大喜屋

营业中

休息中

今日趁着阿媽放假,佢話想食放題,我哋去沙田行街嘅時候經過呢間日式放題,就上嚟試吓~刺身類有唔同種類嘅刺身選擇,三文魚,北寄貝,元貝等等~三文魚肉幾新鮮，食落幾有咬口，刺身元貝大大粒，幾爽滑羊架好大件嘅羊架，燒得好香，食落肉質幾滑，又唔會有好重嘅羊羶味，感覺幾正雞軟骨串煙煙韌韌嘅雞軟骨，食落幾有咬口，同樣燒得好香蒲燒鰻魚好鍾意佢嘅醬汁，鰻魚好Juicy,一咬啲肉汁就流晒出嚟雪糕有唔同類型嘅雪糕選擇，唔錯

今次夜晚去咗放題，呢間放題有好多唔同嘅選擇，例如鰻魚，海鮮🦞刺身，熟食，嘢飲同雪糕。好適合唔同嘅人嚟食。每一種食物都整得比較入味。環境方面一般。員工服務態度一般。上菜時間比較快。可以以比較合理嘅價錢識到唔同嘅嘢食。值得嘗試。

呢間大喜屋食過幾次，因為性價比真係唔錯，午膳時間二百幾蚊可以食足三個鐘🥰所以就算平日都好full架！一坐低梗係要叫刺身啦，佢嘅刺身尤其三文魚同油甘魚都幾大塊同厚身，一啖咬落去滿口魚香令人好滿足🥰 另外佢既赤蝦都好抵讚，超級大條！另外仲有個吞拿魚刺身他他，都幾特別，叫左一個試下當然唔少得一啲熟食，我每次嚟都要食羊架、燒菠蘿、榴槤炸彈同芝士焗蠔，呢幾款都係我必點的，水準果然冇改變到，羊架照舊嫩滑多汁，燒菠蘿就相當Juicy, 今次仲試埋個粉絲蒸扇貝🤤🤤

咪埋眼都諗得到嘅刺身，三文魚，油甘魚，吞拿魚，希靈魚，甜蝦，虎蝦，赤蝦，帶子，螺片，北寄貝，赤貝全部有齊，還有象拔蚌，爽脆海蜇，唔怪得吸引咁多人來食，成個場爆曬。極品花膠盛宴，滋補花膠炖鮮奶，香草牛油煮大蜆亦都係好有料的一品料理，花膠好大件，補番D骨膠原，好正。鮮奶滑捋捋，甜度啱啱好，加咗香草牛油的大蜆，味道更突出，蜆亦好鮮甜。榴槤炸彈好流心，榴槤味濃，炸芋圓亦同樣滋味，而鮮甜美味的燒菠蘿亦係要encore的寶物，平時出邊賣得好貴，色彩繽紛的的macaron亦都得食，一於食多幾塊吖。

出面攞d炸物唔錯 薯格keep得住脆 魚蛋唔會淋到棉曬凍蝦正路無特別第一盤刺身唔錯，蝦還算新鮮帶子切得太碎，一舊帶子切3-4片第一輪之後ge蝦開始出出地事，一時有頭，一時無頭無吞拿魚刺身，但係有個吞拿魚他他，肉質比刺身實淨，鹹鹹地我覺得幾好食柚子漬帶子壽司帶子表現比帶子刺身好好多，起碼係成隻帶子，味道鮮甜，柚子清新，幾夾吞拿魚蓉手卷不錯，海膽手卷有少少奇怪味呢個帶子塔唔夠帶子壽司好食，後面個蟹三味軍艦就出乎意料好食，蟹膏香濃牛舌好食，燒得邊邊香脆，彈牙爽口羊鞍啖啖肉，但係略顯油左d燒物裡面最好係薯仔牛柳粒，薯仔粒脆的最後係花膠燉牛奶蛋白，濃香嫩滑，甜度適中總結黎講係性價比高！不完美但可接受。

上排嚟過呢度食放題，唔記得係唔係差唔多時間，但今次多人咗好多，仲有好多學生，同我一樣都食放題，可能學期尾佢哋早放可以慢慢食。出面自助放題區都有好多嘢食，有埋湯同餃子嗰類熟食，其中燒墨魚丸外脆內熱，竟然好食過好多出面街鋪。刺身同上次一樣高質，今次點咗上次無嘅油吞拿魚，非常鮮味。叫咗幾款壽司食，火灸蟹棒壽司好正，蟹棒大大條，前後叫多咗兩次。熟食有蠔同帶子叫，蠔唔係好大隻但D醬做得唔錯，帶子無論刺身定呢個熟食都咁鮮味。燒物嘅牛舌燒得唔會乾淨淨，好啱我口味。今次飲品櫃見到有自家製茶，試咗又估唔到幾有茶味，夾串燒類真係啱曬。食到尾拎咗個平時好少見甜筒食，仲有糖夾tim，大滿足。

