大和牛石燒專門店 (已結業)

之前係網上見到石燒牛肉好似幾吸引，就同朋友搵左呢間大和牛食晚餐。餐牌提供唔同部位嘅肉類，除左牛肉都有豚肉同雞肉。最後揀左三款。落完單，等左一陣，食物已經一次過到，好快。日本A5和牛肉眼蓋($278, 200g)，牛肉油脂非常豐富，燒到啲油粒彈彈下，完全唔會痴住石板上。澳洲黑安格斯西冷($128, 200g)，由於西冷本身有一定厚度，職員會將西冷連石燒板一齊上。西冷油脂雖然唔夠日本A5和牛肉眼蓋多，但啲油粒都會彈得好遠，所以餐廳會先用張紙蓋住，都幾細心。西次肉質結實唔會鞋口，啖啖肉好正。自家製和豚豬柳阿波尾雞蛋堡($65)，豬柳蛋堡配左三重芝士好過癮，另外加左套餐配薯條同啤酒，爽。

九龍灣德寶商場，呢幾年大翻身，重新裝修過，又開咗好多唔同類型嘅餐廳，其中見到呢間最特別嘅石版燒餐廳，餐牌幾吸引，裝修格局能四正，所以就入去試吓。今日係為咗慶祝朋友生日，兼夾獎勵佢前幾日同我哋行山，挑戰自己，突破成功。餐牌上有好多種類嘅牛肉，日本、美國、澳洲都有，另外亦都有雞肉及豬肉，總之就啱晒食肉獸。仲有如果對漢堡有興趣，仲可以點漢堡餐。日本A5和牛眼蓋$145/100gA五黃牛真係冇得頂，切得薄片，喺石板燒上輕輕煎熟，變色就即刻食得，雪花一樣嘅牛脂肪超級甘香，入口嗰種鮮甜美味，真係無法形容，人間極品！日本大和雞上髀$68/200g大大件嘅雞扒冇骨，擺喺石版燒，睇住雞油煎出嚟，同肉質夾埋嘅香味，真係冇得彈。店家提供唔同嘅醬汁，有燒肉汁、芝麻醬、柚子醋汁等，用嚟點呢個雞，都好啱。雙層芝士和牛漢堡套餐漢堡超級大個，配上美味非常嘅洋蔥圈，仲有飲品，更加大滿足！值得一提嘅係石版燒套餐，提供沙律、餐湯及白飯任食，非常之抵。

得寶原來有間石燒店，愛牛既我地當然要試一試！澳洲M6和牛 vs. 日本A4和牛。個人更鐘意澳洲和牛既咬口，肉味濃！A4和牛入口即溶，都係必試之選！我鐘意可以揀重量，試少少都得，岩哂胃口細既我！

大和牛石燒專門店 Dai Wagyu Stone GrillGOOGLE下九龍灣有咩餐廳食見到呢間幾多好評,所以晚市過左黎食,由地鐵行過黎幾分鐘,好近,商場內,唔洗排隊呢度主打石燒和牛,雞扒,豬扒,放題沙律白飯同湯任食任飲,飲品另計,無加一睇完餐牌,想試下佢個招牌新漢堡套餐,單價唔貴,份量亦多,幾抵食有素食選擇,套餐都係$58,以手工漢堡黎計,抵!平時成百蚊!有幾種口味,珍寶大啡菇和牛漢堡扒$78套餐,包小食包飲品另有雙重芝士和牛漢堡 $75 套餐價套餐可選薯條,牛油粟米,炸魚塊,雞翼等配搭以我點既雙重芝士和牛堡黎計,單係呢2塊扒已經值回票價平時出面食單層都係賣緊呢個價,用上靚料牛肉做漢堡扒,食起黎有肉汁之餘,份量十足足足有300克牛肉,食肉怪必愛,肉味濃郁之餘,夠油香,好甘香,好好食牛頭角牛頭角道3號得寶商場地下123號舖

