大喜屋日本料理 (已結業)

朋友介紹呢間食日本放提,仲要話中環呢間好D,尖沙咀差D,所以遠到來吃. 星期日中午時段(因為有3小時,可以放開懷抱來食)11:55AM到,馬上安排入座, 位置稍為擠迫,除出來的外套,想放椅背,也放不到,因與隔離坐位真的好近. 魚生上網介紹係油甘魚專門店,一定要試,因為係我至愛,還叫了三文魚,吞拿魚,北寄貝甜蝦(各10件)其他還有希靈魚,帶子,榮螺片,壽司蛋各3件試試. 一來到,有冰放底,非常體貼. 嘩,油甘魚真係入口甘香,超讚,從未食過咁好味的. 總共叫了30件,我一個人也最少吃了15件………..其他三文魚,北寄貝,甜蝦(仲要係牡丹蝦)真係好新鮮同好鮮味……:(叫了4輪,每輪都有冰底,真的超讚!其他幾款魚生就普普通通.尤其帶子好細隻....壽司:食咗火灸三文魚皮醬油漬,火灸海鰻,火灸帆立貝,海骼手卷,牛油果軟殼蟹反卷,和風牛肉卷..等, 上面的料好大件,味道就一般, D飯仲要有D散.我就最欣賞和風牛肉卷,肉味好噥. 海膽手卷-D海膽麻麻地新鮮,有陣苦味……….燒物:有雞軟骨,牛舌(超好味)雞翼,香草羊鞍(超好味,又唔SO,D肉又滑)正!!,鯖魚,燒得好香口,焗廣島蠔,(好CREAMY

本來想定除夕晚, 但要落訂金, 覺得麻煩, 於是改食LUNCH. 這間日式放題位於中環心臟地帶, 以貨真價實聞名. 我們3人到達餐廳後, 被安排了近窗口的卡位, 相當寬敞, 仲可欣賞街景.因為午市時段是12時到3時, 所以可以慢慢嘆, 唔使趕頭趕命.先來兩輪魚生, 啲三文魚全部都喺魚腩, 啲甜蝦喺用牡丹蝦, 又大又甜, 又新鮮, 相比之下, 帶子就細咗啲喇.壽司手捲盡量食少點, 留番啲空位食其他, 牛油果軟殼蟹反卷就好好味, 黃金芝士蝦卷好食但比較滯, 但海膽手捲啲海膽就真少得緊要!!!接著來的是天婦羅, 水準都唔錯, 特別是芝士年糕, 簡直是人間美食, 一定要試.驚喜一浪接一浪, 燒牛舌和燒羊鞍架質數之高, 可比美五星級貴價食府, 由其羊鞍, 肉質鮮嫩又唔臊, 燒雞翼就可以不要了.其實仲有好多嘢想叫, 例如鹽燒蝦, 鹽燒鯖魚, 燒雞軟骨, 黑椒汁抄牛柳粒, 日式煮青口, 蟹粥......但真喺食唔落, 無為辛苦自己, 埋咗單即刻再訂下星期同屋企人再嚟食過.不可不題就是侍應生服務相當到位, 經常自動自覺換碟加茶, 來回落了多次 ORDER, 一次都無漏單, 有別於其他放題, 超讚!

先評食物...尚可 .. 能說得上好味的就是炸芝士餅... 但吃下二件很快便會覺得膩 ~~刺身的上菜速度很快刺身賣相不錯吧... 只是有d 濕濕的感覺 ,,, 刺身下的冰一路食一路溶 ....說不上新鮮又不至於唔新鮮 ... 其他要煮的如天婦羅,燒corns等,, 上菜超慢... 食了 3 round 刺身先有得食熱野 ... 老實說,, 真的不會認為比其他餐廳的好味. 不得不提.. 那兒的manager ... make me feel shock !!我真係未見過一個經理會對客人用如此差的態度多你一個客人唔多的態度 .... o mouth ~ 這就是他們的服務態度 ~~再提一下環境 .... 可能是節日的原故.... 感覺像活在籠屋中....