同過一班朋友黎食，感覺好正👍🏼今次帶屋企人黎食，我媽媽都大讚多野食！刺身夠新鮮選擇好多🤤前菜緊係食左魚生先叫左好多種類：三文魚、油甘魚、希靈魚、赤貝、帶子、北寄貝、螺片、仿鮑片、赤蝦、甜蝦！好正👍🏼海膽手卷，細細件唔會太大件太多飯可以食到好多野🤤壽司都有好多選擇，特別推介大家呢幾款：醬燒帝皇蟹棒、花の戀、帶子吞拿魚蓉塔、鮑魚蟹膏雪昆布山、火炙岩鹽燒左口魚！款款好精美又好食😋脆炸貓山王，一入口即溶好多榴連醬🤤🤤好香呀 成口榴連😋佢仲有好多甜品、雪糕雪條選擇！飲品都超多😍

今日朋友約我去食放題 ，大喜屋分店實在太多👍🏼中午12點開始就可以入座😊好多選擇野食又有沙律吧，又多前菜食😋好豐富喔！簡左好多款前菜開開胃，有中華沙律、日本酸薑、另外佢仲有熟蝦同蜆食🤤又有紅棗雪耳糖水🤤好滋潤 用app叫既野種類非常多喔！壽司卷款款都好食！芝士軟殼蟹卷、、香桃吉列蝦卷、千島醬廣島蠔卷、燒三文魚加州卷👍🏼 好正另外我朋友仲推介左芝麻雞翼比我，又香又脆！燒得岩岩好😋甜蝦刺身都好新鮮！份量又夠多上湯燴大蝦球都值得推薦比大家，好juice 又好味😋蝦又夠大隻

話說年幾前同我男朋友第一次dating就係食嚟間 果陣撞正疫情加上夜晚冇乜人 我就覺得都唔錯2個人可以坐4人卡位 果陣啲食物質素真心都幾好 諗住再去多次 點知變曬 明明仲有好多空位 都要2枱人搭枱 求其搵塊膠板隔住就算 完全唔夠位放野食 地下又污糟（不過同左個職員講之後佢都好快手幫我地執好啲）上野食又慢 又要催order 出面啲小食好多時都好空 雞軟骨燒到好硬咬唔郁 刺身第一round切得都唔薄 叫正常好少少 但係第二round開始就有啲腥同埋薄 我地book左8點 但係佢8.50幾分就已經拎張單俾我地 催我地走咁 值得贊嘅就係個芝麻雞翼同個烏冬 要我俾成600幾蚊2個人食嚟啲 真係唔會再有下次 好失望（服務2星係多謝個職員好快手幫我整干淨個地下）

下午無所事事就諗起去食大喜屋3小時午市放題呢道真係好好生意, 成日都好旺好多人~~一黎到先去自助區拎下小食~自助區有冷盤(蝦, 蜆等), 又有幾款熱葷....另外仲有沙律, 日式小食, 湯之類~~亦都有水果~~多款夾糖就最o岩小朋友喇.....飲品都好豐富!!有凍熱飲, 包括啤酒汽水果汁, 清酒梅酒....放題最吸引都係任食刺身~我叫左三文魚, 帶子, 北寄貝, 甜蝦....全部都好新鮮喔, 最正係帶子, 大粒又鮮甜燒溫室菠蘿好香既新鮮菠蘿, 燒完仲甜比目魚西京燒比目魚油份豐富, 入口甘香嫩滑~~花膠扒西蘭花花膠扒好大件喔~~ 滿滿骨膠原, 啖啖肉夠晒滿足薑蔥爆鱔球鱔球新鮮爽口彈牙, 用薑蔥爆香口入味!香草牛油煮大蜆味道唔算好濃, 大蜆完全冇沙甜品方面有蛋糕, 乳酪, 豆腐花, 冬甩, mousse等...仲有多款雪糕雪條, 其中Ekselence都幾好味, 雪糕幾濃幾滑

日式放題好滿足❤️食放題最方便同埋唔使諗食咩呢度環境舒服夜晚食都好抵㗎刺身選擇多，又方便落單同埋嘢食都真係來得好快仲有天婦羅🍤，牛舌等等個粉皮唔會好好仲有醬汁搭配全部都係新鮮即刻整三文魚🍣厚切又肥美當然仲有其他選擇都係任食自助區有前菜，仲有甜品同埋一啲小食晏晝都幾抵，同埋唔會好貴選擇同夜晚一樣都係咁豐富好味lunch食咗夜晚都真係飽到唔使食喇😁乜都有齊晒下次仲可以同朋友去食花膠西蘭花滋補養顏蔥爆鱔球都好滋味仲有好多重咗嘅手卷同埋壽司🍣都可以係度食

好耐冇食放題，今次就諗住搵間穩陣啲，食大喜屋一坐低就叫刺身，同之前一樣，大喜屋好少漏單，刺身亦都比得好闊綽，大大件，厚身，所以一嚟到個視覺享受唔錯，三文魚夠肥美，帶子比較細隻，都食到少少甜味嘅，甜蝦都幾爽口，但係就唔係好食到蝦味，至於池魚就一般般，比較腥叫咗少少壽司，同刺身都差唔多啦其他熟食、雪糕、飲品就同其他放題大同小異，冇咩特別唔知係咪太耐冇食，總係覺得以前個水準好似好啲，今次就覺得麻麻地啦😔

