影片
今日想食清淡d，所以黎到位于荔枝角Aeon二楼既大叻越式料理，试下越南菜。食越南野又点可以唔食最出名既火车头，有肥牛，牛丸，牛筋，牛柏叶。一次过满足你食牛既欲望。汤底都几浓郁！（由于太肚饿，唔记得影相记食左一半）本身想食牛油鸡翼，点知今日卖哂，试试香茅鸡翼亦唔错，几香口。呢个虾饼就真系差d喇，合埋眼食仲以为佢系鱼蛋，口感认真麻麻，不推荐。三道菜埋单一百八十几蚊，以呢个价钱黎讲算系不过不失，但真系唔建议试虾饼。
继续阅读
我好日唔写食评, 但呢间野咁经典真系要分享下入到去叫左个二人餐先上牛肉汤粉, 上到黎牛肉已经熟到唔熟, 都算! 个汤入口咸到乸晒脷, 好在有杯青柠soda顶住再上小食耕盘, 叫左春卷同鸡翼, 已经系成个餐最正常第三样真系食到一肚气...肉碎生菜包, 肉碎真系得猪肉加甘荀, 可能太少料惊唔够味, 厨师d盐重手到呢, 我包埋生菜食饮晒成杯青柠梳打都解唔到果阵咸同味精...最后我好少有系食剩唔食, 因为真系摆唔到入口, 我怕食完会瓜左!第四样系炒三丝, 一上菜果下吓亲, 一堆野..芽菜, 扎肉, 同唔知系乜, 仲有个红色既水.....好恐怖, 样我无要求, 又系一个字, 咸!!!!!!!!!! 都系食左一口已经食唔落.....d staff一个二个好似唔想做咁....无礼貌食咁耐越南野呢间真系好经典, 差到一个点!!!!!请我都唔会再去!!!!!!!!
继续阅读
同朋友见面之后好想揾个地方食饭。啱啱经过有间越南菜馆。火腿丝好滑，芥兰好新鲜好爽口。餐厅里面空间不大，但非常干净。令我最深印象，服务员非常有礼貌。白饭好大碗，同朋友食到好饱。饮品叫左热华田，非常浓。炒芥兰里面有一些香料，在外面没有食过。我见到有生姜同埋越南辣椒，一啲都唔辣。火腿我怀疑系金华火腿非常浓郁。
继续阅读
帮趁了这个店4年，从来未试过有唔满意嘅时候，食物有水准，服务态度又好。每次嚟必食嘅系柚子虾沙律，盐焗乌头，无骨凤爪，烤薄饼，海南鸡饭，叻沙汤米佢哋嘅咖哩，猪手，龙眼冰，越南咖啡都好好味我系不停咁介绍朋友嚟食饭，朋友嚟食过嘅都赞好👍🏻
继续阅读
圣诞节倒到Aeon逛街购物，行完已经好攰，就准备揾晚饭食，本来想食日本菜，但因为大排长龙，见到呢间越南菜餐厅居然仲有位， 因为唔想等，就试下呢间啦！睇餐牌都有好多选择，价钱唔算贵。越式四色拼盘拼盘有四款食物，包括春卷、扎肉、虾饼 、猪扒。扎肉食落仲有雪，明显未解冻，其他炸嘅食物就比较油腻。大虾粉丝煲粉丝煮得过火，糊成一块，好难分开，虾颇新鲜，分量算多，不过味道略淡。越式炒饭冇乜材料，只有少少扎肉粒，虾粒和蛋，饭炒得干身， 唔错。香茅猪扒干捞面面底唔靓，有点糊糊的， 但香茅猪扒几好味道。虾酱炒通菜 通菜大大碟，不过好油腻。呢间越南餐厅嘅食物普遍偏淡、油腻，但价钱都好街坊，耐唔中嚟食下ok嘅，但如果日日食就唔得啦！
继续阅读