大喜屋 (已結業)

今兒推薦日料啦!!!【大喜屋日本料理】香港最具人氣的日式自助在此~238港幣絕對讓你爽到白眼不夠翻噢!! 超新鮮的三文魚、北極貝、金槍魚等刺身，還有多種多樣的壽司和日式主食，全部讓你一次吃到站不起!!抱著吃回本的革命鬥志，本婊特意卸下了憋到窒息的束身衣，換上一件寬鬆又不失性感的低胸潮T，再怎麼吃也看不出我的小肚腩吼吼哈，High森!!!

同朋友聚會去左大喜屋食放題,未入座前係門口出面排隊等食!!!!! 等到6:30就開始入座啦, 個場比較full,'人頭湧湧'咁提到食物方面,魚生十分新鮮甜蝦大隻,夠晒鮮甜,帶子都幾大粒，三文魚都夠肥美~~熟食方面,蟹粥,粥底煲得好夠綿,係我既心水之選 正!!!燒物都唔錯 ,唔會太鹹同太dry特別係燒菠蘿，菠蘿有火槍燒完,甜味出到，又有汁!炸物方面,唔會話好'油',熱到適中,好似天婦羅唔會食到成口粉仲有芝士年糕,炸得脆,保持埋個口感,很好!服務質素方面,個人覺得比其他放題店好 ,上菜都幾正常冇咩話漏單情況發生,個個員工都幾忙碌,冇咩時間吹水/冇所事事!食到最後都可以食番杯雪糕都夠晒飽整體黎講都係好滿意既

一行四人等Lift等了20mins先上到去,三文魚完全冇味甜蝦都係冇味其它刺生都差.只有帶子OK.燒物燒蝦痴殼極唔生鮮,焗蠔粒蠔細到睇唔到.總括真係唔多得,.

今日約左好耐冇見的粉絲去食個小午餐~~~知道佢一直都好想黎呢間試下~所以就訂呢到了~去到坐下~很舒服的位置!!立即就點菜了~我們很清楚自己是眼光大肚子小的人~所以一定不會胡亂落單~!免得浪費了寶貴的肚子空間~刺身款式是我們的主打~其他的不能多吃~!三文魚 好鮮味~雖然唔係每片都有機會食到腩位,不過仍食得到三文魚的鮮香~!甜蝦 – 尚算新鮮~我最中恴有蝦頭的甜蝦~!當中有几隻腥左D唔係咁新鮮,整體都唔錯,~鮑片- 冇咩特別,點一次就夠帶子 – 每件都有兩個5蚊銀疊埋咁大~又厚又鮮甜油甘魚 – 肉質好緊緻,唔會甩甩散散,好有魚香味,唔腥~正~!天婦羅系列出品一般,炸漿好求其,一D都唔係真正’’天婦羅’’那回事~頂多叫做’’炸物’’燒物粉絲首推燒大蝦,佢自己一個人食左差唔多十隻~大蝦肉厚唔會因燒過而縮水得太緊要!燒波蘿好好味~厚切波蘿肉,燒到出面微燶,咬落去仲好多汁燒羊架 – 我覺得失準了,上枱已經唔係咁熱, 點了兩次都又乾又硬~燒得太熟又放得太耐~芝士焗蚝 - 出品都唔係之前咁有水準,今次食入口只食到汁同埋好細粒的蚝肉,有點失望,點一次就收手了~沙律系列款式唔算太多~除蟹子沙律明顯係唔同D

大喜屋已係好多香港人都知既出名放題,甘當然要去尖沙咀試下啦,早佐成個星期BOOK佐位,去到門口已經大排長龍,係等緊上車立既,我地一行5人等佐成20分鍾先入到去,其實真係幾累架.一坐低就梗係好忙甘剔野,個個都係先來刺身,個場好似打仗甘.值得推荐既係三文魚,帶子同埋甜蝦.特別係個帶子,好甜好新鮮.不過5個人既份量唔多,雖然我剔佐20只甜蝦,到既時候都係唔夠數.最驚喜既就係生日月有海膽,好新解,,非常好食第2輪都係主功甜蝦,夠囇大隻壽司就一般般整體上大喜屋都會再去,價錢方面一D都唔貴,可能好多人去食,D野好新鮮,上菜既速度都好快,今次主要係食刺身,下次要食下D燒物同其他既,如果D位唔係甘逼就更加好了.

