影片
更多
2017-10-21
361 浏览
今日同朋友仔來到大喜屋食日式放題！一坐底，就已經有兩大本圖文並茂嘅食物同俾你劃紙仔落單，兩本字典要睇完我都花咗好多時間！因為實在太多野想食，但得兩個人避免浪費quota所以要小心選擇🤣🤣🤣放題基本的刺身、壽司、炸物、手卷、軍艦、天婦羅、鍋物、燒物等都有齊，最特別仲有一品料理，汽水、果汁、特色飲品都係任飲！仲有清酒、梅酒、韓國啤酒一樣係任飲！鍾意飲酒嘅朋友好快回本也！講返食物先，刺身賣相唔錯啊！三文魚腩，劍魚腩，北寄貝，赤貝，馬刀貝都好新鮮好鮮甜！，油甘魚有魚香，色澤非常新鮮；最有驚喜的是極大赤蝦，有成手掌咁長，一入口即嘗到鮮甜滋味，且非常爽彈。坐隔離的一對情侶，眼見佢哋order 左最少40隻蝦成盤上枱，就知道有幾好食啦，講真我真係好佩服佢哋食得晒🤣🤣🙈🙈香蔥黑椒牛肉火炙壽司，牛肉濃香，食一件絕對唔夠喉！而海膽手卷都不錯，食落Creamy鮮甜。另外，燒羊架係必須隆重介紹，舔舔脷指數係100！上枱嗰陣熱辣辣，大大件羊架好多肉，肉質軟腍，唔冼費力就可以咬開，不重羊膻味，但好juicy! 一路食一路見d 侍應不停出幾十件燒羊架送到各張枱，就知好多人叫！炸物我地怕熱氣，只係點咗芝麻雞翼、榴槤球
一坐底，就已經有兩大本圖文並茂嘅食物同俾你劃紙仔落單，兩本字典要睇完我都花咗好多時間！因為實在太多野想食，但得兩個人避免浪費quota所以要小心選擇🤣🤣🤣
放題基本的刺身、壽司、炸物、手卷、軍艦、天婦羅、鍋物、燒物等都有齊，最特別仲有一品料理，汽水、果汁、特色飲品都係任飲！仲有清酒、梅酒、韓國啤酒一樣係任飲！鍾意飲酒嘅朋友好快回本也！
講返食物先，刺身賣相唔錯啊！三文魚腩，劍魚腩，北寄貝，赤貝，馬刀貝都好新鮮好鮮甜！，油甘魚有魚香，色澤非常新鮮；
最有驚喜的是極大赤蝦，有成手掌咁長，一入口即嘗到鮮甜滋味，且非常爽彈。坐隔離的一對情侶，眼見佢哋order 左最少40隻蝦成盤上枱，就知道有幾好食啦，講真我真係好佩服佢哋食得晒🤣🤣🙈🙈
香蔥黑椒牛肉火炙壽司，牛肉濃香，食一件絕對唔夠喉！而海膽手卷都不錯，食落Creamy鮮甜。
另外，燒羊架係必須隆重介紹，舔舔脷指數係100！上枱嗰陣熱辣辣，大大件羊架好多肉，肉質軟腍，唔冼費力就可以咬開，不重羊膻味，但好juicy! 一路食一路見d 侍應不停出幾十件燒羊架送到各張枱，就知好多人叫！
炸物我地怕熱氣，只係點咗芝麻雞翼、榴槤球和炸蝦芝士波，三款均無失手，放題必點的芝麻雞翼，炸得香脆，仲多肉汁，好juicy。而榴槤球，榴槤蓉一咬即瀉，而且榴槤香的威力有貓山王的程度，好勁！炸蝦芝士波就不過不失。
仲有要推介一下，天婦羅炸漿一d 都唔厚，食多幾件都唔會「滯」唔錯！
呢度最欣賞係有一品料理同特色煮物，包括咗：人蔘雞，冬陰公煮海鮮，川味口水鴨舌，馬介休炒芥蘭煲，沖繩黑糖牛仔肉，煙燻黃花魚，其中牛仔肉同埋黃花魚超級好味！
至於甜品款式都有幾多選擇，馬卡龍、朱古力凍餅、奶凍，木糠布甸，芝士撻，黑白蛋糕杯等等 ，由於今次得兩個人，試唔晒咁多野。決定下次叫埋成班朋友再嚟食盡佢！
論價錢，$258任食兩小時多，絕對係超值！👍🏻👍🏻😋😋😋
张贴
