大南五十二 (已結業)

大南街五十二號就係哩開日式居酒屋🏮連嗰名都係叫大南五十二，真係易記呀，唔會盪失路😜😜😜😜其實太子區得好少居酒屋，哩間係我一早book mark左既，但係淨係晚市，有次諗住黎今晏哩度既格局比較窄，我同朋友被安排左座收銀機前面，因為實在太少枱既關係，我地都okay既，打開厚厚的menu，原來都好多款式啵，嗌左基本既刺身啦，壽司，手卷，仲有牛油果軟殻蟹壽司，估唔到啲牛油果係打成蓉既，以為係一片片嗰啲然後嗌左啲燒物同埋梅酒原來哩度有好多清酒，梅酒選擇架

隱世居酒屋，唔起眼但刺身鮮味無窮入口即溶燒物有種炭烤味，但又唔會過火，牛舌略為淡味左d，但燒雞泡魚干好淋，係佐酒小食👍🏻仲有熟客先叫得的玉子燒，口感同出面唔同😭好彩有個日本蟲朋友評分:7🐷以上食物加支500ml柚子酒埋單$2000，係高水位的價錢😂

點了兩食鮮魚，刺身+火鍋，魚肉非常新鮮，還送了免費炸魚骨及前菜牛舌。火鍋菜配料很新鮮，小食也很好食，加埋啤酒及梅酒佐菜，整體食物質素高，價錢合理。另一亮點是職員服務非常有禮及很耐心介紹菜式，讚。

其實太子都有好多開到凌晨兩點嘅，不過日本嘢嘅話就真係得呢一間左右。今日一個人行下行下入咗呢間日本嘢，一坐低廚師仔就送咗一碟仔雞腎， 然後上茶擺嘢待應都好有禮貌，雖然餐牌裏面都唔算平，但係賣服務賣環境，先係小店生存嘅原因。最後我嗌咗 一個蟹子沙律，兩串燒肉，一份燒茄子，再加一個雞丸拉麵。超豐富，而且樣樣都幾好味，食到勁飽，深夜仲要有9折添，埋單$183蚊，你要好平就肯定唔係㗎嘞，但係我可以話畀你聽我食得好滿足。

平時去太子都會揀小肥牛，今日話要等半個鍾，就睇下邊間有位就去食啦!坐低左睇下餐牌唔夠一分鐘有位店員即勁sell刺身，見佢咁努力sell就叫一條魚試下。跟住又再不停sell唔同野食，我就隨便點幾樣。熟食先到???新派日本菜???串牛舌有3塊大細完全唔同，外觀不太吸引。食左一件，咸到不得了，真係食唔到，惟有放棄。跟住黎左幾樣串燒都係好咸，過左半個鍾條魚刺身終於到，條魚完全係好似條蒸魚訓響隻碟上面，算啦！魚生新鮮應該好食，點知魚生係未完全切開，係連住一串唔係一塊塊，仲覺得梅梅地，食食下仲有魚鱗響上面，完全食到一肚氣，仲要食左成千銀，中哂伏！

最近放工常常要去太子睇中醫,所以自然去多了附近找食,西餐經常食到加上放假也會下廚煮下野,反而日本菜比較少食,打開openrice search 一下找到了大南五十二,原來它就在中醫店的同一條街。門口掛着兩個日式燈籠,感覺像居酒屋一般親切,我早已厭倦了集團式的日本餐廳,而且這裏給我一種久違的感覺,手寫的菜單也不常見到。這裏有桌子也提供茶壺給客人自斟玄米茶,又是家的感覺。牛舌這是送的前菜,雖然是送的但卻一點也不馬虎,甜甜的羅白味加上稔滑的牛舌,感覺清中帶甜,甜中帶香,引人入勝~也令我對之後的菜式更添期望。豬肝一片片豬肝有着淡淡的煙熏味,外面有少少硬裏面好滑,味道像鴨胸加豬肝,佐酒一流,加上沙律醬令豬肝味道不再單一,酸酸地掉下胃口幾好。月見鳥冬簡簡單單的材料和成份加用心就成就了美味的菜式,鳥冬煮得彈牙爽滑時間及温度上掌握不錯,雞蛋用上了日本雞蛋更香雞蛋味,將雞蛋搞匀湯底由清變淆,但卻清甜中帯蛋香,令人不覺乏味。三文魚子及三文魚壽司雖然只有六件壽司但其擺位也不隨便,令人更有食慾,三文魚壽司的三文魚大大件而且是腩位,十分肥美鮮味,但包着三文魚子壽司的紫菜有點軟身,但味道絶對鮮味!廣島燒外面脆身裏