疫情咁耐，都小咗好多出街食飯。今日嚟呢到食放題，填補下心靈嘅空虛😆例牌自助嘅款式都差唔多，都係兩款熱盤、一湯一糖水、兩款炸物、八款糖果、日式小食同沙律，但質素高咗。今日有滷水雞亦同埋蟲草花雞湯，好味而且唔會過哂火。冷盤有青口同凍蝦，食落新鮮有海鮮味，唔係hea比嘅。埋到位點餐，發現多咗款式，不論係壽司款式，定熱食嘅款式都多咗。比如壽司多咗好多火炙款，而且仲做到同x長咁上下質素，睇得出比心機咗。另外熱食多咗好多款式，連麻辣水煮煲、花膠燉奶都有，而且係好食，唔係得個名但食唔落口。今次288+1，整體嚟講很滿意。係座位需要改善一下，本來枱已經細，而且當日其實唔滿場，仲有好多枱，但就偏偏要搭枱，搞到好迫咁，但就吉咗好多4人枱出嚟。當時我入座已經係7:45，10:00就收工，其實職員都可以睇時間去安排返鬆動d嘅座位，以疫情或者舒適度嚟計都開心d la😁

日本菜除左燒肉之外我最鐘意就係食放題，今日同朋友去左沙田食大喜屋，價錢非常親民，二百幾蚊仼飲仼食，仲要款款都咁高質，留肚全日食呢餐都夠飽，建議預早打去訂枱咁就唔怕去到無位啦，以QR Code 同自助形式落單，真係好多野食呀😍😍😍🌟刺身🌟我地先由冷盤食起，叫左幾款刺身先，必食牡丹蝦同帆立貝，刺身放係冰上面唔怕唔夠凍，牡丹蝦好鮮甜，帆立貝口感爽口彈牙，自助區仲有凍既熟蝦同蜆，兩款都好食，而且refill得好快唔驚比人攞哂💯💯💯🌟天婦羅、炸物🌟天婦羅同炸物都好多選擇，私心推介皇帝蟹棒、虎蝦同芝麻雞翼，上到枱仲熱辣辣，蟹棒啖啖肉又好彈牙，虎蝦天婦羅都好大條，炸粉唔會好厚身，芝麻雞翼炸到好香脆，肉質鮮嫩又juicy，食多幾隻都唔怕😌😌😌🌟熟食🌟熟食方面加左好多新菜式，有招牌牛肉鍋、上湯露筍燴蝦球、比目魚西京燒等等，鍋內既牛肉起碼有三至五片，而且每片牛肉都幾大塊，配料都唔少，將鍋面既生雞蛋拌勻食的話，口感層次非常豐富🦐上湯露筍燴蝦球蝦球爽口彈牙，唔會有陣雪味，仲有甜豆同雜菌，真係好好食🐠比目魚西京燒呢個比目魚西京燒都幾多人叫，出面日本餐廳食一份都起碼幾十蚊，大喜屋仲係仼食，甜甜地既醬汁配埋嫩滑既魚

今日嚟沙田食午市放題，果然係大喜屋，午市都咁多人，收費同餐牌都好透明，午市放題馬拉松式食足三個鐘，食物同晚市一樣不過價錢平啲。入座安排順暢，上菜速度都好快，我點完餐出左去自助區拎野醫肚先😝 自助區都有好多嘢食，有各類熱食，凍海鮮，凍飲熱飲，酒類，雪糕，甜品…任君選擇，總有一款啱你心水。環境好大好舒服。刺身：整體新鮮，款式多，厚身鮮味，數量同order一致，有一款比較特別嘅吞拿魚他他，厚切赤身刺身配上黑油醋汁，酸酸甜甜幾開胃，又可以帶出吞拿魚嘅鮮味。🍣壽司：有好多款式，一口一件，Size啱啱好，特別推薦創作壽司，帶子吞拿魚蓉塔&鵝肝帶子，帶子吞拿魚蓉塔好有心思，壽司飯加咗味素，上面放咗厚身鮮甜嘅帶子，加上細滑鮮味嘅吞拿魚蓉，再用黑魚子同三文魚子做點綴，賣相好睇得來口感層次都好豐富😍手卷：我叫左香蔥吞拿魚蓉手卷&海膽手卷，特別係海膽夠Creamy，我encore咗好多件😚燒物：🍍燒菠蘿酸酸甜甜好開胃，燒到好香，咬落小心爆汁🤩；西京燒比目魚：外皮燒得好香脆，肉質嫩滑，醬汁好香；牛油翠玉瓜 ：好香牛油味，爽脆清甜；鹽燒牛舌: 加咗海鹽同黑椒燒得幾香，不過咬落去唔夠爽口，有少少老。一品料理：黑