大力水手炸雞 (已結業)

在回歸假期前必須再接多個Trip，再住華北走一趟，好在有E-ticket這類不需為取票而煩的東西。訂了早機，累到人到了機場後都不想浪費時間揀選食肆，在趕時間的情況下就來這裡要了客不錯的早餐。炸薯粒、魚柳包及一杯熱朱古力。魚柳包的魚柳味道另舍不同，夠魚味之餘還有點魚腥味，配上沙津醬，好味！炸薯粒夠脆口，差不多廿多粒好像吃極不完！熱朱古力夠濃夠味，新鮮滴溜。價錢是絕對的超值，服裝是快餐形式，不需考究，仍是這樣，清完份早餐就趕頭趕命的上機去了。

KFC分店很多, 然而大力水手卻只在機場開場, 不見大力水手比KFC差很多, 不開分店原因實在不明.點了一個套餐, 有炸雞兩件, 雜菜沙律, 牛油鬆餅及一杯汽水.炸雞挺乾身, 但不'鞋'口, 皮亦夠脆, 不吃雞皮的我也禁不住吃了兩口.沙律的dressing酸酸的, 令人更加開胃.牛油鬆餅極鬆化, 軟身的, 而且牛油味極豐富, 十分可口.將KFC與大力水手比較, 各方面都覺得大力水手較優勝, 能開分店也會嘗面支持.

在機場開餐, 沒有哈迪斯的日子, 個心還想著炸雞, 一心稔住幫襯下, 叫了一個兩件唔辣的雞餐, 配一個大力水手飯, 隨餐一杯coke light同一件鬆餅。鬆餅其實唔鬆, 外脆硬內林豐, 細細見都有飽的感覺。第一次幫襯佢的唔辣炸雞, 我真係想說句粗口, 有咩理由仲難食過kfc。個脆皮炸到硬一硬, 有些部份炸到吃出苦味來, 真係未試過炸雞會難吃成咁。咬到肉的部份, 乾過豬肉鬆, 真係完全令我失望。仲有, 呢處的餐附上的係細汽水(等同麥當勞的中杯裝), 次次買餐佢先問你要唔要加大個餐, 跟住問你"係唔係飲中汽水?", 如果你答係, 就要加錢, 如果唔係食慣的, 跟住就見到杯大過你想像中的汽水。可能少人幫襯, 只得一個人間中從廚房出來執野, 地方都唔係好乾淨。

十五號離港前同女朋食少少野先，正如樓下所言，招呼的確唔錯，有禮貌！問題係點解香港既雞點會做得比美國差呢？K.F.C.係咁，哩度又係咁！另外小弟將汽水轉做咖啡，冇問題，值得一讚！可惜係小姐推介小弟加四蚊轉做Cappuccino，一睇係全自動機，心想就算難飲極都唔會好難飲，點知好甜！原來已經自動加糖，係唔係應該先知會一聲呢？小弟喜歡飲咖啡唔落糖，同小姐講，佢至話係甜既，可以幫我換，但換來既衹係一杯普通咖啡，白白唔見四蚊，錢係小事，但熱飲唔應該加糖囉！無奈！

Popeyes炸雞與KFC,一如Burger king與老麥,勢不兩立,老麥日前已悄悄地從機場消失,而Popeyes在禁區內外亦先後占一席位.套餐變化可不少,一個$40左右的套餐已有雞柳六件,大力水手飯一少盒,牛油鬆餅,炸薯條及汽水,內容可算豐富,可惜雞柳肉質死實,雖然熱辣辣,但炸得過火,香草味更有點嗆喉,炸薯條反而放得太耐,無黎火氣,最難頂個飯,用雞肉碎及香草混雜,既淡口又乏味,失敗!但最討好凡反而是牛油鬆餅,鬆化而帶牛油香味,蘸點蜜糖,更是相得益彰!論服務是無話可說的細心,但食物品質始終亦非本人杯茶!

