大和牛石燒專門店 (已結業)

大和牛石燒專門店商場地舖地方不大，適合二至四人。大和牛除咗石燒，還有漢堡(超多款漢堡款式，如果係中午，食漢堡都係好選擇)我今日我選擇左日本鹿兒島霜降牛柳$78，加18蚊肉量50%up💗另外(小食+飲品$15)我再加埋芝士同一罐可樂牛柳用熱煱上枱，嘩！芝士在熱騰騰之下溶化，好正。牛柳切成細細的，肉質夠滑，連同粟米粒芝士溝埋飯大大啖一齊食入口，好滋味。澳洲M8和牛肉眼$98，加38蚊肉量50%up💗另外(小食+飲品$15)呢份我就再加埋泡菜同一罐可樂牛肉眼用熱煱上枱，牛肉眼切薄片，襯熱就將泡菜、粟米溝埋白飯又係大大啖食入口，佢嘅泡菜整得好食，加上辣辣哋，好開胃。💗出面有一個任食區，包括有沙律菜、白飯、麵豉湯。💗麵豉湯好濃，又多材料，好好味。

呢間價錢非常親民, 有多款和牛漢堡選擇而且可以任拎沙律/麵豉湯同白飯我地今次就加$9轉套餐, 包一款小食同飲品!! 小食可以選薯條,牛油粟米,炸魚塊,雞翼等等配搭❤️▫️ 英式煙肉阿波尾雞蛋和牛漢堡配薯條($72)包烘到外脆內軟, 夾住一大塊厚厚既和牛漢堡, 阿波尾日本雞蛋, 煙肉, 蕃茄同埋沙律菜, 啲芝士又多到流出黎,非常之足料又有口感🍔配埋美國焗粗薯條, 啱啱炸起外脆內軟, 薯味十足🍟估唔到勁大份真係大滿足系列😛▫️自家製和豚豬柳漢堡配薯條($52)漢堡包一啖真係咬唔晒,豬柳好厚身好juicy, 中間夾住蕃茄,沙律菜,芝士🥰芝士多到湧出來非常邪惡🧀配埋帶甜甜地既沙律醬好夾好味, 值得一試🤤

由九龍灣地鐵站行幾分鐘就到，位於小商場地下。餐牌選擇多元化，價錢豐儉由人，最平鐵皮飯餐 $53就有，最貴可以簡 $158 (200土) A5和牛鐵板餐。加錢轉套餐，有沙律、麵豉湯、白飯任食任飲，實食得飽。推薦必飲麵豉湯，落左唔少雜菜，煲到好腍，飲完唔口喝，唔係味精湯。日本鹿兒島霜降牛柳鐵板餐 $78加多 $18，可以升級50%肉量，見唔貴所以加埋，完全冇後悔!霜降牛亦稱大理石牛，脂肪分佈細密，入口柔軟易嚼，呢個價錢食到靚牛，都算抵! 另有燒肉汁、黃芥末醬、黑椒、粉紅粗鹽提供，可自行調味。飯底撈左燒肉汁，食落甜甜地，撈飯幾夾。澳洲黑安格斯西冷 $138 叫左200g，兩個女仔share都夠食！上台先用紙巾蓋著，打開見到好靚既燒烤坑紋，切開仲有血水滲出，唔會過老。旁邊帶脂肪位，所以食落唔會過靭，但當然冇霜降牛咁柔軟。跟餐加左兩件炸雞翼，上台時熱辣辣，咬落外脆內嫩。

一出九龍灣站，沿天橋行約5分鐘就到。鋪頭座位多，坐得舒服。牛肉款式多，不論係唔同國家，連唔同部位都頗多選擇。加$15可以轉套餐，外面有自助吧，白飯、湯、沙律、醬料任裝。沙律爽脆，白飯鬆軟，包食到飽。推薦麵豉湯，落左頗多雜菜去煲。🔸日本鹿兒島霜降牛柳鐵板餐 $78另加$18，可以多50%肉量，總計$100有找，CP值高。牛肉油脂分使均勻，入口細膩，一拍埋朋友叫既澳洲牛就知分別😂亦會明白點解貴啲。鐵板牛冇得轉套餐，但可以追加多款配料，如：泡菜、粟米、蕃茄等，唔算貴。撈飯食首推加蛋同芝士，拉絲既誘惑，配滑捋捋生蛋，幸福感陪增！🔸澳洲黑安格斯西冷（200g) $138 轉套餐 +$15上台時約三成熟，鐵板超熱，牛肉熟得頗快。西冷係眾多部位中算瘦，唔多脂肪，旁邊有個板筋位，食落肉味濃啲，有嚼勁。🔸炸雞翼 多層卜卜脆，入面嫩口。