平安夜之日,中午同朋友來大喜屋食放題平時食放題我多數去居酒屋大吉,鐘意果度的卷物同天婦羅今次想轉下口味,於是就上openrice搵下資料,睇下邊間放題好食見到大喜屋好似有好多好好味既野,於是就book位啦其實大喜屋價錢唔平,平安夜仲加左價,午市放題都要$198+10%,貴過大吉同吉壽!但由於想試呢度的野食,就決定照來啦但真係好失望,好少野食...好多我特登來食的野都冇見到食評話火炙三文魚芝士卷,鰻魚反卷,串燒鰻魚,芝麻雞翼,芝士年糕好食結果以上所有野,得芝士年糕先有!!平時我好鐘意食大吉的鰻魚芝士反卷,呢度得海曼壽司咋!!好失望,第一次食放題食到唔知order d乜野好先講刺身,雖然全部厚切,但味道好一般,唔新鮮,d甜蛋極細塊極"梅",中間仲要黑黑地,冇味,難食我係勁鐘意食鰻魚,但呢度乜野鰻魚既野都冇,失望到我...唯有叫海曼壽司,得個長字,但一d都唔好食,唔香,冇乜味,我朋友仲話好似豆豉鯪魚=_=見到好多人話牛舌好食,即刻叫,真係唔錯,牛柳粒都係,有好感,唔un,牛味好香冇芝麻雞翼囉!!!得鹽燒雞翼!得盬味!!同埋雪藏味,好難食,一隻都食唔晒相信呢度最好食就係炸物!呢度天婦羅好夠熱同

想食一間有quality 既放題, 在中環區睇怕唔會差得去邊掛,第二個原因係因為第一次同女友邂逅地點是beijing club, 於是book 定2 人枱, 6:45 入閘.到步後, 被安排坐張摺枱, 亦是去廁所的主要通道, 是"劏巷"位狹窄空間不要緊, 但一陣史偉莎味確係扣分, 加上d 人去廁所行來行去....很不自在 唯今之計, 只有味覺去麻醉嗅覺, 立即 order....海胆一板, 是要 order , 非放題類, 食食下發現幼毛, 於是一換一, 但味道是新鮮的刺身份量絕不吝嗇, 同MK D 放題相差甚遠, 味道新鮮, 蝦亦比一段甜蝦大隻, 只可惜布凡立貝比較細粒燒物, 炸物普通, 值得一題是冷蕃茄, 刺身沙律, 和牛油粟米好好食overall 來說以放題來講已經叫唔錯, 可惜坐位編排留下不好印象, 服務亦只中等.

朋友成日向我大力推薦大喜屋，終於有機會試一試，Friday Night加上時近中秋(無錯篇食評遲左2個多月先打)，中環一帶非常熱鬧，部電梯爆到等左幾輪先上到去。以木為主的裝潢討好，不過環境太窄，一行八人坐係度郁都郁唔到。由朋友發板落order，樣樣都叫黎試下。刺身真係唔錯，落幾多比幾多，而且非常厚切，絕不馬虎。特別係甜蝦，鱆紅魚與喜靈魚非常鮮味，吞拿魚就比較差，因為係黃鰭吞拿魚，實為先天不足。之後黎既都係香口野/濃味野，岩晒小朋友，後生一輩。串燒與炸物不錯，芝士年糕，炸蠔都好好味。天婦羅就一般，沒有放相的煮物，如炒雜菜，牛肉火鍋則不叫也罷。本人好鍾意的焗蠔就做得一般，蠔肉勁細隻，味道又唔特出。最後食飽叫左D西瓜，清清甜甜解下濟。其實整體食物質素都唔錯，要求精緻就免了。食物唔會留單，上菜味道亦可以。服務也合格，所以喜愛食放題的朋友不失為一個好選擇。

由於朋友早前生日，琴日補番食放題慶祝！友人話呢間係OP有唔錯既評價，所以決定一試！ＢＯＯＫ左第２輪夜晚８點９至１１點首先去到排唒隊去搭ＬＩＦＴ但係個保安真係唔得，問佢架ＬＩＦＴ上唔上到６樓又問非所答，真係叫人扯火！上到去成鵬人，就算ＢＯＯＫ左位都要等成１０分鐘，呢樣野真係要改改１０分鐘過後先入到座，位置比較迫但都可以既。第１輪點左好多刺身，好快就到！點左帶子、三文魚、油甘魚、吞拿魚、甜蝦、玉子、北寄貝、"章"紅魚都算係過得去.雪味較大..海曼壽司，我未食到．但賣相不錯．焗蠔真係麻麻地．．隻蠔細隻到爆，沙律太多‧雪花牛肉鍋還可以，但係比較甜！天婦羅炸蝦幾鬆脆，好味！炸物都點左幾款：芝士年糕超正叫左超多轉！芝麻雞翼好脆好好味點左兩轉！炸蠔都好好味，不過油左小小同埋有ｄ"溜"第二輪刺身點左除左上面個ｄ之外，亦點多左希靈魚，出乎意料之外，酸酸地，好爽口同埋榮螺片，一樣爽口，好味！鹽燒牛舌真係好好味，４個人ｔｏｔａｌ食左２０串！真係好好味