上機前的一刻, 不想又吃不難食的burger king, 是次一到popeye來客早餐點了一客雞堡早餐, 三十多元在機場並不算貴了, 先來一口咖啡, 苦澀味頗重的, 不過早上睡意未清時, 來一口也是不錯的. 雞堡的雞真是薄如白紙, 而且乾身程度也與紙張不惶多樣, 幸好有一堆生菜, 加添一點濕潤感, 麵飽都是溫暖香軟. 令人驚喜的炸薯寶, 熱熱脆脆的, 絕對比炸薯條的好吃, 亦比家鄉雞的好吃.最好不過的就是一杯熱得要命的咖啡, 雖然燙到了舌頭, 但總比微溫的好

過左關之後果間係難食d. 太乾身, 又唔夠熱.如果要食, 盡量去未過關前果間.

考試完畢，總算舒了一口氣。為了讓自己得到最完全的休息，早跟朋友訂了機票外遊...可惜早機.....不打緊..反正已多天沒有好好的休息...用EAT THERAPY 提晨吧...叫了一個炸雞飽餐(約$28)...有薯寶及熱咖啡...當然要吃最FAMOUS 的BISCUIT ($5@）....BISCUIT 4/5...好香牛油味...最後帶走...晚上在上海的酒店才吃...仍然好香....但大個一點就更好炸雞飽．．雞肉小小的．．ＯＫ．．即做．．但是不熱　（ＷＡＩＴ3 MINTUES）薯寶及熱咖啡．．．ＦＡＩＲＬＹ　ＰＯＯＲ不知道是否太早沒有胃口．．．．但都值笑面

通常每年這個時候開始，就要四圍去做Year End review 及來年的Profit Plan，好的話就可以由赤臘角走，差一點就是褔田，最後就是白雲，無論怎樣說，在珠三角區域，香港的赤臘角是最好的，起碼在禁區多多食肆選擇。選這裡全因是次都是相當匆忙，一來是不想‘享用‘航班美食，二來想試一下這裡的New Orleans Style 的炸雞，怎樣說這裡都是全港唯一嗎！點了一客套餐，內為二件指定炸雞、Biscuits、雜菜沙律及Coke Light。因要求走翼，故炸雞是一件雞鎚及雞身的雞件，這裡的炸得通透之餘滿口動物油脂香味，所以話新鮮豬油永遠是最香的說法可套用在此，而雞件的味道更好，個人覺得雞件味道比KFC勝，但雞鎚則相反，這裡的雞肉沒有太多味道，怎說後者的獨步醃料單方是絕招嗎！Biscuits 的濃鬱牛油味及乾乾的口感不太接受，半個已經放棄；雜菜沙律的酸酸味道挺特別，幾開胃幾消滯。個人來說整體只是件炸雞件及雜菜沙律可以，但又不至於相當吸引，嘗過就可以，怎樣說KFC 比較方便吧！下次又在這裡找東西食吧！

今日因公事關係，要在機場吃午飯。剛走到這裏，看一看所有set meals，立即有想走的衝動。全部套餐都有大力水手的分量，都是炸雞、薯條、大汽水、炸肉包的組合。若不是看在有座位的份上，早已逃往別處去了。深呼吸一下，決定了只要一種炸物的套餐。$39有汽水、兩件雞、薯蓉及鬆餅。店員有禮亦有笑容，清潔的員工亦算勤快。薯蓉及鬆餅水準可以，炸雞比KFC和哈迪斯更好，雞表面乾身，咬下去卻又熱又多汁，不愧為招牌食物。這樣的快餐不能多吃，但個人非常欣賞這種做好本分專長的店子。

諗起某飛機餐，已經一灰- 還是帶點料子上機吧。預o左禁區內物事開天殺價- 當是個double 吧；但如果是個double 的話，又好似幾抵：半個拳頭般大的Butter Biscuit（$5），竟有昔日KFC 英式鬆餅的餘韻，但濕了點；大健樂$14，比老M 大健樂肥大成倍。炸物也許不錯，可是一來本身不好，二來帶得上機開餐，不是賣相味道不討好，便羨煞死旁人...算罷。

