，過1陣呀叔又同佢地講一陣佢地要搬枱，個後生仔就問前後大枱都可以搭4人2人，點解我要搬呢個男侍應答唔出又走左再過多幾分鐘個男侍應又返轉頭話張枱已經有人留座，9點有6位食，麻煩你地出返去等位我望一望錶....時間仲有半個鐘....對情侶都谷氣話唔食直接走，但離開門口有個呀姐大聲講：咁勞嘈咪食啦走啦其實餐廳地方咁逼咁細，聽到睇到成個過程都覺得d員工過分...(恰後生？) 如果有日係我遇到可能直接已經鬧左人，餐廳比我感覺唔休做...明明係冇得電話留座，夾硬講d野叫人走都得，睇到火滾一間餐廳食物幾好食，都要講求衛生同服務

呢到話係馬鞍山人嘅飯堂都不為過！假日夜晚未見唔洗排隊～今日星期六想食唯有6點半黎到就啱啱好可以入！😝晏多少少都要排隊先入得啦！1. 大壹燒鵝- 倒牌上庄 $138推薦指數：⭐️⭐️⭐️⭐️普通燒鵝一隻～油香味唔重，扣左少少分🥹但我覺得份量都夠嘅！2. 拔絲咕嚕肉 $108推薦指數：⭐️⭐️⭐️⭐️⭐️拔絲-有！👍🏻甜酸-有！👍🏻當然肉就未去到入口即化嘅口感，但呢個價，呢個份量，呢個口味，我願意比五星！3. 啫啫椰菜花煲 $118推薦指數：⭐️⭐️⭐️⭐️⭐️以前試過同系列嘅通菜煲，超級鹹🫠今次試吓呢個椰菜花煲，對我來講口味啱啱好！個煲夠晒熱，keep到個溫度！入面仲有肉碎、蝦乾、少量辣椒，夠晒惹味，送飯一流！4. 豉椒炒蜆 $138推薦指數：⭐️普普通通嘅一個炒蜆，冇乜豉椒味！殼多個肉，唔建議！總括而言，呢間都係多選擇，同埋都唔算係伏嘅餐廳，係馬鞍山嚟講，想搵間食小菜嘅餐廳，呢度都算係咁😛整體推薦：⭐️⭐️⭐️⭐️

雖然佢大部分食物都係好味，但員工衛生真係有好大問題，疲情期間很多食肆的員工都會戴藍色手套去保護自己同客人，但呢度d員工無論係倒垃圾，上菜甚至綁鞋帶，都係戴住同一雙藍色手套，都係我買左幾次外賣親眼見到的，就算我祗係叫外賣，望到我都覺得好難頂，希望佢地早日除咗對手套佢。同埋佢哋裝修後地方仲好似污糟左咁，地下張千年地毯唔知佢幾時會換或洗下，希望佢哋睇到呢篇文章再檢討下，食物再好，但環境同員工污糟邋遢咁又有咩用呢🙅🏻

環境真的很邋遢，啲木凳全部發霉，入到去將枱面都冇抹到，自己抹嘩真係污糟到不得了，原先真係想走，但係同朋友一齊冇辦法排咗隊咁耐唯有坐低食。啲嘢食真係好普通，佢話燒味茶餐廳但係想食叉燒湯意冇叉燒，跟住熱奶茶居然用紙杯話入面唔得閒洗碗，搞到我個成日形住佢啲碗碟好唔乾淨，冇嘢係令到你想再嚟，尤其啲阿姐嘅服務真係差到不得了，我諗有人請我嚟都唔會再嚟。希望馬鞍山可以有其他茶餐廳，呢啲咁樣嘅垃圾餐廳都可以排長龍真係好奇怪。

5點冇人，入去坐，叫個叉雞黎個燒鵝雞，我話錯左再換，點知食燒味，食到瘦叉（瘦肉）都唔緊要啦，我冇事先說明。。我唔食再叫個大壹炒飯，點知係辣既，我再睇餐牌完全冇話辣既。。完全無奈。。到底比唔比我食到滿意既野呢，

馬鞍山係一個美食沙漠，冇咩特別好食或者特別嘅嘢食，大壹嘅嘢食係馬鞍山入邊高於水平，最出名嘅就當然係佢嘅燒鵝。燒鵝拼油雞瀨粉燒鵝每次食都覺得好好食，首先個皮充滿咗油脂，加埋鵝肉食好正，再配埋梅子醬，酸甜味道令油膩感減低。但係如果你雙拼飯咁樣叫，會少啲機會有燒鵝髀，如果想食燒鵝髀就要加錢，而燒鵝髀肉質係更滑。咖喱薯仔豬扒飯咖喱飯係我每次嚟都會食，第一次食嘅時候佢嘅薯仔係會炸到脆皮，食落非常香口，但係近呢一兩次食都冇炸，有啲失望，但係佢嘅咖喱汁同樣係咁好食，亦都會有好多唔同嘅蔬菜配料，例如青椒，紅椒洋蔥，而豬扒都非常好食，肉質唔會好鞋。

馬鞍山大一燒鵝.味道：5/10🌟抵食：6/10🌟環境：5/10🌟.小編今日黎到美食沙漠馬鞍山試試呢間人氣燒鵝店🔥試咗三種唔同嘅燒味雙拼飯❣️燒腩仔係其中最好味嘅🤔️肥瘦適中，皮脆肉嫩，好香口😋燒鵝好失望！叫咗兩碗都係俾曬成排冇肉食嘅背位😢雖然皮都燒得唔錯，但完全好似冇嘢食咁……叉燒偏瘦，而且好多筋，有幾舊完全食唔到，完全below average😶可能真係唔好彩啦，但絕對唔會再到訪💔

打電話去點2個餸，中間要截停我2次，每次都要我重覆2次先落到。每叫一個餸 粗聲粗氣問「仲有呢？」，「仲有呢？」。又無禮貌，唔知以為自己去咗地盤，要大叫對方先聽到。

如題，轉左新餐牌，大部分食物加哂價。加價唔緊要，有返相應嘅提升呢樣重要啲，無提升都唔緊要，但係唔好差過以前呀！大佬！叫咗豉油王炒麵，鹹魚雞粒炒飯，蠔仔粥，兩杯凍飲。以前炒麵有魷魚同其他配菜，而家乜餸都無，我去街市買兜炒麵都係$20，使鬼食你？雞粒炒飯，揾粒雞肉都無，啲飯仲要生米，硬到不行！咁蠔仔粥有分碗同鍋，叫碗就真係好細碗，蠔仔非常少，味道不過不失。另外晚市加飲品全部正價以前當佢係飯堂，而家…….無下次了！

已經食過好多次，水準保持到推介： 燒腩仔，燒鵝我自己多數外賣，因為堂食坐得迫店員好人，雖然佢哋好忙，但好好態度如果堂食有定心理準備，要等位希望可以一直保持水準，我會繼續黎食！