好耐冇食過放題,因為之前食親都覺得好唔抵,一味得個多字,食物又唔係真係好食!!!女友聽到好多人都話呢間OK諗住同佢去試下啦,點知都係冇驚喜!!! 本人食親日本野都會叫好多唔同種類既魚生,呢到既選擇都可以接受既,點知黎到發覺樣樣野都好細份,味道又唔得!!!女友中意食燒物,都叫左幾樣例牌既天褲羅,燒雞奕個D啦,都幾快黎到既,不過好似人地茶餐廳咁,似一早整好哂一D都唔熱,超冇隱==最離譜就係個隻元貝,細到同個5毫子咁,口感唔駛講啦!!!食完第一輪就走左,睇黎放題都唔係好岩我==

今次好似係我今個星期食既第三次放題，經過之前既考驗,希望今次唔好再黎咁差既野,好彩佢都比番一個好既回憶我,依到上菜都幾快,不過快無用,最緊要夠齊,佢都好齊,點左就有,不過唔好咁過份。依到既食物種類都好多，最緊要既係夠哂新鮮，唔會話黑黑地,所以十分好。魚生係絕對新鮮，而且放題黎講佢都算切得好好,唔會太厚太薄,生蝦新鮮同爽,唔會林到死。今次又試埋個牛肉鍋,牛肉份量都好多，唔會話成個都係菜就得幾舊牛咁樣，而味道都好好。另外個天婦羅都好正,唔會太多粉,又夠脆。大致上依間放題都十分抵食，而且D侍應態度都好好，最緊要係佢上野既時間會有安排過,唔會一次過飛哂黎,咁到成枱都係,當然溜單係會有,不過可以講絕對唔多。但就迫左少少,如果多番少少空間會好好多。

之前見朋友UPLOAD個D相好似講到好好食咁, 搞到我女朋友好想去食所以早一個星期就同左女朋友同屋企人去大喜屋食晚市放題首先講下個環境, 坐得都幾舒服, 我諗因為空間夠大第二, 野食方面都算唔錯, 特別要贊既係刺身, 因為係放題黎講佢算係新鮮, 份量方面亦睇得出有誠意, 重有個鹽燒雞翼其實我都覺得幾好食, 夠香。野食既賣相還算可以。其實佢地既燒物都值得一試, 真係燒得幾好味, 我個細食女朋友都食左唔少。另外我覺得炸物比較油, 食落去有D "漏"尤其是係炸芝士年糕, 感覺真係好膩, 如果一開始就食會好快食唔落其他野。天婦羅類就普普通通。尼度有新鮮生果供應, 從圖片亦可見份量好足。價錢方面二百幾一位, 以佢地既質素黎講可以接受。

藏友西藏遊後第1次重聚，便來了食日式放題，大家都說從西藏回來後發現胃口大了，所以大家都叫了很多食物。食物質素也很好，魚生有鮮甜味，炸物也做得不錯，開開心心又在次重聚午飯，感覺大家還身在西藏一樣。******************************返完教會便前來。雖然我遲來，但還能趕到第1盤魚生，大家點了很多美食。三文魚鮮甜味十足，甜蝦是較大隻，但甜味也十足，最重要是沒有因為數量自行減少，我們寫多少便來多少。日式豆腐肥牛鍋，這個沒什麼特別。炸芝士餅很香芝士味，炸蠔的蠔味十足，炸醬也不會太多太厚，好好味。我最愛的煎鯖魚，真的調味很適中，所以煎香後非常之好味。燒帶子，粒粒都大粒，調味也不錯，不過還是生的好味很多。燒羊架，真的好好味，沒有羊羶味，肉又不會太熟或太生，所以要再點來食。焗蠔，可惜配料的比例比蠔還要多，所以都不能說什麼。第2輪魚生，今次再要三文魚、吞拿魚，還有鯑靈魚。鯑靈魚也調得味道適中，不會過咸，入口又爽口，吞拿魚和三文魚一樣的鮮甜，來這裏食魚生很不錯。飲品任飲，我要了+C。最後還有一人一粒甜品雪米糍。

早兩星期訂位，唔容易有人接，接了會cut線，但有人聽時都有禮貌，並提用膳當日會致電確實及比訂位編號，如冇人接會不留位!當日約1時收到餐廳電話，但來電是手提號碼，差點兒不想接聽。訂了6點那塲，5點45分排隊搭lift上，一出好迫，然後行返去後樓梯排隊等入，約6時便可入座，環境較迫，但算乾淨。食物方面，刺身推介帶子，三文魚，甜蝦!壽司~細細件，但一般，可以不吃!海膽手卷~紫菜夠脆，細細件，海膽鮮甜，推介，如非浪費quota食了壽司，可專攻手卷!羊鞍~好香羊肉味，肉質鬆軟，另一推介!蟹粥~蟹新鮮有甜味,粥底綿滑不咸,另一推介,唯兩人一窩幾飽肚燒牛舌~厚簿適中,食落甘香,另一推介,吃了3串芝麻雞翼~入味,熱辣辣上檯,外脆內有雞汁,另一推介燒雞翼~燒得不夠乾身,味道淡了些汁煮元貝~一碟約8粒5角至一元大小,味道覺甜了些,但入口軟滑蒜片牛柳粒~入口算鬆化,但有鬆肉粉味有機生果~是日有燈及西瓜,好甜,正雪榚~牛奶公司貨式燒菠羅~今日好酸,但鄰檯3人食了30-40件飲品除汽水外還有啤酒,烏龍茶,桃汁等,選擇幾多2人埋單$524,總的來說是值回票價的,會帶家人再來