半年前食過中環呢間覺得幾好...味道好過尖沙咀分店..而且今次順路..所以去食~唔知係唔係因為越來越多人識黎食既關係...食物水準有點兒下跌..而家價錢都比以往貴左~每位$198起再加一...食雪糕要每人加$5先有得任食~NOT GOOD..我地食左唔係好多野就FULL左~~所以呢次係非常浪費的......

之前在op見食評很多讚, 於是食lunch buffet都兩三次, 次次都好好, 刺身新鮮, 尤其三文魚, 甜蝦, 必食的有焗蠔, 燒鰻魚, 燒蝦, 好juicy, 太好食了, 可以食好多上星期忽然又想食lunch buffet, 打去問有無位, 價錢, 佢話168 + 10% lunch, 好抵呀, 平過之前, 再睇番枱上的promotion, 是cele tst新店一黎就叫三文魚, 甜蝦, 三文魚, 甜蝦, 三文魚, 甜蝦............., 好新鮮, 再黎就焗蠔, 一個人可食10隻, 正在揀什麼order時, 聽到隔離枱的人話無左燒鰻魚喎, 我就, 好好味的改左menu, 唯有食多d其他野啦, 有新加的乜乜魚生飯, 好似吞拿魚, 個樣靚, 但唔岩我食總括都好食, service快, if無miss單的話, 係坐得迫少少, 但中環百多蚊又好食都算中上之選了, 所以仍給笑臉一個

同事們為我慶生，選了這間甚具人氣的日本放題餐廳，地點是位於夜蒲聖地蘭桂坊附近，難道方便我飽餐後去蒲？這餐廳一晚分開兩個時段，我們訂了第二時段的檯，八時三十分，食客紛紛入座，由於捧場者眾，餐廳亦善用每一吋地方，連走廊，升降機門口都加了檯，通道狹窄，僅可一人側身而過，心裏祈求今晚不要有事發生，否則很難全身而退。甫坐下，同事已磨拳擦掌在放題紙狂剔食物，和風雜菜沙律，枝豆等，初次吃枝豆，咬開厚外皮，吃裏面的豆，也幾爽口。刺身有油甘魚，三文魚，吞拿魚，鱆紅魚，希靈魚，帶子，甜蝦，基本上刺身的新鮮程度都合格，唯帶子較細粒，希靈魚黃色的魚籽在口中爆破，感覺特別。壽司則點了花竹蝦，帶子，三文魚和鰻魚，味道都是可以的，尤其是鰻魚，很喜歡，因壽司有件飯團，不會吃太多，以免後勁不繼，吃不到其他。焗廣島蠔較自家製吉列蠔好味，因有些煙肉碎和沙律醬，很香口，而吉列蠔只得一團粉，相對吸引力不夠，串燒鰻魚, 燒鰻魚喜愛之物，吃多兩件，迷你海膽手卷，味道苦澀，不及吃件三文魚壽司實際，炸蝦天婦羅，粉漿不太厚，溫度夠熱，算不錯，火炙三文魚芝士卷，好味，一再添食，鹽燒牛舌，鹽燒海蝦，燒雞軟骨，質素麻麻，及早放棄，燒香草羊鞍，

普遍黎講，間間夜題其實都係差唔多...唔好expect佢會係好新鮮..........只係唔好"霉"晒咁款已經好好...呢間算ok....而且款式夠多，連羊架，焗蠔o個d都有‧推介汁煮牛舌，好淋身個汁好好味.......其他食完都無咩印象.....................但係呢間都幾貴!!!!! lunch $185 (10% added)... 比出面貴又唔係特別好食................