事隔一年多,再去九龍灣搵食,得寶花園商場內翻新後有更多既餐廳除左連鎖店米線店之外,仲有拉麵店,呢度仲有一間叫大和牛石燒專門店係食石燒牛扒同漢堡既唔食牛肉有雞扒或日本豚肉 雞扒$68就有200克,豚肉眼$88 200克單價不貴仲包埋沙律,餐湯,白飯任食,計埋就感覺抵食了最高一款係A5和牛,$278 /200克,安格斯平鐵牛扒 $98/200克即係一個定食價錢有石燒有飯有湯,落單後約10分鐘左右上菜我地選了澳洲M6和牛小排,有買開凍肉既,M6價錢一向不便宜呢單片250克都要200幾蚊,佢而家煎埋比你包任食飯湯~抵食!牛肉肥瘦平均 肉質柔嫩,最岩拿去煎,煎5成熟仍然嫩滑有肉汁,肉質仍有彈性邊位既肥油切去唔食比較好,成口油會太膩肉與油香平衡，牛味香濃

去到九龍灣今次想試下石燒！俾我地搵到間o係得寶商場，又有burger 又有石燒！Burger揀左雙層芝士和牛，略咸左少少，不過好重牛味，份量十足，有洋葱增加香味，個人覺得可以多少少蔬菜配搭埋會更好味！小食揀左炸雞翼，幾特別係帶有少少甜味，大隻得黎都算香脆！同步叫左2款牛同朋友share品嘗，一試日本A5和牛，果然油脂分佈均勻，加少少鹽同黑椒調味，食出和牛香味，口感軟滑；個人更喜愛另一款澳洲m6和牛小排，既有一定的厚度同有趙勁既口感，用石燒燒得好香！

今晚同朋友揀左間大和牛石燒專門店石燒種類有好多款，岩哂勁好牛既我地！澳洲M6和牛小排200g，首先上枱前已經好細心用廚房紙包住避免彈油，店員有提我地適時翻一翻，避免過熟，我地燒到大約5成熟，加左少少岩鹽黑椒提味，一邊帶有焦香，點芥末實在好夾。日本A5和牛肉眼蓋100g，原來都唔少，有6塊，牛脂分佈均勻，放落去石燒度，翻一翻就食得，入口好即溶好肥美甘香！另外食埋牛油果漢堡，漢堡既質地鬆軟，同牛油果既cream好夾，炸洋蔥好香脆。

我要食牛今日去九龍灣，去了德寶商場，原來好多選擇，有間食牛位置又寬敞，坐得舒服，就去試試。有個自助吧，沙律、湯、飯，各種醬自由拎。店員好細心，用張廚房紙蓋住上，還提你可以帶紙圍裙，因為啲牛好澎湃，彈到有點點痛，記得用！.澳洲M6和牛小排 $218叫了200g，都好大塊牛，上台有5成熟，之後想熟啲煎耐啲，有少許筋，肉味香，油脂不多，一致認同好好食！.牛油果80g 和牛漢堡 $59包烘到外脆內軟，配上牛油果，蕃茄，沙律菜，和牛，漢堡值得叫。.美國安格斯牛柳200g $168一大塊，好彩叫了200咋，本身想叫300，都好大舊，牛柳牛肉味較濃，點少少鹽再好味啲。.啤酒兩杯 $70正！食燒肉飲啤酒絕配！.雞翼 $25好抵食呢，有4隻，外脆肉甜甜地，有點似鹹蛋黃雞翼！

想試來自不同國家的和牛就緊係要來大和牛石燒專門店啦😜有日本、美國、澳洲的和牛~岩晒和牛控🐮今次試出產於美國的SRF和牛板腱200g~肉味較濃(另有300g的選擇)~除左和牛外。。。。。。而家仲多左burger可以選擇(即叫即整) ，可以一次過滿足兩個願望選左軟殼蟹🦀阿波玉子🍳漢堡~再加$12配套餐(包汽水🥤及薯條🍟)^^另外可追加其他配料如和牛漢堡扒、蛋、煙肉等。。。。。。來一個自選漢堡

漢堡質素極高, 值得一試, 與太太各人叫普通和牛漢堡及雙重芝士和牛漢堡, 雙重芝士那個有兩塊非常大的漢堡扒, 香味濃郁, 非常可口, 配搭薯條, 非常乾身香脆, 外脆內軟, 非常滿意