太子簡約居酒小店 – 大南五十二放假前一晚梗係食好點，到了太子的「大南 五十二」居酒屋開餐地址就如其名是大南街52號。睇報導話師傅從事日本餐廳近20年，出品正宗食物種類選擇多，亦有好幾樣是自家出品還是第一次見。裝潢簡約，食物牌貼滿全場，全店20來個座位難得全是卡位坐得十分舒適，私密度一流﹗吃居酒屋當然係慢慢吃傾下偈，先來瓶大吟釀清酒，$188，飲住再點小吃。食物不細數，只說好吃及特別的這兒的串燒調味不濃，烤得恰到好處，岩我地口味前菜牛脷軟腍入味，已留好印象螢光魷魚味甜鮮，配清酒一流推薦這兒的沖繩墨汁餃子，餃皮煎得香脆，餡料全黑有墨魚汁的濃香，特色美味自家手打黑蒜雞肉丸，以雞軟骨配雞肉打成，咬落脆口有質感，黑蒜汁極香甜，好吃﹔汁煮蜆肥美，個汁黑椒味濃，也不錯。Asaki生啤買一送一$48，唔飲唔得，整多個枝豆及炒雜菜，又是一個愉快晚上。這兒還有刺身壽司等，亦有特別的燒富士蘋果，飲酒多過食的我倆就無試了，價錢唔算貴，有機會再來試吓先。袁連的人生酒庫FB: smallsmallsmalllin

終於等到放長假啦！一連幾日安排左不同嘅飯局。第一日選擇食日本菜熱下身。選址在大南五十二，是朋友推介。地址？就是大南街五十二號。一早訂了位，六點鐘已經到達，抵達時尚未有客人，被安排坐在角落位的卡位，都幾寬敞。依到個氣氛都幾有日本風格，牆上全部都貼上手寫食物及價錢，電視正播著日本綜藝節目，仿如置身於東京橫街小店。店員先奉上熱茶，應該是玄米茶，清清淡淡。隨即店員再送上一碟燒魚骨，店員見我一臉疑惑，即解釋這是送的前菜"三文魚骨醋漬" 。酸酸的味道相當開胃。我們首先選了北海道海膽壽司及赤貝刺身，朋友上次試過，推介這是必食。再叫了店員推介的日本雞魚刺身及清酒煮蜆。 另外，各自選了三文魚壽司、油甘魚籽壽司及甜蝦壽司。來到居酒屋當然要叫酒，仍然是選了朋友上次飲過的惣礜純米吟嚷，米味十足酒香醇喉。雞魚刺身我是第一次吃，肉色粉紅色，雖然其貌不揚，但卻非常鮮甜及爽口。店員推介配酸汁令鮮味更突出，果然比鼓油芥末更出色。吃完刺身後，魚頭魚骨還可以燒熟來佐酒。活赤貝刺身一客兩隻，顏色帶橙，鮮甜彈牙。最吸引我的卻是裝飾的蘿蔔塔，藝術感十足。跟著期待已久的北海道海膽壽司，厚厚的海膽好像鬆軟的蛋糕，口腔充滿了北海道的海

