大勝丼 (已結業)

好像很久沒有食過魚生飯，在附近尋找一下剛好看見了這間便來試試內裡的裝潢平實，沒有花巧的設計但很欣賞在餐具上有花心思碗碟都帶和式感覺，而魚造型的醬油碟亦可愛非常刺身丼有9款，而熟食丼也有14款之多丼飯的款式令人花多眼亂而每個丼飯都會附送麵豉湯、飲品和甜品1500前來還有88折，價錢也算合理北海道魚生爆丼 $178刺身種類很多，包括海膽、吞拿魚、三文魚、三文魚籽、北寄貝、帶子、赤蝦、鱆紅魚和漬鯖魚整體味道不俗，尤其喜歡吞拿魚，很新鮮味美海膽和帶子亦很鮮甜漬鯖魚則帶酸，味道有點像希靈魚，頗特別的三文魚刺身 $38/3PCS、油甘魚刺身 $48/3PCS兩款刺身均很肥美，不腥魚的油甘香在口中徘徊是燒雞肉軟骨棒 $38/2PCS本人愛食生雞蛋，生蛋黃和日式醬油混合，是獨特的美味雞肉棒單食口感很單調，但加入軟骨後有脆卜卜的口感，很正麵豉湯喜歡飲這種清清淡淡的味道最怕飲到超鹹的味噌湯而且還會食到薄片白蘿蔔，不錯總括而言，刺身質素比想像中高比所謂的"日式"連鎖店做得出色很多沒想過旺角還會有如此不錯的丼飯，確實令人意外

計旺角嘅爆丼屋之後又多一間食丼飯嘅網紅店，比朋友係IG洗咗一輪洗咗一輪版之後，小妹決定一定要黎試下！大勝返全日都免假日嘅，喺OpenRice book位仲可以有八八折！星期六夜晚八點去到，出乎意料之外仲有好多吉位喎！小妹同店員講咗book位之後，店員就將我哋帶去一個卡位坐啦Menu上面寫到明全日免+1，而且面鼓湯同埋飯亦都任加的！丼飯都介乎係$100至$200之間，正常價位每個丼套餐都把一碗麵鼓湯一個當飯同埋一罐嘢飲。面鼓湯同埋出邊日本料理店嘅差唔多，冇咩特別，勝在飲完有得refill<三文魚帆立貝丼$128> （評分:4/5)三文魚有三四片厚切，帆立具有成四大粒，仲有少少魚子係上面，好足料！雖然遇上嘅味道唔係話好新鮮極妹食，但係咁樣嘅價錢可以食到咁足料嘅當飯算係咁食晒啲料加本身個飯底已經好夠飽，所以冇加飯！<火炙刺身丼$138> (評分:4/5）呢個火炙刺身當有好多種刺身，包括蟹棒、帆立貝、三文魚、吞拿魚等等（其實咁多款都幾好食，有啲唔係好知咩黎）刺身上面仲有一大對蟹子，加埋沙律醬撈埋壽司飯一齊食，真係幾正火炙刺身基本上淨係燒左面嗰浸，底仲系生嘅半生熟

門口有大紅燈籠好搶眼易認，帶有日式風格裝潢，以木系裝飾、枱......令人更舒適。最重要係明明服務好好，但免加一，實在太好啦，超喜歡。而且米飯同湯隨意添加，令客人必定滿足飽肚。而且個餐除左有湯、甜品，仲有埋飲品，都好抵好吸引。【火炙狂牛丼】$108，有優惠88折，所以$95食到。好香好惹味既牛柳粒飯，用大量洋蔥同黑椒爆炒牛柳粒，加上炸脆蒜片，香味大爆發，牛粒好嫩又多肉汁，黑椒既辣味越食越停唔到口，拌埋溫泉蛋汁，更香濃更嫩滑，餐廳更使用日本米，所以碗飯好香軟好咬。份量真係好多，連牛肉都好多，物超所值。味噌湯配料有白蘿蔔，清甜多汁又無渣，好好味，個湯亦不會太咸。最後甜品係雪糕糯米滋，為今日既晚餐劃上完美句號。

