大叻越式料理 (已結業)

聖誕節倒到Aeon逛街購物，行完已經好攰，就準備搵晚飯食，本來想食日本菜，但因為大排長龍，見到呢間越南菜餐廳居然仲有位， 因為唔想等，就試下呢間啦！睇餐牌都有好多選擇，價錢唔算貴。越式四色拼盤拼盤有四款食物，包括春卷、扎肉、蝦餅 、豬扒。扎肉食落仲有雪，明顯未解凍，其他炸嘅食物就比較油膩。大蝦粉絲煲粉絲煮得過火，糊成一塊，好難分開，蝦頗新鮮，分量算多，不過味道略淡。越式炒飯冇乜材料，只有少少扎肉粒，蝦粒和蛋，飯炒得乾身， 唔錯。香茅豬扒干撈麵麵底唔靚，有點糊糊的， 但香茅豬扒幾好味道。蝦醬炒通菜 通菜大大碟，不過好油膩。呢間越南餐廳嘅食物普遍偏淡、油膩，但價錢都好街坊，耐唔中嚟食下ok嘅，但如果日日食就唔得啦！