大伯紅豆餅 by 阿元來了 (已結業)

自2020 年之後都冇得去台灣， 難得見到一間正宗台灣菜，緊係要入去試下。裝修都有台灣小店既感覺。 菜式有台灣紅豆餅，香港人食可能會覺得比較甜，不過習慣台灣味道既我係預料之中！平價台灣菜推介。🤪🤪😛😛

一直想試好耐嘅車輪餅，因為見到個地址唔係好熟路以為喺啲好入好遠嘅工廠區到，但發現其實由牛頭角站穿過創紀之城去都唔係話真係太難搵，仲要宇宙天團係異國風情畫都介紹過呢間，掂呀！因為冇留意餐廳嘅營業時間，我去到已經5點幾，本身好想試吓芋頭麻糬同埋珍珠奶茶餅都已經賣晒，所以最後只係叫左一個Oreo咖啡餅，而我竟然喺佢嗰日最後一個食客，因為到5:30pm做埋我張單已經話要關門啦。食物係需要時間製作嘅，所以要等都係合理，一拎上手係燙手，真係好熱好熱，即叫即整，我起碼等咗接近半個鐘等佢涼返啲先食到😂車輪餅面頭好cute咁夾咗塊Oreo，入面嘅麻糬非常煙韌，而且佢嘅咖啡味非常之濃，真係超級好食！食完好滿足，好幸福😆 下次我一定會早啲嚟排隊🥲希望可以試到其他味道啦😍

💬 這星期要到聯合醫院實習，因此與同學們租了觀塘一間酒店住宿，這天下班經過「大伯紅豆餅」，決定買兩個做下午茶，慰勞辛苦了一天的自己😋😋🥯期間限定：榴連忘返 HKD 23愛榴連之人絕不能錯過！！又熱又脆的外皮裡面包著豐富的榴連肉！一咬開外皮，榴連的香味立刻撲鼻而來，咬下去的口感滿滿，再多吃兩個也願意😍😍⭐️評分：5/5🥯芋頭麻糬餅 HKD 13內餡清甜，不算太濃郁芋頭味，適合像我一樣喜歡清甜味道的人，麻糬煙韌，像咬草餅的口感！配搭不錯！⭐️評分：4.5/5味道 ★ ★ ★ ★ ★抵食 ★ ★ ★ ★ ★服務 ★ ★ ★ ★ ★

曾經有段時間香港有日式， 台式紅豆餅賣， 潮流一過又消失了， 疫情沒法去日本， 台灣食， 終於阿元來了把台灣紅豆餅帶來香港， 感動😭店員很好， 下午午飯時間趕不到去預訂， whatsapp 店員下單， 放工去取， 取貨比錢， 真的方便， 謝謝店員。已經買過3次紅豆餅， 即食最好， 買回家番焗食都好， 不過最好即買即食啦， 超香脆， 料又足， 好夠風味。個人1）最愛花生麻糬～花生醬夠香， 麻糬煙韌2）Oreo咖啡 ～ 夠特別， 餅面有oreo餅， 饀料充滿咖啡味, 3） 草莓奶油～奶油好滑4）酒漬葡萄奶酥， 珍珠奶茶餅，芝麻麻糬。。。。。仲有好多味道大家一定要試。真的好好味

終於有機會嚟到啦~~買三送一平均$9一件左右真係幾抵食仲要即叫即整行過已經聞到好香如果即食嘅話應該會好食十倍買咗幾袋好似被啲姐姐嫌棄買太多咁🥲密密整嘅姐姐洋蔥起司培根 $13我最鍾意依個依個配搭加埋胡椒好香好好味🥺如果再多啲芝士嘅話就完美花生麻糬餅 $12爆晒餡花生好香濃而且花生多麻糬少所以幾啱我奥利奥咖啡餅 $12成塊Oreo嵌咗入去咖啡餡流晒心但未係話好濃郁🤔以下3個都唔食嘅嘢😂經典奶油紅豆餅 $12芋頭麻糬餅 $12芝麻麻糬餅 $12如果佢多啲鹹嘅味就好嚕同埋出多啲我食嘅味就更加好😶仲有 雞蛋糕 $25 (6粒)一向都好鐘意食雞蛋糕外脆内軟 少少甜細細舊 食得又方便

同貓貓同事食完生日飯然後我哋撐完枱腳發現餐廳冇甜品食硬係覺得爭咁D突然發現呢度有間紅豆餅食即刻嗱嗱聲去買外賣返公司先佢嗰度有好多款紅豆餅，但係我見到麻薯餅好想試佢仲有花生，芝麻同芋頭揀見Openrice 有人推介花生，又有人推介芝麻但就冇見人推介芋頭，所以就等我做個白老鼠啦😆貓貓同事買咗一個芋頭一個花生俾我食😛我返到公司就即刻食咗個芋頭麻薯餅，真係好好味😆熱辣辣個麻薯又煙煙銀銀，好正吖跟住大概四點下午茶我先食個花生麻薯餅可能因為凍左，都係即刻食好味D😆而且花生味其實係花生醬，偏甜我都係鍾意芋頭多啲

人氣店舖阿元來了的大伯紅豆餅終於去試了，店舖在阿元來了旁邊。主要售賣創意口味的紅豆餅和雞蛋糕，另有數款飲品供應。去的當天沒有雞蛋糕，唯有只買紅豆餅吃吧😭。💥芋頭麻糬餅：口感幼滑煙韌，味道不太甜😋💥花生麻糬餅：是絕配的組合，味道香濃口感煙韌🤤💥草莓奶油餅：味道像草莓乳酪挻香，但略甜🙄💥經典奶油紅豆餅：粒粒紅豆口感豐富，味道不甜💕看到滿滿的材料真的心動了❤，食物用料十足，家用微波焗爐加熱30秒就可以，口感與新鮮做出來的味道相若。由於店舖在做買三送一優惠，所以感覺便宜一點🤣。