是日經openrice訂位，去到完全唔洗等直接入得。全日冇加一。同朋友一人點左一個丼，跟餐有野飲，白飯同麵豉湯都可以無限添，食完仲有一個雪米糍做甜品，都幾抵食。甘我點左帆立貝海膽丼，佢上菜會俾埋隻碟我，等我可以將啲魚生放係碟到先，唔會撈飯果陣撈到好唔方便。佢每塊帆立貝下面都墊左塊檸檬。小小一碗飯，啲魚生都幾足料，而且質素都唔差，幾鮮下。不過啲飯冧左啲，如果硬身啲口感會好啲。朋友點左溫泉蛋蒲燒鰻魚丼，佢話啲鰻魚幾好食。不過因為佢本身有醬汁，所以淋埋落啲飯到，果飯更加冧，佢都話唔好都係果飯太冧。整體黎講，服務唔錯，叫加湯果啲都好快手。食物質素唔錯，每人食左百五到，都幾抵食。

呢日同朋友落咗旺角行街買衫，行到旺角信和附近，見到有人派傳單食丼飯，見幾多款式就上去試吓啦😆呢到係免收加一同lunch hour有88折，感覺都已經賺咗咁🤑🤑同埋以食丼飯既餐廳相比，地方好寬敞吓可能呢個就係樓上舖既優勢，基本上舖頭最細張枱都已經係四人位，我地一行二人就坐得輕輕鬆鬆了🥳🥳食物我就叫咗火灸狂牛🐮丼同小食炸雞軟骨，原來叫款丼飯仲送埋湯同飲品，真係唔錯👍🏻👍🏻個飯一上埋，已經聞到炒到好香既洋蔥同蒜片味，再加上面頭半熟蛋，撈埋啲飯度食，簡直係冇得嘆😆，好豐富既味道，而啲牛係粒上既，粒粒都係好juicy同好好咬，而且份量絕對有驚喜🤤而個雞軟骨新鮮炸起，粒粒都脹卜卜，加埋佢啲少量調味，呢樣絕對唔會令你失望😳😳最後埋單我都係食咗百零蚊，可以話算係咁㗎啦喺旺角食🙆🏼‍♂🙆🏼‍♀

平日加班後偶爾會想跟同是宅友去信和逛逛看有沒有新漫畫或遊戲，行完一圈就得吃飯回家，時間其實趕得很但又想坐下來好好吃飯聊天。所以剛好見信和旁的餐廳派傳單，立即上樓試試看，畢竟是日本餐嘛哈。因是樓上店，座位挺寬闊，光線足感覺很乾淨利落。飲料是最基本的，凡吃一個丼飯都可點一罐飲料。我點的是辛辣油甘魚$108，油甘魚挺厚實一塊魚味挺鮮甜，上邊淋了辣醬，所以蠻惹味很好送飯。朋友點的是溫泉蛋慢煮燒牛丼$128，慢煮牛肉所以肉很入味但不老不韌，挺嫩身。加溫泉蛋拌一流。另叫了碟唐揚小豆池魚$60，炸得很鬆脆香口，炸皮又不厚。魚小小件很好吃又不會很飽肚。力挺。另叫飯會有飲料送，及飯後會有糯米池吃。價值實在味道不錯地理方便坐得又舒適。在旺角是不錯的選擇。

依個應該係我暫時食到性價比最高嘅丼飯預計到新年即將會食好多盆菜所以決定新年前都係食清淡啲唔好食咁多油膩嘢輕輕地叫咗一個普通火炙刺身丼飯不過原先我以為普普通通食個丼飯醫飽個肚就算點之入面既刺身全部都好足料有三文魚吞拿魚仲有應該係池魚不過入面啲料切得恰到好處唔太厚不過又有魚油既香吞拿魚半熟 不過面有火炙完既燒焦味入口好似牛肉既味道好食到我想問佢要散叫加單好可惜係無既唯有下次再過黎再食過 🤩成個set $138 部分時段仲有88折好抵 🤤

難得抽空同朋友聚下食晚飯，約係旺角，朋友話有間海鮮丼幾吸引，即刻去試下。餐廳位於旺角彌敦道地點方便。裝修簡約，坐位闊落，坐得非常舒服。丼飯選擇有好多。丼飯附送味噌湯，味噌湯和飯仲可以隨意添加。辛辣油甘魚丼，油甘魚厚切，肉質肥美，味道鮮甜，醬汁味道香濃非常野味，丼飯加了飯素，另丼飯的口感及味道豐富。泡菜豚肉鍋，材料十足，豚肉肉質嫩滑，食材與泡菜味道十分配合，加上白飯味道一流。晚餐套餐仲包括飲品。甜品是雪米糍。店員服務態度好，全日免加一，好抵食。