今晚是每月女子聚會，大家都想食得清清地，一致決定食日本菜。上openrice check check, 有間響太子嘅新餐廳又有幾多正評，應該唔會出事。店員派左本相薄我地睇兼推介我地食日本原條魚刺身，最後揀左魴鮄魚，純粹因為個名得意。前菜好快送上，並唔係食評所講號嘅紅酒牛舌，反而係蘿拉煮牛舌，清清地唔會膩。油甘魚四點先上，分別為柚子、三文魚籽、芥末及明太子，都幾鮮甜。花魚一夜干個名幾特別，店員解釋依個名由來，因為日本人以前無雪櫃，所以將條魚用鹽醃一晚，抽乾水份才可保存比較耐，類似中國咸魚。一口咬落並不如想像般咸，燒過之後好香口仲保留油份，送酒一流。等左一陣，魴鮄魚刺身到了。魚肉煙靭鮮甜，食完絕對唔會彷彷彿彿。見到人氣推介，揀左北海都海膽壽司同油甘魚四點盛。一口氣將整件好滿海膽嘅海膽壽司放入口內，整個口腔立即充滿海膽鮮味，好味x10！$148/2件雖然不便宜，但的確物有所值。油甘魚有4種款式，分別為三文魚籽、明太子、柚子同芥末。柚子好香同油甘魚最夾，三文魚子一夾就跌哂落碟，最後要分開食。聞到串燒香，連忙叫番幾串送酒，包括安格斯牛肉串、鹿兒島黑豚腩肉串、日本雞翼、黑蒜雞丸、雞泡魚乾....串

今年團年飯為免同人迫，經朋友推仲左去依間日本餐廳，原來個地址等於個舖名，大南五十二就響大南街五十二號，店主都幾有心思。如果揸車黎記住響太子道西入，如果唔係就兜到暈。好彩一早已訂位，間舖仔得20個坐位，好快爆滿。我地被安排坐響角落的卡位，夠哂私隱！朋友話一定要食北海道海膽，叫左刺身試下，果然係好鮮甜，無介紹錯。剩係食海膽刺身梗係唔夠啦！再叫多個六品刺身，啲刺身全部都好新鮮，最鐘意食赤貝，好有嚼頭。天寒地凍，叫左個安格斯牛肉鍋，牛肉都有成十片，油花都幾靚，不過食到尾嘅時候，個湯底會有點咸。我地班焚化爐食完個鍋個肚都仲有大把空間，再叫左個店員推介嘅清酒煮蜆，廣島燒餅同燒飯團。清酒煮蜆味道幾好，可惜不是常有...燒飯團相當令人有驚喜，材料簡單，但燒得好甘香！有心機的小店，一定會再來的！

舊同學聚餐約了數星期終於約齊腳去傾台灣之旅細節，一行六人相約在太子，方便散水。第一次到這一間名為大南五十二的居酒屋，沒有豪裝，牆上貼滿手寫餐牌紙，連menu都是手寫的，都幾有心！小店都有頗多選擇，我地每人選了自己喜歡的。大家一致通過要叫的是北海道海膽壽司，見到門口寫住增量版，梗係要問下係點解。店員解釋這個海膽份量是坊間的兩倍，當然要叫啦！海膽好似蛋糕咁賬卜卜，海膽鮮味響口中爆發，十個贊！甜蝦壽司都幾大隻同鮮甜，再來的火炙芝士三文魚壽司好有口感，芝士同三文魚很好的配搭，再加上三文魚子，更是錦上添花。剛見到他們的Facebook po了醋鯖魚壽司，隨即叫了一客，酸度十足，很開胃。櫻花蝦奄列的醬比較多，蓋過了蛋香，有點可惜。

是弟二次去的. 同朋友找宵夜食,唸住簡單日式嘢滿足下想食sushi的craving. 找到這家開到2am,就去試下.結果喜出望外.  地方不大, 得幾張臺, 宵夜時間兩次都有位. 魚生新鮮, 本人十分欣賞連配菜的海草都吾馬虎!uni sushi, 兩件都差不多用了成板, 十分滿足, 當然吾平, 百幾蚊兩件, 但好食.劍魚腩sushi牛油果鰻魚卷, 好味道呀! 係d沙拉醬令件事港式左, haha!自家制丸, 幾chewy, 同個汁好正.  冷烏冬, 口感好.太子宵夜都食到呢個水準, 雖然吾係最平, 兩個人共$500左右, 但非常正. quality好比高價日本料理.我會再去的,現在有heart,好食,服務好又不太貴的小店越來越少, 希望佢生意興隆啦! 