朋友同我講呢度有間餐廳食牛扒好正,而且價錢合理,都幾多人黎食,於是我地就一齊去左食呢間大和牛餐廳,餐廳環境都好乾淨,而且座位都幾好住,傾計都好岩,唔限時,職員安排左我地坐卡位,我地買左一個澳洲既西冷扒餐,份量都好足料勁大塊,仲要用石燒方式上菜,牛扒煎至熟透就可以食,配飯同湯,仲有沙律吧自助食幾多拎幾多,白飯都軟熟,唔會好硬,另一個餐就叫左鹿兒島鐵板飯,混合埋小小黑椒黎食,味道岩岩好,跟餐加左小食同飲品,飲品可以自選汽水一罐,食物即叫即整。

呢間位於九龍灣得寶商場內既大和牛餐廳,入面地方闊落,好多卡位,仲有自助白飯,沙律同湯可以任裝,入面除左主打石燒牛扒之外仲有漢堡可以俾客人選擇。我地叫左石燒牛扒,澳洲安格斯西冷扒大大塊,厚切好抵食,牛扒切開後啖啖肉好JUICY,仲有300G咁多,另外我地仲叫左一款鹿兒島和牛升級套餐轉左小食炸魚柳三塊再加多$3,計埋加跟餐費都係加多18蚊同埋飲品,鹿兒島和牛用鐵板裝住將飯同肉搞埋一齊食熱辣辣。又可以自己燒又可以燒完食俾客人有種玩味感覺又玩又食。

今日去得寶商場夾公仔見到尼間鋪，有石燒牛、鐵板飯同埋漢堡餐，見到有得叫A5和牛就決定食尼間餐廳餐廳自助吧有沙律、面豉湯、白飯、水、調味料，有需要既話可以過去自取全部任食任飲，職員比餐牌我睇，石燒牛同鐵板飯都好吸引，反正自助吧可以任食白飯，我決定揀石燒牛，我揀左A5和牛肉眼蓋100g，加錢轉做套餐有小食同飲品，小食揀左薯條，飲品揀左可樂職員首先送上小食，薯條好脆，過左一陣，職員送上A5和牛肉眼蓋同埋石板，和牛顏色鮮艷脂肪比例均勻，燒熟左就直接食入口即溶👍🏻

睇電影之前嚟大和牛用餐. 意外地少人, 氛圍幾好. 而且落單之後好快就有得食, 出餐效率快.A5日本和牛肉眼蓋牛肉非常之好味, 肉質鮮嫩, 嫩滑爽口, 不愧係店舖招牌牛肉. 而且有蕃茄粟米配搭, 多番啲水份, 咁樣就唔會食到口乾, 而且味道非常之鮮甜.三重芝士和牛漢堡套餐漢堡非常之足料, 中間嗰塊牛好大塊, 而且味道極佳, 咬落去充滿肉汁, 而且非常之入味. 另外芝士亦都非常之出色, 係入口即溶嘅感覺, 而且識落唔會覺得好膩. 一個字,正！

今日約咗朋友去九龍灣攞嘢，記得上次喺荃灣食石燒感覺唔錯，上網搵到響德寶商場入邊有一間石燒餐廳就去試吓啦！呢間餐廳位於商場入邊，佢哋嘅餐牌主要分開三大類，包括左石燒牛套餐、鐵板牛肉或豬肉飯，同埋漢堡包套餐。我哋就叫左紐西蘭天然牛肋條($90有300 gram)同埋雙層芝士和牛漢堡（兩塊150 gram嘅厚牛肉），牛肋條總共有四條，嗰塊石頭夠哂熱渣渣聲，加上牛肋條煎咗好多油，所以記得放喺碟仔上面分開加熱，如果唔係遲食嗰啲就會好熟，牛肋條好有咬口亦都肉味十足，加上出邊仲可以自助式攞麵豉湯、沙律同埋白飯，所以一定夠飽。另外雙層芝士和牛漢堡，入邊嗰兩塊烤牛肉好厚又juicy唔乾，加上芝士食味道唔錯，同埋佢哋嘅套餐可以加$15配薯條同埋罐裝汽水，套餐性價比高，下次可以再試吓其他款式。