今晚我地食日本野，同老豆做生日呀戈預早BOOK左位，但去到都要排隊呀！但去到樓下都係要等架，因為係等LIFT呀！首先來個刺身拼盤三文魚~~~唔太夠肥美甜蝦~~~好新鮮好味呀象扙蚌~~~唔太新鮮，有點"腥"呀其他的都OK其實都食左好多野，但唔太得閒影相HEHE串燒~~~好好味炸物~~~好好喎，粉漿又唔會太厚蟹粥~~~味道不錯，粥底煲得好綿基本上食物質素係　好唔錯，但出菜真係好慢，尤其係燒物同炸物呀！服務都還可以的！ 

說好的呢間TST大喜屋都幾旺場聽我老死講呢排好想食放題喎,我本身諗住叫佢去食開個間但佢又'扭計',話想試新野,佢就提議食大喜屋因為就到大家放工一齊過嚟食答車過嚟岩岩好不過成日想BOOK自己心水嚟食既時候都Full 晒呢次終於都BOOK到開心到'笑'一去到見到個場都幾Full,眼見無落Booking就係門口等心諗好彩Book左位姐,(暗爽地說)職員呢次安排我地坐較中間位置,我就覺得都ok,地方唔太大,但可以望晒四方八面,滿足八怪的我呀'老死'話希望下次坐到卡位,咁睇嚟我要叫多d Friend因為我地餓底關係,二話不說好心急係咁寫野,職員都行得幾快嚟收單,叫d野都叫做嚟齊晒,都無咩點漏放低食物都會輕手,唔會好似之前食果間,求其扔低食物選擇種類都唔錯,好就好在真係唔會只得汽水飲,都有其他野飲,岩晒唔飲汽水既人熟食方面都唔錯,我自己就中意食燒雞軟骨,都幾香口同入味至於壽司手卷方面,我起碼食到塊紫菜係脆,唔係淋晒,d料都幾足'老死'食完又話d刺身都幾新鮮,呢樣我就比唔到意見,我無食到飽到比佢食晒總括而言,呢間我應該會再番兜,希望佢keep住水準,再book到位嚟食!

昨晚，相約了朋友，因他是大胃王關係，我想日式放題必定能乎合他的口味，又能填滿他的肚子，最終選擇了這店。一坐下，他急不及待點了一些刺身，而我就點了些燒物，第一轉，上菜速度很快，可能還未滿座関係，刺身都可能，但燒物就太差了，是凍的，沒味的，份量很小的，不會再點的。第二轉再點刺身及壽司 ，點了燒蠔，一些烏冬，上餸速配開始慢，因人開始多。蠔小得機乎看不見，而放在蠔上的不知名東西很難吃，鳥冬不過不失。第三轉開始發生點六種食物只來三種的情況，上菜速度變得極慢， 最後的炸蝦天婦羅，咬下後自感覺到一團粉，口感很差。二百多元這，放題質素，勉強合格。

當日本身諗左幾間放題比女朋友選擇最尾都係選擇左呢間"大喜屋"對上一次去過CWB既"大喜屋"食我地無訂位所以係出邊都等左一段時間.不過好快就安排左我地入座.相比TST呢度其實地方細左小小不過服務員既工作態度一流.抵讚收野收得快 落單即刻收紙.野食黎講係唔錯既選擇.最出奇係花之戀好細粒 好得意 一口可以食哂.沙律醬如果多番小小更加好味壽司既飯唔多 相對黎講 同材料比例合適其中覺得牛肉粒係最好味 可能平時自己鐘意食開牛佢比其他鋪煮起 唔會太硬 容易入口不過好多野飲都無哂 想叫既時候都係得番可樂飲呢間"大喜屋"可以再值得一試

講到我最滿意的效題,一家非大喜屋莫屬今次同家人來,爸爸媽媽超級滿意呢!一來當然是刺身件件都相當厚身,款式夠多甜蝦大大隻,三文魚肥美身,帶子好少地方有不過第二輪的三文魚比較遜色也有提供象拔蚌我最愛的是希靈魚,酸酸的,十分醒胃芝麻雞翼,芝士年糕,炸蠔都新鮮熱辣燒物,燒蕃薯仔同燒牛舌都係例牌必點其他家人都覺得不錯,可以再來服務方面,很快收拾"吉"碟,值得一讚!