💛💛💛-經典奶油紅豆餅 $12芝麻麻糬餅 $12(買三送一)-終於畀我試到阿元來了嘅車輪餅!😻 呢度淨係開office hours, 星期日又全日休息, 真係好難得食到👊🏻 全部都係即叫即整, 都要等10-15分鐘... 一拎上手係熱辣辣嘅! 整體都係蛋糕質地, 冇咗平時外層脆脆哋嘅口感😐 入面雖然爆餡, 但係味道都係好普通, 綠茶同芝麻味偏淡... 差唔多價錢嘅選擇我會prefer美孚嘅車輪餅🤔-🍴6.5/10

大伯紅豆餅by 阿元來了｜牛頭角-超級好味的工廈紅豆餅-🔴經典奶油紅豆餅 $12超級驚喜的紅豆餅，即叫即做到手熱燙燙的，外脆內軟擠滿了紅豆餡，就算吃得再飽也能吃下一整個紅豆餅，絕對想一試再試！必試‼️

食完阿元來了有啲意猶未盡仲想食少少甜嘢，所以就喺出面買咗紅豆餅做甜品。因為佢係即叫即整，所以等咗三個字先拎到。今次試咗紅豆，花生，我覺得花生好味啲。下次我想試Oreo同珍珠奶茶。

«107»即叫即整紅豆餅 買三送一$9就食到粒😗﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷經典奶油紅豆餅 $12▶珍珠奶茶餅 $13▷芝麻麻糬餅 $12▶抹茶紅豆雞蛋糕 $28/6粒冇時間食飯買幾粒車輪餅當lunch食😗見到珍珠奶茶味就有想試嘅衝動，仲有埋芝麻麻糬即刻狗衝！😍即叫即整一拎上手係熱到彈起，影完一輪相就差唔多食得😂 不錯不錯！餅皮外脆，中間濕潤唔乾，一咬開爆餡咁湧出黎🤤 個餅有彈性但蛋香就一般啦，啲餡冚晒～芝麻麻糬>>>珍珠奶茶，因為原來珍珠溝餅皮質感唔係好夾，但麻糬就超夾！又煙韌喎～🤗 抹茶紅豆雞蛋糕我不了，食咗一粒覺得好乾😕 整體甜度適中，唔會over咗。最後我咬完一啖要做野先，跟住放凍咗再食返都仲係好食嘅，當然熱食更佳啦😂食完上openrice搵地址先發現原來啱啱開個陣(幾個月前)普遍都話麻麻唔太得，但我食呢轉幾滿意，應該係有聽意見改善咗🤓﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣大伯紅豆餅 by 阿元來了牛頭角鴻圖道28號地下B號舖

呢排冇得去旅行，好掛住台灣嘅街頭小食。冇得飛咁唯有喺香港搵下台式小食解一解思念嘅感覺啦！喺牛頭角工業區入面有間隱蔽嘅大伯紅豆餅，係一間街頭嘅台式車輪餅店。去到都已經有十個人左右揸住飛仔等緊餅，大部份係即叫即做，等侯時間大約十分鐘左右。車輪餅有咸有甜嘅選擇，有經典嘅紅豆味，亦都有好特別嘅Oreo/ 酒漬葡萄味。經典奶油紅豆餅 💰$12即叫即做嘅紅豆餅好燙手，餅皮加左綠茶粉，有淡淡嘅綠茶味。餡料係紅豆奶油，份量都好多，紅豆都幾軟綿，不過味道就偏淡，冇乜紅豆嘅香甜味。榴槤忘返 💰$23寫住期間限定，忍唔住嗌左份榴槤忘返。餅皮係原味，一咬開熱燙嘅榴槤餡就吱出黎，榴槤香氣四溢，推介俾熱愛榴槤嘅朋友。

觀塘工業區發現左呢間專賣台灣車輪餅的小店，原來係「阿元來了」一份子！由於我唔食紅豆，所以從來都唔會叫呢樣小食做紅豆餅，好彩呢間都唔只係得紅豆餡！睇下餐牌都有好多口味！仲有雞蛋糕選擇今次揀咗珍珠奶茶味一試！即叫即做，攞到返OFFICE仲熱辣辣。珍珠奶茶餡料都唔錯，個人認為甜左少少，下次再試其他味先

早兩日同Miss W 去觀塘食Lunch !佢推介試下食車輪餅，立即比四隻大字‘期間限定’吸引左😆‘榴槤忘返’$23，呢隻差不多貴其他款式一倍，買時我都有少少肉痛，但食落又幾好味😉，佢榴槤餡料唔係話超爆漿個款不過都算多，榴槤蓉嘅甜度頗高，唔會食到化學味🤣‘搽茶紅豆雞蛋糕’$28/6粒，外形好得意成隻蛋咁，上面印有日文字但唔知點解😁😁，味道方面就唔係好甜，搽茶味好濃能帶出佢甘苦味，但亦蓋過左紅豆餡嘅甜味，抑或其實紅豆餡本來就好少都冇咩味，如果能多返d餡或換過隻甜d嘅會更好😊😊雖然等左15mins,但等嘅時候見到個製作過程，同聞到好香嘅榴槤味，都幾治療！😌😌

一天路過牛頭角，見到有燒餅買，就買了一個燒餅試試，原來是即叫即整，店員叫我10分鐘後再回來，10分鐘後，燒餅終於到手，外層好脆，入面嘅餡了超多，cream非常滑身，不會太甜，肚餓作小食一流。