見到附近幾間食店都排晒大隊，得呢間比較冷清，決定反其道而行之，入去一試究竟。當時嗌漢堡仲有九折添湯、沙律、飯可以任食，質素正常合理，都相當有誠意。兩個主角嚟啦！佢直徑唔大但係都幾高身，可以見到咬開後牛扒中間煎得都幾靚，包身香脆鬆軟。薯條都相當香脆。整體來講都算滿意，服務正常。希望大家除咗排附近啲餐廳，都可以試吓呢間小餐廳啦。

大和牛上次同朋友食過對面餐廳嘅「一生懸麵」🍜 今次再食大和牛，就真係唔係好明，點解性價比都幾高嘅大和牛無人食 🤣 所以喺度share下😌 尤其漢堡三重芝士和牛漢堡套餐一開始以為厚厚的係醬汁～ 但原來係熱融咗嘅芝士🧀 融化咗就更加惹味，一睇就似evil ~ 牛油果和牛漢堡 🥑🍔正常發揮，冇咩可以挑剔。漢堡嘅份量都係合乎期望嘅厚度，牛油果切片都覆蓋晒漢堡，而且都幾新鮮，綠色冇黑色紋👍🏼A5日本和牛肉眼蓋鐵板飯其實可以話係唔接受Pepper Lunch嘅做法～ 但升級版就在於採用A5和牛🐮 鐵板一上枱就熱辣辣，油脂豐富得非常之香濃～ 特登加咗$3 ，再加啲蕃茄碎🍅 令到成件事冇咁dry ～ 入口舒服

建議唔好去啦，成日漏單個員工態度又唔好，叫員工幫忙跟進就當聽唔到。我已經第二次去，第一次去已經漏單等咗25min先話幫你落返but食物味道唔係差。今日我第二次去又係遇到漏單情況等咗20min我走咗。漏落單情況經常發生。

已經好耐無食過石燒牛😆，呢一間位於牛頭角嘅石燒牛專門店之前試過幾高質，今日就即刻再食啦🥳.美國安格斯牛小排(200g) $162首先呢度設有自助區，可以自助出去攞唔同嘅食物，包括沙律、白飯、味噌湯等等.講翻件牛小排方面，一上菜已經見到好肥美，油脂分佈都幾吸引，而且石燒牛仲可以自己控制自己想要嘅牛生熟度，不過要小心唔可以燒太耐，否則d肉太老會影響口感，而呢件牛小排除左肥美之餘亦都好有牛味，口感方面都唔錯

朋友話Dinner想食石燒牛🥩所以今日就嚟到位於九龍灣得寶商場嘅大和牛😆本身我哋其實諗住嗌日本A5和牛肉眼蓋但係店員話賣晒 所以咪嗌左其他嘢🥺-任食區有味噌湯、白飯、沙律🥗醬汁🧂即棄圍裙大家可以喺等緊嘢食嘅時候出去攞嘢食🥰-澳洲M6和牛小排 $228/200gAustralian M6 Wagyu Short Rib和牛果然唔同啲😻牛小排肥得嚟又有肉味生熟程度亦可以自己控制👍🏻不過記得唔好一開始就掀開張紙如果唔係就會彈到成手都係油🤧

從來冇行過入嚟呢間商場，今日竟然搵到間有驚喜嘅食肆。門面裝修吸引咗我入去。點左個漢堡套餐，雙重芝士和牛漢堡加炸薯條加罐裝汽水套餐價都係$75。啲薯條炸得非常出色，外脆內軟，一啲都唔覺得油膩。個漢堡和牛超級多汁，芝士味香濃，包皮外脆內軟，推介必食，同連鎖漢堡店相比性價比極高。另外我都點左個鐵板飯，澳洲M8和牛肉眼鐵板飯。首先我對飯嘅要求好高，佢係用粒粒晶瑩嘅珍珠米，飯質好有嚼勁，和牛牛肉味極濃，又多汁，牛肉汁沁透於整個飯，加上香甜嘅粟米，一啲都唔覺得油膩，熱啦熱辣辣食落去超滿足。這間鋪用料上乘，連枱上提供嘅餐桌鹽都係岩鹽同埋高級即磨黑椒粒。另外仲有自助沙律吧，白飯同埋湯都係任裝。