大和日式料理 (已結業)

第一次黎，黎到正值lunch的繁忙時間....和同學等左10分鐘到，5個人逼住坐4人抬，冇辦法啦............見到d set lunch真係幾抵下，叫左個雞扒拉麵餐，有埋壽司送....之後加幾蚊有杯野飲，唔記得加幾錢，叫左杯係芒果加益力多...杯野飲幾好飲...............首先個兩件三文魚壽司就普普通通啦.....個拉麵都唔錯呀，係個雞扒唔好味.......個雞扒係雪藏貨，唔新鮮，而且冇咩味道，好似冇醃過咁...又煎得唔夠耐，唔夠脆.............食雞扒拉麵的同學都話個雞扒好難食........>.<"埋單唔記得幾錢，不過唔洗加一..........雖然個雞扒拉麵唔得，但我見其他人食的餐好似都唔錯....價錢唔係好貴，都可以再黎試下其他...........

今日到我同同事慶祝新年啦!係公司附近搵到呢間好嘢!坐底, 睇完晒個餐牌, 結果我同佢都係揀噃「雜錦魚生飯定食」($38)!嘩! 睇個樣都OK 喎! 勁多魚生呀! 又幾靚仔, 啲魚生都算新鮮,雖然飯就比較少, 但對女仕嚟講都絕對夠食啦!仲要發現食食啲魚生真係幾多, 同啲飯係一半一半咁多呀!同埋啲飯都幾好食, 食得出係珍珠米加醋煮既!而個前菜「中華沙律」都OK, 仲有個麵鼓湯雖然食得出係味精, 但都幾好味喎! 可能夠熱啦!其實仲有好多嘢食架! 不過第一次嚟, 都係試咗佢啲刺身得唔得先啦!下次先再試其他嘢! 同埋個餐牌好得意, 貼咗 labal 既其實係減咗價,嚟張傳單寫個「雜錦魚生飯定食」係$45 架! 但上到嚟個餐牌又話$38 !!同埋呢度午市冇加一喎!! 嘩!! 真係超抵食呀! 唔怪得之我哋嚟既時候已經坐滿九成, 之後一路keep 住冇乜位淨啦!呢間嘢實有下次!! 真係唔錯! 如果要比「千秋樂」的話, 我諗係一份錢一份貨,個度雖然貴十蚊, 但係啲刺身種類多少少, 主要有我鍾意食既甜蝦呀!!啲飯又多少少, 至於個前菜就呢間有, 千秋樂只有甜品啫哩, 不過個麵鼓湯就千秋樂好飲啲! 所以兩間

平安夜嗰晚同女朋友行過銅鑼灣,有個俾咗張傳單我一睇呢道有好多嘢食,跟住周圍望吓,就上咗五樓,嘩真係好多唔同既嘢食,但係我同我女朋友都係鍾意日本菜,所以入咗一間叫大和既日本餐廳,但係要等位,不過唔駛五分鍾就有位,入到去環境very good望到銅鑼灣全街都係人,我一望餐牌,嘩聖誕餐二個人set都係$300蚊埋單,覺得好鬼平,於是叫了一set,食之前仲人人有得抽獎,我地仲抽到ニ張50蚊現金卷,very goodluck,跟住就開始食嘢,啲嘢食好好食,D刺身好新鮮,熟食都好好食,但係都食唔曬,好飽呀,望一望隔離枱,原來仲有啲好鬼長嘅壽司,好想試但係我同女朋友都好飽啦,我仲同女朋友講下次一定要試,今晚我好開心....呢間係銅鑼灣既大和真係飲食三宝,係咩..平,靚,正..大家睇完不仿去試吓,無介紹錯......

因為training關係所以到金百利搵食，無意之間比同事帶左黎呢度開餐，一試真係不得了...38蚊竟然有一個炸生蠔定食，d 蠔又熱又新鮮，真係好正!!之後每次training都同同事黎食...食左三四次同一個定食都未厭^^仲有刺身定食都ok!

果日係跑馬日...星期日來既...我同個朋友於3點半到去到食野啦...d野食一半...不過不失啦不過d服務態度真係好唔得...大家諗下....雖然last左order...不過客人一日未走...你都應該尊重個客呀...件事係咁既....其中一位男經理可能係贏左馬既關係....好大聲咁講左句粗口出嚟....成場都聽到...簡直有呢個迴腸盪氣之勢佢其他同事聽到之後都話比佢聽有客係到...唔多唔少都出講返聲對唔住呀....但見佢毫無悔意咁...大家諗下如果有小朋友係到咁會點呀...教壞D小朋友...二來唔尊重客人....更加唔尊重自己...自己身為一個經理(我睇到佢對其他侍應呼呼呼渴渴...重要好大聲)控制自己既情緒..都唔得...咁點控制其他野呀