大南街以往給我感覺係很舊很靜的街道原來近年已番了天變得食肆林立如 火鍋店,西餐廳,還有這夜我們飯聚的可愛日式小店大南五十二用上街名及鋪號作店名易記得來又獨一無二~這夜安排在VIP房坐得很舒適私隱度高~這夜有人陪飲當然要乾返杯啦^0^前菜有鴨腎咬口十足送酒良品後方的薯仔沙律香滑好吃跟MC爭著吃呢~另外這客係豬肝聽聞係日本貨來質感外層脆口內裡軟味道甘香非常迷人呢跟正義朋友食飯梗係食呢D啦^0^食日本菜當然不少得刺身啦叫咗北海道帶子$58,牡丹蝦$68/隻,赤貝$88/2隻,大拖羅$228/3片每樣也新鮮肥美,尤其赤貝爽脆至極味道鮮甜到飛起,另外超級油潤的大拖羅入口更滿是幸福呢!!不過最愛還是牡丹蝦厚肉糯口甜美誘人尤其它的蝦頭膏很是甘香醉人啊~高質北海道海膽壽司$142/2件飽滿迷人一口吃盡鮮香甜味~可否再來一件啊!!油甘魚壽司四點盛$78四款不同口味分別係青檸,芥末,橄欖油和柚子我得到肥美而油潤的柚子油甘魚壽司清香柚子味配魚生無得輸啦~這個黑蒜雞肉丸子很創新用上近年大熱的黑蒜做成丸子吃下肉質鬆軟先吃到燒汁香甜繼而幽幽黑蒜香氣才湧出確有心思^0^燒日本雞翼$18/隻其實我十分喜歡食全翼這兒用

以往大南街、基隆街，鬼影都唔多隻，係度開食肆，除非個鋪位係你自己既，否則，九四一三。隨著旺區的租金狂颷，非凡人可以頂得住，想創業搞食肆的朋友，若不是富二代的話，只有兩個方法：要嘛就向上發展，找些工廠區的樓上位置；要嘛就靠邊站，找一些荒蕪的地方。因此，今天的大南街，與及基隆街，存在不少餐廳食肆，漸漸地成為食街，晚上消夜的好去處。麻甩餐廳以外，大南街近月開了間日本餐廳，以街號名命，大南五十二。是晚，與朋友把酒言歡，只可惜CEO抱恙，與文廸未能前來，否則應該會更為盡興。下次啦！先來小食，豬肝，據云來自日本，我還是首次品嚐，是佐酒良品。咩都唔使講，再整碟刺身拼盤。赤貝、帶子、大拖羅與牡丹蝦，砌得靚靚的，放上網，呃Like無難度。呢碟嘢，一隻字可以形容晒，就是鮮！新鮮，味鮮，好很堅！有刺身，茅理由無壽司，來幾款特色一點的，咪下下都係三文魚。牛油果鰻魚壽司，只聽到Chloe妹妹不斷在叫：「我想要喎！」。海膽壽司，來自北海道，質素可想而知。油甘魚壽司，擰些少青寧汁，引出鮮味。也來點串燒，先有我喜歡的牛舌，口感最好。再者，試試店自慢的免治雞肉黑蒜丸，入口鬆化之餘，果真滲出陣陣黑蒜的甜味，蠻特別，值得推

因工作關係，經常都要深夜開飯，響openrice到search到太子有日本餐廳新開，今次搵埋個friend一齊happy Friday!見到menu大人氣推介北海道海膽壽司，叫一客試下先。朋友不太喜歡生的食物，所以只叫了一客壽司。隨後叫的都是燒物，燒魚骨，燒鰻魚，燒鯖魚等等來送酒。本來想叫玉乃光大吟釀，但店長推薦李白，都係大吟釀，就扮下詩人！入口酒香濃郁，不錯不錯。原來依到有前菜送，店長話係日本煙燻腸配黃芥末，有點像西式食法。豬肉腸有一點點煙燻味，因太肚餓關係，已經忘記同佢影相。海膽壽司很快就到，帶有海水味同甘甜，唔怪得之成為大人氣榜首。其他燒物陸續登場，款款都燒得香口，送酒一流！其中一款燒物推介是燒北海道帶子，一直都覺得帶子應該是刺身才可以食到鮮甜，原來燒熟帶子更有咬口。美中不足的是燒鰻魚的汁比較多及甜，可能個人不喜歡太甜食物。這個happy friday就在飲飽食醉後渡過了！