光是看餐廳名字，以為只是歡迎肉食朋友，想不到素食的選擇可不少。小妹今天下午跟同事外出用餐，就是被餐牌上的「牛油果漢堡」吸引著。於是點了一個漢堡套餐：包括主角牛油果漢堡、牛油粟米、自助沙律及罐裝汽水。最驚喜是埋單只需付$40的價錢（午市八折），相當實惠。

有一間餐廳有齊晒我兩樣最鍾意食嘅嘢，牛扒同埋漢堡包就一定係大和牛這家餐廳。我點了一份美國安格斯牛小排，店員先把牛扒兩邊燒熟，裏面全生，因應自己嘅需要在熱石上幾長時間。我牛肉又香很重，肉味濃郁。至於湯，沙律和飯可以免費任食。食完個牛扒之後， 仲想食個小食，最後同朋友share左一個漢堡包，裏面的菜蕃茄都很新鮮，漢堡扒肉味十足，麵包軟林林非常可口。最後我都發覺地理位置好方便距離九龍灣地鐵站都係行幾分鐘，附近還有一個大型巴士站。同埋好幾個商場，食飽之後行吓都非常方便。

今日放工同朋友一齊去附近商場食嘢，求其入咗一間唔使等位嘅餐廳，點知味道又唔錯！我哋點左兩個燒肉套餐同埋一個漢堡套餐，分別係三重芝士漢堡套餐、大和雞上髀同埋A5和牛肉眼。漢堡餐好抵食，個漢堡包一啖真係咬唔晒，入面塊扒好口同埋好多汁，啲芝士又多到流出黎，真係好好食😋！另外個大和雞上髀醃起好夠味，我哋又可以控制煎嘅時間，所以食落口嘅時候係好嫩滑好好味！A5過牛肉眼真係好推薦大家試試，因為牛扒嘅油脂分布好平均，每塊食落口都入口即溶，加啲胡椒同埋鹽調味就已經好足夠吊到個牛味出黎👍🏻

午餐時間到啦，朋友話最近有間好好味的漢堡牛扒餐廳，牛肉居多為主，佢試過好好味，今日忍唔住都過去試下。午餐時間人流都多，餐廳環境都算舒適寬敞，原來湯同飯仲有沙拉都任裝，正啊。我地二人首先點石燒牛排，呢度牛扒好出名，點了美國安格斯牛小排同埋澳洲黑安格斯西冷扒。牛小排有已切好的四件，安格斯西冷就大大塊一件，都是在熱辣辣的石鍋上燒，自己可以控制熟的程度，自己慢慢燒的感覺都幾得意，鍾意幾多成熟都得。當然，兩分牛排都係咁好味啦，肉質煙韌又彈牙，所以重來都話肉質係最重要。另外呢度的漢堡也是出名，我們再點了一份英式煙肉阿波尾雞蛋和牛漢堡，首先見到個半生熟雞蛋已經流曬口水，蛋黃一爆連埋和牛滲入成個包，一淡咬落去真係超級juicy ，味道一流。忍唔住再食多兩件炸雞翅，一個字脆，兩個字，香脆。簡直無得頂。第一次來食已經咁好享受，看來之後都會成為飯堂啦。

好耐無食自己DIY烤肉喇今日決定趁收工烤烤佢先～餐廳座位寛落，全部都係卡位黎全程都坐得好舒服！首先我地點左個三重芝士和牛漢堡配美國焗薯漢堡嘅和牛扒勁厚勁Juicy，主要用黑椒黎調味，能夠更加突顯到個牛味，再配埋啲邪惡芝士，真係唔錯，另外美國焗薯食落比普通炸薯條健康，但記得出去醬料區拎茄汁～另外我哋都叫咗個雞上脾(200g)同埋A5和牛（200g)自己燒嚟食🥰雞上髀食落無雪藏味，而且亦都好嫩滑Juice，本身嘅調味已經好足夠，但如果係重口味嘅愛好者，可以加啲燒肉汁嚟食，絕對會encore！另外A5和牛嘅雪花分布平均，放上塊石板上面燒兩燒已經可以食得，一入口嘅時候啲油脂係個口腔都溶化，真係做到入口即溶嘅感覺！超正🤩另外餐廳亦採用半自助形式，可以去到出面吧枱無限次拎沙律、白飯同埋湯，絕對可以食到你飽🤭飲品方面我哋叫咗個可樂同埋生啤，燒肉必須肥仔水！爽啊！