尋日２點鐘去到機場送機，見仲有段時間便入去食下野，原本只叫了鬆餅，但見未食過辣趣薯條，就順便叫黎試下，ｏｒｄｅｒ時服務員還問清楚要大定細，還自報價錢，大包辣趣薯條要＄１４，細既就＄１０．鬆餅，次次食都覺得好食，尤其係加埋ｄ蜜糖一齊食．到食個辣趣薯條，真係唔掂，凍冰冰都算，完全唔辣，唔明點解改呢個名，ｄ薯條顏色仲要深色過哈迪斯既扭扭薯條．同埋偏鹹．

知道全香港只得機場有大力水手炸雞，就趁放假去試試，但有些少失望。炸雞：比較乾身同老火，但比kfc的來得有雞味（kfc的只是一舊香口的炸肉而已，唔係好似雞），但冇哈迪斯的咁鮮嫩同juicy，不過呢度ｄ雞肉又比哈迪斯的夠味。總的來說，佢ｄ炸雞好過kfc少少，但差過哈迪斯。牛油鬆餅：ｏｋ，或者因為我一向唔太鍾意呢類食物，但勝在幾飽肚。食完炸雞同佢之後，已經唔想食其他野沙律：差左少少，不過可能所有炸雞店都係咁既貨色薯條：平平無奇，比哈迪斯的炸薯圈差好多，亦比kfc的脆薯塊差，比麥記的薯條差，一句講晒：老火但唔惹味炸蝦：ｄ炸蝦有好大陣味，應該是雪味，不太好總的來說，若以快餐店來說，算係貴左，而且貴得唔太合理，尤其是散叫，一件炸雞要十三元，是太貴了，尤其是係咁既質素。間舖的位置完全不顯眼（凹左入去），燈光又太暗。食物太老火，可能因為咁，所以食完喉嚨有ｄ“確”，要飲左杯凍菊花茶才好番ｄ。如果佢以呢種質素同價錢係市區開舖，應該係生存唔到。

Popeyes的確好食過KFC,不過價錢亦貴過KFC.10點幾上機前食個早餐先,不過絶對唔似食早餐,因為我要了一個較肥膩的餐($38).有:雞胸肉一件,雞肶仔一件,鬆餅一件,細沙律+可樂雞肉好亁身,唔會油淋淋,d皮都幾脆口,不錯,好味過KFC,不過好似咸少少.鬆餅真係好味,好鬆化,唔會"實的的",加上牛油仲香口.沙律係成個餐最好食,我唔係好識形容,淨係知好啱我口味.服務唔係好得,個女仔對外國人就"笑茄茄",對香港人就"黑口黑面",一個字....差!

今日係家姐回程既日子,我地到左機場後去左一間大力水手炸雞餐廳打算食少少野。對我來講炸雞食品都唔係咁討好,但由於妹妹一睇見POPEYE 就好鍾意,我地只好坐底試下啦。一走入POPEYE我睇見既只有紅色一片的公仔牆身好特別,我地睇左陣餐牌就點左一個4號餐加妹妹既一個兒童餐共80多元,好似有d貴,不過味道都唔錯。薯容辣辣地幾好食入面有d肉碎、個餅就一般喇乾曾曾、fries又話辣但都唔辣既,不過都好好食夠脆,最後梗係d雞啦,d皮又脆又熱,起碼唔會似KFC咁禁多油先,而兒童餐既公仔都好可愛,可惜要買一set既話太貴喇成120元先得8只。講起買野o個陣個姐姐都幾好態度,又搞笑,就連個名都特別搞笑過人,哈哈~奶姐姐<br />本身諗住買2個餐姐, 點知佢又咁多野問,問要唔要加呢樣加o個樣真係有d唔耐煩,最後埋單加到80幾蚊，佢真有一手,害我比亞媽話我買咁多野食不特止,d飲野仲要買咁大杯,都唔知飲唔飲得晒。<br /><br />經我留意,全店最奇怪的是,全場只有我地一台跟附近的2台就冇人。真的好空曠,好正ar<br />