一走入大勝丼，餐廳畀人嘅感覺係好用心佈置，入口處有具日本風格嘅橙籠點綴。裡面四周都貼上有設計感嘅海報，望落好靚啊！落單前都糾結咗一段時間，事關餐牌頭三版都好吸引到我，最後我叫咗帆立貝海膽丼，而友人就叫咗火炙刺身丼。每個餐都跟麵豉湯、飲品，以及甜品麵豉湯入面有白蘿蔔，好入味👍🏻跟餐嘅飲品有以上幾款，但有得揀韓國飲品似乎有啲格格不入🤔丼飯大約有半板海膽、四塊帆立貝以及三文魚籽。海膽質素中上，但未算非常鮮甜。帆立貝就新鮮，配埋檸檬嘅酸，就更加帶出佢嘅鮮味。但飯就略嫌偏濕，影響口感。整體我認為友人食嘅火炙刺身丼更加好食😳最後，甜品以一粒雪米糍作結～餐廳星期一至日lunch堂食都有88折，而晚市就星期一至四有88折，計落一百幾十蚊就有一個丼飯，都幾抵食！

忙碌星期一第一日 收工想輕鬆下去食D野咁岩先生放假 咁我就話不如食飯啦本身想食牛扒果D 但又怕太heavy先生又記得我想食日本野 咁佢就提議話食日本野啦咁岩見到經open rice book位有88拆 睇食評都話唔錯咁就試下啦一上到去 餐廳都算大 位同位之間都唔算逼 有D係卡位黎 都幾闊落呀因為我一個人到先 好快我坐低之後 店員就比左熱茶同麵豉湯我飲原來麵豉湯同飯唔夠係可以添嫁 我同先生都各自飲左2碗呀又夠熱唔太鹹 值得一讚我就叫左甘蝦海膽 先生叫左北海道魚生爆丼 有5隻甘蝦同海膽 好足料 仲有小量魚子 粒粒都漲卜卜 又唔會腥先生個個有厚切三文魚 我見到係勁肥嫁我問先生好冇食 以佢唔係特別中意食生野既人黎講 佢都話好味幾鮮當日每叫一個丼飯係有跟野飲 最後仲有糯米池送呀 值得加許既係冇收加一呀 

大勝丼 (旺角).⚜️ 帆立貝海膽丼⚜️.有三大粒帆立貝，每粒都切開再夾有一片薄薄嘅檸檬，非常之清新！另外有一版嘅海膽，再配埋有勁多粒嘅魚子，好豐盛！.⚜️甘蝦海膽丼🍜⚜️.有成五隻嘅甘蝦，再配上一版海膽同埋一大堆嘅魚子，佢哋嘅飯選用珍珠米，而且上面仲有一啲飯素，唔係淡而無味嘅白飯！每惠顧一個丼飯都會跟一罐冇酒精飲品嘅，咁我哋就分別揀咗可樂同埋忌廉溝鮮奶！食丼飯再配上有氣嘅飲品味道更加一絕啊！(⁎⁍̴̛ᴗ⁍̴̛⁎)雖然價錢有少少偏貴，但係呢佢勝在不需要加一服務費而且呢喺店舖樓下呢有傳單索取！ 憑單更加會享有折扣優惠啊！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️ .📌大勝丼 (旺角)旺角彌敦道594-596號旺角新城5樓

同個志同道合嘅老友係信和中心買完玩具之後，咁就到左食晚飯嘅時間啦！行行下條彌敦道，有位姐姐派傳單，話有好好味嘅丼飯，咁岩我地又想食下日本野，咁就上去食下啦！搭電梯果陣都好好笑，我地兩個傾計話如果無人就即刻落返去，點知一開門原來全場都爆晒，重要好彩有其他客人剛剛食完起身我地先有位坐呀！唔係就要等位呀！咁店員就安排左我地坐啦！座位都ok好坐，好啦，等我地望一望個menu先！個menu都幾豐富。咁主角就當然係丼飯啦，咁丼飯就有刺身或者熟食嘅，咁我地都選擇左好耐就揀左以下兩款丼飯啦！咁飯黎之前店員都會送上麵豉湯，個湯好足料，好好味，而且係無味精，好開胃。首先我朋友就選擇左溫泉蛋慢煮燒牛丼，佢一黎個飯唸都唔唸就吉穿隻蛋啦，等隻蛋嘅蛋王可以流落d飯度，咁就更加好味啦！佢形容個飯d牛肉好香，好有牛味，而且我眼見牛肉都好足料，再加埋餐廳果d 秘製醬汁更加精彩，所以佢就好快咁樣秒左碗飯啦！而我就點左個甘蝦海膽丼，上枱果陣賣相都ok, 同相片係完全一樣，所以我覺得menu就根本唔需要加上圖片只供參考字眼。我成日都強調，一個餐廳經常都滿座，食材就一定貨如輪轉，食材就一定新鮮啦。我第一啖食左啖海膽，果然係好鮮