真係太正了.我本來都唔係一個特別喜歡放題的人.曾經有朋友帶過我去食松x, x吉...等等的放題, 總係覺得一般般的.踫巧有朋自遠方來, 打算找家日本野食, 於是找到呢間.好好彩的, 果日 (星期日) 中午先打去BOOK張10人台, 竟然比我BOOK到.大喜屋環境比較陝少, 台與台之間都幾迫下.不過亦造就了更close的氣氛.呢度野食既選擇超多, 每隻顏色既"點心紙"我地都點了.魚生又厚又新鮮. 仲排得好靚tim.蟹粥味道很鮮.各款串燒都點了.張台爆到要叫佢cut單.待消化多d之後再追加一round更大盆的魚生.另外介紹一下這裡的東風螺.我自己就冇乜大興趣, 不過友人都好喜歡, 追加再追加.喜歡食的人可以喪叫.呢度野飲既選擇就比較少, 只有幾款汽水. 我對汽水mama地, 如果有鮮綠茶就好了 =)甜品方面亦冇乜得選, 我地以生果盆代替了.以後食放題我只會去大喜屋啦.同頭先提過的放題店比, 真係超班幾個層次.

寫番成幾個月前的食評 第二次黎中環大喜屋, 都係咁好味道! 今次4個人坐window 邊的卡位12點鐘黎到已經係第三四枱客, 開始order落單刺身: 甜蝦同三文魚都好好味!! 好新鮮. 北寄貝就正常質素雪花牛肉鍋 - 牛肉好嫩, 湯底甜蟹粥 - 正, 好鮮甜, 有好多我喜愛的粟米燒羊鞍 - 有輕微的羶味, 唔會"um"焗廣島蠔 - 無咩特別, 正常味道東風螺 - 味道唔錯, 少 少spicy, 冇沙蒜蓉牛柳粒 - "鞋鞋"地炒時菜 - 好咸串燒鰻魚 - 另一狂點之食物, 一串兩大件! 正正 汽水 - 有好多選擇

好耐之前已經想去M88食飯.今次因為友人上司推薦之下黎大喜屋試下係咪真係咁正先..地方唔難搵. 但距離地鐵站都要行十分中Central Tower 再上少少.不過M88無乜呢間野係廣告招牌. 驟眼睇唔覺ga~~本身book o左12.30早o左十分中到. 都無乜人. 只有六七檯客我地兩位. 佢拆到ge 檯都盡拆.搞到我地呢d 所謂二人檯與檯之間好窄(所以下次三個人黎先得...XDDD)檯面放o左兩本menu望到隔離位拎住個"一人前精選"ge 餐牌點解我地無? 原來要自己開口問佢拎先會俾你..個價錢爭好遠囉..menu 一個定食要170個呢個一人前精選98 咋 (不過加一係加原價.. 即係170 ge10%)精選有""湯、沙律、主菜兩款、有白飯(可要可唔要)、咖啡/奶茶/甜品係中環黎講.. 日本野仲要係成set.. 呢個價錢真係ok 喎呢間午市無做放題. 要六日假日先有沙律又真係幾好味(芝麻醬好難唔好味喎)d 菜都爽口.. 感覺都幾fresh個湯反而麻麻.. 飲落都知係開粉的主菜點了""燒銀雪魚、燒三文魚腩、刺身拼盤、吞拿魚飯先黎吞拿魚飯.. 外熟內嫩. 咬落口雙重感受. 仲要唔腥之餘好

建議大家要預返d等lift時間, 因為正門只得一部lift上到六樓, 加上人又多lift又細, 要等幾round lift先上到去.地方有廁所所長位，亦有守lift口位，更有一個騎哩位：好似office既L枱咁，一面就好似坐bar枱咁坐4位，另一面就面對面坐2位...幸好友人早去，獲分配到張卡位，不過卡位都超逼，我地本來6位後來好在有1位黎唔到，若黎齊肯定坐得極辛苦! 同埋根據友人攞位經驗, 佢大概8:30pm去到, 因為2nd round係8:45pm開始, 侍應叫佢地落返去先, 友人冇落, 照喺返餐廳內等, 但有其他人落返去等夠鐘先再上黎, 所以最後友人獲分配張卡位, 而同時間上左黎又落返去等既客仔就獲分配左門口位.刺身及壽司甜蝦 - 鮮甜, 大隻, 新鮮元貝 - 雖然細粒, 但有鮮味, 入口溶油甘魚 - 平時唔會食既刺身, 見係佢出名照點黎試, 有淡淡的魚香味三文魚及北寄貝都有食, 正常質素海膽手卷 - 海膽新鮮的, 好味壽司方面好似乜都叫左d, 其實唔記得自己食左乜, 但整體都好好味, 同埋佢d壽司飯相對較細粒, 等你唔會淨係食飯都食到飽飽熟食芝士年糕 - 熟食中最好味既一項,