門面裝修仿日本feel， 一睇就知係食日本料理 入到去，坐位都算坐得寬敞，我哋被安排坐卡位冇幾耐店員就送上麵豉湯。我哋兩個都揀咗午餐。午餐跟免費配汽水或指定飲品。 午餐選擇都好多，有多款新鮮丼飯同埋熟食，適合唔同口味嘅客人。我叫咗帶子海膽丼，帶子都好多而且好厚，好新鮮好鮮甜 而且仲有魚子，配埋一齊食增加鮮味。海膽都有一小板，而且都幾新鮮。丼飯新鮮好味。海賊丼燒得幾香，有海饅仲有左口魚，味道都幾好味 醬汁都好夠，夠食曬成碗飯。午餐仲包甜品，係雪糕糯米糍。 丼飯嚟講唔算貴，而且幾好味，係一個好選擇

今日公司年近歲晚,工作量大增,真係做到有氣無地抖,所以今晚去食果間餐廳既形容詞多數係性價比高、抵食,叫做"大勝丼",故名思義係食日本丼飯，咁今晚我地叫左個帆立貝海膽丼,依個丼用料非常新鮮,帆立貝味道鮮甜而且肉質富彈性,有入口即化既感覺。仲有黃澄澄既海膽鋪係珍珠米上,食落去,一點點腥,一點點咸,係一種想像中既清凈海水既味道 - 舌尖輕呡,慢慢咁壓出左一絲甜,果種屬於海鮮特有既清甜以及無以言表既鮮味。另外叫左個照燒鯖魚丼,一般吃烤鯖魚最怕就係有腥味,但今晚吃既時候就無依個問題,不但肉質食起黎入味,而且有魚肉本身既鹹甜,加入檸檬後更加爽口。最後叫左炸蒜香雞軟骨,炸蒜味十足,食起來脆脆又嫰嫰咁,口感很特別,而肉質好飽滿,食起黎好紮實,口感勁鮮嫰,送啤酒一流，埋單仲有88折。

又係無所事事既一日，5點幾扮完工，又係時候去行下街，行到黎信和呢邊，收到姐姐派傳單，比個88折吸引住我。📍位置餐廳就係信和隔離，旺角新城，上5樓就係，唔難揾既。❣️環境&座位呢度裝修簡潔，光線充足，空間感都幾好，比我一種好順心既感覺。岩哂三五知己一齊黎食個飯，傾下計咁，呢度仲有卡位添啊。❣️Menu 菜式方面呢，呢度設有最低消費每人$100or 一個丼飯。同埋只要隨丼飯，就會跟埋味噌湯、飲品、甜品，性價比超高。✨甘蝦海膽丼 ($148)一上枱，呢個造型真係贏哂，有5隻大大隻既甘蝦，入口味道鮮甜，沒半點腥味。加埋半板海膽，粒粒外形飽滿完整，色澤金黃，表面乾身兼且顆粒明顯，口感creamy。✨三文魚帆立貝丼 ($128)同樣的大把大把既三文魚籽，一咬落去，鮮味爆發。三文魚好厚切，魚肉又爽口，食得出係幾新鮮既。而帆立貝都好厚肉，開左邊都仲係好厚身，肉質都好結實，size都唔細。✨炸蒜香雞軟骨 ($42)我地仲叫左個小食，雖然呢個炸雞軟過令我好有罪惡感，但真係好好食，炸到脆卜卜，size都好大粒，偶爾食半碟都唔係好過分姐！食落口又真係做到好似日本啲居酒屋咁，又香又脆。為我地既晚餐畫上完美句號。❣️總